星巴克咖啡 (已結業)

粉嶺Starbucks無論係Green tea latte定mocha Frappuccino 都比其他分店差 。我叫左杯Green tea latte ，又唔甜，又冇綠茶味 。之後一個星期後去左同一間，諗住上次都係唔好彩姐，所以叫咗杯Mocha Frappuccino,點知都中伏！！！都唔甜又冇朱古力味，嘥晒啲錢 😡唔怪得知粉嶺個間Starbucks 平時收工見到都冇乜人幫襯 。之後一兩個星期後去咗大埔超級城嗰間Starbucks ，大埔嗰間green tea latte d質素同service好太多 。真係冇比較冇傷害。粉嶺嗰間實在太差

嗌外賣飲筒又唔記得比 杯野糖又冇落 🤬 買咁貴一杯野 仲要已經唔係多人買㗎啦呢間 第一次飲Starbucks咁吾開心 飲其他分店都冇事🙄 仲要杯野係嗌正常冇要求都可以整錯

我都幾喜歡到Starbuck飲咖啡和食三文治嫁，環境大多舒適又唔算貴嘛可惜今之黎到粉嶺呢間，簡值令我對Starbuck 出品有d失望啊。唔知係店員新唔熟定點啦又冇乜禮貌態度你又唔可以話佢差但又一定唔係好嫁啦飲開既latte又唔同味咁好淡可能唯有唔幫襯呢間分店啦唉呀真係要睇睇d出品唔係攪唔掂

因為有兩張友人送既禮券，所以就買左Starbucks沙律返屋企食。去到只係得番一款既沙律——照燒雞排蕎麥麵沙律。沙律份量都足，有蕎麥麵所以都好飽肚，但食物味道就一般，隻流心蛋無咩味，唔太好食。而且，呢間starbucks既選擇都比較少，我本來係想食三文魚薯仔沙律，但呢到成日都無，希望之後可以有多點選擇就更好喇。總括黎講，呢個沙律五十幾蚊都算有少少貴，如果唔係有禮券應該唔會買。不過如果想係starbucks hea下，買輕食，沙律都係好選擇，感覺比蛋糕咖啡健康。

打風天不宜外出工作，留守公司，午餐後去呢間新開嘅咖啡店買外賣，商場內的半開放式格局，放了桌椅可以堂食，地方大幾舒服，去到等一個客就到我，我用積分卡，先入錢再消費，女後生店員落好單叫我去出菜位等！Flat White($38/中杯）用積分卡可免費加了一個shot，無拉花，無落糖，咖啡夠熱，咖啡香氣強，飲落香濃易入口，甘香微甘，好味！店員們都好後生，斯文有禮！粉嶺終於開了一間星巴克咖啡店！以後飲咖啡又多了一個選擇