時新快餐店 (已結業)

黃雨下，二人黎時新食晚飯，途中有些少阻滯，不過埂係能夠迎刃而解啦。每人要左個雙層芝士蛋漢堡包同凍奶茶，即叫即整，等左唔洗十分鐘就有得食啦。對住個咁大既包，真係唔知點處置佢。不過，最後都鼓起勇氣對付佢。比起上次食果個雙蛋漢堡，呢個包包更加好食。包鬆軟得黎又烘過，脆脆地，而自制既漢堡亦十分鬆軟，唔似得某o的連鎖式快餐店既漢堡實一實，漢堡入面更加食到洋蔥添。除此之外，隻蛋仲係糖心既添！加上沙律汁，真係冇得彈。不過杯奶茶就冇咩特別。要出左名既餐廳維持好既質素真係唔容易，但係時新就做到。希望下次再黎既時候都可以一樣係咁啦！

數月前去過一次，評價麻麻，昨日再次路過打算給他多一次機會，點知..........出事啦，個漢堡包依舊熱熱的好掂，但入面件"漢堡牛肉"應改名好Ｄ，叫"生粉油肉"會好點，一入口滿口粉，Ｄ油又係咁流出來(注意﹕係油不是肉汁)再一次的失望，這食店再冇機會了

見到openrice點解一間快餐店會排第一位,於是同d同事專登走黎試下,我地叫咗漢堡包,雙層芝士漢堡加蛋,真係好好味,漢堡有豐富肉汁,仲有d洋蔥粒,好香,個包脆脆地,仲即叫即整,非常正!炸雞脾亦都好好食,皮脆肉滑,不過略為細隻炸薯條就普通啦!無咩特別

去開ｐｏｌｙ，因為朋友話好好味, 就去時新試下,叫左雙層芝士漢堡包配黑椒汁：個包烘過，脆脆地;牛肉有ｄ洋蔥粒,好香好match, 不過我覺得d黑椒汁咸左d, 朋友就覺得唔咸and ok惹味, 食唔係好到芝士味, 如果用煙燻芝士應該會好d, 總括來講都係好味ge, 食一個已經好飽, 而且熱辣辣, 冬天食一定更滿足,ps 個環境感覺唔乾淨, 若非朋友介紹唔會去

自有上openrice的習慣 時新已經常位於榜首我日想夜想...可惜無論是返工或是出街也甚少去到紅磡...突然有一天媽媽說「不如去紅磡食時新囉」有人陪實在太感動了! 即刻飛出去紅磡 都幾難搵架其實...要轉彎先會見到店員好好人...好快就有熱辣辣漢堡包一個第一口咬落去...不得了! 包面是脆的!! 不過只是頭幾啖...之後就冇咁脆了肉好明顯是新鮮...食到一粒粒的肉和洋蔥 不是實的...洋蔥很香...加上mayo好正!不算很大...當下午茶就啱啱好!唔係話超級超級好食...不過$11能夠買回來這種滿足感是超值的

是吃了幾次才得到的結論，絕對不是一時的意見，就是這裡的炸脾，水準下滑了。周日來到，人多是必然的，但原來不少塞在店內的人客也是買外賣的，我可以堂吃，先要了芝士蛋漢堡及炸脾，另外一杯凍啡，可以坐去埋面坐在四方檯，悠悠閒的邊看電視邊等吃。雖然人多，但這裡的食物還是即叫即做的，見幾位師傅忙得團團轉的，很認真。等了近十分鐘，炸脾及芝士蛋漢堡一起出爐。看炸脾表面，油瀝瀝的，不乾也不脆的，明顯的是時間太趕，又或是油溫未夠。但切開一看，還是有肉汁的，吃起來味道也不錯，雖然不是以前的高水準，但10蚊一隻，即席生炸，都算是物有所值的；芝士蛋漢堡仍然美味，包烘過，蛋即煎﹝因為真的是不停不停的煎﹞，加上漢堡及沙律醬，只收十來塊，沒有不滿意的道理；人多，質數自然差一點，而這裡還維持即叫即製，是我還是給笑面的原因。埋單36蚊，仍然抵食。

我老公係Burger King，最鍾意食Burger!!我係佢個BB，最鍾意跟住佢四圍食!!!Burger King再戰時新!!呢個老公仔上次時新再試指數係4.5，所以入黃埔點可以唔去食時新(雖然就唔係幾就腳，真係要特登去!)今次老公點了雙層漢堡包加蛋！唔太好burger ge BB就叫左炸雞脾。雙層漢堡包加蛋：心跳之作!! 真係好正…肉既水準一貫既高, 多汁有肉味, 足料! 加埋我最鐘意既茄汁…絕!!!!!!炸雞脾：雖然主打係漢堡包仔，不過BB覺得雞脾好好食啊!!!!!下次再去都一定再叫雞脾。老公想再食多一次的指數： 5/5 (一定要再去!!!)BB想再食多一次的指數：4/5(上次係3呢)雖然BB唔太好burger，但以呢一個價錢食到比超高質數ge食物真係超值!!

是日放榜日. 當中一人考獲佳績!!我地呢d " 上哂岸 " 就見一見面吧!!一行四人前往時新tea一tea 聚一聚.下午四時左右,, 店內入座率也挺滿.只餘下面壁思過位. 無理由四個人各自面壁思過卦????幸好有一對夫婦讓位 在此答謝.簡簡單單要了一個芝士漢堡配沙律汁.即叫即整熱辣辣~麵包微脆包心軟熟.內裡的芝士被牛肉的熱力逼溶.連同沙律汁從包邊漏出 好不狼狽!!很有兒時吃漢堡的狼狽感覺 即使現在人大了也沒變.牛肉很有肉汁 沙律醬比一般稀 少了一份膩的感覺!!不過份量少了少少. 但作為下午茶就剛剛好總之就好味啦!! 很想encore!唯一要彈的是包下的紙太薄了 沒什麼作用.不過微不足到完全沒影響encore 與否的心情!!食完之後都醒目轉往火車站m記繼續沒幫襯閒聊. 始終時新這類的店也是快來快去吧!! 不宜久坐.

睇到佢一路都排第一位, 我同我個friend終於去左食.叫左個雙層芝士蛋,的確係好食! 由其係塊扒.加埋沙律汁真係一流!下次仲打算試埋個炸雞脾!又平又好食, 難怪咁多人推介!

有瀏覽OPENRICE的話,都知依間時新經常明列NO.1, 前日與朋友興起便一起去試試這間我兒時風格的快餐如何? 兩人一O共order咗一個芝士漢堡,一個魚扒包+雞脾一隻..先講魚扒漢堡,落單時講明要沙律汁,但個伙計無離頭話要收多一蚊?乜個包本身無汁GA?朋友亦冇追問..至於味道冇想像中咁好,魚扒漢堡扒都係即叫即煎,魚扒肉薄而稍削,少許魚味.相比起漢堡包較遜色, 漢堡包味道不錯,牛肉很鬆軟有肉汁,但份量很小的與品茗時的鯪魚餅差不多大小,所以最好要雙扒...其實第一口咬落的味道似曾相識...想起十足很久前在家自製的漢堡扒! 至於沙律汁亦調較得係好稀好稀,味道全冇特別, 講到秘製就真係誇張,..屋企個樽KRAFT仲好味.. 另外.生炸雞脾唔錯,可以加少少准鹽就更好..唔知一般快餐咁..大得畸形,又醃到D雞肉變粉紅而帶酸味. 整體黎講唔錯,勝在樣樣都即叫即做,夠新鮮熱辣,加上依種舊式快餐真係所餘無幾,對於我黎講真係風味十足 不過如果只係"特登專程黎一心諗住"一啖NO.1漢堡可能會有O的失望.

陪老婆行完尖咀，好多舖頭特價，過黎紅磡行一圈順便食下午茶及晚膳。首先黎了一個芝士蛋漢堡 ($13)。 蛋煎到剛剛熟，漢堡厚厚的嫩滑有肉汁，而芝士已溶入暖暖的包內。 秘製牛肉漢堡扒夠賣點，價錢又平民化，行遠左都抵!

近來d漢堡飽店開到成巷成市, 搞到我都有條食漢堡癮, 見到時新呢排0係openrice排頭位, 又見到咁多好評, 都心郁郁想試, 但因為之前0係屋企自己都自製過漢堡飽, 都係熱辣辣既煎蛋加漢堡扒(現成)夾芝士, 都係d芝士溶曬, 都係好好味, 變左我覺得呢d係自己都整到既野, 無咩必要轉登去食.但因為見呢間野高居榜首咁耐, 始終係唔試唔安樂, 今日終於轉程同老公去紅磡, 試試佢地自制既漢堡牛肉 同魚扒, 所以分別叫左雙層芝士漢堡同魚扒飽. 本來滿懷希望, 期望很高, 但一見實物… 第一原來塊漢堡唔係我想中咁厚, 第二d沙律汁得好少, 第三d芝士無溶. 再一食, 好味就好味, d漢堡果然係自制混入左洋蔥粒, ok香, 但只係住家口味, 不至於全港第一; 至於魚扒其實係有少少失望架, 講得好聽d係好滑, 唔好聽就係無肉質 . 另外, 兩個飽食落去都食唔出芝士味, 而個芝麻飽亦好普通呢!總結而言, 呢間野唔係唔好食, 價錢亦好合理, 而係期望過高變左失望而回. 我相信如果我無睇過openrice而係路過去食的話, 應該都幾滿意; 但因慕其全港第一之名而黎, 就頗為失望啦!

之前係到見到時新排第一位，又有好多好評，今日終於同女朋友去左一試。去到叫左個雙層芝士漢堡同個魚扒飽，雖然味道唔算差，不過我自己就一D都唔覺得可以叫做好同值得排第一位，兩個飽都好普通，都無話用D特製醬汁配落去，而且味道比麥當奴還稍遜一點。總括來說，時新價錢合理，不過以漢堡飽質素黎計，仲有大把餐廰好過佢，順路經過試下就無妨，不過山長水遠去到試就唔係太值得喇。

o個日係假期, 去o左紅磡探個病人朋友, 再等埋一個朋友, 就去o左呢間病人成日提起o既好味漢堡朋友介紹, 一個雙層芝士加蛋!一上枱就見到d 溶緊o既芝士, 隻蛋仲要係半生熟咁, 浪下浪下!! 正~咬落個漢堡扒好鬆化, 肉汁豐富, 個包烤過, d 芝士好香值得推介!雖然舖仔細細, 但係個個客都好自律, 舖面感覺好似細返返細個o個陣

成日都見到時新的評價好高, 咁自己又成日係附近經過所以都食過幾次幾次都係食雙層芝士漢堡加個雞翼 & 暮條個雙層芝士漢堡都幾OK...只係份量太細但勝在即叫即整, 塊芝士會溶左少少咁, 好好味雞翼就炸得幾好味, 不過唔係話好特別暮條就好快"林"...唔太好食整體泥講都OK, 但就無呢度講得咁誇張好味到全港第一囉