時新車仔麵屋 (已結業)

（生酮可選）今日又要在沙田見客戶.順道在沙田吃午飯.時新車仔麵在沙田也是比較有名的車仔麵檔.價值相當便宜. 💰 3 4 有三餸🥢🥢🥢💰 9 一個淨餸 （生酮）門面比較簡單. 港式茶餐廳feel.因為除左車仔麵.還有碟頭飯叫.店鋪用紙張自己填的.不像舊式要排隊再點菜.比較方便.款式很多.價錢也不貴這次我點了五個淨餸：👍🏻雞扒：$5 大大塊.很嫩滑.很平宜.但浸湯久了.皮不脆.但高旦白.健康平宜.必點👍🏻豬潤：爽口的.十分新鮮.也有6-7塊左右.太超值了.✊🏻柱候牛腩：這個一般.牛腩肉比較瘦和乾身.👍🏻南乳豬手：愛吃豬手的我一定讚好.南乳味濃.入味.豬手軟淋淋的.還有三件.太有良心的店.👍🏻紫菜： 很少車仔麵店有紫菜.是紫菜湯那種紫菜.料多.總結.一定會再來的.因為比較少車仔麵店有淨餸的叫法.食物都有保證.都很夠入味.但環境是比較茶餐廳.在屋村內的露天位置也有位置可坐.

住左係沙田甘耐都唔自己有黎間餐廳 黎間餐廳係街市附近 位置其實相當唔起眼 無靚裝修就普通屋邨小店 甘當然要支持一下黎d買少見少充滿人情味既屋村小店一入門口雖然唔係坐爆晒人 但每一張台都有食客 餐廳除左買碟頭飯仲有車仔麵 今次我就試左車仔麵屋村小店連價錢都充滿人情味 簡直就係街坊價 33蚊1個麵3個餸 加6蚊仲有汽水豬潤蘿蔔豬紅回鍋肉河粉 加汽水 $45今次嗌左沙嗲汁小辣 辣度黎講唔只得個辣字仲好香 蘿蔔好甜 豬潤都唔會煮過老 豬紅就一般般 回鍋肉正常 不過值得一讚係 竟然店家會送幾條生菜 一般車仔麵店都好少會甘貼心 讚值得支持既小店

其實我真係好中意食車仔麵 去到邊都搵車仔麵食 今次又俾我發現左間好味又抵食既車仔麵黎間車仔麵係瀝源邨平台 門口一d都唔起眼 但方圓十里應該都無咩車仔麵檔 甘車仔麵癮起 就入左去試下 餐廳除左車仔麵仲有賣其他飯食 不過我係車仔麵迷 當然食車仔麵雖然門面或者餐廳環境差d 但係好有人情味小店 而且33蚊1個麵3個餸 甘平既價錢仲可以係邊搵到 然而選擇都好多豬紅蘿蔔豬潤雞翼韮菜餃河粉 (沙嗲汁加辣) $45(好味指數: 😋😋😋😋)豬紅好入味 韮菜餃好正 蘿蔔好甜 雞翼都好正但豬潤就差d 不過整體好味汽水加6蚊有雪碧0系+(為最高)整體食物質素: 性價比: 推薦指數:

講真呢間野知道好耐但咁耐都無興趣入去食因為門面好舊環境又舊 鋪頭外面........但係同事介紹下三日前食左第一次之後連續食左三日呢個食評應該都叫負責任啦掛環境真係麻麻有冷氣但好大味所以揀外賣天氣凍可以考慮坐外面第一日食唔知死叫麻辣（大辣加左$3）雞扒 牛腩 紅腸 幼面加底 外賣返去一打開個湯底（分開上）清湯！仲要係豬骨清湯無味精好香豬骨味（有人可能會覺得唔夠鹹）打開個面雞扒唔係兩三舊最少有5舊牛腩份量係我食開既1.5-2倍但一般紅腸就幾多（車仔面例多，第一次食揀穩陣野）但見到個辣醬......即刻揀起一半如果唔係無可能食到但結果都係辣死左同事話落哂應該到譚仔大辣到極辣但整體好滿意三餸加底加多三蚊辣醬$43真係算好平之後兩日仲試埋墨丸雖然得兩粒但係大粒同靚料 唔係平貨雞扒必食有誠意湯底辣汁好香好夠味我話左黎緊一個月返工都食佢架啦

33蚊3餸車仔麵，份量不少，雞扒、牛腩、麻辣雞翼尖及滷水大腸都好好味，注意有啲餸要加1蚊！最好係麵裏自帶有生菜，好多車仔麵要加菜都檔加個餸，加個凍飲約40蚊埋單，非常低食！學生仲有優惠，除左車仔麵仲有飯餐可揀。環境方面，鋪位有啲細，座位此較窄，要嘆冷氣就要將就下，唔想迫可以坐外面的加枱，露天位置，夏天會比較熱！服務方面，太多人時會有漏單情況，一般時候樓面只有一個人，唔係好專業，唔會記住啲單，成日漏野飲！

星期日嘅下午，喺沙田想唔洗排隊揾食真係好困難，所以走左過去瀝源。$31 嘅 3 餸車仔麵，選擇都算多。我叫左冬菇丶雲吞丶雞翼，分量唔算多，牛腩汁湯底亦比較淡味，但 $31 仲可以要求 d 咩⋯⋯所有飲品（包括熱飲）都要加錢，加 $5 嘅熱檸蜜竟然有 5 片檸檬，都抵返嘅。另外見點菜紙上話有提供 20 分鐘免費 WiFi，乜依家連車仔麵檔都要有呢類服務，真係生意難做呀！

今日在沙田市食了這間時新車仔麵，見到可以在戶外坐就試下，叫了一個三餸車仔麵和一個車仔飯。車仔飯有埋碗湯 。店員態度服務也可以， 都見很多街坊幫襯 ，如果在秋天食的確不錯，夏天嘅話可能真係會太熱 ，都會再去試下。

剛剛發生的事, 希望各街坊小心此店的衞生情況, 今日中午11:50左右, 本人老公於此店惠顧雞扒飯, 怎料在進食途中發現一疑似蟑螂翅膀的東西在食物中, (而該翅膀亦似被炸過)我雖鼓勵老公向店主反映, 但他礙於時間關係, 打消念頭, 亦沒有繼續進食, ( 當然與食物整體質素有關, 都是不好味), 但我認為街坊有知情權,必須知道此店衞生情況, 最終決定是否惠顧, 則各下自理了, 我們就不會再幫襯!!題外話, 此店職員亦欠禮貌, 見我老公停手不食就立即收碟, 還開聲叫他離座, (估計是繁忙時間到, 想吉返張枱),總而言之, 此店是他見過最差最差的一間街坊食肆!!劣評!!

整體嚟講普通唔難食啲嘢。我嗌咗9個餸：蟹子包 咖哩魚蛋 生菜 牛肉 菜肉雲吞 豬腸 鹵水雞翼 響鈴 蘿蔔。汁就嗌咗小辣汁及沙爹汁。蟹子包、生菜、豬腸、菜肉雲吞、牛肉（先煮好）、響鈴（都攞去卓？？唔喺最後先放嘅咩？）、蘿蔔大致都喺熟咗用溫水浸住再喺卓一卓。蘿蔔食出佢本身嘅鮮甜。咖哩魚蛋咖哩味唔夠。鹵水雞翼唔夠鹵水味。無冬菇（哩度有人留言話有冬菇，問過老闆/職員話遲吓先出。），款式選擇較其他舖少。小辣令唔太喜歡食辣嘅我容易接受。大致上分數我會畀65分。（車仔麵最好食嘅頂盡我都喺畀80分為滿分。當然100分喺先喺真正滿分。）禮貌、服務都幾好我畀8分希望水準再提升，老闆如有睇到留言希望會努力提高水準。

                車仔麵一向比人的感覺都是好污糟, 但呢一間令我另眼相看!!!!!  不只店內光猛, 乾淨!!! 而且望入廚房都好乾淨!!! 員工服務態度好!!!   $ 28, 三餸!!!! 抵到喊 , 仲要好足料, 冇叫生菜都自動波送幾條!!!!我叫了粟米, 好甜好大份量 !!! 芽菜!!! 加紫菜, 紫菜好味好多!!!! 一句講晒, 平靚正唔食真係走寶!!!! 

嗰日lunch time, 我同同学去時新車仔麵屋食lunch , 等左好耐d麵都未到 , d 麵到左之後根本趕唔切食,就要趕住番学校. 我不斷同侍應講, 叫佢快d上菜 , 但係佢嘅態度好差. D 野食方面就無咩變化, 黎黎去去都係得三種汁, ( 沙嗲汁, 牛腩汁同辣汁)牛腩汁淡而無味 ,唔好食!簡直入去浪費金錢! 奉勸各位, 見人少先好入去, 唔係有排等!!

上次係個度附近食完某間茶餐廳..嚇然見到呢間車仔麵檔竟然叫時新..第1時間當然諗係咪同成日no.1既時新漢堡包間野係咪有關係..終於前幾日下午去左試..入到去..得一個客..有隻貓仔比人縛住左..行埋去車仔麵個士頭婆度..上面有送既menu..研究左陣叫左貌似魚肉但其實係貢條既送+雞翼+油麵11$..唔夠所以話再加牛腩.就17$了..原來有得加咖哩..就加左..開始啦..貢條ok..都係貢丸個d味..不過口感麻麻..之後麵都不過不失..雞翼亦是啦..牛腩6舊左右..stop..橫睇點睇都係似牛展多過似牛腩..見d牛展個d紋同根..唔知點樣好啦..算數..唉~~以前中學係大圍海福花園有間好正既車仔麵嫁..唔知搬左定執左呢/.\

好味唔係佢既賣點因為d野食都幾普通佢既賣點係好平.正常黎講一個麵底3蚊送係3-6蚊不過學生價係12蚊3送1麵今日食左由魚冬姑生菜米線由魚好爽口,仲以為係好有咬口果d...比少左冬姑我要我出去先追返唔係太有禮貌不過就真係夠飽肚12蚊飽晒邊度搵...?

中午時份，冇咩人，老板娘就SELL佢D餸好好味，最後叫左2個3餸麵加美味咖哩汁。1. 豬扒+亦尖+魚角配河粉($15) - 豬扒夠稔，但太咸﹔亦尖入味﹔魚角其實係魚旦，幾好味﹔河粉太碎，唔得。2. 豬紅+牛腩+豬皮配幼麵($16) - 豬紅夠味，牛腩夠稔但略肥，豬皮入味﹔幼麵不錯。3. 熱豆漿($4) - 不會太甜，但冇咩豆味。價錢平，所以份量不算太多，但呢間車仔麵店令我同老婆回想起中學時的回憶。

百無聊賴四圍行,記得'蔚'剛剛寫過呢間舖就入去食車仔麵坐低臨時變掛叫了黑椒雞亦腸仔飯,老板娘話無黑椒轉咖喱好無,我話好但要少飯費時哂飯好快到但見賣相好似以前讀書$4.5嘅碟頭飯,雞亦有淡淡鹵水味,腸仔則用水淥過,咖喱汁淋面,搭3條白菜仔,但食落咖喱汁頗香,與食仔餸雞亦腸仔好夾,轉眼間成碟食哂,另加豆漿一杯18皮,呢碟飯偶爾一餐無妨,經常就咪攪!典型街坊生意,下次先食車仔麵