晨光餐廳

營業中

休息中

今（9-8-2025 Sat）朝，同老公送回收品後食早餐，去邊喥食？求祈喺呢間食，坐低後睇完menu，早餐選擇唔多，而由於今晚會去食西餐，所以我唔要西式早餐，就要$39.00早餐A，飲熱檸水。老公要$40.00菠蘿油套餐，加$3.00要凍奶茶，等咗冇耐，兩杯嘢到嚟，之後係我嘅火腿絲通粉，西煎雙蛋拼牛油多士，到嚟，先食後者，係熱騰騰嘅，牛油多士牛油塗得好夠又脆；火腿絲通粉口感味道正常，湯底都濃：熱檸水唔澀冇問題。老公嘅菠蘿油套餐有冰火菠蘿油，西煎雙蛋拼特脆車打芝士腸。睇見菠蘿大大個，老公切開件特脆車打芝士腸，見到有芝士就好興奮，一食又話爆芝士，我都食啦，係正常脆皮芝士腸，唔太鹹；而菠蘿油係暖暖地，甜甜地，冇乜問題。抵食係2.7分。其他：其實都唔想寫呢篇食評，因為都唔難整，服務冇乜問題，有禮，俾錢時會講聲多謝，但我張單係$82.00，我俾$100.00，老闆就找4個兩蚊銀我，玩嘢呀？冇一個5蚊銀？客人袋住咁多咁重嘅銀辛苦啲，定你個櫃放太多銀會穿？早知我俾$105.00佢找。喺食嘅時候，老公睇見有$9X.00嘅半隻風沙雞，打算有一晚買嚟做餸，但咁找錢法，恕我小器，我諗都係唔買喇 。上次食評係

叫外賣，味道已經唔及以前平時叫下午茶食薯條已經少到你係可以數到幾多條諗住叫午餐穩陣啲啦，點知味道一樣係差加上員工態度極差，10:50左右打電話去叫午餐老細同我講11點左右先有得拎，咁我11點零幾分行到過去，點知老闆先啱啱打單入去廚房，廚房啱啱先開始做戇居居企喺門口等咗四個字 。期間啲員工係咁喺我耳邊同我講幫我唔到幫我唔到幫我唔到就不如唔好講野仲有個男嘅坐收銀枱，應該係老細，見到我等咁耐都唔幫手入去廚房吹吓，我開聲佢先慢慢行入去，仲要一句答覆都冇，轉頭就走咗去後面整嘢，都唔知係咪想迴避我 。總之冇下次，一定唔會再食呢間所謂餐廳

為咗唔想幫襯連鎖快餐廳，我哋就揀咗呢度嘅茶餐廳。我們叫左三個下午茶餐，包括西多士、特色熱狗、炸雞髀沙律以及紅豆冰，價格都係一百幾蚊。首先，西多士個樣好靚仔，脹卜卜，外脆內軟，麵包炸得剛好，金黃酥脆的外層包裹著花生醬內餡，大滿足！特色熱狗係另一個令人驚喜既選擇。熱狗麵包鬆軟可口，係有烘過！而配料更豐富，除了傳統芥末醬和番茄醬外，仲加入切碎咗嘅生菜同新鮮蕃茄，組合讓熱狗更加美味！另外，炸雞髀外皮酥脆，可惜肉質乾咗。唔夠嫩滑。沙律係好正常嘅蘋果薯仔。飲品方面叫咗紅豆冰，熱檸茶，熱華田，紅豆冰水準偏低，紅豆硬，唔夠淋，而且太多奶！相反熱檸茶味道好啱，有四片檸檬，茶底好！百幾蚊3個餐買少見少！好好珍惜小店！

星期六瞓到晏一晏，差唔多四點週六去食咗個下午茶餐。$42大概有八款下午茶炒粉麵揀，我哋叫咗分焗豬扒飯和星洲炒米。首先上來的是焗豬扒飯，豬扒肉質嫩滑多汁，表面酥脆。豬扒上面嘅鋪咗一片芝士，，但係可能鐵鍋太深，飯唔夠蕉香！接著，就係星洲炒米。一上枱，碟嘢好香。炒米粒粒分明，每一口都帶有獨特炒香味。而配料中既雞肉、蝦仁和蔬菜炒得恰到好處，分量都好足夠，值得比一比高分！飲品方面，我哋叫咗熱檸茶，凍檸茶，凍檸茶要加$3，茶底正正常常，唔算特別！

20-8-2023 (Sun)朝,同返教會嘅老公食早餐.由於佢係空肚去崇拜,咁我就就佢去最近嘅呢間食早餐,我嚟到時冇位,不過好快有,冇耐老公就嚟到.我哋睇完menu後,決定要$37.00嘅炸菜肉絲札肉米線配西煎雙蛋拼牛油多士,要熱奶茶.$40.00嘅蜜汁叉燒通粉配西煎雙蛋拼牛油多士,要熱檸茶,同$25.00嘅吞拿魚蛋白多士.1.-2.  熱奶茶同熱檸茶我冇試到熱奶茶,因為我喺3月左右,已經同爸爸大哥嚟食過一餐.熱檸茶嘅茶膽正常,可能我篤檸檬篤得太勁吧,有啲似維他熱檸茶.味道:3分3. 西煎雙蛋拼牛油多士牛油多士係厚多士,烘得夠脆,牛油份量都夠,唔錯.西煎雙蛋係我鍾意嘅半生熟蛋,正.味道:5分6. 吞拿魚蛋白多士呢個第5樣上,但我食咗先.見到吞拿魚塗咗喺底,又有生菜同番茄,喺面嘅蛋白煎成一片,多士同樣脆口,蔬菜新鮮,OK 嘅.味道:5分4. 蜜汁叉燒通粉睇見蜜汁叉燒好乾同柴皮就知唔好食,不過呢啲係來貨.通粉口感正常嘅,個湯淡淡地.味道:3分5. 炸菜肉絲札肉米線老公嘅,佢俾咗啲札肉我食,正常冇問題.而佢話米線硬咗啲.味道:2.5分環境:雖然坐門口位,但冷氣仍夠.服務:坐低後,會即刻自動放

上一次來，記得還在擔心新增確診個案突破一百宗；今天再來，已沒戴口罩。點了白汁龍脷蟹柳飯和熱檸檬水，侍應首先端來的是青紅蘿蔔湯。湯夠熱，卻不至燙口；配料足，而味道適中。米飯不硬不軟，頗有嚼口。雖然醬汁略鹹且只有蟹柳一小條，但香煎龍脷肉質嫩滑，也沒有雪藏味，快餐而言出品尚佳。吃過一塊魚柳後，喜見「內有乾坤」，蓋為墊底雜菜。甘筍椰菜非何名貴之物，熟腍狀態的口感反而滋味無窮，尤勝山珍海味。熱檸檬水酸而不澀，倒是不太滿意。不知道下一次來，又會是怎樣的面貌呢？

今日去咗荃灣仁濟醫院檢查身體.完成左之後出嚟已經係下午茶時段.因為中午還未有午膳.所以肚仔有點餓.便決定在附近找吃.行過去荃灣眾安街之祭.經過街市街這餐廳門口.看到佢哋都有特價下午茶.同埋間餐廳都記光猛.啲裝修都記乾淨整潔.便決定進入試吓先！點餐如下：1. 沙嗲牛肉麵 X1 $43元 配：炒蛋.腿片.脆皮多士. 餐飲：熱咖啡2. 焗咖喱牛腩飯 X1 $42元 餐飲：熱鴛鴦😋沙嗲牛肉麵.估唔到有驚喜.牛肉片都幾厚.肉嫩唔韌.啲沙嗲味都幾濃郁.麵身都爽滑！😋焗咖喱牛腩飯 咖喱係港式咖喱.係我喜歡嗰隻.牛腩夠冧唔韌.唔黐牙！👍😋😋😋📌晨光餐廳 (荃灣)荃灣荃灣街市街120-140號安裕大廈地下122號舖

話說從仁濟醫院行出來，因未食午飯，行左成條街得兩間茶記，都好街坊下，只能睇餐牌選擇了晨光，因為為食，選了下午茶餐牌內：炸雞脾沙律配紅豆冰。紅豆冰上來大大杯，攪勻紅豆貌似好罧，點知匙羹上見到有d滑潺潺好似鼻涕的物體，起初以為d紅豆糖水凍左都會在表面有層野那種，點知再攪下相信成杯都有。食左一啖，紅豆是少少酸味，見隔壁阿叔一杯食晒，考慮是否自己太敏感，唯有放棄，但個炸脾就好好食，雞肉好滑，外皮脆，又唔會太燶。

早2年有段時間，經常要去仁濟醫院，由產前檢查到bb打針，仲有陪家人覆診。。。每次等到天昏地暗勁餓，都係嚟呢間餐廳食個大早餐醫肚呢日晨早出門終於又有機會嚟食早餐，例牌沙嗲牛早餐啦！最特別係沙嗲牛非常厚身，汁夠多夠濃掛晒麵，公仔麵唔會煮過龍仲有咬口，仲跟雙蛋，食完一碗真係大滿足呀！以前塊多士仲有啲似丹麥酥勁正㗎，可惜依家變咗普通多士，好在厚多士都幾好食，咖啡唔會太苦夠奶依家嘅物價嚟講，早餐35蚊咁多嘢好抵呀～

今次試下新嘅茶記晨光餐廳，光線充足，衛生都叫ok. 叫左個lunch set白汁蜆肉焗魚柳，跟餐有白湯，再加三蚊跟個冰飲。個白湯有驚喜，火腿同埋菜，粉絲一齊煮，都十分入味。至於個焗飯就要等十五分鐘，份量都比較細。個飯係炒飯底，配上甜甜地嘅白汁同埋芝士，同埋少量蜆肉，魚肉冇咩雪味，味道唔錯。

下午茶有焗飯同焗意粉，諗住茶餐size唔算多，一於叫哂兩個餐：焗咖喱牛腩飯 & 焗肉醬意粉。咖喱焗過香味好出，牛腩夠淋，飯有炒底但好少咸味，配埋咖喱汁嘅味濃，啱啱好。開頭望落去肉醬唔多，原來食食吓竟然淨番好多肉醬，仲可以留番第二日加白飯食多餐，肉醬食到係肉而唔係一粒粒肥膏，味道唔錯，但就意粉淋身咗啲。一個餐四十幾蚊連嘢飲，以依個價錢同份量都算合理，好過之前食過啲連鎖茶餐廳有折扣但份量少咗，變相正餐同茶餐份量差唔多但就比貴咗。

魚是腥臭的，湯是非常咸的味精湯，入面職員仲話我們的湯很出名，重點那女職員態度是十分惡劣非常差! 食一口就感覺中伏了，應該系出名難食! 這間真的是給人吃的餐廳嗎？不懂就結業吧! 這態度對不起食材更對不起客人!

放半日，路過樓下晨光餐廳，食個叉燒炒河，醬油好夠，然後叉燒半肥瘦，係相當有新意既，因為我唔食乾炒牛河，偶爾食下泰國雞河，濕炒乾炒都可以。叉燒炒河，少見，但不外如是，哈哈😄但平，$48送味精中湯，好咸！有檸水沖淡下☺️👏🏻雲石台好靚啊🤩

一向响晨光叫開炒粉麵，有日見到有客叫咗隻芝麻雞，一問之下，原來唔係常規菜，所以餐牌無寫，侍應話可以預訂，但要提早一兩日打嚟問。前日專登打去訂，佢哋除咗介紹咗隻芝麻雞，亦推介欖角肉排。芝麻雞肉好嫩又夠味，唔會太喊，小朋友都啱食，雖然放咗成個鐘後先食，亦唔會因為外賣盒焗住而唔脆，雞皮係精粹，芝麻又夠多又香口，非常之好食。欖角肉排個汁唔錯，最欣賞肉排無落梳打粉，值得一讚，食落有住家餸嘅感覺。試咗兩款有驚喜嘅小菜，訂嗰時落單姐姐話兩款係懷舊菜，除咗响一啲酒樓食得到，茶記好少做懷舊菜，包有驚喜，確實無令人失望。

今朝一早經過晨光餐廳(sunshine )，天氣有D凍即刻入去嘆返個靚早餐，今日食咗個义燒通+双🍳多士+熱咖啡！咖啡先到飲一啖非常提神，濃濃咖啡味，跟住双旦多士，多士上面有牛油外脆內軟再加双旦半熟，一個字(正)，跟住义燒通粉义燒好冧，湯底又香，聽講大厨零晨已回來烹調，用心機做出來的，食物質素非常好，食完已經好飽，充滿力量的一早，再去工作。