星巴克咖啡 (已結業)

今天放工時因為大量體力勞動過，十分之肚餓；於是在路過的Starbucks買了份‘芝士磨菇餡餅’，它外表是白濛濛一舊包毫不吸引，選它是因為看來很飽肚的樣子。買完弄熱了拿走，本想回家後影完相才吃，哪知道在小巴上紙袋裡傳來陣陣麵包香，結果忍不住咬了一口。嘩，好好味，餡餅外皮香脆而內裡鬆軟，塞入了滿滿的餡料，芝士香滑磨菇也很美味，於是在短短五分鐘的車程裡，我已狼吞虎嚥地把大大件的餡餅解決掉了，好滿足。

星巴克不是常幫襯但很想常幫襯的店子，究其原因，一杯飲品索價三十多塊錢實在太貴了，天天喝十分奢侈，因此只會偶爾買一杯賞自己。今天買了一杯最新推出的全新夏天飲品，宣傳海佈上的香蕉朱古力咖啡星冰樂。冰咖啡外觀一流，大大杯拿在手十分滿足，咖啡面浮著大量忌廉和絲絲朱古力醬(對怕肥者而言是十個肥)，在櫃台取飲品時，連身旁也在等取飲品的外國小姐看見也報以一句: Oh! Nice one! 大啖喝一口，又的確幾nice，口感有點像沙冰，但比沙冰幼滑得多，甜度適中，香蕉味濃，咖啡味香，回味無窮… 中型香蕉朱古力咖啡星冰樂$33@。

尋日想食三文治, 下午3時話\"賣哂\", 只好去隔離Deli O食好難食的美心燒味瀨粉, 唔開心. 今日在中環開工, 預早再來一次, 12:45pm, 冇可能買唔到喇o卦!一杯Iced Tall Skim Latte, 一份柚子火腿三文治- 精采到呢~真係有柚子絲, 加幾片去了皮的紅甜椒, 及大量薄片火腿, 一片生菜, 及一個好鬆軟好美味o既麥包~嘩, 美味到呢~~員工記得好多個OL熟客o既名, 一見人就直呼其名, 然後問佢\今日食咩三文治, 好客成咁, 唔怪得之d貨咁快售罄啦.

*之前我寫果個"靚景"comment, 應該係比和記大廈分行.因搭另一部車, 落車站在中環. 急急腳走去買一杯回魂啡先.一件火腿芝士三文治$15, 名就好普通, 但佢用洋蔥包, 夾薄片車打芝士, 及薄片煙腿肉. 烘熱之後, 好食過好多酒店coffee shop出品.一杯Tall Skim Latte, $26. 用Espresso加奶, 好滑, 香濃!雖然呢個早餐成$41, 創左我近日take-away早餐價格新高, 但質素...真係好食幾倍呀~ 已經不能回頭, 食返$6一份果d腿蛋治了...

去完麗嘉搵人, 最近而又可以一個人食中價lunch, 只得Starbucks. 幸好這裡有很多Vegan choice, 叫了一份芝士蕃茄生菜三文治, 一杯Iced Tall Skim Latte.這店環境比想像中舒適, 有對向大街的落地玻璃. 只是座位較少, 只得10 多個.