星巴克咖啡 (已結業)

因為知道綠色圍裙的早餐時段，買咖啡的話，食品就半價，所以連吃幾天這兒的早餐。總是點「是日咖啡」（$20 / 中杯）。已經到了任何拼配口味都無意見，只要係星巴克就OK。這兒的咖啡總是香、熱、濃，配忌廉飲用係好正的！食物總是選貝果（Bagel；原價$12；早餐時段半價）：什麼芝麻味、提子肉桂味、原味，都OK 沒意見。因為烘烤得香脆，配上不另收費的忌廉芝士，絕對係美食！亦試過「咖啡紐紋條」（原價$12）都唔錯播！

工作關係，連續兩天都來這兒吃午餐。太熱沒胃口，只想飲杯咖啡，吃件單品。第一天，點的Quiche 和Frap，埋單$55。 a. 素菜雞蛋批/ Vegetarian Quiche（$18）：配料甚多，雜菌、三色椒、蕃茄、意大利瓜藏在雞蛋批裡，足料！雞蛋部份超級嫩滑，跟老媽的蒸水蛋有得‘揮’。是奶油忌廉下得夠多，還是火路控制得宜！？總之幾掂！批底唔油唔濕，乾濕剛好，感覺幾新鮮！個人覺得，這兒的雞蛋批絕對好過「太平洋xx」的同類商品幾倍有多！但，這種「改良」過的嫩滑口感，唔知班老外或者班假洋鬼子會覺得點呢！？ b. 碎朱古力碎朱古力咖啡星冰樂/ Java Chip Frappuccinoblended coffee（$37；加大）：店員說這「Java Chip」系列是新品！好足料滑溜，咬咬巧克力碎屑，好似仲有有少少類似Oreo 的餅屑，好得意啊。是加入有咖啡的口味，相信比比加入焦糖口味，較對口味！相信女生和小孩可以試那無咖啡但加入焦糖的那款。第二次點選加大碼的Frap，但奇就奇在，我居然飲得晒，似乎真係好熱啊！第二天，點了兩件Bruschett 和Drip Coffee，埋單

雖對面開咗另一間「星巴克」，但還是喜歡這兒多一點。兩條佬要傾野，pub 係首選。但下午四點鐘，還是去咖啡室好一點。點了份「鮭魚厚切三明治」（$25；圖示），師弟點了「咖啡星冰樂」（$30/中杯）、我點了名字相當有意思的「Fair Trade Blend」咖啡（$20/中杯）。白麵包是厚切的，好柔軟，比一般「美心」方包正好多，罐頭鮭魚碎拌入美乃滋的Salmon Mayo 抹醬料，幾好味。廿五蚊係貴，但真係幾掂。Fair Trade Blend 味道唔算「出」，幸而夠濃，算啦！=================================題外話：躺在沙發，我們是師兄弟關係，從前公司到現在，巳經四年多。我比他早一年出學堂，所以係師兄。最初，在舊舖共事，一起從跳槽過來，一起被「流放」到海外，一起回來。他快要小登科，皮費高咗，…，就業情況好咗，都可以理解！唉，…！（男人唔易做）窗外下著大雨，想起那九個月的被放遂的日子。忽然感性起來！

這亦是以前常光顧的食店。多少次，早上到面目猙獰的客戶開會後，帶著憂鬱的心情來這兒透透氣，吃個午餐，叉番電，再回公司寫報告。這兒的好處就是，付三四十蚊，可以吃到有水準的輕食，飲到香濃的咖啡，還可以獨個兒不被打擾「抖氣」，坐足一句鐘都不成問題。常點就是「Coffee Lunch」（$36；圖示），每天只供十份左右，約一點前就售罄。付有半份標準裝的三明治（雞沙拉拼蛋沙拉）、一份水果盒、一粒原味林明頓、以及一杯細咖啡（通常選「脫脂焦糖咖啡」）。味道不俗，三明治裡的餡料偏多。整體份量，女生應該足夠。我等男就爭緊些，我通常會配多個muffin 或scone 什麼。）另，當此coffee lunch 賣光，我通常都會點兩片意式多士（$9）和中杯裝的是日咖啡（$20）。意式多士有「火雞甜椒」和「素菜」兩款。吃得好滿足！總好過擠到茶餐廳去吃油膩無味的碟頭飯！

跟同事茶聚，由於只有三十分鐘時間，選了這兒。試了「B.L.T. Sandwich」（$18）、「原味林明頓」（$3）。前者用料較平，故價錢較便宜。後者亦係經濟的熱賣貨品。飲品選了「朱古力咖啡星冰樂」（$33）和「綠茶忌廉星冰樂」（$33）。大家一致認為好飲，尤其是三十度高溫的下午時份，簡直係消暑佳品！環境唔差，味道和服務都好過「太平洋xx」多多聲。（小弟可是「星巴克」擁護者呢！）

與同事食lunch, 佢已食飯想飲咖啡, 走到最近公司的Starbucks去.Order: 雜錦素菜意大利香草包($35) + Iced Tall Skim Latte ($26).雜錦素菜意大利香草包賣$35, 以lunch來講實在是細份及貴左了了. 但係內裡的素菜好好味! 有Parmesan cheese, Zucchini, 青瓜, 磨菇...加熱後芝士融化, 食到我"lam lam"!!!而家我明白自己因咩愈食愈咀刁了...