春水堂 (東薈城名店倉)

營業中

休息中

東涌東薈城擴建後多咗好多商店同埋食肆 對於喺附近返工嘅我哋簡直確實係一件好事啦 去到春水堂門口已經見到有一條短嘅人龍 我哋等咗大約10分鐘先入座⠀⠀⠀⠀⠀⠀⠀⠀⠀3個人每人叫咗碗麵 一杯飲品 同埋一份鹽酥雞share 我哋冇試到「香港限定甜點」呀 製作需時30分鐘 我哋趕住返Office開工😂😂⠀⠀⠀⠀⠀⠀⠀⠀⠀食物唔算難食 一碗麵份量唔多 值唔值呢個價錢就見仁見智喇 我飲嗰杯「珍珠鐵觀音奶茶」就好重奶味 完全冇茶味😅 係珍珠煙靭有咬口 挽回咗少少分數囉⠀⠀⠀⠀⠀⠀⠀⠀⠀▫️御品三寶牛肉麵(HKD98)▫️紅燒牛肉麵 (HKD82)▫️黃金香酥雞 (HKD48)▫️珍珠苿香奶茶 (HKD34)▫️珍珠鐵觀音奶茶 (HKD34).

推薦指數：🤩🤩🤩拿，春水堂過江龍，到底有無保持水準？東涌最近新開左春水堂，立即黎歎番杯珍珠奶茶先😛🤤鐵觀音珍珠奶菜木珍珠煙煙韌韌，甜度岩岩好，重點茶濃味香，飲到鐵觀音的茶香！超好飲😁另外香炸鹽酥雞，小食黎講份量唔錯！味道唔會過咸，炸得剛好非常香口🤭食唔停口的一道小食😛炸粉同雞肉比例岩岩好，唔會太厚粉同太乾，肉質仍然juicy 👍🏻 定食便當-滷汁排骨呢個就有啲失望，賣相擺盤係吸引，可惜味道好淡😣完全無台灣便當的風味。滷排骨更係淡而無味，有啲失惜😳而且價錢唔算特別平，一個便當HK$82，下次都係嗌杯野飲算啦😬😬😬整體食物水準有參次，但珍珠奶茶手調飲品的確有保證係幾出色✌🏻

超多人排隊，落單要等15分鐘，叫左個珍珠鐵觀音奶茶，茶味都好出，只係珍珠硬左少少，要咬多幾下先得，$31都可以接受。不過下次最好落左單先去行街，咁就唔洗企街等。

出名既春水堂係東涌東薈城2期開左。見開左都一個星期就同朋友去試食下。因為岩岩先開，暫時地方仲係好乾淨，服務都好好，11:30am岩岩開門，又係平日，所以唔洗排隊就入到去，2個人就叫左麻辣牛肉麵，紅燒牛肉麵同宇治抺茶拿鐵。到左之後都有小小失望，因為其實2碗面既湯底係一樣，只係麻辣個碗加左辣椒醬同油，係無麻辣味既。不過好彩既係佢湯底好有牛肉味，啲面有彈性，面都算足料，牛肉都幾香同好林。野飲就唔錯，不過下次如果再飲會叫小甜所以整體黎講都算係不過不失咁啦

等到頸都長，東薈城二期終於開幕！梗係率先睇吓有乜好嘢啦！其中不得不提春水堂。話說咁耐以嚟，東涌較為有質素嘅茶飲，只可以算得上地鐵站旁邊嘅貢茶，但飲得多都想試吓新嘢！隨著商場開幕，數家茶飲坐落於不同樓層。春水堂今次喺東涌開嘅係一間概念店，仲設有堂食添！今次就試吓啲飲品先，除咗珍奶之外，我嘅摯愛就係蜂蜜愛玉綠茶，一如既往好飲，保持到水準，不過等候時間稍為耐咗少少，可能新店關係，希望日後可加快提升效率。

I heard that they opened this restaurant in tung chung so I went there with my friend tonight. The restaurant is not that big so lots of people were lining up outside. It took me around 10 mins to get my seats and the time was 7:20. I got the beef noodles with tomato soup. The soup was so yummy that I nearly drink the whole bowl. I love the wide noodles, they were chewy. The beef was soft and easy to chew. It tasted so good with the soup. My friend got the traditional Taiwanese beef noodles, the

春水堂係香港的第二間堂食分店終於開幕，下午茶時段見冇乜人決定同屋企家去嘗鮮！•功夫麵功夫麵算係我每次必食的，整體味道不錯，冬菇肉燥不死鹹，但係偏油。•半筋半肉牛肉麵牛肉不乾柴，肉量算多，不過一個人食一碗會比較膩。•滷肉飯味道跟台灣的滷肉飯一模一樣！$28只有拳頭大小的一碗飯，男人應該3啖就食完...•滷牛肚味道很奇怪，有一股強烈的香料味...食嘅時候發現一條毛（類似眼睫毛..），同店員反映之後，竟然理直氣壯同我地講牛肚係有毛☹️雖然唔肯定牛肚係唔係真係有毛（畢竟係內臟），但比客人嘅食物有條毛係非常唔衛生..•鐵觀音珍珠奶茶春水堂我係台灣食過很多次，雖然台灣春水堂的價錢算是偏高，但食物及飲品的品質都非常好。相反香港春水堂CP值低，服務又唔係特別好，店員打喊露、圍埋吹水等等問題，希望以後會有所改善。

今日放假去東薈城逛下，見到春水堂，排隊試下新野。點左一杯珍珠茉香奶茶，本身想叫凍飲走冰，可惜甜度冰度無得揀，最後點左熱飲。 佢地用裝熱咖啡個種杯黎裝珍珠奶茶，個開口位同飲管又唔啱size，我好疑惑點食d珍珠。 有一嚴重問題，個膠杯蓋有濃烈刺鼻塑膠臭味，飲每一啖都聞到，飲左幾啖我頂唔順丟左。 講返杯飲品，係有茉香味，但個茶味好澀，珍珠（上面提到包裝問題）無食到。 綜合以上所有，唔會再試，可能凍飲會好d，但印象好差，不了。

今日東薈城新翼開張，專登跟老公bb去逛街。看到聞名已久的春水堂開到東涌，立即買杯一嘗。呢間店舖除了台式飲品外帶，還是一間地道台式餐廳。第一天開張，當然人頭湧湧，叫了一杯冰拿鐵，等了約15分鐘，味道茶同奶的比例控制得非常好，原來鐵觀音做拿鐵那麼夾，，冰塊大小亦恰當，真係不愧為茶中之王!下次等爸爸放假我地再來試試菜式