星加坡餐廳 (已結業)

同男友行完街街...隨便搵d野食....因為周圍都太多人見呢間普普通通...又有d人等....以為都可以~點知...叫左3樣野:松板牛柳元貝意粉~都等左3-4個字...但係泥到時只係微暖...未食完就凍晒lu...牛柳可以啦...元貝就難食少少...意粉其實味道幾好~有炒過...不過又係凍ge牛油蒜蓉雞翼~好煎炸...有d熟有d唔熟...差司華力腸焗肉醬意粉~最穩陣...因為熱辣辣...係d意粉太碎同太lum了其實我地算好好彩,因為d野食都泥齊...隔離枱等左半個鐘都未泥...另外幾乎附近每一枱ge人都有投訴...有個仲嬲到未食就走左tim....咁ge情形都係第一次見!!我地都唔想久留...

琴晚同女朋友去咗呢度食, 上到去見人幾多應該冇死啦~初頭都仲好好地, 2人去到冇晒卡位, 叫我地搵張枱坐底冇耐就比卡位我地.我地叫咗馬來咖哩牛腩飯同松板牛柳粒伴元貝配薯菜. 餐湯都仲好地地, 餐包竟然係半塊冇烘方包... 馬來咖哩牛腩飯.... 得3小舊牛腩, 1舊薯仔, 其他8成以上都係牛根好啦, 我食完晒成個牛腩飯之後, 我女朋友個松板牛柳粒伴元貝配薯菜竟然仲未嚟! 落單後成20分鐘都有! 搵人嚟催, 催完都係冇反應, 連咩原因都唔同我地講! 不知所謂! 之後前前後後搵咗3個唔同嘅人催都係咁, 最後啲嘢食要40分鐘後先嚟, 真係搞錯!!! 搞咗咁耐應該係好熱先係, 啲薯條竟然只係少少熱, 仲要比啲汁浸到淋晒! 啲牛柳都叫過得去, 但係啲元貝竟然係冇味, 真係垃圾到爆! 最後埋單$1貼士都冇比到就走! 永遠Blacklist呢間餐廳!

同大家分享下我既"惡夢"經驗，係我心目中，呢間餐廳既難食程度簡直數一數二 勁呀!!餐包: 係涷既，我茶左好多牛油成個食左朋友先同我講個包有小小"粟"味 唔係掛!!羅宋湯: 溫度係ok既，味道似罐頭湯，我飲到一半畢到塊柚皮咩羅宋湯會落柚皮煮既咩 真係百思不得其解! (唔通唔小心跌左...???)肉骨茶: 加錢叫既肉骨茶，好淡好淡，叫肉骨水就差唔多焗田螺: 田螺算食得過，底下既薯蓉唔得，完全冇味既鐵板雜扒餐: 以為叫鐵板應該唔會差得去邊，點知奶野鐵板倒左汁落去冇反應，汁都比得唔夠，我想撈下意粉都唔夠不過都唔駛啦，意粉又漲又林，似係放左好耐，唔制得過囉煙肉ok，雞扒羊扒食得出唔多新鮮，豬扒面頭有層粉醬(??) 係咪唔小心放錯??好彩食完個肚冇唔舒服，呢次唔比個喊面真係對自己唔住，喊面+1後 會 無 期 !!!!

今晚等埋bf放工後都幾夜, 見呢間好似坐得幾舒服, 就上左去 叫左個鐵板什排 同埋 喇沙豬排飯 羅宋湯都ok ge., 白湯就唔好味, D bread都夠熱 我叫o個 個 喇沙豬排飯 ,等左好耐都未到, 鐵板什排黎左都未出 跟住我見個waitress 擺左 個 豬排飯 係去第2抬 ( o個 抬客 遲過我地黎既) 再等多陣, 個waitress 又 擺 第2碟 豬排飯去o個抬 ,人地話佢地已經有, 個waitress 仲唔知碟飯應該攞去邊 要我出聲, 佢先知. 好啦~ 食物終於到. 望一望, 完全唔似喇沙, 係咖哩 黎既 由於好肚餓,都算, 照食 唉~~~D 咖哩好稀, 似咖哩水多d 自己煮仲好過 ~~~ 食D咁既野埋單都要成$144 夜晚既客又唔多, d waiter 都可以有咁既服務!!!! 加上呢d 咁既食物水準...完全唔見意其他人幫親!!! 記得幾年前呢間餐廳係地鋪時 都去過, 個時d 食物好味好多~~~

今日同老公去尖沙咀,行到肚餓又唔知食咩好,見到呢間餐廳, 睇落好似幾ok咁喎,於是就上左去食下午茶,坐低睇餐牌, 見到我最鍾意食既"秘制貴刁",諗都唔洗諗就點左呢個,而老公就點左"海南雞飯".因為呢間叫"星加坡餐廳",而我地點既亦係星馬名菜,心諗應該值得期待.點知, 第一碟"海南雞飯",佢一放低, 我就O晒嘴,一舊勉強叫做熟左既雞, 仲有一堆肥糕,雞肉呢? 得旁邊3舊雞胸肉...最搞笑係海南雞飯, 比碗薑蔥油我點...至於最重要既飯呢? 油但冇雞味...另一碟"秘制貴刁", 好明顯係一碟炒河粉,以前係香港貴刁唔易買, 用河粉沖數我唔怪佢,但今時今日真係唔好同我講係香港買唔到貴刁囉.至於味道就即係唔辣既"星洲炒河"...算佢炒得幾乾爽啦.我同老公一路食一路後悔,真係唔係有第1次囉, 一定後悔.

朋友讚咦道扒餐好味，咁昨晚就懷著開心ge心情到星加坡餐廳晚膳，餐廳內ge環境係無問題，而且有d懷舊feel，最重要係我要食好味 ge鋸扒餐ma...一位女待應，用好似好用心咁聆聽我們的要求落單，我地只係好簡單要求一份要黑椒汁、一份要蒜蓉汁及一份唔要汁、可能個大廚睇單時，覺得無理由有人唔要佢煮嘅汁，結果三份都有汁！三塊鐵板扒出場，兩塊T骨好似日本餐廳門口擺嗰D模型個樣咁，無煙，食落微暖，食唔出係有咩口感 lor...唉...最慘係塊西冷牛扒ar... 上枱時係"茲茲"聲，結果我只係食咗一半都無eh...好難食，攪到無晒心機；肉質好鬼un ah...以為塊肉係再返煮。最離譜係個擬似經理，同佢講埋單，等咗超過10mins，以為人客多所以慢eh..原來入咗唔知咩房行出來，我哋真係比佢激死ar...佢ah 仲無乜反應行過之後，我再叫佢埋單，先至攞張單給我哋，我真係再唉氣...但fds讚咦道扒餐好味bor，唔通係我唔好彩呢！

剛搬來尖沙咀幾天，lunch 周圍搵野食，看見有呢間餐廳，好似好出名咁，我們就試下啦！點知真係好出名，原來係出名唔好食服務唔掂…….總之上來Openrice 做下research 先啦！首先服務完全唔得，服務員好似唔想做咁。1.剛剛才落完order想轉又唔比，佢話已經整好咗出緊黎喎，又會快得咁緊要既……2.想要辣椒醬，問第一個waiter話無，再問第二個有無辣椒油或辣椒醬之類，佢就拎咗支Tabasco黎。原來Tabasco唔係醬黎既…..就算無問中邊隻牌子既辣醬，都應該問下我們要唔要邊d辣醬咁囉，十幾廿款辣醬，點知呢問餐廳有邊隻牌子既辣醬姐。原來要調味料要估牌子既......3.要埋單啦！問左幾次先有人來埋單，有個waiter 知道我們要埋單之後，一路行一路走咗去一路講野，都唔知佢講咩。叫咁多次都無人埋我地，以為唔洗收錢添！仲要加埋一，一毫子都唔會比佢，完全無服務可言！但係唔洗錢唔唔會再來食啦！因為d野唔好食！1.紅湯或是白湯，都係罐頭湯味道。2.XO醬海鮮炒烏東: 宜家先知XO醬原來是唔辣的，我怕吃辣的都唔覺辣，不知是否係佢地既秘製醬汁? 海鮮沒有，只有丁丁咁大粒既魷魚…係魷魚蘇定係

見到呢間野, 諗住只係地舖搬上樓上, 食物質素唔會有太大分便, 因為好耐好耐之前幫襯過地舖一次, 真係唔錯架, 好過花園餐廳…..點知, 今次, 奶野.一入去, 個地板滑到呢…. 差d 跣低… 個個女仔, 著住高跟鞋嘅都小心翼翼….我地食咗個沙爹牛炒河… 難食過茶餐廳, 一定唔會再叫…叫咗半打串燒… 用鐵板上, 以為賣相唔錯, 點知都係得個樣, 入面d 肉係凍架. 我地估應該係一早整好晒, 只不過上菜前放係鐵板到, 慶一慶熱 就比客食…. 呢個都唔推介…唯一可取嘅就係杯凍檸茶, d 茶反而幾好味……下次應該唔會再黎呢到食喇.

剛剛食罷這餐廳.一行五人,在尖沙咀要食得不貴又坐得舒服難度都頗高.行著行著想起這裡.其實我是想起很多年前街尾那間星加坡餐廳,究竟兩間是不是同一間搬了過來?上到去坐下,待應姐姐好像沒有什麼心情,禮貌也沒有,咦,名店態度.如果食物對版,我倒不介意.看看餐牌,這裡是一間翻版花園餐廳,看來是我完全想錯了.每人叫了一個餐,再用五元加了一個海南雞例牌.海南雞先來,沒有佐料給我們,吃了一塊,也不用佐料了,這是白水雞,完全沒有味,也懶得拿佐料伴著吃.因為不用吃了.自己叫了鐵皮羊扒餐(72元),味道.......恐怕隨便一間茶餐廳的30元扒餐也好過這裡.無肉味無肉汁肉質霉霉的,雖然想72元食塊靚羊扒是妄想,但普通質素也沒有卻過份了.其他朋友的食物,大家也留下了一半.其實要做到客人不會專程來吃很普遍,但做到客人將名鋪列入點名單卻非要很「努力」不可.為什麼不能努力做好些呢?

It's my FIRST TIME to go to SGP Restaurant with my bf for dinnerTime: Around late 10 pmSelected Dishes: Han Lan Style Chicken Rice Set Meal & A La King Chicken RiceThe Quality of Food is OK but the service which TOTALLY TURN ME OFF:1)Bad Attitude/ Service When we were making an order to the waiter, and I made an further enquiry to her/him about if the soup is included in the meal or need to pay extra for including the soup. He/She told me the soup was included and then I told her/him to cancel t

this place is on second floor of the busy Ashey street. there are many booths seat by the window allow street views. they have a wide varieties afternoon tea sets to choose from, price range from $17 (sandwich + drink), to $28 (steak + tea), plus 10% service charge. The sitting area are very comfortable and spacious, services were good. For a few bucks, you can buy a afternoon tea set, and a few minutes of escape from the busy streets. what a bargain!

(4/2/09)好耐無入黎呢條街喇,老公提議行一行,見到這招牌,二話不說,要食咖喱。一入去有人帶位,但當talk order時揮極手都無人得閒理,原來咁大間鋪只有三個樓面!?初時諗住食餐+$5食田螺……後來侍應說要order兩個鐵板餐先至可以咁加。無啦,唔係咁肚餓,只係叫左個咖喱牛腩飯餐、一客星加坡薄餅。餐羅宋湯很濃…..。我成日覺得,餐湯同包,湯質素好係bonus；如果唔係,一律都係味精/罐頭開水,求其加d紅蘿蔔、西芹、蕃茄輕輕煲,就叫做羅宋湯。呢度ok啦,茄味少辣,主菜前食吓無咁悶。咖喱牛腩,以為星加坡式會有d紅油o係面,佢無啦, 咖哩有少少青青地色,唔辣,咖哩味唔特出。幸好牛腩夠腍,仲有牛筋食添!而碟星加坡薄餅,一來到,我同老公都覺得,吓!咁油又啡啡色o既?其實係薄撐黎咋…….$18兩塊都要食晒唔好o徙ga……

某日下午四時未食LUNCH 突然經星加坡餐廳,見$22 個TEA SET 咁抵食便去試下東南亞餐廳格調, 光暗暗的, 好多卡位, 下午茶款式選擇都叫多,有炒有焗...我點了一個星洲炒米, 味道不錯,不太辣但衛生情況就唔係咁好....個廁所唔夠乾淨~不過如果要平平地醫肚絕對係一個唔錯O既選擇

這是我在開飯的首個喊面，人家打開門口做生意，也不想給人麻煩，但以此店的服務和食物水平，實在不吐不發。平安夜前夕，找地方吃聖誕大餐，見這裡價錢還算經濟，款式也不少(聖誕Menu是沒有炒粉麵飯)，打算訂位，雖知竟然要付上訂金，五個人最少要落訂二百，還說如果不來的話，訂金恕不退還，思前想後，沒其他選擇之下，只好就範，但要求平安夜有火焰雪山供應，當時回答是可以的。上到去後，地方上還算有點節日氣氛，見侍應上菜的速度和節奏，如茶餐廳風格，勤快非常，一手拿起數碟東西，比比皆是。說回味道，除了魚翅金必多湯還算可以之外，其扒餐的水平，真的不能接受，還停留在「抵食夾大件」的水平，一碟沙律醬，有幾多落幾多，抽乾水的牛柳，連鋸齒刀也切不開，雜扒據聞好一些，可惜，鬆肉粉騙不了人。終於到了甜品時間，叫侍者落單點雪山，訂位時在場的經理回答，因為那天人多，師傅沒時間弄製，如果弄不切，那就不要口快快答應人家，那時已十分掃興，到大餐的基本甜品，一杯疑似「Jelly」的物體，但卻是液體狀的東西。吃了兩口，立刻放下匙羹。有沒有下次?! 相信已不用再說下去了..............

我就只係食過呢度啲早餐。早餐由$15蚊-$25蚊(而家做特價)，我推介羅宋湯通粉(特價後$20)，可以再加餐肉煙肉煎旦之類其中兩樣。個湯都算濃，份量夠(我男仔都食得飽，通常食呢個連湯都飲埋)。但係雞絲湯河就麻麻，我一夾起啲河粉已經覺得唔妥，一食落去係硬身嘅，應該係炒河粉嚟，湯河粉應該係幼啲同埋淋啲嘅，佢地連呢啲都唔分又實係幾唔專業。我見好多食評話佢服務差，我又唔多覺，可能因為我地食早餐冇乜人。