星加坡餐廳 (已結業)

食左個二人晚餐..唔多記得咩名一個係牛扒(塊扒唔係咁好食, 花園好好食d)第二個係魚扒(個汁幾好)大至上都算ok, 最記得係甜品好食但係服務上唔係咁好, 叫好多次先有人理我地..環境都算幾好... 7點左右去個冇咩客仔..都唔算貴... 都ok啦旺角來講

星期六下晝2點半,諗住求其搵間仙xx(台灣嘢)醫肚,坐低咗成10分鐘,無人理之餘仲免費請食二手煙,頂唔順之下走咗過對面-星加坡,見唔算好多人等都ok喇,等咗5分鐘到,一坐低就即刻叫咗下面午餐,啲嘢唔駛5分鐘就到齊添,高效率1)黑椒牛扒($32)-唔太靱,啱啱好,正正正2)蒜汁雞扒($30)-好好食,正正正另有餐包+餐湯+飲品二人共消費:$68

之前DINNER食過唔錯今日同女朋友下午都未食飯,就上左去食tea啦女朋友叫左炸魚沙律+ice檸水,我叫左西冷牛扒飯+ice華田.華田飲得出佢\係落煉奶唔係砂糖,唔錯.牛扒飯來先,扒係好大塊,飯都好多,但好少汁,塊扒好淋,都食得到ge...之後炸魚沙律塊魚細塊到嘔,唔知係咪我平時食開個d大塊,呢塊一半大都冇lo,沙律就普普通通啦.食食下有蚊,扣晒分.都係dinner d野有水準d...

星期日的下午懶洋洋，加上有d唔舒服，所以唔想諗食咩，只係食下tea。一出站接到單張，見價錢ok，便上去了。環境幾靚，都坐得好舒服。野食亦ok，我點的是肉醬意粉，暖暖的是炒貴刁。暖暖果個好味d。

日期：2006年7月29日時間：夜晚七點半至八點九食品：大蝦牛柳鐵扒餐+焗田螺（齋計自己o既）點講好呢? 因為o個次係意外o甘上去食---o的friend話呢間O唔OK, 其實之前都睇過呢度講話星加坡餐廳o係食物水準同服務態度都係好到貼地o個隻......但食落......都叫做OK唔難食o番......雖然o的大蝦冇乜肉又冇乜味......其中一個friend叫o個碟鴨胸闊麵鹹到嘔......重有個侍生都唔係o甘識拎o野成日倒瀉o野......可能我要求唔係高, 同埋o個日係friend聚餐, 所以都接受到啦......

法式焗田螺($28/6粒) -焗到黑曬!只得芝士粉味！紐西蘭肉眼扒($72) -勁多肉眼扒，5塊又大塊，抵！肉好淋，味道還可以接受，不太差！但個意粉好普通，一食就知用裝瓶茄醬！

呢間餐廳真係好離譜不嬲都食開沙嗲王見多人就諗住試下呢間啦!係就真係幾大裝修都叫有D心思不過食物同服務認真九流!2個人嗌左2個SET-海南雞飯雞冇雞味!飯超油!枉仲話係星加坡餐廳星加坡街邊3蚊坡紙既飯都仲好食過佢!-芝士焗海鮮意粉又係超垃圾!海鮮係雪藏帶子加普通蟿柳炸完再拎去焗汁又傑!但係又冇芝士味!加埋意粉食落1PATPAT食左半碟就投降!服務又差客人已經唔多行過你身邊都扮睇唔到先勁!埋單百2!唔係貴! 不過食垃圾就1D都唔值BLACK LIST!!!!!!!

只係1個裝修好少少既茶餐廳d野食仲難食過我屋企附近d茶餐廳以後唔會再去湯仲有隻蟲

星加坡餐廳, 最好食係咖喱牛腩飯, 其實應該講最好食既係佢的咖喱汁, 而扒餐的水準, 也不及咖喱牛腩飯, 奶茶平平, 好立克也是, 餐飽軟得滯,

想食D 勁藥味既野補補身，諗起肉骨茶；最近而又得飲肉骨茶既o係呢度，就o黎o左呢度。能夠加加錢就配餐既肉骨茶，味道可想而知；但做到連「呃得o下人」既藥材味都欠奉既時候，真係唔肯落本得過份。仲有，原來星加坡春卷仲要俾點心食到既素春卷既料仲要少同寡- 另一除「即整」外既呃錢之作。連基本功都做成咁，service 又唔係特別好，你想點呀？

想好好地同朋友食餐飯，點知嘈到不得了，仲差過街邊大排檔．個朋有叫左咖哩雞，Ｄ雞有異味，就叫左經理來換過其他，比超其怹食肆一定會快快脆換過碟，！？？？想唔列個經理話食物冇問，不過都換比你？？？態度極差＃＃＠＠＃另外Ｄ餐具爛都給客人用ｘｘｘ冇想過差到要叫齊Ｄ朋友唔好幫襯

六月二日，星期五。我跟一個朋友到該餐廳食晚飯。當時大約七點度。我地叫左一個二人餐，另外叫兩個小食，一個是雞軟骨，另一個是法式焗田螺。二人餐上菜時頭盤主菜調轉左上。上左個飯先再上沙律。跟住我跟朋友都點了有魚的餐。我要配薯菜，但好明顯薯條是放了很久，出晒油都上比我地食，朋友的飯就好淋。我的魚唔好食于在話下，d 汁都係難淡得黎無味。朋友的咖喱，得個辣，一d咖喱味都無。至於個雞軟骨，我未食過咁樣嘅雞軟骨──硬到仲有白色的軟骨的。跟本食唔到。同埋個法式焗田螺仲正，得芝士係個田螺口度，而裏面的螺肉一d口感都無，又係淋的同埋個真正的螺肉就無，得返d螺的後半係度。我一邊食一邊勁o 咀。最後叫野飲時個侍應好似發緊夢咁，我講左兩次，佢又再問多一次，但最後都可以落錯order.

嘩...呢間餐廳..OH..話說我去食個晚餐,白汁龍脷柳飯,嘩....一黎到, 面頭就熱既,食到入面,D飯同D魚柳都係凍既,係雪櫃雪藏那一隻凍,卒之叫WAITER過黎換啦,佢隔左成10分鐘先黎,好明顯,個飯係之前我食左少少個碟,因為D魚我食左幾啖,呢個我唔怪佢喇,佢可能放入微波爐叮.不過,呢次依然凍既,有無攪錯呀~佢地真係好離譜囉~我當時無投訴,費是煩~!!下次點都唔會去~!

係旺角搵食,搵黎搵去都唔知去邊食好,打電話問朋友,朋友介紹星加坡餐廳.本人叫了一客頂級美國西冷牛扒,先來的羅宋湯不過不失,然後上枱的頂級美國西冷牛扒就不對路,牛扒由五成熟變九成半熟.雖然本人對用鬆肉粉的牛扒不太抗拒,但吃了一口就滿口(疏)打味.你可能會話,佢叫新加坡餐廳,你唔叫新加坡嘢...我太太叫咗一客海南雞飯加一碗肉骨茶,海南雞的味道良好,但碗雞油飯十分硬又沒有黑醬油,而碗肉骨茶就十分鹹,喝了兩口便不喝了(我喝了一口,我太太喝了一口).

尋日我同2個朋友, 本來係去樓下間沙嗲王食野o既。但太多人, 就上左樓上個間星加坡餐廳食飯..本來間O野D裝修都OK, 咁我同2個朋友上到去, D食物O既價錢都一般啦, 唔算太貴。咁我同2個朋友, 睇左個MENU好一會兒, 真係唔知叫咩.. 咁我地叫左個侍應來. 咁我地話要一個二人餐先..個侍應D態度極差囉:「下..二人餐岩兩個人食架咋」.. 嘩! 咩態度呀? 3個人不能吃人二人餐嗎? 而且我地都無話唔再叫... 然後我朋友話:「餐湯要紅湯同白湯」.. 佢竟然話:「白湯係唔係忌廉湯呀?」.. 白湯不是忌廉湯, 難道是魚湯嗎??我地D湯上左O黎唔夠兩分鐘.. D飯就來.. 但我地根本未飲完, 而且最離譜係!!本來我食緊個包.. 我連牛油都未查就都囉走埋!!! 我覺得極度過份!!!D野極度唔好食.. 牛扒比百佳的BBQ牛肉更差.. 咖哩完全無味, D豬扒咬唔開。但最過份, 係佢差D整壞我朋友個NOTEBOOK! 我好想報警投訴!!! 但朋友叫我唔好。呢間餐廳比起旺角最差的一個茶餐廳更差!!! 千萬不要去!!!!