智勝所小食店 (已結業)

今日心情不太好，原因我的兄弟讓我忐忑不安，他不但沒跟我吃飯，亦不跟我說話，所以我今天就要將我呢個心情擺到佢去自性所上面與他一同處理，去到呢間鋪頭嘅時候真係冇乜人，可能青年人都要圍住呢個未來去抗爭啦。我哋坐下嘅時候老闆立即就介紹我哋食呢個心太軟啦！佢話心情唔好梗係要將佢軟飯啦，因為大家心態都係硬， 就需要去軟化落嚟， 今次佢介紹我識新嘅味道就係薄荷心太軟等左10分鐘左右佢就送咗上嚟，我哋將佢上面切開，用匙羹飲下佢嘅朱古力醬，果然朱古力充滿左薄荷嘅香氣！我真係覺得好幸福！一覺得老闆做呢一個甜品係充滿着愛心同埋心機，最重點當然係有處嘅愛啦！

食完蟹之後都好似差啲未夠滿足，所以大家建議去食糖水，屯門多數都係去虹橋食，我地揀左去智勝所食。一行13人行過去虹橋，大約9點幾都已經有人食，因為地方唔大所以分開左兩批人，一批要坐出面。我地叫了心太軟，梳乎厘都好好食。心太軟好流心加上味道都係唔太甜，好岩我食。今次因為叫左個特濃心太軟，老板覺得唔係好流心，所以再做了一份普通心太軟比我試下有幾流心，真心讚好，老板對食物有要求，所以之後都一定唔會差。梳乎厘真係用純蛋白打成，所以鬆鬆軟軟的，口感好似食緊棉花糖咁，都唔錯。如果一想起食甜品，第一時間都會去呢間。

今晚去完食蟹之後，其實都好飽架，但嚟緊虹橋呢一個區，真係要來食雪糕食甜品，如果唔識真係對唔住自己，雖然我就嚟要結婚，又好怕肥，又怕女朋友鬧我，事關我就嚟要影婚紗相，肥咗一定會畀人鬧到臭晒筋，但朋友嘅梳比底下，最終都係要去。朋友介紹我嚟到呢一間甜品店， 間甜品店其實都好細下， 我諗大概只係坐得12個人左右，但價錢其實亦都唔算好貴， $40就有啦，叫咗一個心太軟裡面加左酒心，朱古力亦叫咗特龍嘅，再加多個雪糕朱古力，其實都算幾底下，因為出面動輒都要六十幾一個。見完之後等左5分鐘就上到嚟啦，個心太軟好大個，個酒心唔係一兩滴就算、都好重手下，如果唔飲得酒嘅我怕食完都會醉。我哋食咗半個鐘之後就走啦，事關外面都幾多人等㗎！

小店充滿住人情味 嚟得幫襯大多數都係街坊 有街坊表示會搬走 但搬之前都特登嚟店舖食野 揾老闆傾計 就知道老闆幾用心經營小店😌.另外小店都設有連儂牆 唔該大家入去幫襯個陣 順便到時一人一memo幫老闆貼滿個牆😚.👉🏻鮮炒牛肉厚多士多士厚到我分開上下部份嚟食😛出面個層烘到好脆 入面好軟熟好新鮮😳配料方面 有半溶芝士、葱同埋一塊塊鮮牛肉 望下張相都知有幾足料 牛肉多到就跌出嚟！.👉🏻芝士年糕炸到好香好脆 食到入面嘅芝士可以拉絲 年糕個部份可以更煙韌🤘🏻——————————————智勝所小食店 屯門青柏徑6號鹿苑地下3號舖

019年9月20日（星期五）首先被基督教「智勝所」舖名吸引。好好彩午飯時間我係第一個嘅顧客。小店裝修有D簡陋，全場三張細枱10幾張櫈；但食物種類繁多。早午晚三餐以外，還有小食同甜品。時間所限要揀就手，叫咗個奄列餐：磨菇洋蔥奄列，奶油多+火腿通仲有飲品盛惠$40。洋蔥好香甜，磨菇冇乜味；奶油多最搶鏡！多士脆香鬆軟👏👏👏，可以做招牌食品全場所有客人都叫飯餐，佢哋個炸雞髀飯好犀利，用 「鋪天蓋地」嚟形容最貼切😍不過自己始終鍾情脆卜卜、香噴噴同熱辣辣嘅奶油多士。👍餐廳播放悠揚詩歌，小朋友識得背主禱文仲有得奬小食添🙏🙏🙏

今日突然想食個下午茶，打去落order，點知所有可搭配通粉的材料售罄，老闆立即轉了一個红酒燴牛尾併落通粉，真係一試難忘，好正好好食！精心調配食物，充分利用食材搭配出美食，老闆亦用心烹調。

這天放假約朋友去行山 出發點在屯門 先吃個午飯再起行 紅橋這邊很多不同種類的餐廳 選擇很多 自己有時也會來這邊吃飯 逛了兩圈 發現了這間小店 看到價錢相宜 便進來了 這裡賣芝士撈丁和碟頭飯 本來我點的是豬頸肉芝士撈丁 但看到旁邊的客人點的雞髀很大隻 就問店員能不能轉雞髀 雖然店員已經開始製作 但仍然願意換給我 服務真的很好 餐飲當然點我最愛的茶走 芝士撈丁味道有點淡 芝士味不濃郁 而且麵沒熟透 有些還是硬的 但炸雞髀很出色 非常大隻 外脆內嫩 調味亦剛好 不會太咸

楼下小店需然细小但食品精美, 小小年纪老闆用心製作自家製小食给客人感覺有用心去做，只要用心食品就会好直得比個 Like ! 我最喜愛就是他的自家製餃仔超好味有妈妈感覺和鲜牛肉多士。

<有心製作小店 好好食！>👍🏻😍呢間喺屯門洪橋附近既<智勝所小店> 開星期一至六 朝早7點至5點半 喺大圍店既分店 主要係食一 d小食 麵類 三文治 多士 雞脾等等 雖然係小食店 但食物製作用心 黎屯門既朋友真係好值得一試😍🍴鮮炒牛肉厚多士 28 蚊🍞🐂外表靚靚既多士 出面嗰層 多士 好香脆 入面帶 d包既軟熟 帶 d牛油香 包入面痴住芝士🧀半溶 同綠色葱合埋一齊好有口感 😍 🌿 最正係牛肉用左牛冧片 即係近臀部位 口感彈牙 🐮牛味香濃 同多士芝士簡真係 perfect match 😍😍🍴麻辣肉碎上湯米粉 🌶🐷 30 蚊大大碗米粉 係用平時大排檔食嗰 d星州炒米 既米粉整成 所以俾湯浸住都好有口感🍜 而佢既醬汁 係用左四川運過黎既花椒 再加辣椒整 好夠麻辣香 🌶豬肉碎又入味🐷 連埋 d紫洋葱 同米粉一齊放落口 層次豐富 好惹味😄🍴媽媽手製雲吞20 蚊🥟🐷用左加左葱花既清湯🌿浸住既雲吞 5 粒 20 蚊 抵食 雲吞大大粒 佢個餃皮係 厚身 d嗰 d所以食落比較有口感😍 而佢入面既菜肉新鮮 豬肉 juicy 🐷 若鍾意辣既朋友點埋自家炒辣菜莆 🌶更美味！

小弟是這裡長大的老街坊，有好多地方也已經吃過了，這一間總不會讓我失望。(還有機會領免費小食)老板為人親切，煮食也好用心，都好願意分享自己的事，這是很難得的。會聽顧客的意見力求改進，更是難得。還是說食。先總結：這間民間小店總給我驚喜不斷。就算是奶油豬+煎蛋。蛋都給你煎得好好食。自家方法醃製的豬排讓我也食得好有驚喜。兩種口味的牛肉十分嫩口，都好有心思。很多看似平凡的一碗一碟，食落口全都是老板滿滿的熱情。自問能食辣的，挑戰一下麻辣肉碎撈丁吧午餐肉厚切大大塊的( ˘•ω•˘ )大胃的你可以挑戰豐盛油渣麵連菜甫也是手工製作，都多花心機了?!幹話不多說，上圖就對了。

有次唔覺意上openrice搵食無意中見到屯門新開小食店，原來係大圍已開了兩年，屯門是分店，我哋叫咗三樣美食有雞芝士撈丁, 豬油渣麵, 鮮牛肉炒腸粉。先嚟係鮮牛肉炒腸粉，牛肉味道醃到啱啱好唔太咸，而腸粉炒到都幾乾身也不太腍不過硬幾挺身，爽口彈牙，唯有缺點係食到尾見到碟上有很多油，這一點已經反應了比老板聽，因為這碟係老板推介比我食。再嚟係炸豬油渣麵，即管食了口豬油渣(因為平時我唔食豬油渣)奇脆無比而非常香口，好啱我口味，而麵質係上海麵，麵夠硬而不會太腍，而豬油渣裡也有蝦米醃到好入味，哩個麵好有驚喜好食。最後上係炸雞芝士撈丁，芝士味香濃而唔漏，但可惜個麵太腍冇彈性所以減了分，至於雞味道剛好啱晒重口味朋友。凍檸檬茶味道偏淡，而荔枝梳打味道恰到好處，唔會太甜或太淡，荔枝味夠清香飲落好舒服，可推介比朋友。^ ^ 😋😀👍👍

很開心每天為我制作精美早餐，你的的脆脆奶油豬，鬆脆可口，蒜蓉脆多士又香又可口，如份量多小小就更加prefect, 不得不讚你推介的炒鮮牛肉公仔湯麵，用上好的材料，加上不咸的淹制，同埋D牛肉好鬆軟，一個学"正"，仲有好想試吓你的生炸大雞肶，真系一試難忘，店主是一名青年人有心有幹勁，亦肯為上主委作見証，真的很欣賞你有這份美意，希望你的善意能成就更多人得到祝福，值得你們來光顧的小店，會繼續支持你丫希望你繼續究發更多不同的小食啦，十卜十卜