星巴克咖啡 (已結業)

去完潮樓飲茶，再黎買件餅！買了一件blueberry cheesecake & 2 件lamingtons.blueberry cheesecake，保持水準，好濃cheese 味，cheese打得勻，沒有食到粒粒。blueberry 新鮮，都有好多粒。both favour ge lamington 都好好味，好軟熟，能食到淡淡嘅lemon & choco 味。

除左聖誕紅莓批.我仲買左個蘋果橘子蛋糕(唔肯定個名係咩喇)~雖然佢既貌相唔係話特別吸引.而且仲有d似麥包..但係我都決定買黎試下..蘋果橘子蛋糕(價錢唔記得): 食落好乾身.蛋糕黎講~咁既口感可以話唔係幾好食..蛋糕面有一粒粒橘子皮帶有少少苦.不過幾特別!反而食晒成個蛋糕我都食唔到有蘋果味?至於將d橘子皮同個蛋糕痴埋一齊既果層黃既野..都幾甜．開頭覺得佢唔係咁好食.但係食食下．發覺同個蛋糕配合得都唔錯．因為其實個蛋糕本來乾得黎之餘．都冇嘜味!對於呢個"蘋果橘子蛋糕"評語一般.可以唔試都ok!唔知呢個叮返熱去先食會唔會好味d呢?不過個侍應又冇問我需唔需要叮返熱佢黎食..

上次試完朱古力木頭蛋糕．今次一於試埋個聖誕紅莓批！聖誕紅莓批($23): 食落口感係比較"實在"既.唔似蛋糕果d~不過佢個名都講明左呢個係"批"唔係"蛋糕"!就咁望好似有d杏仁果d係入面.但食果陣又食唔到喎!真係唔知果d係咩黎既?另外..黃色果層我一樣都係食唔出係嘜.開頭仲以為係芝士~但係食食下又好似唔多係..不過配合埋紅莓乾酸酸甜甜咁..總括黎講~係唔差既,可以一試!

昨晚行了成個鐘都無收獲....臨走前買了個肉桂蘋果司康餅(scone), $12, 今次選了個新嘗試, 今朝返公司OT 時烘了....餅既質感同blueberry scone 一樣咁脆咁好食, 肉桂香味濃...比起藍莓既香...而且又唔太甜, 岩哂我! 下次見到有芝士...再繼續嘗試!

比一般的清淡,可能芝士不算多啦.食完一個都唔滯膩

(23/9/06)其實大約都知咩味,不過唔試都係o羅o羅孿。南瓜蘋果芝士蛋糕,有肉桂味,南瓜味淡淡,cheese cake好新鮮。cake上的南瓜粒,爽既!?薑茉紅莓曲奇,少許薑味,加紅莓乾,一d都唔特出,不試也罷。南瓜muffin,同麥味muffin無乜分別,係多左南瓜粒o羅。

上次飲完frapaccino太好味今次再飲點知好叫唔叫叫了杯大的時候飲了一淡我去問個staff係咪caramel frap,因為完全唔係上次係尖沙咀飲的味道勁勁勁勁勁~~~~~~~~~~~~~~~難飲囉~~~~真係一d都冇coffee味，全部都係奶、奶、奶............仲要係冰都唔冰下都唔星冰樂~~點解呢間d人會整得咁難飲架唔該starbuck好好儉討一下啦

hot mocha: 味道是非常的差，而且相信係咖啡豆質素既問題。雖然自己並不常飲espresso drinks，但以個人經驗，即使係pacific coffee既mocha都比佢好。需知咖啡質素即使唔係一間好coffee shop既充分條件，但至少也是必要條件呀。

o係leonidas食飽飽, 就黎starbucks飲mocha frappuccino light. 但係呢間分店o既職員好求其, d冰係咁意打左幾下, 唔碎, 我飲時d冰就啜實晒o係個飲筒度, 我索到氣咳!好似train緊肺活量咁呀!