春水堂 (雅蘭中心)

營業中

休息中

今日出左旺角睇野 差唔多六點就想早d食野 經過雅蘭中心 見到有春水堂 其實都開左幾間分店 不過一直未試過 就決定試一試 兩個人 叫左一個紅燒牛肉麵 一個細魯肉飯 同埋一個小食 - 滷香牛肚同埋share一杯珍珠紅茶最快上菜係滷肉飯 分量以小黎講都叫ok 肉質唔錯 不過汁就少左d d 紅燒牛肉麵就有返水準 基本上都有5舊牛肉同埋2 舊牛根 牛根幾彈牙 幾好味 牛肚不過不失 底下有芽菜 個汁就比較辣 最後一杯珍珠紅茶 珍珠彈牙細粒粒 幾好味平均一個人一百蚊左右 都可以試一試

之前同朋友係ApM都幫襯過一次午餐，當時感覺服務好，但食物中規中矩無驚喜，價錢吾值，今次因屋企人話好掛住台灣旅行時嘅美食，講起台中之旅春水堂，咁就帶佢地食下香港嘅春水堂啦！點左有菜，有丸湯，魯肉飯，鹽酥雞嘅便當、佢地出名嘅半筋半肉牛肉麵、魯肉飯，加個小食，椒麻拌青瓜，飲品有愛玉檸檬鐵觀音、珍珠奶茶加肧芽、白毫烏龍茶。便當一般，魯肉飯好食，雖然好難比較係台灣夜市食到嘅美味，但比起其他食台灣嘢嘅都好接近個拌青瓜好正，好脆好青甜，個汁係幾辣嘅，鍾意食椒嘅後生仔勁讚，食吾到椒嘅老人家就一路抹汗，但一邊又再食，因為好鬼野味個牛肉麵好得，我之前係觀塘食係好一般，但今次呢個有水準，不論湯底，牛，同麵都正。飲品我好驚喜呢個愛玉檸檬鐵觀音，原來鐵觀音茶味係好配檸檬珍奶我都飲左2啖試試，都做得比觀塘店好。

每次經過雅蘭，春水堂都係大排長龍，難得今次得幾個人排隊，所以決定一試，最後等咗大概10分鐘都唔洗就入得。我揀咗牛肉麵，湯底都算濃味，不過唔知點解覺得有啲油膩。個人唔係好中意啲牛筯，格硬啃咗舊，食完想嘔咁款。。其實呢碗麵都唔算平，但整體比我想像中普通，性價比頗低。偷咗朋友一啖滷肉飯試下，感覺還可以。至於啲雞翼，朋友表示非常厚粉，好麻麻。鹽酥杏鮑菇呢個份量要成差唔多$40，又厚粉，同朋友一致認為繼X香香雞既雞髀菇更加好食囉。朋友呢杯珍珠紅豆鮮奶茶幾岩我心水，紅豆味幾濃，幾得意。我自己就揀咗珍珠鐵觀音奶茶，比我想像中好。不過呢度既飲品偏貴，耐唔耐飲一次都ok既。可能之前對呢間野嘅期望太高，整體黎講都幾失望，如果係我一定唔會排咁耐隊等食佢囉🤪

對於一個每年都去幾次台灣旅行嘅人來講，因為疫情冇得去台灣，但係喺香港可以食到一模一樣嘅正宗台灣嘢就係春水堂，因為佢嘅食材由台灣運來香港，加上店舖有來自台灣嘅職員，聽住佢哋講嘢真係以為自己去咗台灣，不過原來堂食飲珍珠奶茶係會貴啲，外賣係會平啲，所以珍珠奶茶走嘅時候外賣回家，我覺得台式芋米糕好好食，外脆內軟其實佢似係蘿蔔糕，食唔到有芋頭，唔知點解佢叫做芋米糕，佢嘅功夫面其實就係撈麵，上面有肉碎冬菇芽菜同埋蔥，味道相對清淡，但係都好食

春水堂在ig上看到還挺火的，以為是一間主打中式茶飲文化的店，沒想到給人的感覺還是很快餐，和它名字和背景的格調差太遠，有失望。食物：我們消費了三百多，點了主打的一碗麵、米糕、豬手、一碗雞湯及一碗藥膳湯，整體來說食物水平一般，我覺得性價比不高。先說麵，麵條有筋道，哪怕麵在上菜二十分鐘後，面也沒有軟趴，同樣彈牙爽口。麵條的配菜也燉煮的十分軟爛入味，尤其是它們的牛筋，綿軟到感覺在吃果凍，不需要去咀嚼。其他如牛肚、牛肉也很入味，鹵香味十足。可是，有一點美中不足就是它的湯底太過濃郁，過分甜膩，雖然香氣十足，但沒有清爽口感，比起茶木的牛肉湯底來說，太過膩味。豬手與面上的配料應該是同一個滷水底，滷得十分入味軟爛，但還是同樣的問題，它的滷水偏甜，第一口會被它香甜吸引，但多吃幾口就要迫不及待的找水喝解渴，根本不搭本身就高甜的奶茶，價格也偏貴，有點失望。米糕一般，感覺就是小塊的蘿蔔糕，平平無奇。兩碗湯也是偏甜口，我覺得和藥膳的味道搭配起來很奇怪。🤔總體來說，這家店的東西不是不好吃，但是根本和它的茶社主題不搭，自以為是一間主打茶文化的店，配菜應該是各種糕點搭配茶飲，但是它的甜點卻只是麵包蛋糕配雪糕，或是滷

本身save好咗想打好評比佢因為味道比起第一次食好食咗好多但係今次帶埋屋企人去食等咗15分鐘左右有位入到去俾咗張四人枱我哋一坐低睇咗一陣餐牌就問我哋有冇興趣轉枱咁我哋話唔轉啦呢度好坐d可能個侍應就同返佢啲同事講之後就聽到一句：「有咩咁好坐姐」（態度好差咁講）我都唔係自己坐低話要轉你哋都係問有冇興趣轉唔轉枱唔洗比人鬧呀嘛決定以後唔再幫襯放返之前食嘅圖出嚟原本打咗好評但再次入到去決左比差評雖然話好食咗但呢啲態度我真係唔想比錢係到食好惡真係比佢嚇親係咁先

經常黎旺角行街食野 但次次經過春水堂都有好多人排緊隊 今次夜晚竟然無咩人排隊 決定一試 經常聽人講食台灣野一定要試下春水堂 今次終於有機會啦🍽紅燒牛肉麵(半筋半肉)牛肉嫩滑，入口即融，牛肉味濃郁，牛筋彈牙，唔會太腍，但小編唔好牛筋，食落都會覺得濟，食唔曬牛筋，如果喜歡食牛筋，應該會覺得好正。麵亦都夠彈牙，性價比合理。🍽 鐵觀音拿鐵鐵觀音味道濃郁，奶泡輕盈豐富，怕肥嘅女小編揀左少甜，茶味仲突出，正！推介度：⭐⭐⭐⭐⭐

春水堂 ｜旺角期待已久的春水堂，好多次見到門口排長龍都放棄左，今次晏少少去唔洗等好耐就入到。🍱酥炸豬排配他他醬便當 $82炸豬排好大塊份量十足，幾好味但係略乾，配菜好豐富又有菜又有菇菇，反而我就覺得最麻麻地嘅係白飯，煮得唔係幾好味。🍜半筋半肉蕃茄牛肉麵 $92蕃茄湯好濃郁，牛肉好稔又入味，麵條麵軟硬適中👍珍珠茉香奶茶 $34好有茉莉香，奶茶又滑，整體都唔錯👍📍 旺角彌敦道639號雅蘭中心1樓101-102號舖

有一日放學好夜餓住肚仔翻到屋企附近上到春水堂見無咩人排隊就決定入去試下服務員態度好好 見我一個人就安排咗我坐一個遠離煩囂既位置 我為呢位服務員的細心加分接下來我就叫了一個功夫麵 見張相好鬼吸引好快個麵就到咗香味隔住口罩都聞到用酒精消毒好手仔 我就開始享用我的晚飯了唔知點形容 只可以講麵好筋道 個sauce味道層次分明 係可以再來一碗的程度食到悶悶地 我叫咗杯紅豆鮮奶黎drink drink甜度適中 紅豆重料 奶味香濃大家可以去try try佢wo 功夫麵世一！

落單時間係 15:28 我同朋友碗麵都仲未食完（朋友碗功夫麵大約仲有4分1 多啲，我碗麵仲有啲牛筋同麵係到 ）我同朋友只係飲緊杯飲品就突然間比一個短頭髮嘅女服務員收起曬我地兩碗麵拎去倒咗佢問都冇問下我地仲要唔要就拎咗去掉 其實我地未食完 個一刻我地真係呆咗 都反應唔切我望一望個時間都係16:07落單時間到佢掉我地碗麵都係半個鐘時間，都仲未計我地等野食嘅時間我地都係食左可能大約十幾/二十分鐘就問都唔問，掉人碗麵想趕人走？睇呢度其他comment 都有講過有位女服務員態度好差，應該係同一個人試過社交平台 message 同email去反映返件事，但兩邊都完全冇回應

星期六下午茶時間，排左半個鐘到就入到啦~疫情關係，二個人都分配到窗囗卡位，坐得好舒適成日都想試，第一次來食冇令人失望，全部野都好食三寶牛肉麵 8/10 湯底好濃好好味， 三寶有牛筋牛肚牛腩， 好入味同 軟熟。 面就略為有少少糊囗，但就好輕微， 已經比其他好多地方嗰。好好多甘梅地瓜條 8/10超值 份量好夠 炸得又夠脆甘梅粉再多啲， 濃味少少就好啦 茉香綠茶 9/10好甘香嘅茶味， 一路食住地瓜條一路飲，好夠解渴👍珍珠紅茶雪糕吐司 9/10賣相一流，份量睇落唔多，但食落好飽吐司係丹麥麵包嘅味道，質地外脆內軟雪糕上面 好似 班尼迪蛋嘅係淡忌廉珍珠軟糯，雪糕茶味香濃 ❤

在有冷氣情況下排隊係可以接受的，前面大約有10對情侶，即係要等10張枱，咁多人排隊，一定唔會差啦！等吧！最後，大約30分鐘就可以有枱，其實，係商場裏面排隊係幾舒服，又唔使日曬雨淋。原來裏面都幾多枱，不過大部份都係2人枱，以我所見，現場大部份都係情侶食飯。飲品先到，鐵觀音凍飲有啲苦，不過，咁既天氣，入口好舒服； 珍珠苿香奶茶無乜特別之處。排隊時，睇過openrice既post，都有啲心水叫乜野食。呢個香酥炸雞係個個都推介，試過就係無介紹錯，外表唔係脆，係酥既感覺，雞肉仲保持肉汁。呢味滷香牛筋，唔可以唔食，啲牛筋彈牙又冧，但唔係太冧，因為有時太冧既質感係好似爛哂咁，依家好有咬口但又容易咬。台式店又點可以缺少紅燒牛肉麵呢？總共有兩片牛肉同兩片牛筋，好珍貴囉！牛肉好冧，入口溶化，但牛筋就唔似之前既滷香牛筋，呢個實在太冧，又唔入味。另外，湯底太油，清楚見到一層1/4吋既紅油係面，搞到我唔敢飲湯。魯肉飯本身係好油膩同好飽肚既食品，呢度有細細碗魯肉飯實在太好了，所以試下，味道都唔錯，而且我中意佢細細碗，食完仲可以食其他野。貪心試埋個地瓜條，後悔，中伏，無甜味，食左一條有咬口既野，唔知食左乜，可以唔使

▫️紅燒牛肉麵🐂⁣ 💰82⁣↬半筋半肉的牛肉麵是🐰的最愛 湯底濃味有牛肉味 但略嫌有點油 牛筋十分軟滑 牛肉軟淋淋 麵條掛湯也有咬口 不錯⁣⁣⁣⁣▫️麻辣涼伴鴨舌🌶⁣ 💰68⁣↬ 味道雖然還是比不上每次到台北都吃的滷天淥 但夠麻 爽口 可以過過口癮⁣⁣⁣⁣▫️金沙芋泥丸💛⁣ 💰48⁣↬手工炸芋泥球入面是流沙鹹蛋黃 一咬下去爆餡 不會太油膩 一份四粒 二人分享剛好 有驚喜⁣⁣⁣⁣▫️珍珠鐵觀音奶茶🧋⁣💰34⁣↬不太喝到鐵觀音味道 細粒珍珠有咬口 但個人較喜歡大粒 更有口感⁣⁣⁣⁣▫️熱薑汁黑糖珍珠奶茶 (冬季限定)⁣ 💰37⁣↬有冰熱兩個選擇 養生的必定選熱的 薑汁不會太辣喉嚨 黑糖甜度剛好 珍珠煙韌 冬天喝這個好暖粒粒⁣⁣⁣⁣⁣⁣ᐠ ♥︎ ᐟ每次經過都見到好多人排隊 平日較少人終於試到 整體都不錯 小食有驚喜 還有珍珠奶茶甜品 下次再試 很多地區都有分店(> <*)⁣⁣⁣⁣

陪一位孤兒單太太來做體檢，檢查完我諗住請佢食個 lunch ， 她也喜歡飲珍珠奶茶，在門口見到價錢，她說太貴，我說我請客，她說 AA 吧，我答不用了，當是識個朋友，我請吧 ！平日旺角中午，座位有 8 成滿，打開餐牌，太太說九十幾蚊一個牛肉麵很貴，而且她吃不多，不想我破費，最後她見到 $28 一碗小魯肉飯，很高興點了這個，我地點了 2 碗小魯肉飯，2 杯熱珍珠奶茶少甜。 上菜時發現下單漏了一碗飯，待應都很快補回，少少過失可以接受。 魯肉飯正常，珍珠奶茶少甜但都有點太甜，珍珠都好咬口，兩味都中規中矩。 環境都中規中矩，感謝 peak hour 都沒有摧我們埋單。 這餐飯我們吃了個多小時，聽著這位太太說起她的家庭及往事， 關係密切了，她說很想介紹她女兒給我認識，多謝。 埋單 2 人百百零幾，明天太太入醫院做檢查，希望她身體健康。

疫情關係，好耐無去台灣喇，同個台灣朋友傾左陣計，就搞到好想食台灣野，於是晚餐就去左食春水堂。我自問對於台灣野唔係咁熟，問左位朋友，佢話春水堂出名兼好食，所以就揀左佢啦Order左以下嘅野食：煎米糕、牛三寶麵、豬手、珍珠奶茶首先講講個米糕，食落味似煎腸粉，不過因為佢係一粒粒，每邊都煎得金香又脆，所以好食過煎腸粉好多而且佢唔會好實，一碟16粒我一個人都可以清曬！牛三寶麵就湯底濃，牛根最突出！不過就油左D，所以飲唔曬D湯，但係係好味嘅。豬手就好驚喜，一碟四舊，舊舊厚肉！好入味，食落好似啖啖骨膠原咁，食完覺得自己皮膚好左珍珠奶茶就茶味濃，可能個人對珍珠奶茶嘅印象就係甜同唔健康，呢杯咁重茶味我反而唔係好慣。