映山紅 (已結業)

隔離新港城開左間金滿庭，同呢度都係食京川滬菜，但呢度就比較平，款式又多D，午市又有埋廣東式點心。見呢度的顧客都淨係畫張點心紙，真係錯過唔少好菜，因為美心特別係呢間加左幾個新菜，辣醬炒蛤蜊、苔條麵拖魚、風沙蟹、白切羊肉等…上菜個時，隔離檯睇到都眼定定…個麵拖魚我就比較欣賞，因為唔係度度都有，上次食係黃埔詠藜園食，就整得非常之差，成層厚粉，魚都食唔到有味。呢度的粉唔厚，仲食到有魚味，唔點淮鹽都已經ok，賣相都幾講究，最仲要就係唔貴。就算其他切吃的烤鴨同樟茶鴨都好平，都係$120，出返中區北京樓就要$320架喇…

本人家庭平均一個月惠顧數次。每次都幾乎必點烤鴨及雲吞雞，味道不錯。但略嫌蔬菜太多油。如食得太多廣東菜厭悶可考慮選擇此家。

見呢間鋪新開, 幾個人就走入黎試下. 如果無搞鍇, 應該係美心集團, 裝修比原本既美心酒樓好少少, 刻意走比較高檔的路線, 不過個人覺得有少少"娘"......食物方面, 叫左兩個點心, 蘿蔔絲酥餅麻麻, 個餡好味但外層做唔到"酥"的效果; 拉腸明明係腸粉, 食唔出有何分別. 另外仲點左一碗滷麵用來飽肚, 無乜特別. 見有拔絲蘋果同香蕉, order左前者作甜品. 雖然用左粉漿炸, 不過唔太厚, 味道過得去, 相對黎講係成餐最有印象的一味.可能係開張只得幾日, 服務都幾唔掂, 有人話佢第一日返工, 自己唔幫我地落單之餘, 亦都無話叫第個過黎; 有人找錢找少左$20等等. 希望遲d有改善, 不過, 我未必會再黎, 去番隔離美心飲茶好過.