星洲總廚 (大全街)

營業中

休息中

💪🏻 招牌厚切豬扒叻沙摻摻($75)呢間餐廳嘅喇沙(Laksa)係好新加波嘅喇沙味道(百勝廚喇沙即食麵味道)，濃濃嘅蝦醬味道，配上濃郁嘅椰漿香味，再微微嘅辣味，味道非常豐富🤤 再加上森巴醬，食到粒粒嘅蝦米粒，令湯底更加濃味。而且係配上摻摻(油麵+米粉)，非常索湯，每啖麵都可以掛到香濃嘅喇沙湯底，好好食😋 而且喇沙麵嘅配料都非常充足。有3粒魚蛋、雞蛋、豆卜、芽菜，食落口感豐富。豬扒非常厚切，肥瘦適中，肉質軟淋，唔會柴，而且亦都炸得好香口😝。味道：9/10性價比：6.5/10 食住瘦指數：💪🏻/5

發現返工附近太多好野食，今日lunch黎到每次經過都見到條人龍嘅星洲總廚。第一次食當然要食🐖招牌厚切豬扒叻沙 $70 套餐奉送咖啡或茶☕️肉眼睇以為塊扒會乾同柴，點知食落係一啲都唔乾，仲要好入味得黎唔會係太重口味。表面炸得好脆而唔會覺得油膩😋真係好大舊，好厚！麵底可選油麵，米粉，摻摻！識食一定係揀摻摻🍜 每一啖都食到米粉同油麵索晒啲湯汁🉐 個湯底望落好似好heavy，但飲落又唔會！奶味唔會好重。配菜有芽菜，溫泉蛋，豆卜同魚蛋，好足料！岀色！招牌厚切8安士豬扒飯 （配星加坡咖喱汁）$68份量同豬扒叻沙一樣咁大份，咁juicy! 咖喱汁多到當湯飯食都得😂 朋友話食多一碗飯先夠喉！厚切牛舌摻摻 $68牛舌燒得啱啱好，吾會太老！真係厚切😋面層略偏油。但整體都不錯！

🍛招牌厚切8安士豬扒飯 $68厚切豬扒好少炸得咁好，豬扒外面鬆脆內裏軟熟，而且豬扒厚得嚟都仲醃得好入味，唔怪得厚切豬扒就係呢度嘅招牌菜啦！🤩👍🏻🍜招牌厚切豬扒叻沙 (滲滲) $75叻沙湯底足料夠味，小編差啲就飲晒佢個湯，配合埋佢個厚切豬扒，Yummy Yummy~🤤 By the way, 滲滲即係一半米粉一半面，同一碗食落就有晒兩個唔同嘅口感，岩晒有選揀困難症嘅朋友 😆🥥滿堂椰漿飯$70滿堂椰漿飯除咗有齊晒雞牛羊豬咁多樣餸之外，重點係佢個飯仲有滿滿嘅椰汁味，同雞油飯相比又有另一種唔同嘅吸引力呀！🧲🥤鴛鴦桔仔話梅水呢杯簡直係小編嘅私心推介☺️，鴛鴦桔仔清甜得嚟又消暑解渴，冰涼透心，熱辣辣嘅時候飲要特別小心，小心飲一兩杯唔夠喉呀！

今天跟屋企人去游泳池玩完後，在大角嘴搵野食，行了幾個街口，看到間星洲總廚就試一試，午餐時間的話有點貴平均也要80元以上下午茶便宜點我們叫了個豬軟骨喇沙和厚切豬扒椰漿飯，改椰漿飯要加$5可以免費根本話梅柑桔熱飲幾鍾意豬扒和椰漿飯

一直都好中意食星洲總廚就算lunchtime遠少少路程又要等位都會行過去幫襯食物大份又好味，CP值高，而且侍應有禮，食得開心但裝修完之後，唔知係咪唔休做啲服務態度好似趕客咁，而且已經唔係第一次🙃諗住行入去攞飛，一踏入去第一步就已經俾個阿姐鬧👩🏿‍🦱:唔得閒理你，你行返出去啊！我心諗我又唔係衝入嚟霸位，我一句聲都未出就已經俾你趕我走❓❓❓❓❓❓❓❓❓❓❓❓❓攞完飛坐低咗，聽到話唔收八達通，我禮貌地問阿姐一句係咪唔收八達通？👩🏿‍🦱: 唔係唔收！係壞左！ 其實洗唔洗咁惡。。。想食個飯姐，咁都要受氣…希望星洲總廚嘅老闆會睇到comment去檢視下啲阿姐嘅服務態度啦…

週末三四點嚟到，以為應該冇咩人，點知全院滿座，不過好快有位。呢間嘢係用QR CODE落單，我地叫咗兩個下午茶餐，一個係咖哩豬軟骨叻沙，一個係招牌厚切豬扒煎雙蛋飯。另外跟餐要杯熱白咖啡，再加10蚊三色奶茶。個飯係最快上，塊豬扒好香好多汁好惹味，另外豉油加蛋漿撈飯真係冇得輸，成個飯都好好食。之後個叻沙都嚟埋，豬軟骨好淋好入味，不過碗叻沙嘅味道就正常，係嗰種意料之中嘅好食，冇咩特別。現場見人手好少，啲姐姐好似做唔切咁，我地食完嘢都未上餐飲，好明顯係漏單，我地問咗一次之後，餐飲就好快上咗。首先杯白咖啡好甜，飲落好漏，我諗住可能馬來西亞人嘅口味比較重，點知嗰杯三色奶茶淡到不得了，啲冰望落去好似融晒咁，極度懷疑杯嘢飲喺入面擺咗好耐，本來有諗過換過杯，不過見啲姐姐來無蹤去無影，次次喺我眼前出現一秒就消失，所以都係算！

食物是好味的，但係網上訂位系統卻很差及奇怪‼️網上訂了8位，去到原來重要攞籌，我已經心諗咁網上訂嚟做乜？之後原來8位係要分開兩張枱坐，一頭一尾。咁我就問佢哋，如果係咁樣，網上訂位嚟做乜？其實如果網上訂位系統咁立亂，就不如索性唔好俾人網上訂。感覺上人多，就唔好去呢間餐廳，人少少係可以嘅。因為網上訂咗都未必可以坐埋一齊，咁就不如唔好去。雖然佢嘅食物係唔錯，喇沙，肉骨茶，海南雞飯，炸豬扒都係好味嘅，不過係要冒着風險唔可以坐埋一齊的

豬扒喇沙配幼米粉，可以講個豬扒真係無得彈，肉質彈牙，完全無豬酥味，喇沙配幼米粉直頭係絕配，米粉跟左嘅溏心蛋，蛋味香濃，豆卜入味，大大碗份量足，跟埋飲品都係70蚊左右，性價比高滿堂椰漿飯，啲飯粒粒分明，太陽蛋濃邊夠邪惡，呢個飯其實更似一個拼盤，有咖哩牛腩，有香煎蔥油雞扒，豬頸肉，仲有啲魚仔花生，口感多元化，每款餸嘅味道都各有春秋，但係夾埋一齊又啱啱好，將成個飯嘅層次提升呢間餐廳直情令我一試愛上，不停encore

今次我品嚐滿堂椰漿飯內容有蔥油雞扒、咖哩牛肉、豬頸肉、煎蛋等，先說雞扒，配合蔥油一齊吃，味道一流，其他餸菜，相當不錯！今次飲三色拉茶，味道不錯，可以調整糖分，但是要補差額。

星州總廚係我由佢裝修前食到今時今日的一間餐廳, 餐廳面積不大, 而坐位都岩岩好夠坐, 所以唔係一間坐得舒服既餐廳啊今次都係叫左招牌8oz印度咖哩豬扒飯, 有得揀要新加坡咖哩同印度, 我覺得新加坡就比較甜 印度就有香料味, 兩款我都喜歡而豬扒都係一如既往既脆口, 但今次依塊有D過肥, 而值得一讚既係通常餐廳叫一碟飯都會得好少配菜, 但星州總廚就相對多一點另外, 仲叫左香蔥檸雞草雞肉太陽蛋飯, 雞肉香口惹味, 配特調豉油好夾餐廳另有其他新加坡菜式食, 例如肉骨茶, 海南雞飯, 喇沙等等... 全部都好有水準

平時行開都有人排隊食，今日終於有機會食😌入面坐得都幾逼，梳化位都係勉強坐到個patpat架乍🫣.雖然見好多人食叻沙同豬扒，但果日想試其他口味，就揀左滿堂椰漿飯同肉骨茶.✨滿堂椰漿飯✨雖然個飯同白飯差不多樣，但椰味十足😆呢個飯有三款肉：雞扒、豬頸肉、咖喱牛，仲有d脆魚仔、花生同煎蛋🤤全部都ok，係豬頸肉柴左d，但六十幾蚊又包野飲幾抵食✨肉骨茶✨當日等左好耐先有得食🙈可能因為無乜人叫😅個樣好澎湃，有三條好長既一字骨😐不過食落好唔方便，同埋部分位置太瘦，食到痴牙🫠.自己本身係中意飲胡椒口味既肉骨茶，但呢個肉骨茶味道好淡😞無論係肉味定胡椒味都欠缺🙁好失望🫥而且肉骨茶入面係無其他配料，淨係得肉同埋另上既油炸鬼，呢個大家唔使叫喇！

左等右等，这家店终于重新开业啦😭之前每次路过都看到有人排队🧍🏻刚想试就装修了😵这次终于赶上热乎的了菜菜先冲了餐牌在p6⃣️-p8⃣️·看看我们吃了啥👀〰️🍛满堂椰浆饭这道的颜值💯，里面有5种食材，每一样味道都不错戳破上面的太阳蛋与下面的椰浆饭搅拌，再加上咖喱汁，好美味🥺份量很大，一个人难吃得完〰️🍜招牌厚切猪扒叻沙据说这家的叻沙是🇭🇰比较好吃的～同样份量超大啊啊啊🥳叻沙汤头椰香浓郁微辣，里面两种面底口感很丰富还配一盘很优秀的炸猪扒🤤，外面焦香里面软嫩，是第一口会惊艳的类型！然而吃多了还是会有点腻，建议两个人share～〰️☕️白咖啡跟餐🆓免费的哦～即便不加糖也不会特别苦，是好喝的〰️🧋三色奶茶应该是他家的特色饮品之一喝之前一定要搅匀～甜度刚刚好，口感很顺滑～

成日都好鐘意去大角咀支持唔同嘅小店，星洲總廚就真係值得試下。如果唔係朋友介紹，都唔知呢間小店咁出名。中午時段全店滿座，但上菜速度好快，員工有禮勤力。招牌厚切豬扒喇沙第一次食梗係要試吓佢嘅招牌菜啦，呢個厚切豬扒真係充滿驚喜，一整塊豬扒切成小件，真係同佢個名一樣超級厚肉。而叻沙湯底非常正宗，仲有豆卜，魚蛋和半熟蛋，揀埋摻摻麵底。滿堂椰漿飯呢個飯勁呀，岩哂有選擇困難症嘅朋友，因為佢包括豬頸肉，咖喱牛腩，雞扒，樣樣都有，可以一次過試哂。仲有配料魚仔乾同埋花生。

週末無聊逛大角咀，就走咗入呢間星洲總廚試下海南雞飯。柯打咗個二人餐，兩飯兩飲品，包埋海南雞飯以及厚切豬扒。其他一般般就不多作介紹啦，反而想重點講主角海南雞、同埋厚切豬扒。先講分量，二人餐有半隻海南雞，係幾正常的。雞皮色澤光亮，而雞肉幾嫩滑，就算食到雞胸位都唔會覺得嚡口，幾good！成餐飯最令我感覺驚喜的就係厚切豬扒，豬扒外皮炸得乾身，咬一啖仲有些少酥脆，但內裡依然有肉汁，超正， 一定要試！如果行開大角咀的話可以一試喔！

今日又喺大角咀搵好嘢食。。今次我去咗間茶餐廳呀😏😏其實一開始我係俾佢個叻沙吸引咗去嘅。。去到餐廳好多嘢都好想食😏咁我就唯有分咗三日去。。每次叫一個我想食嘅嘢😏😏分別叫咗叻沙。又叫咗豬扒，又叫埋雞扒。。三款我都食過晒。。真心佢個豬扒係真係好好食👍🏼👍🏼個喇沙個湯底都好一流‼️所以我分別食咗三日都唔厭😏😏如果你淨係食豬扒飯其實可以食個下午茶。。因為佢個下午茶豬扒飯係平啲㗎😏😏..🍜招牌厚切豬扒叻沙🐷招牌厚切豬扒雙煎蛋飯🐔檸檬草雞肉雙煎蛋飯..📍 星洲總廚 (大角咀)大角咀大全街57號地下..=•=•=•=•=•=•=•=•=•=•=•=•=•=•=•=•=•=•=•=•=•=•=#cafe#cafehopping#cafehoppinghk#coffeeshop#coffeeshopcorner#coffeeshopvibes#discoverhongkong#foodiesofinstagram#foodstagram#hkcafe#hkcoffee#hkdessert#hkfood#hkfoodie#hkfoodlover#hkfoodstagram#hkig#hkstyle#hongk