影片
可能Starbucks係愉景北商場唯一平啲嘅嘢，本身其實想食隔離嗰間Pizza，但係去睇想食咩嘅時候，嗰個display架有好多烏蠅🪰😅😅所以就打消左呢個念頭，應該最乾淨會係Starbucks 😑其實自己都好耐未去過Starbucks，因為覺得啲嘢好貴，見到原來Starbucks 喺有早餐同埋午餐食，真係有啲喜出望外，仲要又真係唔算貴！我早餐就叫咗煙三文魚碎蛋包，個員工問我使唔使整熱佢，我口快快答咗要！大家千祈唔好將佢加熱😥 應該會扣咗起碼50分跟住個午餐就係乜乜捲餅，好食就唔係好食㗎啦，但係一定健康嘅🤣不過要值得一讚嘅係佢嘅檸檬撻，有淨係買撻嘅水平！一試難忘！
繼續閱讀
夜晚喺愉景灣嘅咖啡店就只有星巴克。-店舖設有戶外座位，店內裝修以木系為主，牆上有綠色假盆栽做裝飾，另一邊牆有大型壁畫，為簡潔嘅設計增添一份趣味。-閒日嘅傍晚時分，一位顧客都冇，變相店員係一對一服務，態度良好，亦坐得好舒適。本身想飲咖啡，但係店員推介$48任揀三件輕食，例如麵包、蛋糕、三文治，所以最後就轉軚。-$48 3件輕食-檸檬撻份量正常，撻面有一小塊檸檬作裝飾，賣相鮮黃色，吸引。撻皮塗咗一層白朱古力，太甜。撻皮唔算香，檸檬餡唔滑，唔夠酸，食完好膩。-雞肉蘑菇批份量正常，附有一包蕃茄汁，店員幫忙翻熱，酥皮欠層次，欠酥脆，差。雞肉同蘑菇比例正常，食到有少少菇菌香，餡味道正常。-整體而言，份量正常，下午茶嘅話環境同價錢都唔錯，但食物質素要改善。
繼續閱讀
離開愉景灣前，飲杯Starbucks 情人節限定的Mocha Kiss呢杯係近期Starbucks 我較喜歡的飲品，不太甜，帶有濃濃朱古力味，叫了少甜加shot ，味道剛剛好，這杯Mocha Kiss 跟平時的Mocha 不同之處是面層的cream 也是朱古力的，好滑好香朱古力味又不甜，跟下面的朱古力咖啡是很balance 的配搭。
繼續閱讀
440 瀏覽
「Starbucks」遍佈香港九龍新界，用「總有一間喺左近」來形容也不算過分。不過，作為一間連鎖集團經營的咖啡店，每間店舖的裝修一模一樣，出品又全部標準化，沒有什麼特色可言。但總有例外，銅鑼灣的旗艦店就是例子之一，裝修充滿特色，亦有供應高級人手沖條咖啡。今日身在愉景灣，才知道原來都有間「Starbucks」，還要是非一般的「Starbucks」。配合香港絕無僅有的愉景灣歐陸海邊小鎮住宅區風情，門外設有露天座位；如果沒有見到個招牌及熟口熟面的 logo，只會以為是一間特色小咖啡店，實在無法聯想是「Starbucks」。至於室內的枱櫈佈置、裝修風格及色調，明亮簡潔，與「Starbucks」的深沉色調是兩碼子事情。牆上一幅黑白線條壁畫，既有不同國籍人物造型、也有飛機身影，與愉景灣毗鄰機場的環境不謀而合。透過落地大玻璃望向室外，正是一個面臨南中國海的小廣場；人流唔多、環境幽靜，如斯優美環境，香港別處地方真的很難找到。除了咖啡之外，「Starbucks」近年推出冰茶系列，味道也相當不錯。Iced shaken mango passionfruit juiced tea ($37) 顏色黃黃橙橙，非常鮮艷，充滿熱帶鮮果氣息。味道香甜，既有淡淡芒果鮮甜芳香，熱情果的獨特香氣更是非常突出。雖然並非人人皆能接受這種香氣，喜愛熱情果味道的人就會非常欣賞。如果是夏天的話，就會更加配合熱帶水果的透心涼感覺。又要了一杯期間限定的 Christmas beverage 特色咖啡（$46）（忘記了什麼口味）。與普通 latte, mocha 或 Cappuccino 比較，只不過多了一丁點特色糖漿，但定價就由 $37 變了$46，大企業賺錢果然有辦法。始終，都只是一間普通版本「Starbucks」，並非什麼旗艦店；但勝在地理位置勝人一籌，這就是愉景灣的特色了。
繼續閱讀