明記腸粉 (已結業)

簡單美好的一餐最能夠代表呢一餐。腸粉必食，仲有魚蛋、豬皮、燒賣同腸仔任配任搭，揀咗三式套餐，有腸粉加魚蛋加豬皮，二十蚊雞，唔洗煩。所有醬料自己加，我鍾意芝麻所以可以勁落好開心。腸粉夠滑，魚蛋係細細粒陳皮魚蛋，豬皮爽不過份量就少咗少少，而且剪得太細塊，無快感。整體真係幾好食，唔怪之得咁多人幫襯。

明記 真係細細食到大細個中2食魚蛋 豬皮而家淨係食腸粉都好滿足個人推介腸蛋 即係腸份加魚蛋醬汁自己落 中2食芝麻既可以瘋狂地狂食完可以同門口隻貓仔影相打卡另外有粥類供應 不過又係限量發售😂

下午茶時間路經上水，行來行去見到好多茶餐廳都唔知食咩好，老公突然提出想食腸粉，二話不就就走咗去新康街搵明記。鋪頭座位唔算多，都係得幾張枱，我哋坐低就叫咗2個套餐，有腸粉魚旦，食腸粉混醬當然係最重要， 我哋選擇咗咩醬都要，一啖食落口真係好感動，同小時候食嘅味道係一樣☺️☺️魚旦質素都好高，唔會浸到好似乒乓波咁大，細細粒，淡淡陳皮味，配埋混醬好正呀要留意明記係收5pm, 佢真係會落閘㗎，以後有機會一定要會再返嚟食呀！

訓醒本身打算去區內人氣懷舊冰室食早餐，點知撞正店舖突然有要事唔開舖，唯有轉移陣地去食久違的明記腸粉😋由細食到大，睇住佢用鉸剪剪腸粉，到而家有埋正式Menu😉食腸粉最開心就係唔洗點等就食得， 就算買外賣都好方便🤣👍🏻質素一如既往的好，$20三式套餐有齊腸粉魚蛋豬皮好抵食👍🏻腸粉非常之滑，份量岩岩好！陳皮魚蛋彈牙有咬口，豬皮爽口又唔會煮到太淋👍🏻最鍾意佢呢度醬料任你加，自行決定混醬份量👍🏻🤤

明記嘅腸粉出名好滑，食極都唔會厭既，加埋佢d豉油同埋花生醬，真係就咁食腸粉都冇得輸。佢既魚蛋係細細粒既陳皮魚蛋，都係好香好好味。重點係價錢超合理，黎開上水既朋友仔都食下啦😆😆👍🏼👍🏼👏🏻👏🏻

今天踩單車經過上水，找點小吃補充體力時發現這家腸粉店。在香港，很難得一家有室內用餐位置的地鋪是靠單賣腸粉就能維持生意💛而且從門口已經看得出經過不少風霜，肯定有幾道板斧。 腸粉店每天由早上7點營業至下午5點🎛今天幸好在關門前經過。小食簡而精，點了腸蛋($18) 加燒賣($12)，老闆很快就準備好，值得一讚的是自助加醬，比例自行調較，我最愛麻醬😋 腸粉滑溜不厚粉，魚蛋雖細但有香濃的陳皮味，魚肉燒賣不會過多木薯粉，仍有點魚香味🐟 同場加映腸粉店的鋪頭貓🐱雖然在籠入面，但籠都好大，收工後都可以同老闆一齊歸家。

住左上水差唔多三年，聽聞明記腸粉好出名，難得星期日休息，今日決定去試試。同老公去到明記腸粉，中午十二點，哩度特色係點完野食即付款，同埋堂食，叫腸粉自己加醬汁，有自助醬汁地方。老公叫左一份三式，三式即係腸粉+魚蛋+豬皮，想叫一碟豉油王炒麵，賣晒，中午十二點已經無晒炒麵，好無奈，明知受歡迎，就整多d啦，唯有叫多一份燒賣+一支豆漿。我就叫左腸蛋，即係腸粉+魚蛋，叫左一碗皮蛋咸瘦肉粥。哩度魚蛋係陳皮魚皮，食左一粒唔鍾意食，俾晒老公。明記腸粉食落唔錯，腸粉唔會太淋，豉油都ok,味道不太咸。皮蛋咸瘦肉粥既料多，但成碗粥唔夠熱，暖暖地，感覺麻麻。燒賣我覺得比較差，入口一口即散開，好似無牙都食到，十分失望。總括來講，腸粉比較ok,其他野都麻麻，環境就唔好坐，下次食都係叫外賣拎走好過。

因工作關係來到大東北特意到訪區內各懷舊小店第一站來到馳名「明記」小店保留原有裝潢散發獨有本土風味唯望一直保持讓歷史留下痕跡。一大早。明哥明嫂便是店內的全部店員明哥在廚房制作明嫂則從店面協助客人叫單短短幾下剪刀聲腸粉已伴著秘制鼓油備好小碟上在岀餐枱自行加上喜愛的甜。(花)生醬🤣垂涎欲滴目測腸粉已被鼓油微微染上卡其色但腸粉質感並未因此感覺非常結實反之隨著汁醬下垂腸粉仍保持一定程度的光澤相信口感會滑溜果真腸粉食落微香，軟滑陳皮魚蛋充滿果皮香，經典扎實口感軟實口感互相交替咀嚼肌感到非常滿足🤣附上迷你餐牌一張供參考~

💛和你pay顯示為黃色商家上水人應該無人唔識明記腸粉，當日三點幾到都keep住坐滿客😂但問題係門面個安心出行好礙眼🤨Menu剩係得咁多款嘢食🍡三式（魚蛋+腸粉+豬皮）+燒賣-Hkd32同姐姐落完單，老細一整完就要自行出去比錢同埋加醬（可以瘋狂混醬加辣😋)，腸粉好滑多醬加埋勁正，魚蛋月咗陳皮魚蛋，一食就食得出！豬皮煮得爽口無渣，唔錯！燒賣用咗魚肉燒賣，唔係粉個隻cheap雞燒賣，欣賞！佢個辣油自己整，好香好辣🌶Hkd30一樽。每樣材料都好簡單，但唔會用平貨，簡單得黎又好食，價錢又唔算貴，一人一份做正餐都好夠飽！

寒流襲港，想食啲簡簡單單、又暖笠笠嘅小食，但係又唔想企喺街邊，突然諗起呢間出名食腸粉嘅老字號小店。星期日差唔多食晏時間，又加埋限聚令，雖然唔算太多人，但係都已經坐滿咗個場。除咗腸粉之外，仲有魚蛋、燒賣、豬皮、皮瘦肉粥、炒麵等地度小食😋😋一坐低，就聽到不停有人叫＂一個三色＂、＂再嚟腸蛋＂等暗語，明顯都係街坊街里熟客仔，感覺好親切。當餐晏仔食，叫咗一個腸皮（腸粉豬皮）同皮蛋瘦肉粥。最值得一讚嘅當然係佢嘅馳名腸粉，食落有米香、爽滑、層次分明，仲要所有醬汁同埋芝麻都係比客人自己落，想食健康啲又得😇😇想邪惡啲又得😈😈 豬皮夠爽，皮蛋瘦雖然用料較碎，但勝在夠熱夠米香，夾埋腸皮一齊食啱啱好，簡簡單單又一餐😋😋　

今日下晝陪屋企人去上水行街濕平,行到倦倦地聽說有間都幾出名的腸粉店在附近,於是就入去試一試,餐廳外觀雖然比較舊式設計,但我見店內的食客都唔多介意,老闆仲好親切不繼同食客傾今次我叫左個淨餸(魚蛋+豬皮)混醬$20原來佢地係採用陳皮魚蛋,細細粒好香陳皮味,令人不禁一口接一口豬皮表面毛髮都拔得好乾淨,認真抵讚 因為本人之前食過某店的豬皮,豬皮毛髮沒有拔乾淨,見到真係好影響食慾的另一方面講下豬皮的口感,佢真係好爽口仲好似豆卜甘吸哂醬汁的味道好正👍

口淡淡嘅時候就會想食腸粉，又平又飽肚又慳時間👍🏻小生次次去都無遇到阿姐西面語氣差🤔仲叫我搵位坐，見有啲真係熟客走入黎阿姐仲會記得佢食咩組合😱好勁😬💡自助加醬呢下大方！你去第度嗌多麻醬少甜醬多色人哋真係唔會知你點為之多點為之少架嘛，自己落醬同豉油就乾手淨腳呢度啲白粥我認為好綿有咬口🥣又唔會過鹹，當然你要鹹啲就自己加鹽，佢個底唔過鹹呢樣好。仲要佢個白粥有時會沽清，想食都無得食呀。當然佢係老字號，你唔好期望佢裝修亮麗有背椅啦，都係圓櫈舊式茶樓囉。但又唔會令你覺得周圍污糟邋遢唔想行入去。你坐底大聲嗌出去食乜呢下好有懷舊感架，係我哋呢啲三十代細個睇阿爸阿媽嗌嘢食大，到我哋宜家呢個年代少有嘅經歷，大排檔都有人行埋黎同你寫紙落單所以次次咁樣嗌出去，阿姐又嗌個order俾師傅，師傅又收到咁嘅feel真係好微妙

這是一間舊式小店，老老實實食物種類唔多，但勝在抵食夾大件，而且仲要好食，推。點了腸粉加魚蛋加豬皮，臨走仲叫埋佢嘅燒賣。腸粉好滑，魚蛋係陳皮魚蛋，好食。豬皮夠爽，正﹗燒賣反而正正常常一般野啦。另外食腸粉嘅醬全部自己落，多醬少醬隨意落，真開心。

比起粉嶺，上水嘅好食小店似乎略為弱少少，唔知係唔係同北區(尤其是係石湖墟)d舖因爲自遊行而令租金飆升嘅關係呢？！好啦，講返正題，去上水食嘢，我只會諗起兩至三間鋪頭，呢間就係其中一間我的真心推介。呢間野主打係腸粉，跟住就順手叫埋魚蛋燒賣豬皮，有套餐架，我自己通常四樣都要晒，仲會要大份d腸粉，四樣野之中我覺等腸粉同豬皮最好食。另外佢仲有粥同埋炒麵，但係老老實實真係未試過，因為淨係食腸粉都飽晒啦。最後要提一提大家，我覺得呢間野開舖時間都有d飄忽，所以如果老遠入去食嘅朋友，最好打電話睇下佢有冇開，如果去到先發現佢冇開，就搭返一個站去粉嶺聯和墟啦

20191217(星期二)，大約中午12時多路過明記腸粉，家人話想食，又不用等位，直接入座。客人不多，店員好快處理好，聽到店員說自己放醬，放完自己拿回座位享用。點了腸粉豬皮餐($17)，放了甜醬，芝麻醬，豉油和芝麻，味道不錯，腸粉滑，豬皮軟身入味。自己唔會刻意再去光顧，路過可以一試。