景村雲南米線 (已結業) 查看

觀塘食午飯，實在係搵食艱難。但如果有間冇人排隊的你又咪制喎，十居其十會中伏。今天介紹呢間係任何時間都排長龍的，證明水準有返咁上下。睇下張 order 紙，米缐湯底 $27 ，每款餸 $5-$10 不等。其實叫兩至三個餸，加埋飲品大約五十至六十，米線來講其實唔算平。味道又如何呢？麻辣湯底好香，叫左少少辣，唔會嗆喉，幾好味。份量足，豬耳爽囗有驚喜。墨丸細粒味道一般，下次out 。 菜正常。奶茶叫左少甜仍然係甜，睇來要走甜先得。每日午餐時間都人山人海，久不久食下都 ok, 唔使成日去食有鄉音果間咁悶。

點了一個＂中少辣＂米缐，米線送來時全碗紅的。我估計都有＂中辣＂米缐情度。要求另換一碗，員工說先試吃，有問題再通告。我比較容易接受意見，試一口已知米缐過辣，只好再一次要求处理，最後只另送上一碗小湯。她們的理解是，加了湯就叫做＂中小辣＂，不想生氣挍事。只好與這小店説聲永別。其實自從由新人事接手后，情況就更差的服務態度！食物常常弄錯。

竟然係師傅太忙的理由，山長水遠去到同你講：師父整唔切啊，你第日再黎過啦！今時今日仲有食店用咁既理由，仲衰過排長龍最後都食到既食店去唔去真係你諗你，最慘去到無得食

經過個幾星期既貴LUNCH 洗禮後, 今日黎左呢度,自選米線呀!!真正貴有貴食, 平有平食喇~~~好多野揀~下午茶2點後送飲品, LUNCH 要飲都係加6蚊者~呢度D 早餐好似都OK WOR~第一日黎食叫左 羅白, 雞翼同墨丸~~~羅白好好味~好林好甜~墨丸可以PASS, 唔係手打D FD 黎~ 我估丸類都可PASS~隔日又帶左D 同學黎食, 佢地開心大發現呀!今次我就試墨魚頭同魚腐~~~~ 墨魚頭好貴GA, 要十蚊GA~

下午茶時間，黎到平時中午好多人等既景村雲南米線，唔洗等就有得入座啦。坐低之後拎張點餐紙出黎，簡好自己想要既湯底，包括有「清湯$23、蕃茄湯$25、酸辣$25、麻辣$25」比你簡。今次叫左蕃茄湯同酸辣既湯底，配料就簡單咁簡左墨魚丸之類。蕃茄湯既蕃茄偏淡，唔夠香濃，所以個人較喜歡酸辣既滑底。佢本身米線既配料有肉碎、酸菜咁，所以整體黎講都好香。下午茶時段，每個米線都送一杯野飲，以呢個價黎講，真係超抵食呀。想係呢段時間食米線黎講，呢間真係抵食之選呢！

嗯之前聽人講呢間景村都幾出名～抱住驚喜既心情食佢....點知換來既只有失望😞👉🏿✨酸辣米線（小辣）叫左蘿蔔同豬腸 Hkd 39 💸 下午茶會送野飲：）📌先講服務，啲態度真係差到一個點...我同朋友兩張單兩張都落錯野！已經扣晒分📌食物都算快速度，等唔夠5分鐵鐘就有，小辣一開頭係只酸不辣😂但食下食下又會滲番出黎。蘿蔔有渣，好硬，唔入味。雖然有3大舊，但我真係食唔晒😞📌豬大腸好硬，一啲都唔入味，做唔到入口既溶軟綿綿咁，一碗黎講份量真係多既。不過可一不可再呀真係😪十分普通...

因為方便，這一陣子常来觀塘這家景村，感覺早餐只要16元就可坐下吃個現制三文治加熱飲……這cp值也太高了……今天叫的蛋治的饀有點薄但味道ok, 面包也軟綿綿的。建議一下其實熱檸檬茶的茶底和奶茶是不同的，用一樣的檸檬茶就会太濃太苦了囉！之前也吃過面餐，蠻好吃的……

是日點餐:腩肉番茄湯米線 份量OK，腩肉都有好多塊 (少少辣der)腩肉入味鹹度適中, 湯底有少少味精食完少少口渴, 但可接受番茄酸酸甜甜, 好醒胃~!番茄份量都唔少番食指數: ✽✽✽

午餐堂食，總是看到看大排長龍就打算試試，喜歡酸辣點了中辣，只有酸嘗不到辣，下次要試試大辣了，希望菜單可以多出一些牛肉，選項太少了，不過肉末這些還是不錯的，底料很足

食咗幾年，終於忍唔住要寫一寫！話說公司附近得一間米線舖，獨市生意，譚仔又要走到好遠，想食米線唯有去呢間！lunch time 永遠排幾廿人，所謂叫號碼，其實負責叫號碼既阿姐都好亂，有時候有枱空咗又唔知，等親都等成半個鐘，除非公司係正樓上，一早落嚟拎號碼！落單後最少等成15分鐘先有，有次試過等咗半個鐘都未有，廚房搞唔掂，仲不停叫人入嚟！米線：今日可能好硬，又可能好淋，完全冇統一，純粹睇吓阿姐今日煮成點！叫小辣可能變唔辣或者大辣！又係睇阿姐煮成點！餸：根據食咗幾年，腩肉，大腸係最好味既！講真，呢兩樣真係做得唔錯！丸通常中間都煮唔熱(雖然丸是熟) 所以好小叫！整體：公司近近地又想食米線，唯有去呢間！完！

酸辣米線(大辣)$26 牛丸$7 貢丸$7🍢$7得兩粒其實好貴 亦唔係特別好食 好普通😷但勝在個湯ok 夠酸 肉碎亦好多不過大辣都唔辣 應該係譚仔中辣咁上下？😶芽菜 酸菜得幾條 又冇腐皮其實都好食既 只係南記太高質 有比較囉😪

最後一次 想念著你最後一次 再度記起只准今晚再度為你痛悲 在凌晨要淡忘這段憶記 刀般鋒利 寄望痛傷有個限期儘管想到有人為你蓋被 抓緊放手的 勇氣 作曲/ 作詞：Howie@Dear Jane  仲有幾日，公司就要搬去灣仔了，呢兩個星期我地盡力食啲觀塘中最想食既野。而我最鍾意的就係呢間米線了！(其中一個原因係因爲觀塘工商業區，係無米線店的)! 其中，我必叫的係景村酸辣米線，佢既米線軟硬度剛好，唔太淋。 另外都算多肉碎，令碗麵無咁寡！仲有佢有大量葱，莞茜，芽菜，酸菜等重口味人仕勁鍾意。湯底酸酸May May 幾開胃！ 不過今日啲雞有點鞋，鞋到我都無食矖。 今次係最後一次食呢間了， 唯有依依不捨講再見！

本身都係常客 因為姐姐特別鍾意食呢間米線所以就打算走前最後食多次結果今日入到入排除 明明前一個仲落左order 到我就話要食飯🙄 唔肯先落單 問佢幾時得就只回我食完先 收銀阿嬸平時態度差、話11點開門要12點先正式開都算 今日真係忍唔到 比我地留底非常差嘅印象 以後唔會再食！！！！

依間野剩係理外賣生意，唔理對入面坐底食野嘅人。有次返工lunch，照舊好多人食同好多外賣。 我同埋同事一齊落左單，等左半個鐘冇野食，先知漏左單，咁我咪叫侍應快d出野食，跟住佢地完全唔理， 照當我地岩岩落單。我鬧佢地，但佢地無反應，唔幫我地催單。等多3個字，我個碗米線都係未到。最後自己cut單走左

食過最難食既米線，仲衰過譚仔。食過2次，第一次食，簡左牛丸，得2粒咁大把。第二次食，居然等左半個鐘話漏單，簡左雞肉+炸醬。個雞肉好雞味，，個炸醬勁乾。雖然係下午茶送野飲，但2個餸都要40蚊，好貴啊又難食，以後唔會再食。