暖心芝作

第一次嚟，諗住淨係買芝麻卷試下見到鋪頭外有個牌寫明買芝麻卷唔洗排雪糕條隊但又無明確標示要排邊個位置一行去前面就即刻比其他隊排嘅人指責都係排同一條隊⋯同個店員講出問題佢又9唔搭8講唔出排邊度如果係咁好心就收起個牌啦…查看更多

最近我在一家冰淇淋店試了他們的黑芝麻軟雪糕，只有這一款，其他口味都沒有。老實說，這款雪糕真的讓我驚喜！它的口感非常滑順，入口即化，感覺就像在吃雲朵一樣。雖然只有黑芝麻一種口味，但它的味道卻非常濃郁。每一口都散發著濃厚的芝麻香氣，甜度恰到好處，不會讓人覺得膩。這樣的單一口味讓我感受到黑芝麻的純粹，簡直是芝麻愛好者的夢想！我特別喜歡它的香氣，讓我想起了童年時光。這款雪糕的顏色也非常吸引，深邃的黑色讓人忍不住想嘗試。雖然只有一種口味，但它的品質絕對不打折扣。我想說，這款黑芝麻軟雪糕真的是一個很好的選擇，簡單卻又讓人感到滿足，值得一試！…查看更多

曾經聽聞太子附近有間人氣嘅黑芝麻甜品店，常常大排長龍，是日屋企人恰巧路經，外賣了杯布甸回來，終於有機會一嚐滋味。流心黑芝麻布甸～～充滿濃濃嘅黑芝麻味，布甸質感幼滑，中間呈流心狀，美味可口。…查看更多

呢間芝麻相當出名，有唔少芝麻產品，今次試左雪糕，雪糕量都唔少，上面霖上濃濃的芝麻醬，相當打卡。雪糕的芝麻味濃郁，質感很滑很軟，甜度控制相當好，芝麻醬令口感更豐富。因為食過晚飯才去，到店時已快關門，鐵閘都拉左一半，但都仍要排隊，朋友話平日要排半條街，咁晚飯後人潮散左先買就較理想了。。…查看更多

是日打風下午落波所以唔係咁多人排隊，幸運地只是等了一等買到了雪糕、傳聞熱賣的"菲林"和芝麻糊。先講雪糕，只係雪糕上的醬有芝麻味，雪糕就無乜味喇，成為$28；而菲林就唔夠芝麻味，比較遜色，成為$25；至於芝麻糊雖然香但好鬼甜，成為$30。整體來說不過不失啦! 唔可以講絕對好食，如果要排上15分鐘以上就唔係好值。還有，店員態度麻麻地。…查看更多

本來想去深水埗某某糕點店買芝麻卷，可惜佢哋啲芝麻卷仍未復工，忽然醒起附近有另外一間有芝麻產品嘅「暖心之作」，即刻轉場去買今日買左芝麻卷和芝麻糊，因為諗住帶回家食，所以買了凍芝麻糊。嘩，不得了！凍嘅芝麻糊雪凍左都仲很香、濃，滑，芝麻味很濃，唔會太甜芝麻卷就名過於實吧！很淡嘅芝麻味，唔濃但有點甜，只覺普普通通提外話，他們的購買方法非常唔friendly,每人只可以買一盒芝麻卷可以理解，但我同時想買兩款產品就要分開排兩次就非費時…查看更多

養生甜品之選🍥.ᐟ‪‪.ᐟ價錢親民，芝麻控必試呀平時排長隊，咁啱見吾使排隊即買！小編吾係芝麻控都會覺得好香濃好滑口♡~芝麻糊用石蘑熬製，入口香滑濃厚，芝麻味突出但唔會太膩！揀左凍食，口感更加棉密芝麻菲林卷口感好得意，有咬口得黎微微煙韌，唔會太甜，口感層次豐富，好似食緊甜品版腸粉咁✨有冇都中意捲開咁食！芝麻養生功效🤍:富含維他命E、鈣質、鐵質，有助抗氧化、養顏同補血～仲可以潤腸通便、改善皮膚乾燥，係女生同長者都啱食嘅天然好物♡°. ⑅♡⑅ °. +. °. ⑅♡⑅ °. +. °. ⑅♡⑅ °. °. ⑅♡⑅ °. +★ 石蘑芝麻糊 $30 ♥︎♥︎♥︎♥︎♥︎★ 芝麻菲林卷 $25 ♥︎♥︎♥︎♥︎♥︎°. ⑅♡⑅ °. +. °. ⑅♡⑅ °. +. °. ⑅♡⑅ °. °. ⑅♡⑅ °. +📍暖心芝作 (太子)太子汝州街23號地下B號舖Follow @foodrooling_hk ₍˄•༝•˄₎◞✩︎…查看更多

而家夏天天氣咁熱，最適合食返杯雪糕，食完拉麵見到隔籬嗰度咁多人排隊，即刻覺得勁吸引，舖頭都傳來陣陣嘅芝麻香。🤩🤩🤩見到佢有啲傳統嘅菲林卷極都有芝麻雪糕，個樣勁吸引，即係要買番杯試吓。價錢唔貴，而家周圍嘅雪糕，基本上都係咁上下價錢，以佢真係有啲芝麻醬喺上面，都值得。佢杯雪糕轉咗好多個圈，一食落去真係可以感受到有啲磨碎咗嘅芝麻粒粒，成質感S好好，又有色又有味👍👍👍 面頭嘅芝麻醬，令到成個味道進一步昇華，仲可以順便俾人試埋佢嘅芝麻醬味道，芝麻醬都可以喺舖頭裏面買。…查看更多

🍦 黑芝麻控嘅天堂呢間主打黑芝麻嘅特色店，人氣真係高到誇張！每次去幾乎都見到門外排長龍，唔少人專程慕名而來，就係為咗一杯濃到爆表、香氣撲鼻嘅黑芝麻雪糕。🪨 一踏入門口就被吸引住—店外擺放咗一部傳統石磨機，慢磨黑芝麻過程公開，芝麻香直衝鼻尖，喺遠處都感受到嗰份天然香氣。🍨 雪糕本身口感極之軟滑，芝麻味非常濃郁，頂層仲淋上即磨黑芝麻醬，味道有層次、有深度，一試難忘！🖤 除咗招牌雪糕，店舖仲推出多款黑芝麻創意甜品，包括黑芝麻菲林卷、豆漿、布甸等等，款款都玩出芝麻嘅新演繹。不過對我嚟講，始終最令人回味都係嗰杯經典黑芝麻雪糕。…查看更多

小店長期排長龍，之前見過超過20多人在排，大熱天時，好辛苦。前幾日打風前夕，見到人唔多，咁岩又有啲口渴，老公主動話排隊買嚟試下。前面大概5,6人，等咗唔係好耐就到我哋買了～因為雪糕同其他小食分2條隊，所以我哋今次只試雪糕。特濃「黑芝麻」軟雪糕一個$28，我哋揀筒形。好香好濃芝麻香氣，面頭又啲芝麻醬，雪糕有啲沙沙口感，食得出係真材實料黑芝麻，又唔會好甜，唔怪得咁多人排隊買嚟食，黑芝麻控絕對愛上。不過我自己一般般鞋嘅雪糕，試下就夠～…查看更多

夏日炎炎，真係要食吓雪糕，難得可以食咗bookmark 左好耐嘅米芝蓮級數雪糕米芝蓮餐廳多數都貴，但係呢枝米芝蓮雪糕只係$28，仲要係超級大支，勁抵食黑芝麻雪糕$28淨係講賣相黑孖孖，已經feel到佢係好濃郁嘅黑芝麻味道吱完雪糕侍應姐姐仲會淋上黑芝麻醬，黑芝麻嘅味道濃上加濃識落口感偏沙冰感，所以要食快啲，勁快溶又唔會食丁膩雪糕size 勁大枝，夏天拎住食真系好正Overall 黎講，性價比真心高，唔駛排好耐的話值得一試…查看更多

最近在太子發現了一間專賣黑芝麻甜品的外賣店——暖心芝作，真是驚喜連連！這裡的芝麻卷讓我印象深刻，絕對值得一試。首先，芝麻卷的味道實在是太棒了！一咬下去，濃郁的芝麻香味瞬間充滿口腔，10分好食！每一口都能感受到芝麻的豐富口感，讓我忍不住想一口接一口。這裡的芝麻源自優質的黑芝麻，味道純正，讓人感受到天然食材的魅力。此外，芝麻糊也是一大亮點，香濃滑順，簡直是完美搭配。每一口都讓人感受到濃厚的芝麻香，非常滿足。不過，這次遺憾的是未能品嚐到他們的雪糕，聽說也是人氣選擇，下次我一定要再來試試！店裡的員工也非常親切，服務態度很好，讓人感到賓至如歸。他們詳細介紹每一種甜品，真心推薦這裡的芝麻卷，讓我對這間店更加喜愛。總結來說，暖心芝作的黑芝麻甜品絕對值得一試，特別是他們的芝麻卷，10分推薦！如果你是芝麻的愛好者，這裡肯定不會讓你失望。快來太子一探究竟吧！…查看更多

食物質素係可以嘅，如果大家唔介意冇禮貌嘅職員及好大可能會受氣係可以去試的。話說我經過見到好多人排隊買雪糕，咁就諗住買來試吓啦，見到有芝麻卷賣，咁就諗住買埋芝麻卷啦，芝麻卷就要排一條隊，雪糕就要排另一條隊，重點係得兩條隊排，冇布甸隊，排隊買完雪糕再排隊買完芝麻卷，順便買埋布甸，職員話要重新排過隊先可以再買布甸，真的百思不得其解，冇布甸隊為何要重新再排隊買布甸呢，其實香港啲生意就係比呢啲員工搞死，所以請人真係要睇清楚。…查看更多

今日去左太子汝州街嘅暖心芝作，真係一個好開心嘅體驗！我試咗佢哋出名嘅黑芝麻軟雪糕，味道真係好香濃，口感軟滑一咬就融化，加上今天天氣熱，雪糕好快就溶晒，忍唔住大啖大啖甘食！等咗幾分鐘，終於買到黑芝麻菲林卷，每盒$25，六條，真係好抵！菲林卷同樣係黑芝麻味，食落去香濃又滑，充滿芝麻嘅香氣。店內仲有職員用石磨現磨黑芝麻，香味四溢，令人食得津津有味！除咗雪糕同芝麻卷，仲有芝麻糊、黑芝麻豆漿同埋盒裝嘅黑芝麻丸，可以話係個好芝麻天堂！整體來講，俾我一個好好嘅享受，等我下次再返嚟試其他產品！…查看更多

香港少有的黑芝麻雪糕！懷舊傳統口味不會過甜，口感濃郁，雪糕質地香滑～2pm左右到訪，只排了10分鐘。可惜當天的芝麻菲林卷售罄，店主提到3pm才有，唯有下次再試啦暖心之作獲得米芝蓮必比登推介，店家以石磨即場將黑芝麻磨成糊，在製作成芝麻糊、雪糕、流心布甸、豆漿等甜品，即日製作新鮮美味～📍暖心芝作 (太子)太子汝州街23號地下B號舖［太子站D出口 步行1分鐘］…查看更多