星海．譽宴 (The ONE)

營業中

休息中

下午茶時段同屋企人去咗The ONE揀咗一間海景酒樓淨係食個景都抵晒/場內樓底高空間感十足坐得幾舒服/豉椒味菜聖子煎脆米粉（碟)+拍蒜青瓜（碟）夠晒鑊氣，份量都適中蟶子夠晒大隻，醬汁惹味米粉煎得好脆👍🏻

老友移民，臨飛前大家梗係要食餐勁啦～！要食物好味，服務好，價錢合理，環境大方得體，坐得舒服傾到計，仲要有露台可以行出去影海景靚相，真係唔易搵。尖沙咀譽宴符合哂所有要求😍👍！不能不提，連洗手間都很亁淨，嬸嬸的服務都很好！唔係幫佢賣廣告，事實上真係咁正😍👍點菜後，首先出露台影海景相片留念😍😍😍跟著就開餐啦～😍魚翅🤩🤩🤩🤩🤩$188一碗翅大到簡直有二人份，而且不是散翅，而是一大群圓圈的翅，又多又靚，真係大份夾好味。連老友個仔對食物有要求都非常滿意😍👍胡椒蟹煲😍😍😍😍😍很濃的胡椒味，蟹很鮮味。老友鍾意食蟹，食到lam lam脷😍👍上湯龍蝦伊麵🥰🥰🥰🥰🥰上湯很清甜，龍蝦很鮮味，伊麵清爽。片皮鴨🥰🥰🥰🥰🥰份量多，有填鴨專門店水準。紅豆沙🥰🥰🥰🥰🥰最後經理Ken哥還主動送紅豆沙給我們，多謝哂～！😍👍祝願老友一家在新地方一帆風順，事事順利，身體健康，生活愉快😍😍😍！

有時去飲茶，環境好重要㗎，去到The One咁高，望住靚嘅風景一邊飲茶一邊食點心，真係人生一樂也！食咗好多唔同嘅點心，叉燒包都係我嘅最愛，呢一個雪山叉燒包又有造型又有特色，仲要好好食，一定要試吓！炸多春魚都係揸得好好食，又唔會好乾， 好正推介！一個南瓜芋頭煲仔，呢個我覺得好驚喜，一開始我以為佢係會杰啲，點知係好水！但係因為佢個套餐，佢仲有個龍躉炒飯，原來呢樣嘢合埋一齊食，係好啱我口味！濕濕地，有好有營養價值，仲要好健康嘅感覺！今次真係比我個執到寶！最後食埋佢嘅甜品，都真係覺得係一個好美好結束！最重要嘅係完咗之後可以行出平台影相，嗰啲靚相唔關事我就唔放咁多啦，買一張俾大家睇吓，就知道呢個位無論係食飯或者睇靚景，都會滿足到你身心靈嘅需要！

人在尖沙咀正想尋找午膳好地方，聞說此食店景觀正, 便决定探店😏處於高级商埸高層，樓底又高，坐下好有舒適感，佈置格調典雅😃點了龍井茶，上桌時同時奉上餐前小食，是少見的麻辣蓮藕粒，又麻又辣又爽脆，一種新的口感😋先來了推介的蟹粉小籠包, 皮薄餡靚有湯汁, 熱度足😋冰鎮萵筍, 爽脆新鮮, 咬落清甜😋五香牛展拌海蜇, 海蜇爽口彈牙, 微微帶麻辣, 牛展鹵汁入味, 肉質有嚼感😋籠仔荷香金銀蒜蒸龍躉頭腩(炒飯底)作主食, 荷香散溢, 飯底熱而不油, 龍躉頭腩, 有肉又有骨, 好適合好魚食客, 混合金銀蒜味, 令整個蒸飯味道更昇華😋椰汁南瓜芋頭煲, 熱氣騰騰, 椰香配南瓜甘甜軟滑, 芋頭芳芬而入口粉化😋靚景美食的一餐

酒樓在尖沙咀 the one 高層， 佈置華麗， 樓底高，空間感十足， 環境舒適， 喜歡它比一般茶樓寧靜， 無論在室內或室外 ，可以飽覽到維多利亞無敵海景。蟹籽北菇燒賣皇色澤明亮的北菇燒賣皇， 入口爽彈， 加上脆卜卜的蟹籽提鮮， 分外鮮味， 是我飲茶必點的點心。醬王蒸鳳爪鳳爪經過油炸之後再蒸，肉質變得鬆軟， 輕輕咬下就已經骨肉分離 ， 伴隨惹味醬汁， 我的至愛。櫻花蝦臘味瑤柱蒸蘿蔔糕白白滑溜的蒸蘿蔔糕，表面鋪滿櫻花及臘味提鮮，每一口充滿柔軟蘿蔔絲， 再加上甜甜的豉油， 十分惹味。青芥末沙律明蝦角 脹卜卜的沙律明蝦角， 入口香脆，中間填滿的蝦肉， 鮮味爽彈， 伴隨青芥末醬， 惹味過癮。香茜叉燒腸晶瑩通透的腸粉皮， 大口咬下， 白滑的粉皮中間，包滿軟嫩的叉燒、香茜餡料， 惹味吸引 。香酥蜂巢芋蓉帶子甫芋蓉帶子甫， 蜂巢的外形， 賣相精緻 ， 外層酥脆， 入口香甜滑溜 之餘， 食到滋味誘人芋蓉及鮮味粒粒帶子甫， 別有一番風味。紅燒乳鴿即叫即製的脆皮乳鴿， 香氣十足 的乳鴿，烤至油光亮麗， 鴿肉軟嫩及充滿肉汁， 讓人喜歡。黑糖馬拉糕深啡色黑糖馬拉糕，香甜鬆軟，甜度適中， 啖啖濃郁蔗糖香氣。養顏

1行3人，11點03分到，見門口未有人招待，都做定安心，不過眼見有2枱客人坐底，1枱仲洗緊杯。咪叫2老搵位坐底先，隨即就有個職員講一定要做哂安心先可安排位，我咪解釋我地都做左一半，只差掃code，亦叫2老放底電話，係你地咪安排好，機都未開， 有位比較年輕的帶位就話酒樓未開門，收銀好快就附和。我就話返比佢地聽，佢地的營業時間開11點，係佢地自己未安排得好，果位帶位仲係度阿之阿左，我就問返佢要唔要打上去office度問吓，仲提佢記得叫個2枱客出返離做安心，如果唔係就比人罰，佢先收口。原先冇諗住係度寫，見到果位帶位招呼人的態度真係覺得佢不得了。 熟客就安排坐近見到海的位置，怪不得唔想比人任意坐，見佢對隔離枱班熟客，四萬咁的口，我個枱冇水就當睇唔到，狗眼看人低。食物真心偏咸，個碟小菜又硬又冇味，荷葉海鮮飯碟鼓油，义燒係啊錯，上枱的時候到倒瀉左一半，返而真係要讚個班送菜的員工，密密做，減少1個戴位，請返2個沖水重好過啦。

/維港靚景嘆絕下午茶👍🏻我今日約咗朋友專程嚟到位於the one 18樓嘅星海·星海薈飲茶😍其實較早之前都有睇OpenRice呢度嘅點心好精美 一直都好想黎試吓😍職員主動提供左一個盤俾我哋清洗食具 非常方便衛生😍今日想特別推介以下幾款點心🥧蟹子北菇燒賣呢度嘅燒賣係必要點心之一🤭燒賣賣相相當吸引 入口多種層次有蝦肉冬菇豬肉🤗爽口彈牙口感非常豐富😍流沙奶皇包呢度嘅奶皇包絕對有驚喜 奶黃流心程度100%😂食落去好似熔岩咁樣爆出黎🥧真係真心唔錯！酥皮雪山叉燒包熱辣辣嘅酥皮叉燒包真係非常吸引，麵包好鬆軟 但麵包嘅酥皮亦都好脆😍叉燒餡塞滿左成個包 好Juice👍🏻食一個已經停唔到口啦正呀！招牌胡椒濃湯灌湯餃呢度嘅灌湯餃高湯熬製而成胡椒味好濃郁😋蒸既時間啱啱好食落去唔會有過咗火嘅口感蟹粉小籠包今日特別推廣蟹粉小籠包 我就忍唔住order左一個試吓 上枱非常熱辣辣賣相相當吸引 蟹味道非常濃郁 呢個價錢就可以享用到咁高級嘅小籠包 真係值回票價！最後當然要喺維港海景到打卡留個紀念啦！呢度亦係酒家嘅特色坐喺呢度嘆一個下午茶絕對係享受😙如果大家有興趣不妨book枱試吓啦！▶️好味程度😋4/5▶️環境⭐️4.2/5▶️

今天和老公到了尖沙咀The One 購物，不經不覺已到了下午一時許，所以我們便決定來個一盅兩件才繼續行程。點過茶，嚐過醒胃爽口的前菜麻辣蓮藕塊後，我便欣賞一下周圍的環境。位於The One 十八樓的譽宴兩面落地玻璃，非常光猛；面積寬敞樓底高，環境相對清靜舒適。最喜歡這裏的室外花園設計，其中設置了舒適的座位，四週景觀開掦美麗，不論日夜都可以欣賞到美麗的維港景色怪不得是結婚飲宴的理想塲地。～紅燒脆皮乳鴿剛剛炸起的熱騰騰乳鴿皮脆肉嫩，味道適中，連骨也是軟軟的。沾上准鹽或醋吃更滋味。～黑松露鮮蝦餃這招牌點心黑松露味非常突出，鮮蝦肉和餃皮配合得宜，入口清爽彈牙。～碧玉鮮蝦腸粉大大的原隻鮮蝦包裹在腸粉內賣相十分討好，入口既爽又滑溜，沾上甜味豉油，味道更上一層樓。～香酥蜂巢芋蓉帶子甫終於在這店吃到烹製功夫較複雜的芋角了。原粒迷你小帶子藏在綿綿的芋蓉內，再被炸得脆爆的外皮包好，是名副其實入口香酥、外脆內軟。～清香魚肚卷第一次吃這款特色點心，厚魚肚塊吸收了醬汁，再被腐皮包裹著，吃著口感十足；兩種材料都是我的至愛，清爽得來頗為滋味。～椰香咖喱薯角蒸魷魚薯角吸收了椰香咖喱汁，又淋又入味，厚薄適中的魷魚有嚼勁

適逢藍色星期一，夜晚要食啲好野先可以精神番😛今次揀左個大閘蟹餐，每位$568，另收加一茶介。頭盤先來冰鎮花雕五頭南非鮑魚🤤花雕味幾正，鮑魚味就不太出，但口感都ok👍🏼然後揀左個蟹皇翅，個人覺得一般，不知吃緊甚麼的感覺😅到重頭戲 🦀 都幾大隻，膏不算很多，但都鮮甜👍🏼個餐仲有 生拆蟹肉花膠絲扒高麗菜，乳鴿，蟹粉小龍包，薑汁糕。整體而言，都食得飽，滿足，但是每人只得一隻 🦀 （另可追加，我們4人追加了2隻），少少唔夠喉🥲唯有下次再食啦～

之前同阿媽嚟飲茶，望住個海景嘆茶真係好鬼正, 風和日麗1:45嚟到全場坐滿人，好彩等咗一陣就有位滷水豬仔腳，鍾意食豬仔腳嘅人必定要叫，而家已經唔係間間酒樓有呢樣嘢，豬仔腳爽口彈牙，非常入味，高質之選金箔黑芝麻流沙球，另一個非常出色嘅點心，上枱熱辣辣，流心香脆青芥末沙律明蝦角，脆皮外層裏面包咗粒粒鮮蝦，點上沙律醬，食完一隻又一隻招牌胡椒濃雞湯灌湯餃，啖啖胡椒湯味好特別，飲啖湯，即刻覺得好滋潤黑松露鮮蝦餃，蝦餃食得多，加咗黑松露又幾特別喎, 彈牙鮮味南翔小籠包，充滿湯汁，加埋薑絲醋食，在口裏面爆發香酥蜂巢芋蓉帶子甫，又一款唔係四圍有嘅點心，做得好好，香！酥!趣!柚子蜜脆麻花，最後食返個甜品，加上柚子蜜比起平時用糖漿更上一層樓食飽飽帶媽媽出去露台影返幾張靚相，完美的一天

星海•星海薈果然名不虛傳，試過就知道點解咁多好評，由冷盤，小食，點心，燒味，全部都一流水準，下午茶仲非常抵食添！前菜：黑白雲耳爽脆微辣，非常惹味又開胃小食：海哲燻蹄 $52必食推介之一！我非常喜歡食呢樣小食 但出面好多既燻蹄都做得好差，成日都會一夾就散開，有時仲會有陣難食既豬味，但係星海既就做得非常好啦，燻蹄皮爽口，豬肉嫩滑唔會硬，配埋個海哲，絕配呀！銀杏胡椒味菜豬肚 $58胡椒湯底濃郁，好啱而家呢啲時候飲，豬肚份量好多，亦爽口，銀杏唔苦，價錢又抵，唔會將貨就價！點心：蠔皇鮮竹卷 $29個汁就最啱我，因為我好怕個汁好杰，呢到既就好適中，而且味道又唔會好咸！香麻手切豚肉叉燒酥 $29必食推介之一！個皮酥化，一啖咬落去，嘩！正呀！熱辣辣脆脆地，叉燒又好味！大大推介！櫻花蝦鬼馬腸 $34比一般酒樓特別之處就係加左櫻花蝦，提升左腸粉既味道，油炸鬼亦脆口，一啖一件，食多2件都仲得呀～燒味：脆皮燒雞半隻 $158重點必食推介！皮脆肉嫩，即叫即炸，時間要等耐少少，但都非常值得！我地食飽左，但都忍唔住要食哂碟雞呀～呢隻燒雞，真係一流！必食呀！甜品：香芒糯米卷 $29見到其他人既食評，個個都話呢個好食架

鮮淮山長腳蟹柳棉花雞$29 (中點)好味指數：5/10呢度點心味道清淡一啲，准山夠粉，可惜魚肚🐠蒸得唔夠淋，雞件🐔比較細及多骨，係啲雞翼彎位位置，失色咗少少。薑蔥蒸牛柏葉$34 (大點)好味指數：9/10非常入味，食落去彈牙💥爽口，絕對係即叫即蒸♨️唔係擺咗好耐好淋果種，配埋蔥絲食非常清新。鮮蝦水晶菜苗餃 (3件)$34 (大點)好味指數：8/10外皮非常晶瑩通透，入邊有隻🦐大蝦，正常發揮，包嘅外型同出邊酒樓有少少唔同，較為特別。椰香咖喱薯角蒸魷魚$34 (大點)好味指數：6/10份量偏多，有薯仔🥔做伴菜，但係淋都會再好食啲，咖喱汁偏稀冇乜椰汁味，味道濃烈啲會較好。香酥蜂巢芋蓉帶子甫$34 (大點)好味指數：8/10蜂巢🐝炸得鬆化，入面滿滿餡料，又有帶子粒，味道調得啱啱好，好香芋😌香味。

今天和家人選擇了位於尖沙咀The One的18樓的譽宴·星海飲下午茶。 走出露台還可以飽覽維多利亞港兩岸的景色😌，令人好舒服！ 黑松露鮮蝦餃：晶瑩剔透，黑松露增添獨特香味 蟹籽北菇燒賣皇：粒粒飽滿 南翔小籠包：用籃仔裝住小籠包好可愛 紅燒脆皮乳鴿：皮脆肉嫩，不用加任何醬汁都已經夠味 香茜叉燒腸粉：腸粉嫩滑，香茜帶出另外一種風味 清香魚肚卷：吸收了汁好入味 香麻手切豚肉叉燒酥：酥皮夠香 香酥蜂巢芋蓉帶子甫：外脆內軟 海蜇熏蹄：海蜇爽口彈牙、熏蹄啖啖肉 紫金醬蒸金錢肚：野味！ 這一餐非常滿足！🥰

平時已經好鍾意飲茶🍵，有得對住🌊海景飲茶就更鍾意!趁住放假就同媽咪👩‍👧去The ONE 18樓 - 星海．譽宴 🥢嘆下一盅兩件。下午茶價錢都算中矩中規，喺尖沙咀區又望住海景咁寫意🤩，個人覺得超值啦！·🥟招牌胡椒濃雞湯灌湯餃 頂點/$53·🦐黑松露鮮蝦餃 特點/$41·🥡蟹籽北菇燒賣皇 大點/$34·🐖香茜叉燒腸粉 大點/$34·🍡金箔黑芝麻流沙球 大點/$34·🐂薑葱蒸牛栢葉 大點/$34·🍝XO醬乾炒肉片河 HKD$128·個人特別推薦😻灌湯餃、黑松露鮮蝦餃、黑芝麻流沙球，灌湯餃浸喺🥣胡椒雞湯中，好香好濃嘅胡椒味道😋，雞湯質感濃稠，灌湯餃吸收哂雞湯精華🤗，超正！蝦餃皮薄適中，裡面包裹住粒粒爽嫩蝦肉🦐，蝦肉更加入鮮香黑松露😚，令味道更昇華。而黑芝麻流沙球外型圓圓碌碌⚫，口感同質感都好似煎堆仔，表面用黑芝麻鋪滿，炸至脆卜卜☺，咬開係流心奶皇餡，好邪惡呀😈！·茶位 HKD$17/位小碟 HKD$15/一小碟·📍星海．譽宴尖沙咀彌敦道100號The ONE 18樓

假日一家人飲茶 梗係一早預定啦，訂左一點，早I5分鐘到，全埸爆滿。入座後，因人手不足，所有野都要等， 好在今日唔趕時間可以慢慢飲。茶揀左菊花， 鐵觀音，兩款都好飲午市套餐$599 四位有4 盅燉湯 半隻炸子雞即炸 炒龍躉有鑊氣和炒白菜仔。好味道，分量都正常另外加左碟义燒，偏瘦但都好味黑松露蝦餃有5粒細細粒 燒賣 金錢肚 馬拉糕 流沙包 腸粉 等都值得吃， 唯一覺得麻麻地係鹹水角油咗啲