星馬茶室 (禾輋商場) (已結業)

-餐廳：星馬茶室推薦度: 💛💛💛-1️⃣海南雞併喇沙 個喇沙嘅香味真係好吸引食左第一啖就停唔到好想繼續食落去😍😍個海南雞都係啖啖肉好味😋😋2️⃣咖咉鮮油多士呢個多士有三個味可以揀，有班蘭、榴槤、蛋黃。試過晒兩隻味，覺得榴槤嘅味道係比班蘭突出。鍾意食龍尾嘅可以試吓榴槤但係話想淡淡地就食班蘭啦✌🏻🥰3️⃣娘惹巴東牛肋條配白飯如果就咁空口食個咖喱味好重好惹味，如果用嚟送飯就差唔多🤩個牛肋條唔會話好硬咬唔到。整體嚟講都好好食😍-評分CP值 : 7/10好味: 6.5/10賣相 ：6/10

成班同事中午一兩點好肚餓心急搵嘢食，所以一入嚟禾輋廣場上一層就見到呢間星馬茶室，見到佢午市餐牌有個海南雞飯，張圖都影得幾靚仔，所以我哋四個人都叫咗同一個餐——就係無骨海南雞飯。由於大家都食同一個菜式，所以大家食完都有所討論，但大家叫嘅飲品都唔同，有一個凍檸茶，一個凍奶茶，一個凍檸水，而我就叫咗一個馬拉茶，其實就係馬拉嘅奶茶。由於我大膽試伏，所以玩著自己，個馬拉奶茶有啲苦澀，之後頂唔住要叫阿姐拎啲甜奶加返落個Cha度。最後講返我哋對過冇骨海南雞飯嘅評語，大部份同事都覺得雞嘅份量少咗啲，可能我哋都係男人個胃口比較大，但我就覺得都OK而且有個蘿蔔湯，雖然都係有味精，但係都不過不失啦！最失望反而係啲伴菜，只有兩片青瓜。

看到這店環境光鮮亮麗，賣的又是我喜愛的馬來菜式，就入內一試。海南雞飯拼馬拉藥材肉骨茶：先喝肉骨茶，非常失望，湯很淡，完全沒有藥材的味道，也沒有肉骨茶的風味，就是一碗很淡的豬肉湯。接着吃海南雞飯，海南雞肉質尚算柔軟，但雞味不突出。配的米飯不太油膩，算是好吃。海鮮老鼠粉：這個味道還可以，海鮮包括蝦、魷魚和魚片，老鼠粉很多。咖央鮮油多士：這咖央多士也不合格，多士不是脆的，咖央醬只有甜味，沒有咖央風味，牛油下得太多，很油膩。熱檸檬茶和熱檸檬薏米水：一般水準這店名叫星馬茶室，但提供的食物沒星馬風味，給人味道不正宗的感覺。

禾輋廣場一個人的晚餐，見到新開無幾耐的星馬茶室，裝修干淨企理，最后叫咗肉⻣茶晚餐套餐，有三種配料可選擇，揀咗排⻣，雞肉串小食，另外飲品係凍檸檬薏米水。白飯幾好幾香，雞肉串的質素正常，份量多d會更好。肉⻣茶的湯一般，正常。但肉⻣茶的排⻣則太韌了，少點牙力也吃不消。感覺係中央廚房弄的，在餐廳只係加熱，完全無煮軟腍。檸檬薏米水，薏米又係完全無煮腍。點消化？之后見到openrice的其他食評，都知中伏了。只此一次，不會再去。

管理差，一堆員工各自蛇王招落單扮見唔到。態度差到一個頂點，問佢拎隻匙羹好似差佢錢唔還咁嘅態度。成間嘢啲侍應黑口黑面無水洗面！食物超級難食！叫咗一個海南雞飯$62，一個喇沙摻摻$59。雞肉又乾又韌，雞皮好厚，油飯都唔掂。喇沙仲衰過屋企自己煮馬拉新加坡果隻白咖喱即食麵，淡而無味似係晏就食淨啲咖喱汁加水煮埋一碗。總之永！不！錄！用！BLACK LISTED! 我一直係open rice係cd-rom 都忍唔住要寫第一個食評就係寫臭佢！ 如果佢係集團式我諗我會BLACK LIST晒佢其他食肆！

禾輋的店舖，例如地下兩間餐廳，定還是瀝源的盛記火鍋的豉油雞，通通都給你大大的雞胸，我都不知道他們的雞脾、雞背、雞翼，究竟去了哪裏？這間新開一輪的星馬茶室，下午茶有時見到最乞人憎的「迷你」字眼，因為我有時把下午茶當作晚餐吃，因此不能叫迷你的，否則未到正正晚餐時候就已經肚餓。😂 然後我又點了個海南雞飯套餐，它的托盤上邊有湯，有飯有醬油以及一碟去骨海南雞。醬油都已經比較少，辣的沒有什麼特別，薑蔥非常少，甜豉油也其實不太足夠。這碟海南雞，雖然的確去了骨，但是底下亦都是大部份都是雞胸，面頭有兩件雞腿都算是非常幸運。莫講你幾十元不會給你新鮮雞，即使是新鮮雞的雞胸，也不會格外出色，因此這種雞胸肉，當然吃得不是味兒，上邊的雞背就稍好，去了骨，加點甜豉油配飯吃就不錯。比較特別的是它的下午茶亦都可以免費轉為拉茶，馬拉式拉茶，除了帶點甜味，還有少許香料的味道，比起普通港式茶餐廳的奶茶，沒有那麼熱還有點甜味以及香料味，算是比較特別。不過以一頓下午茶來說，只有超過半碟雞胸的海南雞飯，加熱飲，都要50多元，委實不便宜抵食。

未入去都覺得有少少伏味門口入去問收銀攞位，收銀就話：「自己睇有位就座無位就等。」入去搵到位，就比個呀姐要我哋行開未執檯，如果好聲好氣無問題，但個呀姐用命令式語氣黑晒口面咁。叫野食，揀野飲樣樣無。叫完野食個呀姐話無左拼盤，跟住我哋轉做米粉又打錯單無cut番拼盤。野飲黎到，凍檸檬薏米水淡而無味溝過水又唔夠凍。海南雞飯啲飯太硬，應該唔太熟。碗湯又臭左。米粉浸到軟晒又唔熱，應該放低左好耐都無人拎出嚟。（我哋等左三個字先開始有野食上檯）成餐得個西多士係食得落口，結果食完個西多同啲餸就走，而間野不可一不可再。禾靠最強劣食非此店莫屬。

用食物熊貓叫了這間新開餐廳，附近也沒有類似餐廳，叫了肉骨茶配白飯，海南雞配雞油飯和燒雞配雞香飯，先講肉骨茶，嚟到個陣好重藥材味，好期待，點知一飲，冇味，啲豬肉又硬又冇味，個菇唔知咩味，仲差過自己煲剩啲湯渣。之後到海南雞配雞油飯，雞肉味道正常，但份量不多，個雞油飯可以有色冇味，普通白飯好硬，似隔夜飯，燒雞個味都可以，但都係一樣，份量不多，個白飯都係一樣，又硬又乾，雖然知道係新開，但都不會如此差，自己叫外賣多次，一定不會是煮好放耐左先係咁，後悔試新嘢。

20216-16 晚上，我與家人試新店「星馬茶室」。先嘗小食。鮮油蛋黃咖央多士$22，三人分享一份四件的多士，鮮油、蛋黃、咖央出現分佈極不均。黃金魷魚筒$38，價錢不貴，但油份驚人，我們祇好用紙巾吸油，魷魚圈、脆醬、蛋黃互不相連，賣相鬆鬆散散。娘惹咖哩酥$28，沒有油膩感，饀料像薯蓉、咖哩粉與洋蔥粒，微微辣味，蠻可口。印尼炒飯配雞串$72 ，份量是頗多，有味道與BB辣，飯粒炒得乾爽，唯是三小片蝦片是腍，非常沒有誠意。馬拉咖哩雞球配香米飯$68，味道尚可，咖哩汁帶微辣，雞球份量也不少。跟餐半價特飲$23：兩位家人兩份餐都要了美祿恐龍，他們都說很淡，沒有甜味。人均消費$84，不用加一服務費。今次晚飯體驗很差，「星馬茶室」有很多改進空間，希望能改進，否則客人難回再幫趁。

午餐時間去禾輋又見到新開的餐廳，又膽粗粗入去試吓，食物不貴，有一些平時較少食的一些食物，如肉骨茶，摻摻等。兩個人，叫了個咖喱牛肋條飯及馬來西亞狗仔粉。賣相靚，味道好，我最愛是配菜， 花生，菜脯，咸魚仔等與狗仔粉很夾。餐廳座位亦闊落，舒適，只係冷氣不太夠。侍應也有好招呼，當時侍應因溝通問題下錯了單，拿到來時看見我們可能記得我們叫的與他手上的不一樣，立即問我們有否點那飲品，並不停說對不起，而很快換了給我們，nice.

#沙田 #星馬茶室 嗰日同阿媽行行下街，好難得佢話想食埋野先返，咁就梗係陪佢食佢最愛嘅海南雞飯啦🤗#海南雞飯 嘅雞肉略嫌有啲柴，分量有啲少，少少咸，調味啱啱好👌#雞油飯 同平時食到嘅唔一樣，但係偏肥同偏咸，唔夠香#雞湯 直情好似冬瓜湯味加味精味咁……我嗰下午茶就正囉🤤🤤🤤#咖央多士 配#魚蛋銀針粉 咖央多士好好味，夠多咖央，仲有好邪惡嘅厚切牛油，仲有烘底，好好味🤤🤤🤤🤤🤤魚蛋銀針粉就好一般，湯底無咩味，魚蛋就好鮮味，又唔腥😍餐飲我地揀咗#拉茶 同#檸檬薏米水 全部都好夠味，好飲👍👍👍👍👍味道: 7/10味精: 7/10價錢: 6/10環境: 6/10服務: 5/10#vinainshatin #vinafood #themakan #hainanchicken #kayatoast #fishballnoodles #tehTarik #chickenrice #lemoncoixseedwater #asianfusion #asiancusinie #foodporn #foodie #hkfoodie #f4follow #f4f #likesforlike #l4l #l4li

三層西多士$33⋯⋯正常都好食😋豬肚三層肉肉骨茶湯$39肉骨茶偏淡，豬肚都算乾淨無臭味凍檸茶要另+$3，可惜唔甜無茶味😥凍檸檬薏米水另+$3，又係無味可能健康關係，唔可以落糖🤫下午茶餐牌，價錢係街坊價，可能新開無幾耐，唔算多客人，俾多啲時間睇下

無骨海南雞真係唔錯，甜酸鳳尾蝦ok，但係餐廳推介馬拉盞通菜唔得，全部得菜骨，好老！小食拼盤，咖哩酥炸得唔夠鬆，炭燒串燒唔夠香，波菜豆腐又咸d,好在蝦餅可以，呢個小食拼盤值一半分啦！喇沙惨慘同巴東牛肋骨飯唔錯，但炸蠔餅粉太多，唔惦不過一定要推介就係榴槤炸彈，出便脆一咬d榴槤流入個口到好正，終於叫左兩碟，整體70分。

首先嗌咗一個肉骨茶我自問都有食過幾次正常嘅肉骨茶 但係第一次嗌咗肉骨茶點知嚟咗一盤胡椒水 同埋硬蘿蔔 （2）印尼炒飯加串燒最好食算係印尼炒飯（咁係因為應該我冇食過印尼炒飯）所以我淨係知道佢落咗啲豉油 加啲肉鬆同埋蝦片 （3）蛋黃味多士然後嗌咗一個自稱蛋黃味嘅多士 其實咪就係茶餐廳入面有一舊牛油嘅多士 根本就冇蛋黃味（4）唔知乜嘢炒飯然後一個炒飯佢嚟嘅時候我都疑惑咗一陣 因為完全唔一樣樣（5）美祿恐龍呢杯野真係超勁啦 笑到我傻 佢有分美祿同埋美祿恐龍 我睇張相咁靚所以嗌咗美祿恐龍 點知原來佢個恐龍就係嗰幾粒波波 最重要嘅係飲咗20幾年嘅餐廳嘢飲 冇試過嗌一杯凍飲 可以特登等啲冰都溶晒之後飲嘅時候仲係常溫！！佢未用晒之前杯嘢係暖嘅 認真唔話得（6）喇沙麵一間聲稱自己馬來西亞新加坡 個喇沙我可以幫佢改名叫做喇嘛 啲面仲有兩種真係唔該晒 求其煮都俾啲心機 敷衍下我都開心啲呀嘛衣