影片
近排睇youtube見到有人放呢間燒味店既片出黎，睇d師父斬既叉燒同燒鵝都好靚，價錢又唔貴，今日行買野屯門就順便買個燒鵝飯返去試試。係門口睇下d價錢牌同d燒味款式，燒鵝燒得幾靚，皮光肉滑，叉燒有分平時既梅頭叉同腩叉， 腩叉應該會肥少少，斬料最抵係個孖寶，燒鵝上莊加半斤叉燒都只係128。今日由於得1個人食，就咁外賣個燒鵝飯，送例湯或汽水，我揀左要例湯，例湯味精感覺唔重，都幾足料，燒鵝飯俾既係翼位，係斬果陣師父有去咁d肥膏，食落唔會好漏，皮都夠脆，鵝肉又爽又香，呢個價錢算抵食，下次有機會要試埋斬料，只係唔係住屯門區要買就唔多就腳，住屯門既朋友可以一試。
繼續閱讀