暖心芝作

營業中

休息中

約咗啲舊同事食飯，喺大角咀行出嚟太子行到熱死辣辣，見未夠鐘諗起呢度有間舖頭專賣芝麻嘢，就專登過嚟食雪糕涼快一下。可能係平日嘅夜晚，唔算多人排隊，都係大概10個人到好快就可以買到雪糕，難得唔使點排隊就買咗雪糕同埋芝麻卷。雪糕第一啖咬落去吸有驚喜，驚喜在於個醬真係好濃，反而雪糕就感覺冇乜特別，但係上面個芝麻醬實在太濃味，直頭想返轉頭淨係買樽醬。買嘅時候問個售貨員啲芝麻卷可以擺幾耐，佢話即晚要食咗佢唔可以放隔夜。咁食完飯就即刻啪埋佢，芝麻卷真係要新鮮食，如果唔係就會變硬，佢呢隻芝麻卷唔會太甜，但係個芝麻嘅味就唔算好出，可能係之前雪糕嗰醬實在太出色，有少少比下去。如果唔想排得咁犀利，真係唔好假期先嚟，呢啲非繁忙時間食又幾好。

經過就聞到芝麻味超濃！既然要排一陣隊，就一次過試埋黑芝麻軟雪糕、流心黑芝麻布甸，夠晒香滑，唔甜，有濃濃既nuts 味，大愛❤️性價比好高，黑芝麻雪糕上面嘅醬超好食。Smell the intense sesame aroma when passing by, tried the black sesame soft serve and the molten black sesame pudding at once. They are super creamy, not too sweet, and have a rich nutty flavor. I absolutely love it ❤️ The cost performance is really high, and the sauce on top of the black sesame ice cream is delicious.

有朋友介紹同我講呢度嘅芝麻雪糕好吸引。同埋朋友喺呢一間店到買咗一樽陳皮燉檸檬俾我沖嚟飲，試完之後都好好飲。所以決定嚟呢度食吓佢個芝麻雪糕，嗰日嚟排隊，突然間斷咗電，但係好彩個雪糕機冇停，咁就可以試到佢個雪糕。佢啲雪糕係非常之滿，因為會加到落個雪糕筒嘅底，而且非常厚實，超級濃嘅黑芝麻味。真係好香濃，已經食咗兩次，同埋非常之飽肚。另外佢有個芝麻醬，但係唔係好似佢雪糕嗰芝麻醬咁，唔知整法係咪唔一樣。下次去埋荃灣店試先，因為好近。

已經encore無限次嘅暖心芝作，黑芝麻雪糕真係好好食！😍😍次次經過都大排長龍，我諗佢嘅黑芝麻雪糕真係好受歡迎。黑芝麻嘅香氣非常濃郁，每一啖都充滿住芝麻嘅天然風味，甜度控制得剛剛好，食落完全唔會覺得膩。雪糕質地幼滑細膩，入口即溶，仲帶有一絲絲芝麻嘅顆粒感，口感層次豐富，令人回味無窮。價錢方面，甜品嘅定價合理，黑芝麻雪糕雖然係招牌，但價錢並唔算貴，性價比高。如果你鍾意食黑芝麻，暖心芝作絕對係一個好選擇！

📍暖心芝作 (太子)太子汝州街23號地下B號舖中午時間 排隊時間大約10分鐘熱賣推薦✨芝麻雪糕 $28雪糕面上佈滿芝麻醬濃郁芝麻香味 口感軟滑👍🏽✨黑芝麻菲林卷 $25本身只係諗住買雪糕 見過牌寫住芝麻卷 每小時只有25盒每人限購一盒 既然一場嚟到梗係唔好蝕 要買盒試試啦🤣🤣🤣黑芝麻卷香濃芝麻味道 香甜可口👍🏽——————————————————————-整體用餐體驗✨味道(4/5)✨環境(4/5)✨服務(3/5)✨性價比(4/5)

一直食開佢哋嘅黑芝麻醬，香濃，唔易醬油分離，放耐咗亦唔會太乾，所以對呢個品牌有信心。今年行素食展，見佢又有擺檔，上年外賣黑芝麻糊，今年就買咗黑芝麻丸同即場食佢嘅杯裝黑芝麻雪糕。杯裝黑芝麻雪糕：$28；舖頭有誠意，即場食嘅話，佢哋會喺客人開蓋後淋上黑芝麻醬，令芝麻味加倍提升，味道更濃郁；配上黑芝麻醬的雪糕一定好食，不過，試過冇點醬，雪糕經已好重黑芝麻味，係人生中最濃味的黑芝麻雪糕！忍唔住一路食，一路讚好食！由於舖頭好多產品有得試食，所以試咗黑芝麻丸，味道天然、純正，唔甜，滿滿的黑芝麻味，最後買咗2盒。雖然今次冇買佢的黑芝麻醬，反而揀咗同場的The Nutter Company（TNC），不過坦白講，黑芝麻醬兩者的質素差唔多（TNC味道濃稠啲，但缺點係唔純正，混咗花生，而且較易乾身）。當食完呢度的黑芝麻雪糕，然後再食TNC原價$44的杯裝開心果雪糕，後者莫講話被比下去，直情係輸足幾條街。杯裝開心果雪糕只有奶味（重仲似係奶粉味）同少少果仁味（完全食唔出係開心果），而鋪面係一撮已經淋曬的開心果碎，大失所望！試過呢度的杯裝黑芝麻雪糕，願望清望加多1項：去舖頭食埋佢的黑芝麻軟雪糕！😋l

暖心之作嘅黑芝麻甜品，對我嚟講，路過一定要食，喺太子食飯一定要食，有時諗起仲會專登去食。 黑芝麻布甸$25布甸嘅口感滑得黎都相當厚實，介乎燉蛋同 crème brûlée 之間，舌頭一壓就化開，係平衡得相當唔錯嘅口感。食布甸最驚魚膠粉太多搞到膠得滯。入口即感受到啖啖香濃嘅芝麻味。中間仲有少少芝麻糊流心，帶嚟一陣微微嘅驚喜。雖然睇落只係細細一杯，但係成杯食完都有飽足感，好滿足！黑芝麻雪糕$28入口芝麻味爆發！！表面澆上嘅黑芝麻醬稠密，透出熟透嘅烘焙焦香，唔會苦又零土腥味！ 雪糕嘅黑芝麻味同乳脂香味平衡得好好，混入超幼芝麻粉，質感似絲絨摩擦舌尖，完全無冰晶感。 甜度拿捏得啱啱好，唔會過甜或者膩。識食建議如果兩樣甜品都想試，建議先食 黑芝麻布甸，因為雪糕嘅芝麻味會更香濃，可能會令布甸顯得相對淡啲。但如果想專注欣賞單一款甜品，咁每次淨係食一樣就啱晒。 嘻嘻，我就會下次去試芝麻糊！

「Heartwarming 暖心芝作」經營以芝麻為主的健康食療，用心製作，真材實料。令每一件食療都有靈魂，讓食家的你安心品嘗～將健康、溫暖帶給每一位顧客。懷舊芝麻菲林卷每日新鮮人手製作，工序比較瑣碎，製作需時數量有限，每個鐘限售盒數，提前過嚟排隊製作工序👉🏻先用「傳統石磨」磨出黑芝麻原漿👉🏻再配上皇牌「九蒸九曬芝麻醬」👉🏻指定選用真正馬蹄粉，無添加麩質粉👍🏻👉🏻添加上自家製「純正芝麻油」逐條卷精蒸，新鮮出爐😉讓你回憶小時候茶樓嘅味道📽每條都香濃彈牙，食過番尋味😋即打軟雪糕相信大家就經常食到，但香濃嘅芝麻軟雪糕平時少食到🤔經過多次的試驗，「暖心芝作」終於研製出自家出品嘅特濃黑芝麻軟雪糕。當然少不了獨特嘅九蒸九曬芝麻醬秘製配方👉🏻質感香滑軟綿，黑芝麻味道相當濃烈, 啖啖黑芝麻香, 吃完之後那陣黑芝麻味道還留在口腔內, 久久不散, 令人難以忘懷😋😍「黑芝麻流心布丁」👉🏻擁有冷酷的外表，香濃黑芝麻味配上嫩滑牛奶的口感會令你欲罷不能，入口的那一剎那就可以感受到芝麻的醇香味在嘴巴里擴散老規矩採用「九蒸九曬黑芝麻醬」💁🏻‍♀️最重點係!!!將佢做成「流心」狀態😍😍😍要做到哩個效果，個布丁係經歷2次雪藏

黑芝麻專門店，店內可以見到佢地有研磨機磨緊黑芝麻，成間鋪都好香芝麻味🖤特濃黑芝麻軟雪糕🍦🖤 $28門外有好多人都係為左呢支雪糕而大排長龍雪糕好香滑，黑芝麻味好濃，尤其配埋黑芝麻醬既雪糕芝麻味更濃🔥整體唔會太甜😋👍🏻推介比鍾意食黑芝麻既朋友🖤🖤

店員態度惡劣，不可一世。店舖排隊指示唔清晰又貼近馬路，但責怪客人胡亂排，客人自動排向內街，不向馬路邊排安全過排向馬路啦。想賺錢就理應要有基本服務啦…排隊指示係指示比店員知客人唔知，之後又閙客人自己排內街唔得要排出馬路。買件幾十蚊既野一陣條命都無埋，請問店家會負責嗎？到時又賴你地自己唔跟佢個指示囉。打開門做生意用心做好每件事，吃不消就不要開門做生意啦！就算出品幾了得都好，無品格既店＆員工我唔會再幫襯囉！

—之前同事分享咗呢度嘅芝麻系列 Bookmarked想去好耐 旺角東站行去都需要d腳程離遠見到人龍就知搵到了🍦特濃黑芝麻軟雪糕($28)雪糕軟滑挺身 唔係雪葩感覺個亮點係最後唧嘅黑芝麻醬‼️勁濃郁醇厚嘅黑芝麻味🥛黑芝麻豆漿($15)可以揀有糖/無糖版本無糖飲落個味健康得制🤣🤣我諗下次會揀有糖吊一吊味——————————————————暖心芝作太子汝州街23號地下B號舖荃灣路德圍運通街6號地舖

見到評價大家都話態度差，都抱住試下嘅心態排隊。排緊隊時已經聽到店員用四字真言問候人地家人，雖然係對住送貨員定同事講，唔係客人，但係咁多人係度排隊，咁大聲爆粗都唔好吧。對住客人態度都好出色，前面個呀姐買咗好多嘢想要多個膠袋，又俾人鬧。食物質素方面，雪糕質感好奇怪，拎到返屋企差唔多20分鐘都唔識溶，食落唔似雪糕... 味道係唔差，芝麻味濃，但係個質感實在太奇怪，唔會再試，$28唔抵食。marketing做得好，但係店員咁樣嘅態度，真係祝君好運。

朋友知道我鍾意食芝麻糊，早幾日同我講話呢間啲芝麻糊幾好食，所以諗住經過太子就買嚟試吓，但係行到去，店內嘅員工定唔知係咪老闆態度好差；只係問兩句關於產品嘅問題，店內嘅一男一女都十分不友善，回答嘅態度亦都好串，可能真係嫌生意好得滯啦。但係我都有照幫襯，心諗可能真係好好食呢，可能真係抵人哋態度咁差嘅。然後買咗芝麻糊試吓，啲芝麻糊其實冇咩特別，只係一般唔難食嘅糖水舖嘅芝麻糊，市面上絕對有其他選擇，仲要用啲咁嘅態度做生意，真係唔會再幫襯⋯⋯⋯

路過行過唔好錯過超香濃既芝麻糊買回家加熱重好食菲林卷都好正軟雪糕香濃芝麻味+脆code直頭唔夠一星期心思思又要去幫襯但芝麻豆漿本人就覺一般布甸就細細杯不夠芝麻糊吸引

好多朋友都試過話產品真係好濃郁，甜度又適中，今日經過開太子就排隊試一試，但係賣菲林卷要排另一條隊，限時限數目就有點虛張聲勢，買開其他產品一次過俾錢返轉頭攞都唔接受！收銀姐姐態度10分惡劣，一路order緊產品，佢好急好唔耐煩，其實俾錢仲要咁樣受氣大家就要衡量一下值唔值得！今時今日嘅經濟環境，仲有間舖頭會有好多顧客排隊去嘗試，其實真係應該要感恩☺️ 收銀姐姐咁嘅態度如此，相信潮流過後，佢就唔使再急同埋再唔耐煩啦！