景村雲南米線 (已結業)

食咗幾年，終於忍唔住要寫一寫！話說公司附近得一間米線舖，獨市生意，譚仔又要走到好遠，想食米線唯有去呢間！lunch time 永遠排幾廿人，所謂叫號碼，其實負責叫號碼既阿姐都好亂，有時候有枱空咗又唔知，等親都等成半個鐘，除非公司係正樓上，一早落嚟拎號碼！落單後最少等成15分鐘先有，有次試過等咗半個鐘都未有，廚房搞唔掂，仲不停叫人入嚟！米線：今日可能好硬，又可能好淋，完全冇統一，純粹睇吓阿姐今日煮成點！叫小辣可能變唔辣或者大辣！又係睇阿姐煮成點！餸：根據食咗幾年，腩肉，大腸係最好味既！講真，呢兩樣真係做得唔錯！丸通常中間都煮唔熱(雖然丸是熟) 所以好小叫！整體：公司近近地又想食米線，唯有去呢間！完！