星小館

營業中

休息中

平時好少黎佐敦 朋友介紹 第一次黎呢間星小館😗鮮活越南珍寶肉蟹 (優惠價 $388 星期六、日及公眾假期另加$30 原價$568)隻蟹就大約1斤4兩到 菜式可選胡椒焗、薑蔥焗、避風塘、燕麥脆米 店員就介紹我地燕麥脆米 平時食開薑蔥焗 呢個又幾特別喎 無諗過炒蟹下面仲有啲炒飯 炒得都幾惹味 配埋啲蟹肉一齊食都幾正 仲要幾飽肚(˶‾᷄ ⁻̫ ‾᷅˵) 另外蟹嘅周圍舖滿炸過嘅米飯粒 都幾香口 亦令到個口感更為特別 推薦大家一試😚瑤柱響螺冬瓜盅 (優惠價 $268 星期六、日及公眾假期另加$30 原價 $368)勁鍾意冬瓜盅(⁎⁍̴̛ᴗ⁍̴̛⁎) 湯都幾鮮甜 都幾足料 除咗瘦肉同冬瓜外 仲有瑤柱、蓮子同蝦仁 不過我就唔係好見到有響螺😥佢係供4-6人用 但7個人分都岩岩好😋股壇酸菜海鱸魚 (優惠價 $198 星期六、日及公眾假期另加$30 原價 $268)肉質尚算嫩滑 但酸菜味就略嫌唔夠 另外魚肉份量都真係幾少 我淨係食咗一舊魚就已經無哂😂寬粉都算爽滑 份量都算多 但就比平時個啲幼身🥲乳鴿 ($68)炸得都算幾香口 味道唔錯～蜜椒薯仔安格斯牛柳粒 ($188)甜甜地都幾惹味 味道就不過不失啦 薯仔可以再炒得香

朋友介紹第一次嚟呢間星小館喺佐敦 要上一層上到去咁個裝修幾舒服而且亦都唔會好迫啲位我哋叫咗一個餐然後成種類非常多而且好特別乳豬超級好食但係肉就肥咗啲豬仔超級肥但係皮脆另外有個類似飯的物體唔記得咗個名好似啲脆米粒咁好好食魚好大條龍躉仔好新鮮而且佢仲配送一個自家秘製豉油超大碗鼓油好搞笑生炒骨炸得好脆加埋醬汁之後再煮亦都唔會令到啲皮林晒而且菠蘿好甜不過令到我非常之驚喜嘅係臨尾上嘅潮州粉果同埋炒米粉超級好食佢嘅粉果好特別連我呢個唔鍾意食粉果嘅人都食另外佢嘅炒米粉係用新竹米粉我最鍾意就係食新竹米粉要炒到啲米粉咁靚其實係好難嘅 證明師傅工價十足另外甜品我哋上咗一個麻雀椰汁糕一盤十三么好特別而且仿真度極高不過麻雀椰汁糕就比較貴呢一間餐廳嘅價錢對比起食物嘅質素同味道都尚算合理本身都覺得佢嘅價錢係偏貴嘅遲啲約埋好朋友亦都會再嚟幫襯有一個鮑魚湯就比較失色咗少少失色嘅點係在於佢嘅鮑魚片到好薄完全食唔出鮑魚嘅感覺感覺同魷魚冇乜分別而且湯非常之鹹 但不是味精嗰種死後沒有味精證明湯非常足料但係可能鹽就落得比較多咗少少啦

朋友相約佐敦飲茶，佢話佢同朋友食過一次，相當唔錯，決定邀請我同佢食多次😆我地3個人食叫左8樣野，飽到呢。。。樣樣都好精緻，好吸睛👀，食落味道都可以，相比同區其它點心酒家，的確技勝一籌，下次仲會黎試其它野食😋

星小館的點心特別精緻，閒時都會話屋企人嚟飲茶，侍應的態度非常有禮貌，店舖清潔又乾淨👍👍👍👍👍經典鴛鴦腸粉非常有特色，一邊是蝦，一邊是牛肉，賣相相當吸引，打咭必選，又脆又爽口😋😋😋😋😋

來開佐敦呢區，陪家人在<星小館>食下午茶，二時多入到去，已經好似吾多想招乎客人甘，明明下午茶有特價又吾同客人交待，不過家人堅持想食，便試下吧~~!<生劏海斑魚生滾粥 $68/碗>呢碗石斑粥啲石斑魚肉都幾滑，不過碗粥份量真係好少，得一湯碗咁多，索價68蚊其實一啲都唔平，不過粥底煮得幾鮮甜，又加左果皮同薑絲，製作算是認真。<經典鴛鴦腸粉 $68>鮮蝦脆腸粉：做法好有特色，入口脆脆地又食到蝦滑，都幾好食。安格斯牛肉腸粉：呢個牛肉腸粉其實食完都吾知道係牛肉腸，不過又係入口味道吾錯，腸粉皮好滑。<天鵝酥 $18/隻>呢隻天鵝酥，初時都唔知係乜嘢餡料，不過咬開原來入面有好多蘿蔔，菜類，同埋仲有隻手指甲咁大嘅小鮑魚，酥皮幾鬆化，感覺都幾特別。雜錦點心一籠有五個款式，燒賣同蝦餃嘅製作都相當認真，大大隻，非常好食。茶樓嘅茶，一直有用小蠟燭嘅火熱住，能夠保持到熱到，值得加分。棉花雞製作發揮正常，魚肚同雞各有三大塊，味道不錯。整體嚟講，無可否認我覺得呢間酒樓的部分點心係比較精緻，而且都有自己嘅特色，不過以呢一個地區嚟講，佢收緊嘅價錢絕對係中環

今日要請屋企人食生日飯 有老人有小朋友又要搵個地點就腳嘅餐廳都唔係咁容易 經過朋友介紹決定試吓呢一間星小館 平時經過佐敦好多時都冇留意到呢間餐廳 經理留咗間大房俾我哋 有地方小朋友可以喺房間走來走去～叫咗好多唔同嘅小菜 味道真係幾唔錯蟹比得起高級酒樓嘅質素 比較難忘嘅係羊腩煲 蓮藕肉餅 同埋蒸馬友 食得出佢哋用嘅食材係中上嘅 全部肉食都好新鮮 唯一覺得唔好食嘅係水煮安格斯牛肉 牛肉好淋但係肉味同鮮味欠奉 價錢亦唔平 整體來講呢度嘅環境服務都可以接受 價錢唔算平不過質素都有返咁上下 有得book房私隱度比較高 適合家庭聚會

我18:30準時到，當時只有兩三枱食客。但係叫咩無咩！餐牌上有既餸唔代表會有，叫咗都可以返黎兩三轉話無！一隻雞變半隻，半隻再變無！侍應仲要話你下次可以預訂，我下次仲會黎食咩！其次，千其唔好帶小朋友黎，幼兒餐椅黑炆炆，唔抹下都夠膽死攞出黎俾你坐！

午飯時間book咗位都要等一等，不過都好快有位。見到張點心紙簡直有選擇困難症😅，太多嘢想試😋😋雖然味道同服務態度都很讚，但落單後要等好耐先上到點心，lunch hour 要趕返工，真係有點趕。建議最好一次點哂所有野，特別嘅點心要一早叫定，就算落咗單都會無，因為賣晒🤷‍♀️⋯⋯無計，要試多啲好味點心，就要快手🤪蝦餃燒賣都好食，皮薄夠味，中上之作😋😋推介雪卡春卷、紅蘿蔔咸水角、天鵝芋角、花膠灌湯餃😋😋

📍星小館 (佐敦)佐敦吳松街182號榮國中心1樓每樣食物都好有水準👍🏻👍🏻但上菜好慢。菜單⏩1.宮廷濃湯雞煲翅個湯濃厚鮮味十足2.蜂蜜柚子帝皇蝦球個皮炸得好香脆，蝦球勁大隻，肉質彈牙。3.豉椒炒紐西蘭聖子煎米粉底4.私房欖角金沙骨5.百里香雪花牛肋排 - 肉質好嫩好’林’6.古壇酸菜海星班7.正宗海南文昌雞8.手打魚腐泡菜心苗9.生炒臘味糯米飯👍🏻👍🏻有油香而不膩，d糯米飯炒得粒粒分別，好香口10.桂花糕

有幾次經過呢頭，被麻雀嘅poster吸引，有一天終停下駐足認真睇吓，記下這個店名---星小館……再在openrice search 了解一下……今早，終於嚟咗飲早茶喇，因為12:30前埋單正價點心有8折……今天又好好彩可坐倒last一個卡位，很舒服，仲有獨立電視……原本係叫鐵觀音，不過應該嚟錯了普洱，壺茶放在點有蠟燭嘅爐上"㷫“住冇咁易凍，很好很貼心......玻璃杯也有點特別，雖則玻璃杯但拎上手吾會被熨親，視覺上都幾靚...我地叫左幾款賣相精緻嘅點心試下...1. 蔥花炸兩腸---油炸鬼仲熱又脆，粉腸滑，不過油咗d ($29.8)2. 五福喜臨門(點心拼盤)---金泊鮮味蝦餃、蟹籽花菰燒賣、姬松茸上素餃、家鄉潮州粉果、薑汁千層軟糕，各一粒，吾錯，素餃同潮州粉果嘅皮都做得晶瑩通透 ($48.8)3. 牛油鮮蝦雪加----賣相都似雪加，香脆可口，好食 ($38)4. 紅蘿蔔鹹水角---樣子似蘿蔔，香脆、好有五香、韮菜味，有水準 ($38)5. 杏片奶皇千層糕---好香蛋味，好食 ($32)6. 燕麥鬆化蛋散---有驚喜，上枱時仲暖又鬆化 ($18.8)7. 椰汁糕---麻雀樣模，有椰汁糕

今次我地四人飯聚集團唔食晚飯，約咗中午係呢間小館飲茶，試吓佢d點心。首先來個羊肚菌花膠灌湯餃。份量已經對得住個價錢，加上個足料無味精燉湯底，CP值爆燈!必食之選。脆卜卜"雪茄"春卷全條釀入滿滿的蝦膠，滋味!其他點心都水準之上。叫咗窩珍珠貝淮山麵，牛奶白的漁湯魚味鲜濃，真係誠意可加。

此店新開不久，服務店員的水平確係有提升空間，言歸正傳到食物上，每樣出品都非常好，全在水準之上! 👍👍👍此蝦球賣相很好，味道更值得一讚，加上桔子汁更令鮮味突出，酸香可口，炸工非常好，外脆而內不油 !這個麻辣豆花酸菜魚亦很好味，值得推介此店自家手工魚腐魚湯浸勝瓜又是值得一吃👍👍👍這個蟹飯下邊的米飯有蟹膏蟹汁炒得非常香口又不油膩，另外蟹面上鋪上炸過米飯粒，混合口感和下邊啲飯混在一起吃真妙不可言! 這個非常好吃👍👍👍

佐敦舊址金牌火鍋轉手為星小館，內部裝修冇乜大改變，但點心就趣緻多了⋯⋯就是這樣，朋友約腳開餐。百食不厭套餐(四位用)$488~包括: 海鮮豆腐鍋(太肚餓冇拍照)濃湯杞子竹笙扒泡勝瓜(套餐)-原味文昌雞半隻(套餐)淡味者喜。葱花香脆炸兩$38.8~千島汁脆皮蘿蔔糕(圖上),粉薄脆身內軟，筆者很喜歡芝麻鮮蝦腐皮卷(圖下)腐皮夠乾身唔油膩櫻花蝦帶子炒飯(套餐)~驟眼看炒得乾爽粒粒分明，但朋友們一致認為乾爽得太硬身，未見討好。牛油果鮮蝦春卷雪茄$38~朋友拎住支雪茄大喜，連忙打卡一番。魚茸煎釀虎皮尖椒(套餐)~吃尖椒嘅樂趣就係，永遠估唔到邊隻辣與唔辣，嗜辣者想佢夠辣，相反怕辣者又想佢唔辣，單單吃這碟辣椒，大家已笑作一團，因為隻隻都辣，還很有後勁。金泊黑芝麻卷$32~衆多點心中，這個稍為遜色，芝麻味未見特出，質感還帶點硬。麻雀椰汁糕~椰汁糕甜度適中。麻雀面為食用紙造成，只是貼在椰汁糕上，朋友點四隻不同款式也能提供，氹得朋友們大樂。杏片奶黃千層糕$32~熱騰騰，軟棉棉，奶黃香軟，有元朗大xx酒樓之感覺。家鄕潮州粉果~皮造得晶凝通透，配上辣椒油，相當味美。整體來說:大部分點心做得出色，唯獨是店員服務

open Rice 訂了位， 見有食評話訂左可能冇，穩陣打去cfm.好彩打去，話fully booked, 一句唔好意思，cup 你線。本來想去試下佢火鍋，之前午茶食物幾好味。但這個服務質素，咪攪了。

差不多一個星期前係openrice 訂咗位，寫明要房間，跟手驚有甩漏，再補多個電話驚無留房，點知今日收到電話，餐廳個同事話確認訂位，我再問係咪留咗房，晴天霹靂話無房窩，問點解，淨係答宜家無晒房，我話有打電話來再加上openrice訂位話有寫 佢竟然答我：我只係負責打電話，宜家先睇到個message, 仲話揾唔到資料，唔知我打比邊個，簡直無言，想幫親你者，洗唔洗咁差態度，咁咪以後唔來咯！完……永不再去