春城銅鍋米線

營業中

休息中

餐廳：春城銅鍋米線地點：旺角砵蘭街菜式：雲南米線餐牌：醒胃酸菜飯、即叫即滾湯飯、昆明媽媽推介、自選雙拼米線、小食推介、飲品。招牌豬扒酸酸辣辣銅鍋米線 $54成個銅鍋熱辣辣上枱。米線滑溜，配有肉碎，芽菜，腐皮，酸菜，木耳絲同甜酸菜，材料豐富有口感。湯底可選辣度，我叫左BB辣，我覺得都頗辣。招牌豬扒大大塊一開六片連骨，整得肉質好淋，外皮少少脆，豬味濃，好多肉食。鹵水牛展雞翼酸菜飯伴鹵水蛋 $65鹵水牛展四片，帶好多筋，都算淋，非常入味。雞翼兩隻，都好入味。仲有一隻鹵水蛋。配菜有菜心一條，酸菜同新鮮芫荽。飯粒長身同偏乾，加d酸辣湯變湯飯正呀。炸脆脆蝦膠豆卜 $25呢個價錢係三粒，可以叫五粒。炸脆脆蝦膠豆卜炸得外皮香脆而入面蝦膠好彈牙又鮮味，配甜酸醬非常開胃，墊有生菜解膩。爆漿紅糖糍粑 $20呢個價錢都係三粒，可以叫五粒。爆漿紅糖糍粑熱辣辣上枱，皮好薄脆，而入面果然有爆漿紅糖，味道甜甜地唔會太甜，口感外脆內軟糯，係一道唔錯既甜品。凍檸檬利賓納 加$6凍檸檬利賓納大大杯有三片檸檬，味道少甜解渴夠凍。支裝豆漿 加$12支裝豆漿好大支。今餐食到飽飽，銅鍋米線果然唔錯，小食都幾好，主食價錢好平。餐廳裝

“招牌豬扒酸酸辣辣銅鍋米線”($54)“紫菜蠔仔肉碎米線”($61)“炸脆脆蝦膠豆卜(3粒)”($25)“爆漿紅糖糍粑(3粒)”($20)“凍檸檬茶”(+$6)身為米線控成日四圍搵好食米線今次就去咗好多好評嘅春城銅鍋米線入座後用qrcode落單夠哂方便我地各點咗一款餐廳推介嘅米線先有招牌豬扒酸辣銅鍋米線🐷豬扒即叫即炸,新鮮熱辣🔥食落肉質腍滑又惹味米線配有肉碎,芽菜,腐皮,酸菜,木耳,甜酸菜湯底酸酸辣辣好開胃🌶點咗小辣覺得岩岩好😝另一碗點咗紫菜蠔仔肉碎米線湯底十分清香☺️仲配有冬菜,紫菜,芫荽蠔仔份量都夠哂多😍小食點咗炸脆脆蝦膠豆卜,紅糖糍粑蝦膠豆卜大大粒,外酥內彈牙,大推👍🏻紅糖糍粑一咬落去爆哂漿算係最期食過最好食嘅糍粑🤤

今日去了旺角砵蘭街的春城銅鍋米線。招牌春成銅鍋米線配香炸豬扒手打鯪魚肉。豬扒炸得金黃酥脆，肉質依然Juicy，令人意外呢。-手打鯪魚肉非常彈牙，好好食~~~主角招牌春成銅鍋米線湯底濃郁夠味，酸香醒胃, BB辣剛剛好, 都好多配料肉碎、芽菜、腐皮等都給得很足。米線口感順滑而帶點咬勁，用銅鍋上桌熱辣辣的-豐富的層次感，高質。小食點了炸脆脆蝦膠豆卜  。這蝦球做得飽滿又彈牙，充滿鮮味。炸豆卜吸滿了湯汁，咬下去口感豐富。

今次同大家介紹呢間旺角的米線店 —「春城銅鍋米線」🤩🤩餐廳主打昆明銅鍋米線，即係用銅鍋裝住米線，可以keep住全程熱辣辣🔥🔥🍜招牌豬扒酸酸辣辣銅鍋米線 $54✨份量十足！招牌豬扒大大塊，肉質鮮嫩juicy、啖啖肉🍖！！湯底濃郁惹味，辣度揀咗BB辣，味道啱啱好！鍋內仲有肉碎、芽菜、腐皮、酸菜、木耳絲、甜酸菜等配料，整體好豐富🤤🤤🍤炸脆脆蝦膠豆卜 (3粒) $25✨呢個係佢地的招牌小食，必試！！將豆卜切開反轉後再釀入手打蝦膠🦐，炸至金黃鬆脆好香口！裡面的蝦肉爽口彈牙，蘸泰式辣醬食一流👍🏻👍🏻🍹凍咸檸七喜 (+$6)✨醃過的鹹檸檬🍋➕冰涼的七喜汽水🥤，味道咸甜交雜，十分解渴😋😋

最近我去咗位於砵蘭街嘅春城銅鍋米線，之前其實都想食好耐，因為成日都見到好多人排隊，今日咁啱人比較少，唔使排，即刻唔使諗沖咗入去✌️香煎墨魚餅一上碟就聞到一陣香味，餅身唔係平時見開嘅金黃酥脆，但咬落去墨魚味濃郁，口感滑嫩，真係好好味！再加上少少醬汁，味道更加出色🤙只可以講勁新鮮😋炸脆脆蝦膠豆卜呢道小食外脆內嫩，蝦膠嘅鮮味同豆腐嘅滑口完美結合，食落去真係令人驚喜，特別適合當作開胃小食，而且豆卜都係店舖自家出品，呢個超推薦👍三鮮銅鍋米線湯底清甜，裡面有腩肉、豬潤同螺旋藻，食材新鮮，米線吸收咗湯汁，味道非常好，真係連湯都忍唔住飲🍜海南胡椒豬肚雞米線湯底香濃，胡椒味十足，豬肚同雞肉都煮得剛剛好，米線滑溜，整體味道層次豐富，食完令人回味🤤🤤📍 春城銅鍋米線 (旺角)旺角砵蘭街175號地舖

上次偶然嘅機會下喺尖沙咀分店食過呢間米線，覺得佢嘅湯底好正宗好夠味，而且所有嘢都好足料，今日過嚟旺角又食！🩵招牌海南胡椒豬肚雞米線$67額外配料：螺旋藻+$7海南雞可以加$8轉雞髀🍗，雞🐓的份量都幾多而且入口嫩滑，入面嘅配料仲有腐皮、肉碎、芫茜、芽菜、海南雞雞同豬肚。豬肚好彈牙，而且冇腥味。成個湯底超濃郁嘅胡椒味💯💯💯🩵三鮮銅鍋米線$62額外配料：竹笙+$12呢度嘅酸辣米線一定要食呀！個酸辣米線湯底非常香濃之余酸酸地好開胃，佢入面啲酸菜都系好爽口，配料仲有大量腩肉、豬膶、螺旋藻、芽菜、木耳絲、腐皮等等。🩵小食大推：上次食過🍤炸脆脆蝦膠豆卜，超級正，今次點左🦑香煎墨魚餅$58，入口都幾彈牙。🩵爆漿紅糖糍粑（3粒）$20呢個又係必點之選，炸到外脆內軟，咬開入面仲有爆漿嘅紅糖。🩵飲品：豆漿（支装）

呢晚同朋友一齊嚟咗呢間喺旺角嘅米線🍜餐廳諗住食個簡簡單單嘅晚餐🤣餐廳呢晚 Full House 一台客人走咗另一台就馬上接上喺而家咁嘅時勢真係犀利，咁應該同餐廳街坊價錢大件夾抵食有關🤣$54「招牌豬扒🐷🥩酸酸辣辣銅鍋米線」：餐廳名字有「銅鍋米線」咁梗係要叫嚟試吓，米線 裝喺 銅鍋 裏邊非常熱辣辣🤣；我哋叫咗要咗BB辣 真係有少少辣而味道已經好濃郁🤣；豬扒🐷🥩分開上煎得好香口仲大大塊🤣；米線就滑脫脫🤣$8「無糖可樂」：凍冰冰嘅可樂就梗係好飲啦🤣$61「蟲草花椰子雞米線」：湯底有椰子奶香味，仲有頗多嘅蟲草花，雞件肉質都算夠滑🤣$3「熱檸檬水🍋」：大大杯🤣$25「炸脆脆蝦膠豆卜（3粒）」：豆卜裏邊釀咗蝦膠然後攞去炸炸到脆卜卜好香口好味道 🤣$20「爆漿紅糖糍粑（3粒）」：甜甜哋煙煙韌韌裏邊嘅紅糖仲係流心嘅外邊就炸到脆脆哋🤣$20「即灼菜心」：白灼菜心夠新鮮簡簡單單幾好食仲加咗啲豉油添🤣

酸辣米線一直都係我好鍾意嘅米線口味，而呢一間餐廳嘅酸辣湯做得好出色，吸引咗我去食好多次！🥰.✨爆漿紅糖糍粑✨香煎墨魚餅✨炸脆脆蝦膠豆卜✨酸酸辣辣豬扒銅鍋米線✨自選銅窩米線.三款小食都好高質！特別推介炸脆脆蝦膠豆卜，呢款小食平時比較少見，而且豆卜真係炸得好脆，蝦膠都好足料👍🏻紅糖糍粑作為飯後甜品就啱晒🥰米線嘅湯底推介酸辣，味道唔會太辣，就算唔食得辣嘅朋友揀少辣應該都冇問題👌🏻酸辣湯底好濃味，米線吸收咗湯汁好惹味！豬扒好大塊，肉質軟腍😋.📍 春城銅鍋米線 (旺角)旺角砵蘭街175號地舖

同朋友係旺角行開想食米線， 見到係用鍋鍋裝米線， 覺得好特別， 佢價錢又ok , 就去入邊試吓！ 炸脆脆蝦膠豆卜（3粒）係外皮金黃酥脆，入邊的蝦膠鮮甜彈牙，豆卜吸附湯汁後多汁不油膩！ 佢係新鮮蝦做嫁， 入面全部都係蝦！ 招牌豬扒酸酸辣辣銅鍋米線的豬扒醃得入味又軟腍，肥美香口，配上酸辣湯底，湯頭帶有濃郁酸菜香，酸辣平衡但不會過重，米線粗身彈牙，整體清爽不膩，非常開胃， 適合喜歡重口味和愛吃酸辣的朋友！ 飲品可以揀奶茶果啲， 仲可以揀枝裝豆漿！

家鄉美食在香港以米線亮身的都有不同的店家，而呢一家以銅鍋抓住我既注視，趁住5.1既最後一天過來試下。我係下午茶時段入座，原本想散叫，發覺散叫不如招牌豬扒酸辣銅鍋米線划算，意外得知下午茶送冷熱飲，價格很不錯。不用久等，凍柃茶走甜送到來，跟住很快就上來銅鍋米線，見到銅鍋本鍋，豬扒是另外分開上的，保留炸豬排的口感。先食豬扒，哇，外脆內嫩，不錯。接著食下米線，酸酸的有甜酸菜吊味，味道是不錯的。店家環境明亮乾淨，入座的感覺舒服。下次再來試試其它口味。

銅鍋米線初體驗，人氣打卡之選！銅鍋驚喜米線美食全攻略 銅鍋賣點搶先看近期爆紅銅鍋米線！最大亮點是復古銅鍋，成打卡美食～米線系列豬扒麻辣銅鍋米線湯底麻香十足，不會太嗆喉，麻中帶辣，米線份量足！豬扒炸到金黃脆口，肉質不乾柴。麻辣層次感，不是死辣感蟲草花椰子雞湯飯椰子雞湯底清甜滋潤，舒服感滿滿，雞件嫩滑，椰子味香濃，蟲草花，紅棗和木耳，滿滿養生美顏。滿滿椰香令人上癮，是女生之恩物！小貼士，湯底辣度自選，BB辣到地獄辣亦有～選擇很多，自由度很大必吃小食炸脆脆蝦膠豆卜即叫即炸香脆，蝦膠彈牙又鮮味。一啖咬落去"咔嚓"聲，很治癒。私心推薦！好吃皮蛋涼拌皮蛋流心程度吸引，配搭秘製蒜蓉醬開胃，涼拌汁酸甜清爽，適合夏天也

旺角有間米線店，由昆明媽媽主理，米線用昆明流行嘅銅鍋裝，有助保持溫度，希望客人食到最後仍然係熱辣辣，令提供飯、湯飯、小食等。惹味之選有海南胡椒豬肚雞髀，胡椒味重，豬肚雞髀份量多，啖啖肉，仲有腐皮、肉碎、芫荽、芽菜等。麵條轉咗紅薯粉，咬落煙靭都幾飽肚。牛肉紫菜蠔仔肉碎湯飯反而有驚喜，湯底夠熱，飲落順滑，無味精，清甜可口，撈飯一流，忍唔住飲完一碗再添加真係好誇張。牛肉嫩，紫菜吸滿湯汁，蠔仔鮮甜飽滿，肉碎帶咬口。小食推介豬扒荷葉包，炸至香脆，包皮鬆軟，一分為二方便食用、墨魚餅煎至外脆內彈牙，試試無妨。

今次帶大家去咗旺角一間大熱米線小店，雖然鋪面細細但人氣爆棚！一到食飯時間就排長龍，好彩我哋醒目早啲到～😝### **🌶️招牌胡椒豬肚雞米線**一上枱就聞到超香嘅胡椒味！湯底奶白色，飲落超濃郁，胡椒嘅辛辣慢慢喺喉嚨擴散，暖胃又過癮～🐷 豬肚洗得超乾淨，咬落爽脆彈牙；雞肉份量多又嫩滑，完全唔鞋口！💕### **🍲牛肉蠔仔紫菜肉碎湯飯**呢個湯飯簡直係海陸雙拼！牛肉片嫩滑得嚟有咬口，蠔仔大大粒又鮮甜，完全冇腥味～🦪 紫菜同肉碎增加口感，湯底非常之鮮甜，飲完成個嘴都係海洋の鮮味！🌊### **🦐炸脆脆蝦膠豆卜**必點小食！豆卜炸到金黃酥脆，入面釀滿彈牙蝦膠，一咬落去「卡滋」一聲～😱 蝦膠真材實料，仲食到粒粒蝦肉，配埋甜辣醬簡直停唔到口！最過癮係個口感，外脆內彈，好似食緊迷你蝦多士咁～👑### **🐙香煎墨魚餅**墨魚餅外皮煎到微焦，入面係滿滿墨魚粒，咬落去超有口感～🌊 最驚喜係加咗少少香茅，帶出東南亞風情！蘸埋泰式辣醬，鮮味層次即刻提升～#旺角美食 #米線控 #少女食評 #街坊小店 #高CP值

叫咗個蟲草花椰子雞米線：椰子湯好濃滑，係帶有椰子奶香嘅嗰種，雞肉嫩滑，蟲草花份量不少，米線滑溜，口感不錯。😍好似我咁唔食得太辣的話可以叫辣另上，我試加左辣的米線，味道又係另一種感覺，而且佢個秘製辣醬好好食，鍾意食辣的話記得加辣。😋必食炸脆脆蝦膠豆卜，豆卜外型大大隻好飽滿，首先外皮真係炸得好香脆，咬落去超爆豐富嘅蝦膠肉，醮埋甜酸醬一齊食，正！👍🏻飲品我嗌咗豆漿，飲落係美味的甜味，唔會太甜，飲到豆香。

本身好喜歡食米線，見到呢間咁多人排隊，決定今晚就試下。我揀咗個招牌米線，朋友則叫湯飯，落單時以為唔會好多，就叫多兩個小食，點知差啲食唔晒～招牌豬扒酸酸辣辣銅鍋米線米線我揀咗中辣，口味帶酸，十分開胃，豬扒份量頗足，夠香口，銅鍋看似不大，但份量不少。海南胡椒豬肚鷄湯飯絕對推介，胡椒湯味道十分出色，濃濃的胡椒味，食落口不會太辣，但卻很香很暖胃，忍唔住分咗朋友半碗～炸脆脆蝦膠豆卜味道有點像炸蝦角，不過外皮更鬆脆。秘制酸菜腩肉荷葉包賣相相當有趣，包包很軟糯，帶點甜味，夾著咸肉，酸菜，飽肚感一流。