春水堂 (新城市廣場三期)

營業中

休息中

近區得食見春水堂開到入沙田區渴望多時終於抱著戰戰兢兢帶著口罩的心情全程不15分鐘的用餐冒險一試｡｡｡ 位置其實很集中周邊圍繞完全係食肆,設有堂食與外賣,其實開業之時也有掠過但由於是新春期間與及正正開始疫情所以完全沒有想到置身於內,今次入座不多不少間接由於一田超市要買食品才路經此地,擺位不算太過狹窄但由於疫情所在，如果可以我還是希望與鄰枱之間客人有一段距離,帶位亦深明此理在下午茶時段亦沒有婉拒我的要求~先來是一個紅燒牛肉麵HK$82. 餐牌推介之作上枱極為快速牛肉本身感覺是牛展與及牛筋的所在,軟稔程度實在令無牙的我不亦樂乎，而且亦相當入味,麵條屬於幼身狀口感上只屬一般,身旁的兩條小唐菜更是硬得要命,雖則是小節位但深信廚師應該要為關注~另一個是店內的原味奶茶HK$30.茶,這一點對於我而言由於之前已經在其他分店外賣過,味道上我沒有質疑因為我很喜歡他打在頂頭的奶泡，入口順滑，要來少甜少冰來者剛剛合個人心意~整體來說是不是可以的但價錢若然在這個時勢可以更為大眾化一點應該更為吸引,眼見周邊有一些連鎖店已經因應措施已做出優惠這間過江龍未免太高估自己, 幫襯一次止止痕應該算了。☆店内附加一服務費☆

心血來潮想食重口味台灣菜，自新城市裝修完都未行過去，今日既然有心所以一試。麻辣牛肉麵湯底濃情化不開，牛份量比想像中多，而且半筋半肉，麵質煙韌，一流之作手工麻香麵線麵質普通較淋，味道亦不見得份外麻香只係水準以下黃金香酥雞呢個不得之了，夠熱夠脆，明顯即叫即炸(雖然此乃極度平常，但依家好多餐廳尤其台式店，炸物一早炸好哂)，而且雞肉嫩滑多汁，亦是一流之作不過純以台式餐廳來說偏貴，但計埋地段...裝修都算可接受範圍內，值得一試

沙田友終於唔使出觀塘食啦今日諗住自己一個黎試一試剛開業嘅沙田店可能係因肺炎影響 午市時段仍有不少空位 環境尚算舒適 略嫌坐位之間有小小擠迫 店員十分友善地安排張清靜小小嘅位置比我 說來也巧 認得很久之前光顧觀塘店也是這位高馬尾可愛小姐姐帶我入座呢 一個人食試不到太多小食 點了必吃的牛肉麵同香酥雞和一杯新品香蕉朱古力奶茶 食物依舊保持水準 但我最期待一試嘅飲品卻等咗半個鐘都未有 男職員話幫我跟進 但我等到野食食曬都未有得飲 隔離有對情侶也是追了幾次先有飲品 結果我足足等咗9個字 實在係等不下去了 唯有下次再試

春水堂咁出名，加上本人係珍珠奶茶愛好者，一直都好想黎試下。係疫症其間，一田大部份舖都冇咩人，我三點幾黎到，估唔到竟然滿座，果然非常有人氣。嗌左碗牛肉麵，幾鍾意呢個牛肉麵，比珍珠奶茶有驚喜，牛肉一啲都唔老，煮得好林，湯好濃，不過唔夠辣。另外一提，佢份量真係偏少，我一個女仔食都略嫌唔夠。最期待既珍珠奶茶，其實味道有點似茶湯會😂好似冇叫少甜，佢冇一般既台式奶茶咁甜，甜度係岩岩好。味道係ok，不過冇驚喜，價錢黎講都幾貴下。

春水堂既沙田店終於開張啦🥳 🎊勁好彩係開幕既第一日就可以去嘗鮮.🥤珍珠奶茶 $32話說珍珠奶茶係1987年由春水堂首創🤩 咁肯定要試下曼signature 既原味珍珠奶茶啦❤️ 茶濃奶香～主角既珍珠煮得岩岩好 食落夠晒煙un 🤤.🍜麻辣牛肉麵 $82有三款湯底 有經典既紅燒 酸甜既番茄湯 依我份人咁重口味就梗係揀麻辣啦😝 湯底少少辣少少麻 食落好開胃😋 麵條好滑 可以一啖就𠽌左入口 而且唔會湯還湯 麵還麵👍🏻 牛腩同牛筋炆到好淋又入味🤤🤤.🐷Mini 魯肉飯 $28 肥美既豬肉 香濃甜甜既醬汁 再加上肉鬆 真係食到欲罷不能🤤🤤🤤.🐥黃金香酥雞 $48熱辣辣既鹽酥雞 炸到金黃色 勁香口🤤 炸粉唔會過厚 最正既係唔會食到成口油👍🏻