普慶餐廳

營業中

休息中

突然心血來潮好想食自助餐，其實想黎呢間野好耐，本來想食午市自助餐，因為呢度既午市自助餐出名好平，不過最後都係夜晚先得間。呢到既食物真係令我幾滿意，首先係長腳蟹蟹腳，味道真係非常之鮮甜，生蠔都吾差，雖然吾係好高質，但都合格。之後大蟹鉗係必食冷盤之一，個人認為真係超級好食。另外佢地既魚生亦非常新鮮。熱食我會推介西冷牛排，冬陰公金邊粉。甜品方面推介芒果布丁。

今日慶祝家人生日，去左都幾出名既💛酒店食自助餐，可能出名，所以咩信用卡/生日優惠都冇。🐒凍海鮮類當日有龍蝦，蝦，蟹腳，生蠔，琵琶蝦，小龍蝦，麵包蟹腳，青口除咗青口無試，其他質素都OK，但當日生蠔偏細隻，個人最鍾意龍蝦同蝦另外都有刺身同壽司，刺身得四款質素都可以。🐒熟食熱葷類選擇種類多，質素都正常。🐒甜品類甜品area細，但都應有盡有，質素都稱得上酒店水準，另外有movenpick雪糕，不過拎咗兩次都比錯雪糕，如果擺出嚟指應該會好啲。Total食左3個鐘，餐廳都有keep住refill，$528一位未加一，價錢對得住質素！❤️

想試依間餐廳好耐嫁啦！本身都話冇晒位，我留咗後備，又真係比我等到有人棄單💛💛🥰🥰🥰今晚個主題係蝦兵蟹將之夜！唔洗諗，海鮮區域係最多人聚集嘅地方！酒店提供鐘拿蟹、三點蟹、長腳蟹、麵包蟹、小龍蝦、龍蝦、青口同蝦！由於衛生原因，會有職員負責裝一兜海鮮比你，下面會有冰墊底。不過，唔知點解冇咗三點蟹，但唔係太大問題，三點蟹相比其他海鮮又唔係太吸引😂😂！個人認為最好食係長腳蟹，麵包蟹都真係好多膏好好食😍生蠔每個人可以每次拎兩隻，產地係紐西蘭，同樣有冰墊底保持新鮮！雖然唔係好大隻，但比起啲冇味嘅珍寶蠔，個人認為比較好食。不過，依種蠔會相對比較偏重海水味魚生部份正常，雖然冇咩特別大驚喜，但我今餐主要食海鮮，所以都係試咗少少姐。每個款式每次可以拎兩塊，一樣有冰墊底👍🏻cold cut款式唔算多，但每樣都幾好食，隔離仲有幾種芝士俾你揀甜品係我比較期待嘅一部份，佢提供嘅款式都好多，所以我淨係試咗少少姐。最特別係個焦糖燉蛋係咖啡味😂其實隔離仲有提供窩夫、即整法式薄餅、菠蘿金寶、朱古力批同自助軟雪糕同椰汁黑糯米，不過食評最多放12張相，不能盡錄特別要留意佢有提供10種味道嘅Movenpick雪糕，一定要試呀！！

一直很喜歡吃 buffet, 看到有人推介呢間 buffet 食物款式多，便拉着朋友來陪我一齊吃呢間 buffet入到去的裝修風格很懷舊，座位似茶餐廳及 food court 的格局，與一般酒店 buffet 的環境大相逕庭但入到去見到食物分開類型擺放，劃分了好多位置放置食物就知道食物款式真係好多，簡直花多眼亂吃 buffet 前先吃一點水果消化下龍蝦都有兩款煮法，而且 refill得好快，不用怕被人拿完吃不到，這個是要讚的地方，有些酒店的 buffet 遲遲不 refill 食物我個人比較喜歡吃原味的龍蝦， 加了沙律醬的龍蝦好像沒有那麼好吃每人包一杯餐飲 雪糕味道也有很多可以選擇，味道不錯，不會太甜總體來講，呢間餐廳款式幾多，食物不錯，如果對環境要求高的話，呢間 buffet 可能不太適合，但就食物質素而言是比一般酒店多及好的

尋晚第一次食呢度嘅buffet，食物整體ok， 但龍蝦西冷牛扒都overcooked， 好嚡好韌。 只有生蠔有驚喜好味。但今次食評嘅重點係員工待客態度，比佢地嚇呆左。坐係我隔離枱有分開坐兩枱嘅朋友，為方便傾計，佢地將張抬移近少少。過左一陣有個類似經理嘅男職員氣沖沖攞住把尺走去量度距離，好惡同黑口黑面話佢地。我睇到Ｏ哂咀，個客當然有錯係唔啱，作為一間酒店職員但態度好似茶餐廳侍應巴閉囂張唔怕得罪客咁款， 其實說話用詞表現可唔可以修飾一下客氣d呢！另一位女職員都世界級，佢好倔同我地講:「 buffet 9:30完，係就快d去攞埋佢」，聽完個下呆左比唔到反應，食過Ｎ次buffet第一次聽到咁嘅用詞。但之後我地都爆笑左點解咁講嘢嘅。兩件事兩個員工，對呢間酒店已打左discount，差唔多價錢、食物質素好、服務態度佳嘅buffet仲有好多選擇。服務態度被迫俾一粒星， 如果有負數我會揀「負5星」。講出嚟係想酒店知道員工嘅溝通技巧同態度出左問題，希望能夠改善用詞對客人作出應有嘅禮貌。始終再咁對客，幾好食都唔想再嚟受罪。利申: 我絕對支持社交距離，亦好欣賞 餐廳認真執行，但要婉轉有禮至係待客之道。p.s

今次自助餐 $568 再加一 6個人食 埋單都唔係平原本好期待 但食完一次之後 一定唔會再黎呢個價錢黎講 款式十分少 亦唔夠吸引主題係蝦兵蟹將冷盆的確比其他自助餐多刺身味道不錯 三文魚 帶子 都好鮮甜但其他就mama地 生蠔唔係即開 睇落都好瘦 食落去唔算腥 但都未去到好鮮甜龍蝦肉好硬 痴住哂係殼到唔夠新鮮同嫩冷盆黎講 個人覺得蟹腳係好食熟食無咩款式 亦唔吸引無咩係好有興趣食甜品方面覺得伯爵茶奶凍好食其他就普通了總結黎講以呢個價錢絕不推薦比大家！

看到blogger 推介 便相约朋友試下。首先電話長期沒有人接聽 打左3次终於接通 但只有2星期後才有位 照book。準時3時去到 入去一看之下食物款式非常少 範圍不太 但餐廳全full的。拎左第一轉試吃 味道非常普通 尤其是窩夫 大失所望 廚師即叫即整 但一整好立刻用手拎起剪開4份 當然有戴手套但看上去不太衛生 每人拎1至2小份 窩夫非常之薄 沒有任何味道 就是麵粉……其他迷你蛋糕、cup cake 、牛角包及水果也十分平凡。沒有再取第二輪食物了 完全夾唔落手。結論: $120另加一 這價錢可選擇其他餐廳。

今次慶生特登提早一個月訂位，職員打電話confirm booking 嘅時候好有禮貌，而且佢知道係慶生就推薦咗佢哋嘅拿破崙蛋糕，價錢唔貴但係份量適中而且好好味，仲包寫生日牌，抵過買出面嘅蛋糕。食物方面，食物選擇幾多，因為食物擺放都算分散，拎嘢食唔會好迫，職員動作都幾快手，唔會排好耐隊。最滿意甜品，多選擇而且高質，現整嘅crepe好正！最可惜係飲品只係得一人一杯，唔知有冇得加錢任飲。可能係因為個主題，當日唔只普通咖啡茶選擇，仲有珍珠奶茶、青檸梳打之類嘅選擇，都算有驚喜。可能係疫情關係，當日嘅生蠔係開好咗，師傅喺雪櫃拎出嚟清洗俾人，如果係即開味道應該會更好。其他海鮮刺生都冇咩大問題，中規中矩。熱食最推薦即切牛扒，熟度啱啱好，而且好多醬汁可以揀。最值得讚許嘅係職員服務，每一位員工都好有禮貌同服務周到，拎生日蛋糕出嚟主動幫手點蠟燭，影相，仲會適時講幾句恭祝說話，非常窩心。下次有人生日一定會再去慶祝！

本來想嚟呢間食lunch buffet, 但係佢full得好緊要。。。。。 見佢甜品buffet有位， 照殺~ 食咗先 佢可以whatsapp book位，好方便~佢嘅甜品buffet只係得weekend, 3~5pm, 只係$120, 堅平！！！！ 可以加錢叫個appetizer同main course, 都好抵食佢個b1 有d難去，我地都有d盪失路， 但係呢d難我地唔到， 行吓行吓就到. 去到俾電話number佢搵返個booking, 就寫張紙仔俾我， 叫我響旁邊排隊等入坐~ 一到3 點， 好準時， 即刻放人入去~ 佢有幾個姐姐仔帶位， 好好笑容， 好快手， 話咁快就坐低可以出去拎嘢食.因為武漢肺炎，個姐姐仔話離開張枱就一定要戴口罩，我見佢響d buffet枱周圍都有搓手液， 好方便， 搓多d手都安心d.我一嚟就食甜品櫃嘅cake, 好好味~ 尤其係朱古力mousse cake, 好好食 我都食咗好多生果， 有原個蘋果， 橙，青蘋果 (呢d我冇食), 同西瓜， 新鮮菠蘿，提子， d提子好大粒~. 佢都有d面包， muffin, 牛角包咁， d friend話都幾好

提早一個月book Lunch buffet，見到網上好多好評諗住試下，點知原來係伏，真心唔明點解咁多人推介！選擇少，海鮮選擇少，好大海水味，生蠔細隻又不夠新鮮，蟹好腥。熱食好一般，平價食物，冇一樣係令我想食多轉，刺身選擇少，得五六款選擇，連壽司都冇，唯一係三文魚好食。甜品唔ok，朱古力蛋糕正常，芒果蛋糕超酸🤮水果得4-5款選擇，西瓜冇味嘅，唔知食緊咩🤦🏻‍♀️得哈密瓜係正常。九月做緊優惠第二位半價，兩位連加一六百幾，呢個質素六百幾唔值，真係冇下次🙅🏻‍♀️

沒有無敵嘅海景！沒有華麗嘅裝修！沒有名貴嘅餐具！沒有奢華嘅食物！但有一顆與香港人同行嘅心！呢度就係逸東酒店嘅普慶餐廳！💛💛💛💛💛年紀大咗真係極少食Buffet 了！因為真係唔食得太多了！但應有個小黃人朋友誠意邀請下來作客，所以就應約嚟支持一下啦！因為呢度都真係幾難訂枱的，我哋都只係排後補位置，係即日早上先得知有位，當刻真係幾開心的！可能因為而家做緊第二位成人客人有半價優惠，所以就算係平日嘅Lunch Buffet 都爆成咁啦！因此想食就及早要訂位呀！呢度嘅野食種類都唔算少，海鮮、刺身、熟食、甜品等都一應俱全！而且衛生都做得幾好的，生蠔及海鮮都係排隊由酒店職員遞上的！呢個價錢嚟講，食物質素叫交足功課！服務都不錯！期待下次再嚟呀！

是日晚餐:-自助餐!!!逸東酒店全晒名好"黃", 大概半年自助餐佈置就有"721", "831"有關的暗示!香港武肺疫情時好時壞一直都唔敢出街食飯....直至見到「蝦兵蟹將大鬥法」海鮮主題!!點忍wor..-海鮮海鮮區有好多種蟹(分別係麵包蟹、鐘拿蟹、鱈場蟹、花蟹、三點蟹)，小龍蝦，劏半的波士頓龍蝦，海蝦，生蠔 ，青口等無論幾時去海鮮區都係有好多人排隊，所以職員要經常補海鮮! 可能疫情關係啦，會有塊擋版係海解區隔住食物， 你要邊款職員會幫你夾！職員好貼心咁放冰係隻大碗到，然後你話要咩海鮮佢就夾咩俾你！食左幾次麵包蟹身同鱈場蟹腳同鐘拿蟹蟹鉗～鱈場蟹腳最重海水咸味， 條條腿都好多肉！麵包蟹身無任何膏，但勝左都厚肉！鐘拿蟹蟹鉗係我的最愛， 每一啖肉都好厚！生蠔偏細隻而且唔太重海水味，不過夠滑夠鮮-日式區日式區分為刺身/壽司區 & 日料區。刺身有基本的三文魚, 吞拿魚, 帶子, 生蝦; 壽司就係師傅即叫即整帶子好甜, 三文魚同吞拿魚就無咩特別啦!日料區有多種天婦羅,  串燒, 日式前菜, 日式煮大根!最值得讚的係蘿蔔, 入味, 而且腍, 應該真係煮左好耐!-熱食區熱食區粗略分做三區: 中式，東

餐廳個裝修行懷舊香港風 入去有種80年代感覺 不過佢燈光稍微暗左少少🧐🧐食物有好多款可以揀，我都無每樣食哂：生蠔 好正好creamy好重海水味😝😝三文魚腩好好食🥳🥳鯛魚唔錯蝦天婦羅即炸好好食🙂🙂叉燒 出面揾唔到咁甜😊😊Movenpick 8種口味試哂🙌🏻🙌🏻其他：蟹我地唔識食😲😲海南雞要配飯所以無食到🥺🥺燒牛肉普通🤫🤫總括而言 野食ok 個蠔同三文魚腩特別吸引 加上係黃既酒店 絕對值得一試！😄😄

今次再來吃午市自助餐是因其優惠吸引而來，2位來吃，第二位半價。平均約$262/位。自助餐好多時會看有什麼海鮮吃為抵唔抵的標準。呢度的海鮮有6款之多，生蠔、麵包蟹、波士頓龍蝦鉗、凍蝦、青口、小龍蝦。生蠔有一款雖唔太肥美，卻很新鮮，完全不放醬汁都唔腥。除麵包蟹唔太識欣賞，好似太過冰鮮令其水份很重外，其他的凍海鮮都不錯。燒牛肉都有，可沒想到燒豬腩肉很好味。各種燒味都有水準，燒鵝皮是脆的，义燒亦軟淋。湯：中式是火鴨煲老黃瓜湯粥：海鮮蕃茄粥燒烤：照燒汁豆腐、青口煙肉串、雞髀菇、汁燒鴨胸，日式汁煮蘿炸物：炸蝦、炸蔬菜、忌廉薯餅刺身：三文魚、北寄貝、希靈魚、八瓜魚等，亦有冷麵沙律：雜菜、混合沙律凍肉、煙三文魚、巴拿馬火腿、甜品的Counter最大，包括有5種水果、有成10多款的Movenpick雪糕可選其他有不同味道的迷你cake和果凍、椰汁煑糯米、西米布甸、格仔餅、朱古力、棉花糖、曲奇餅。相當多選擇。

星期天是好朋生日，來到【逸東酒店】旗下的【普慶餐廳】吃個甜品下午茶自助餐慶祝一下。甜品下午茶自助餐提供10多款糕點、水果，亦有即叫即做窩夫。賣點是任吃10款口味Mövenpick雪糕，還包括1杯餐飲，以$120來說，雖然選擇不多也絕對超值。想吃得豐富一點，可加$68-$148，選配一款頭盤及主菜。頭盤西班牙風乾火腿不會過鹹，肉味甘香，伴以火箭菜及哈密瓜，加上松露蜜糖，更添清香。香煎北海道帶子不算大粒倒也鮮美。主菜點了香草烤羊架及烤春雞，2款擺盤及賣相精緻。羊架羶味不算明顯，易入口，五成熟吃下軟嫩多汁。烤春雞細細隻肉質嫩滑，份量剛好Mövenpick雪糕比宣傳中的8款還要多，有：呍呢嗱夢幻、瑞士朱古力、士多啤梨、薄荷朱古力、焦糖、特濃咖啡、楓糖合桃、熱情果芒果雪葩、檸檬青檸、覆盆子雪葩，共7款軟滑雪糕與3款清新雪葩。雪糕櫃有專人服務，既方便又衛生。