星月樓

營業中

休息中

今天在此茶樓食午飯的經歷: 首先值得一讚的是此茶樓點心上菜速度快, 點心味道唔錯。 但問題係食完的吉碟冇人收, 叫左好多次都係應左之後行左去, 完全敷衍了事, 吉碟佈滿枱仲繼續上菜。再叫職員收碟, 竟然返駁話唔得閒收碟仲同我地理論。 嘩原來求職員收碟是我地錯, 果d 氣焰果真厲害, 大開眼界。 之後茶樓員工幫我地收了部份碟後, 我也不敢再麻煩茶樓員工啦, 把吉碟放格隔枱算。最後叫埋單, 叫極都唔理, 要我親自去櫃檯埋單。其實茶樓點心味道ok, 但經過今次經歷, 不想再受氣, 都係少去為妙, 最慘係我同同行的親戚講呢度野食唔錯仲力讚, 而家搞到一肚氣

中秋節翌日，在外國回來的遠房親友約我和屋企人到上環飲茶，親友遠道而來，大家只是想聚一聚傾談近況，所以對食物的要求不會太高，這間酒樓毗鄰地鐵，很容易就找到。甫進入酒樓，可能是因為酒樓較細，而且座位之間空間較窄，感覺有點侷促。親友預先點了幾道點心，分別是山竹牛肉球，魚肉球，鳳爪排骨飯和鮮竹卷。山竹牛肉球的味道可以，但好像蒸了一段時間，馬蹄多了點，而且食不出果皮的味道，正宗的山竹牛肉除了要有牛肉和香茜外，其實要加入少量果皮才可突顯牛肉的鮮味，馬蹄不可過量，而且新鮮蒸起的牛肉球最好不要點其他醬汁，才會食出其鮮味。至於魚肉球的用料較充足，當中包括有魚肉，豬肉，蝦肉等，味道算不俗。鳳爪排骨飯味道一般，排骨肥瘦適中，但味道不太足夠，白飯的份量正常，不會太多或太少，鮮竹卷並未品嘗，所以不能評論。整體而言，點心的味道可以，但坐得則不太舒適。

我們一圍枱7:00點菜，到8:30還未到。中間催咗4次還沒有上。不單止這樣，一班人餓著肚，樓面愛理不理。整間酒樓的餐飲管理不合格。結果埋單走，原來整層樓有一半抬都等緊，廚房出菜慢，食得好唔開心。

親人大壽齊齊去食大餐講到乳豬全體無得彈！外面卜卜脆，肉質鮮嫩多汁！味道恰到好處！我也忍不住食多了幾件！以往去飲宴時只係食皮，無肉食，只係覺得肥膩！其次，就係那碟福祿原隻鮑魚海蔘！每隻飽魚大大隻！雖然不是新鮮鮑魚！但係質感都唔錯！海蔘彈牙嫩滑！豆苗也配合得恰當好處

又到WEEKEND, 同家人去左星月樓嘆嘆茶, 試試佢D點心先. 我地1點去到, 都唔使等位就有枱啦, 上到去都見到無乜吉枱, 我地被安排左坐魚缸位置, 坐得舒服.三星燒賣, 三星原本分別有鮑魚仔, 冬菇同蟹柳, 但個黎既時侯張單痴住左舊蟹柳, 呀姐一手MEET左張單就連舊蟹柳都扯走埋.... 呢個味道普普通通啦.雪山叉燒飽, 個皮好脆, 叉燒餡熱辣辣, 好味!仲叫左, 黑糖馬拉糕, 嘩, 呢個好得, 同出面普通馬拉糕大不同, 好香黑糖味, 又鬆軟, 好正!奶皇飽, 都幾流, 但唔夠沙, 多D疍黃就好了椰汁棗糕, 幾有棗味, 但無乜椰汁味.蝦餃, 個皮厚左D, 味OK春風得意巻, 呢個得! 裡面係蘿蔔絲米巻, 味道清甜又香口, 好味呀!個疍煎珍珠雞就味道一般, 落得太多胡椒粉一般既酒樓, 未至於另我會再轉頭咁囉!

屋企附近想飲茶有好多類型嘅酒樓選擇，見成日路過呢間所以就試下～星期六，1:45前已有一d人攞定下午茶飛（二至四點），我們黎到二人枱第十六張都唔算難攞位，兩點入坐按排到四樓房仔，其實我唔鍾意坐房仔，但四樓全部房仔～ 但地方同餐具算係新同乾淨唔馬夫～下午茶時段其實唔係特別平，價錢ok中等啦，味道都標準ok～唯一驚喜係個春風得意腸，平時個d係腸粉包住炸兩，但呢個係腸粉包住炸兩，炸兩入面再有蘿蔔，所以咬落去口感好特別～鮑汁大鳳爪，d鳯爪就真係好大，但d汁唔太覺點鮑汁～小籠包，皮厚肉小～义燒包係傳統我鍾意個隻皮，ok好味，隔咗一陣我跌咗一舊义燒落手仲feel到熱辣辣～鮑魚珍珠鷄，ok好味，有隻鮑魚仔～陳醋黑木耳青瓜都好味～牛肉燒賣普通standard野～咖啡糕我嫌唔夠彈牙同一夾就散～賣點其實無乜，因附近太多competitors，standard咁做～

星月樓開了不久，環境不錯，碗碟是新的。星月樓早茶抵食超多人，茶錢只要6元，22元或25元有兩樣點心。鳳爪排骨飯用煲仔裝，保溫不錯，叉燒腸的碟是長形的，叉燒都好味，牛肉球有牛肉味，京川餃子醋味香濃，米粉有黃椒、椰菜、蔥、火腿等而粥也算綿，煎珍珠雞外脆內軟，羅漢齋餃味道不錯。星月樓總括來說都算不錯的酒樓。

早茶超多人，原因只有一個，抵食😜😜😜一碗粥十蚊雞加茶錢，平日的皮蛋廋肉粥，用酒樓煮法，好入味的鹹廋肉加上綿綿的粥，好味道，始終酒樓水準比粥店更正👍🏻👍👍🏼高興D可以叫兩個點心，都係22或25蚊(加散座茶錢6蚊）係咪好抵呢？熱騰騰即叫即蒸，又新鮮又熱，正呀👏牛肉腸加奶黃煎堆仔，只是22，牛肉腸上枱吸引又料多，有香茜嫁；煎堆仔的奶黃仍流心，好好好👏义燒飽加蟹子燒賣皇就25，义燒飽三大隻，义燒多又香；蟹子燒賣大粒又好味，好抵食啊👏👏👏又一個飲茶好地方呢😍 

週末晚出席了一場飲宴，吃了一頓傳統中式圍菜。酒家樓高三層，地方都算光猛整潔。整體上菜式新意度就無乜，調味普遍略鹹，但仍屬可接受範圍。比較好的菜式有碧綠花姿珊瑚及蠔皇玉環柱脯。前者花姿腍身，珊瑚蚌及西蘭花爽口。後者節瓜玉環嫩口清甜，柱脯亦見鹹香可口。有待改善的菜式有黃金百花球及紅燒四寶燴生翅。前者炸得過火，口感過實。後者翅量少，湯底過稠。人均消費約三百元左右，性價比OK喇！

上環又轉新酒樓，一班同事湊熱鬧，評價不錯^^一碟賣相精緻的牛肉腸粉，腸粉皮軟糯，好👌👌菜心大大碟，人多都夠食👌一份炸魷魚，香脆可口👌👌👌雪山义燒飽樣靚，可惜唔熱!!(希望酒樓負責人看后可以改為熱上 ^^)炸豆腐，靚樣之餘，外脆內軟，好味👌👌素餃子和花餃子熱騰騰，餡多，又軟👌👌义燒飽和奶黃飽，外皮軟，中意食飽不會失望👌素鵝－腐皮包著紅蘿蔔絲，脆口👌👌咸水角、燒賣、山竹牛肉球、棉花雞，全部都是飲茶必叫，人多真好，食得開心，下次又來啦😍

這星月樓開了約個多月, 星期日12 noon 來到, 不用等位, 可能是沒有特價點心的關係. 新裝修了, 環境光猛, 不會陰陰沉沉, 好! 試了數款點心及炒麵, 總括來說都不錯, 不想等位的, 可以一試.蠔皇叉燒包雪山鋦餐包

看到上環星月樓新開張，就把握機會試一下他們的晚飯。上環酒樓絕對不容易做，這裏前身是鑽石酒樓，及後也易手數次，現時來到這間。地點絕對就腳，就在上環 MTR 隔離。食物質素整體水準平均，坐得舒服，全新酒樓裝修果然讓人耳目一新。我們叫了燒味拼盤：燒腩肉做得很香脆，肉質香而軟滑，叉燒甚好味道，口感一流，半肥瘦咬下去很暢快；另外油雞也做得很好，青瓜也是中和味覺的好良伴。酒樓內裏也有賣海鮮，全個海鮮缸在裏面，有澳洲龍蝦，本地龍蝦，鮑魚，游水魚；今天我們沒有試，但看上去也是不錯的選擇。豆腐煲甚燙口，豆腐做得很香滑，非常好吃。另外我們還叫了龍躉兩味，HKD268.00 甚有物值，先來炒球：肉質甚為香滑，好魚者切勿錯過。另外是班頭腩，也是水準之作，做得很香口：例湯也做得很好，沒有落味精。酒樓環境，甚為舒服：用心經營的酒樓應予支持。現時租金甚為昂貴，尤其是在地鐵站旁，樂意推介。

因為家住附近，酒樓又新開張所以一試。地點不錯，上環地鐵直上便到，舊日金鑽酒樓位置，中午到來試試茶市點心。十二點鐘到達, 雖然開始人多，幸好酒樓有三層，不用等位。 新裝修，新人事，硬件很不錯，但服務仍有改進空間。點了五個點心，炸春卷和雪山义燒餐包點了不到五分鐘就送到枱上，服務超快。 另一碟迷網腸粉(腸粉包着炸米粉)不一會也送來。吃了一口雪山义燒餐，不對勁! 有着一種說不出來的怪味道! 接着春卷也是一樣，奇怪的是連迷網腸粉也有着同一種味道。 呀! 想起了，應該是油益味!  油的問題!再來是一個特點 - 蒸排骨陳村粉。$45的特點份量居然只有一小碟，比點心籠還要細!  味道不見太出色, 排骨多油,多粉, 勝在上枱熱騰騰.  最後點了一碟鳳爪, 那是最正常水準不過了.二人埋單盛惠二百大元!!!  於上環中午點心茶市而言, 實屬上上價錢!  不多推介!

上環「星月樓」共有多層，毗鄰港鐵上環站，非常方便。前晚因我老闆關係，有幸出席開張前夕的晚宴。裝潢係一般中式酒樓格局，中規中矩。是晚約20多圍，氣氛熱鬧！渡過了一個愉快的晚上。「鴻運乳豬全體」乳豬不算太肥，皮甘香鬆脆！肉嫩，配上乳豬汁，放係蒸起的白色軟塾簿飽點皮上食，或淨食乳豬都好好味！「東瀛蝦球拼帶子」大蝦球頗大隻！應該係𠝹開一半再炸，配上類似芥末沙律醬，好好味！推介！沙律盞D沙律頗新鮮！帶子相對較細但味道也不錯！「大展鴻圖翅」即係蟹皇翅！翅針頗粗，味道可以！「清蒸沙巴龍躉」近幾年D酒樓好興食沙巴躉，因沙巴水域清澈，魚質量也比較好，價錢又比一般星斑平。今次這個沙巴躉魚肉～好滑，又不會蒸得過熟，剛剛好，唔錯！「蠔皇金錢鮑魚」鮑魚size就比較細，扣得夠淋夠入味！菇味道也不錯。「當紅鹽焗雞」係E度既其中一個推介菜！真係好好味！時我食晚飯也喜歡order炸子雞，但這個當紅鹽焗雞～實在有點驚喜！平時鹽焗雞也好味！加上這個是脆皮的！比較少見！但它不似一般炸子雞炸得咁燶（可能想保留原味所以不會炸得太過火，食法不同）！肉質係幾嫰滑！裡面充滿咸香味！（經理話係用新鮮雞以正宗客家製法來整）我個人十分鐘意