時來食坊

營業中

休息中

大魚蛋係長洲必食既食物之一，每次嚟長洲我都必會嚟呢間食。舖頭又近碼頭行前5分鐘就到海灘。大粒大蛋旦呢度有好多味道可以選擇，我就最鐘意椒鹽味其次係沙嗲味，味道適中唔太濃。最重要係蛋旦係即叫即炸，口感夠彈牙爽口，食唔到有雪藏味道。大大粒，10蚊有兩粒天然飲料食完香口野當然飲下冰凍天然野中和一下，仲有4種口味。老闆仲話係自家製無防腐劑，健康非常不妨一試

長洲必食大魚蛋，黎幾次都係幫襯呢間。見到banner都有唔小藝人幫襯。一串麻辣，一串沙嗲。大魚蛋唔洗多講啦，超彈牙 但唔係粉感，口感極佳。唔似出面有d小食店既粉團魚蛋～配麻辣汁 辣得好過癮，辣感係後上，愈食愈辣！岩哂鐘意食辣既人沙嗲味個人覺得同大魚彈最搭，沙嗲汁比起麻辣汁唔會太搶走大魚蛋既味，話哂食大魚蛋都係想食佢既魚蛋味

好耐無來過長洲，假期真係好多人，人山人海長洲真係多嘢食，尤其係小食小食之中，特別既係特大既魚蛋，真係大過乒乓波好多味選擇，但我叫左原味，唔辣，小朋友亦啱食，魚蛋大而爽口彈牙，冇酱料下味道更重新鮮魚味，不是只有粉而無味，外面一層炸得金黃香脆，咬起煙煙靱靱，幾好味

放假專程入長洲睇櫻花, 香港真係度度都好多人, 入長洲既船都爆  一場入到黎當然要食下呢度既小食啦, 經過呢間小食店見唔洗點等所以就o係呢度買左大魚蛋同炸香芋雪糕~大魚蛋有好多種汁選擇, Vi要左燒汁, 魚蛋真係勁大粒, 燒汁甜甜地幾好食, 魚蛋算幾彈牙, 不錯~而炸香芋雪糕就最少要買2粒, 睇個樣脹卜卜咁幾吸引, 點知咬落個皮林既, 而且好厚, 又粉個皮做得好差, 最後Vi只係食左個雪糕X_X少人既食店真係有原因既....雖然炸香芋雪糕好難食, 但魚蛋係令人滿意既~

A short stay in Cheung Chau. Tried quite a few of its local delicacies. The big fish balls and the mango sweet dumplings seemed to be everyone's go-to snacks. We tried the mango dumplings of this snack shop. The portion was small for $10, compared to stores further away fr the ferry pier, but the mango was sweet n juicyWe found out they sell chinese herbal drinks of their own recipe and the man kept saying we must try their sweet seaweed soy drink. It was surprisingly good n uniquely flavored. 自

來到長洲閒逛，四處享用美味小吃是指定節目之一。首先品嘗的是時來食坊的彈牙大魚蛋。這款魚蛋果真大，是正常體積的三四倍左右，口感非常彈牙，更有四五款口味供選擇。筆者喜愛沙嗲咖哩口味，細周生當然選擇原味，大家也吃得津津樂道！

時來食坊@長洲時來食坊是長洲一間得獎名店，店外與明星合照很多，而且旅發局跟TVB都曾經推薦。心想，味道應該不錯，可惜最後令我非常失望。時來食坊位於長洲名店＂甘永泰＂前方，直接與之競爭。我們吃完"甘永泰"後直接上去再吃多一串大魚蛋。希望再嘗試其他魚蛋店內的魚蛋，好作比較。除了魚蛋外，亦有不同種類的食物，如串燒等等，最後我們決定試試招牌大魚蛋。其魚蛋特色是不同種類的醬汁，如沙嗲，咖哩，麻辣，原味，椒鹽。沙嗲大魚蛋(4/10)($10)沙嗲絕對是我的最愛，店內的沙嗲汁亦算不錯，可惜魚蛋完全不彈牙，超淋，沙嗲汁完全不入味。給我的感覺是魚蛋質素參差要用濃醬汁掩蓋不足。而價格是跟"甘永泰"相同，10個大洋，對我而言，價格是過貴，我會寧願去食多一串＂甘永泰＂，絕不再試時來食坊。

與媽媽遊長洲的第二站, 也是吃長洲的大大粒魚蛋 ^^''時來食坊''有提供麻辣口味正合青蛙心意喔!!同樣是索價$12/串, 有兩大粒~~不得了, 魚蛋真的非常夠辣但不麻.....可惜魚蛋質感腍腍的, 沒有嚼勁,就是不及''東源小食店''的魚蛋爽甜 >.<

嘩...嘩...嘩...間鋪頭好多明星相丫一心諗住咁多明星食過以為都OK仲有好多口味俾你選擇沙嗲...椒鹽...麻辣等......試下椒鹽味，當叫阿姐一串椒鹽魚蛋看見她拿著一串沒有調味的魚蛋再加上一瓶椒鹽已經呆了一呆食第一啖-->椒鹽同魚蛋既味道係分開的食第二淡-->已經係同原味的魚蛋係沒有分別魚蛋雖然夠彈沒有雪藏味，但係今次選的椒鹽味本人覺得大錯特錯下次的話，一定一定唔會再揀椒鹽味

長洲 都係幾個月冇黎姐 都好掛住佢啲魚蛋啊 大大粒又爽口又好味 今日放假 咁就同將軍約好去長洲玩同食 一到埗就去食大粒魚蛋 黎左 時來 咁梗係篤魚蛋啦 真係條街全部都有魚蛋 咩味都有啊 咖哩 沙嗲 原味 等等等等 但係我都係唯愛咖哩 爽口就一定嫁啦 咖哩味都唔係好咖哩 但係都合格既 下次都係食原味 因為原味加甜醬已經好正

接著就吃長洲的大魚蛋咯友人不愛吃甘永泰 覺得沒什麼味道  於是到這間時來食坊 其實之前也來過這更是旅發局和TVB推介的食店～～當然不會太差啊，一樣人氣湧湧！而且態度友善大魚蛋爽口彈牙 $10串有不同味道供選擇～先來過沙嗲味道一試 好像沒以前的大粒 雖然不太入味 沙嗲只在表面 但熱辣辣的 肉質頗彈牙又脆身 不太辣 也算惹味的～之後來串椒鹽的 因為感覺有趣特別 沒試過 不過可能魚蛋本身也有點味道 在表面灑上椒鹽 結果有點鹹

來長洲走走，魚蛋在香港絕不算新鮮事物，食一串魚蛋亦不再計劃中。但看到鍋中大大粒魚蛋，忍不住買一串。這裏的魚蛋比通常的大，鬆軟彈牙，好Q，又有咬勁；有魚肉鮮味，無腥味；加了沙爹醬更是美味。可能魚蛋真是太過普及，好難有驚喜，但這次真是impressive.

來到時食過甘永泰,覺得名過於實.行過試下時來食坊,同一樣都是大魚蛋,好唔同,起碼老闆代客嘅態度非常之好,代客有禮!又會解釋幾種汁醬嘅唔同口味及接受情度.Very Good!經老闆一輪解釋後,決定要沙爹味大魚蛋,魚蛋真是好大粒,唔似之前果間,魚蛋幾彈牙,沙爹汁唔太辣,一般人都可以接受.一粒已經好飽肚!下次會試下麻辣汁,老闆話喜歡辣嘅人會鍾意.

沙爹大魚蛋 $10 (好食指數:7.5/10) 冰凍生果串 $16 (好食指數:6/10) 2013-06-23 試下長洲另一大魚蛋先，係tvb既推介！呢款魚蛋雖然無咁爽口彈牙，表皮亦無翻炸，但勝在有沙爹汁，食落無咁dry，仲有多種味選擇。至於生果串唔算特別，個人較喜愛冰糖葫蘆既味道！

今年復活節無出外旅行，於是入咗長洲行下同搵食，當然唔少得食人氣食品之一，大魚旦。嘩嘩嘩！睇佢煮緊個盤大魚旦，真係幾震撼！我叫咗沙嗲味，$10 兩粒大大粒，又真係幾抵食。沙嗲味香口，惹味，魚蛋又爽又彈牙，正呀！