星月樓

營業中

休息中

其實我跟公司董事來食過好多次，但次次都掛住食就唔記得影，這2次記得影，但老闆係到就唔可以相機食先，當然老闆食先，影到的餸菜就不是上菜時最正🤤的樣～ 我今次影相的湯潤喉養聲又甘甜😋 但之前飲過其他湯，全部都好飲的，而且每窩都湯渣另上給食用，可以睇到真材實料煲出來的～海鮮全都新鮮，製作出的食物當然鮮甜味美～ 那隻玻璃皮乳豬咁脆就緊係個個食啦～ 我影到都係得返幾件，就黎得返個頭～ 職員今日向老闆們推銷乳豬券，有興趣都可以去買券換黎食，如果唔用券換，即日点菜是要加一的～ 笑料： 我係lift入面聽到另外d人叫這些做邪惡券😂 因為好食但高膽固醇同會肥🤣甜品絕對是我喜歡的，無論紅豆沙、楊枝甘露、普通/南瓜西米露、今次的杏仁茶，全都極好味 因爲這些甜品會轉，不會全部都有，要看看當日餐館有什麼囉⋯⋯ 而且餐館通常都有薑汁糕同咖啡糕，但我對這些沒太大興趣，反而其他同事比較喜歡～對於老闆們來說可能好抵食，但對我來說就很貴，所有我抵食就唔勾多星啦⋯⋯ 因爲唔係我付款，所以我都係唔知每碟的價錢～

呢間野啲呀姐服務態度好差 又緊張又怕麻煩•想調張大枱坐舒服啲 短髮呀姐又話有客上緊黎要坐 我地吾可以坐 點知根本冇客要坐。。。好心啲服務就好少少 我地先系客 連調張枱都吾得？乜態度呀。。。再光臨？不了

和家人週末去喝下午茶呢度兩點開始就有下午茶~我哋叫咗好多樣點心鮮茄魚腐淮山麵 都有幾多舊魚腐 淮山麵食落都幾爽口 但係唔係好掛汁 清清淡淡都可以蘿蔔糕 得好大舊 蘿蔔都係切到一嚿嚿 有少少粉牛肉腸 個腸粉皮幾厚 感覺一般 牛肉比較少豬腳薑 呢個反而唔錯 夠姜味 同埋啲肉好淋 有一隻蛋 最鍾意將啲蛋撈落啲豬腳薑食鮮蝦帶子餃 食落唔係好多蝦 還可以嘅上湯鮮竹卷 一客三件 浸得有啲林 食落去都幾多料 不過不失啦最後埋單每人大概$100 性價比一般 如果想食港式點心都可以一試

This is a regular tea house. The price is reasonable considering its located in a business centre. Its suitable for family with kids and for business.The food quality is above average but the waiters are slow. We asked for chilly sauce and have us waiting for 20mins and ask them again at least 3 times. We dont bother to ask for anything else. I would only recommend this place if you like chinese food and is looking for a place to sit for an hour without being rush to leave.

接線生態度勁差, 無禮貌. 早上11:15訂位, 不繁忙時間, 態度仍然惡劣.請她幫忙傳真點心紙, 可以預先下單, 佢話 (有, 你自己過來拎啦, 我唔得閒傳真比你)完全是倒米員工

星期六同家人路經上環，隨意 選了在星月樓食午餐。因有2歲半的婴兒同行，要求 樓面女侍應提供嬰兒櫈， 他馬上說:沒有嬰兒櫈！你自己把凳子重叠坐吧！( 態度奇差)到埋單的時候， 她把嬰兒的服務費也計上，當我們問她服務費計算的時侯，她也惡言相对: 嬰兒不是人嗎！他沒坐嬰兒櫈， 要計人頭服務費！( 難道13元的 服務費 我們負擔唔起嗎！ 問題是 此女侍應 的對答態度及服務質素 居然可以如此差，令顧客如此難忘， 呢間茶樓簡直係飲食業嘅奇葩！)ps:點心的味精超乎想像，食後口渴到極先不要講食物嘅味道， 有此奇差的服務態度, 真係好難明白此店居然今時今日還可以經營！消費仲要受氣，永遠不會再光顧此集團的茶樓 ！

#星月樓上環德輔道中267-275號龍記大廈2-5樓—星期六日做孝順女陪DaddyMami阿姨們飲下茶 呢間係上環相對算比較新ge茶樓 茶位12蚊位 茶位同點心比起同區大部分茶樓貴少少 味道方面 整體黎講不過不失 我覺得做得最出色ge 係佢地個雙色燒賣 有兩粒冬菇豬肉 有兩粒鯪魚肉燒賣 質感極度彈牙 無論係鯪魚定豬肉味道都調得啱啱好 令人一試回味 而擂沙湯圓都好唔錯 皮煙韌有彈性 餡又唔會太甜~😝可惜 出色ge點心實在唔多 黎唔黎試下大家就要自己衡量下lu~—B仔整體評價：6.510個👍🏻B仔抵食程度：6/10個👍🏻B仔環境評分：7/10個👍🏻B仔味道評分：6.5/10個👍🏻B仔回頭機會：7/10個👍🏻—

今日到上環星月樓飲茶， 坐低後男經理放下茶和一碟小食。本人對麩質食品有嚴重敏感反應，所以叫了一位女侍應代為收回，她態度囂張回應說:「 唔食都要收錢」 我回應說消費者是沒有選擇的嗎? 他回應: 問經理！跟著便走了。 太太如廁後回來聽到女侍應大聲談論我們的事，女侍應很不滿。後來我再搵另一位女經理，說食這碟有花生、蠶豆的小食會敏感。他回應: 已經入咗單無法改。我覺得好無奈！ 今時今日還有這樣的事發生。消費者委員會通知各消費者，如果唔要前菜、小食可通知有關食肆攞走而不收額外費用。可惜女侍應的態度差劣外， 酒樓並沒有做到尊重消費者的事。 對這間酒樓感到失望！雖然食物不錯！可惜服務態度欠佳。下次我不會再來的，因為世上有更多、更好的選擇。

每逢下午茶時間，星月樓都好多人，個個都是公公婆婆，熟口熟面我想每天都來飲下午茶，食物水準可以保持係好難得，多左好多女侍應生，咁忙梗係要多啲人啦！茶客多嘈就一定，勝在便宜又好食冇計。

今日本來去上環糖心軒，點知擺酒無得飲，去左星月樓。我六個人比張大枱喺正門口，正常都會坐埋一邊，嗰個侍應求其為左方便佢就到擺餐具擺喺近門口嗰邊，但我一早已坐左另一邊，已經由佢費事話佢。之後已問左飲咩茶，之後再有幾個侍應又問，問成四五次，真係人都癲。最有問題係張枱對正個冷氣位，我吖媽去較個冷氣，問個侍應可否較細啲。佢背住我吖媽，但比我睇住佢個樣係即時西面仲要扮聽唔到。我好肯定佢係聽到，佢另一個侍應即刻幫拖較個冷氣。咁嘅態度真係差到嚇死人，去飲茶要受氣。真係無下次。

又係下午茶時間，比平時少了人，叫了個醬皇干炒牛仔骨河味道都ok可以一試，點心都不過不失，可以下午茶叫做抵食冇嘢講，侍應阿姐都係咁惡死，態度都係咁啦，請人難體諒吓啦！

第一次到星月樓用餐，趁著星期五和家人一聚，怎知道卻被一位樓面侍應的差劣態度影響了心情。該位侍應點菜的時候已經表露不耐煩，當我順口說一句想多點一個白飯，她竟然跟我說 ：你一陣到左啲野先叫啦宜家嗌無人記得。到買單的時候，我拿出信用卡遞了給她，不一會兒她又回來不耐煩的說：你張卡有無密碼啊？我回了她說有，她竟然直接跟我說：咁你出去！有一刻感覺自己就像是她下屬被勒令出去按密碼似的…|||食物方面也只能說是不過不失。至於其他侍應和部長的態度則不錯，但遇到那位有著如此“良好“服務態度的員工，大概以後也不會想再去了XD

又係下午茶時間，今天比較多人要等第二輪，先至可以上到有位，今天好開胃叫了好多點心，叉燒腸牛肉雞包仔各樣都ok，今天有新常試銀魚仔煎魚餅，煎得出色好味道，還叫了個鹹魚雞粒炒飯，兩個人食得太多了。

今日同朋友第一次去星月樓。有個侍應態度超差！！！首先話我地張點心紙填得好核凸，落唔到單。我話，我再填過，你唔洗咁講嘢，我本身唔想繼續理佢，點知佢繼續惡言相向，強詞奪理，話佢中意點話D客就點話D客，blablabla...我就唔理佢，直接去穩佢地經理，經理話會處理。以為就咁完，點知個侍應又走行過嚟，對住我地，叫我地“食屎啦你地”。我即刻就行去穩個經理，😤😤😤個待應仲繼續對我老公佢地講粗口，我地决定唔繼續食，即刻走。個經理態度都好麻麻，最終要同店長傾先好D。但果個待應仍然喺樓面行，咁嘅人意然可以繼續做，睇嚟間酒樓管理都真係好差！中上環咁多選擇，星月樓又無特別好食，大家無謂去受氣😤差評！！！

老闆話要食飯team building，我地啲小著仔就揀左星月居食team lunch。無論係幾多人食，我都建議打電話book檯先，如果唔係好大機會白行一趟。星月居都算係我係中上環最鐘意嘅茶樓之一。除左點心好味之外，價錢亦都算叫做合理。今日就想介紹下星月居的燒鵝。不但夠大碟，而且皮脆肉嫩。建議大家黎到，唔單止食點心，更右可以叫碟燒鵝試下。最後，平均每人差唔多食左成120蚊。大家食得夠飽之餘，亦都唔洗好貴。所以大家有機會都可以同同事朋友黎食