明記美食

晏晝諗住食下粉麵，見到呢間價錢公道就諗住入去食啦，點知食到咁唔開心😕叫左個切雞河，黎左個叉燒河，同店員講黎錯左。佢問我：食叉燒得唔得呀？我話：我想食切雞呀😅佢拎去問完過多陣又dum番碗叉燒河比我😅注意系‘Dum’落枱好大聲果種，叫我同其他店員講🙂過左一陣第二個店員又黎問我唔要叉燒系咪呀，我前後講左3次：我想食切雞河，最後先換到，都系好大力Dum落枱既。個杯有好多積切雞河呢個價就真系算系咁，雞有雞味。…查看更多

中午想食茶記，行過譚臣道見到明記美食今日有黑椒雞扒飯，鍾情於黑椒汁嘅我梗係難以抗拒啦，所以二話不說就揀左佢做我今餐！我係外賣自取，$40包一杯熱飲或者一碗湯，我選擇左前者(熱奶茶)。最令我驚喜嘅係佢嘅"光速出餐服務"，因為我落完單到出餐俾我，只係用左3分鐘嘅時間，快到一個點！對於大熱天時拎外賣嘅人嚟講，係一個超級加分位，真正做到"快餐"呢樣野。味道方面就較為失色，黑椒汁咸得濟，無咩黑椒味，雞扒份量略少，亦有明顯嘅雪氣味，整體嚟講屬中下水平......如果對食物要求唔高，只求食個快餐嘅朋友都可以一試嘅。…查看更多

放假去旅行嘅前夕，枱面永遠也好多好多好多完成唔到嘅工作，😭😭😭😭😭😭😭😭😭😭😭😭😭情願犧牲食飯嘅時間，都唔想留低工作比同事，本身有一個半鐘縮短為半個鐘，去咗公司樓下，平時唔會食嘅一間茶餐廳，叫左個最快最快最快既特餐爆個肚，一碗雞扒餐肉公仔麵一份炒蛋多士加凍檸茶都只係$40最勁嘅事係：坐低到有得食中間只係10分鐘份量非常之多，餐肉有兩塊，雞扒切碎都有三四粒，個公仔麵係一全餅，唔同出面有可能一開二咁俾你。總結：$40光速餐，味道到唔好有期望求快求飽絕對合適服務環境一定係麻麻…查看更多

LUNCH時間忽然比同事放飛機，攪到我臨急臨忙先約舊同事，但附近食肆已經排哂隊…結果揀左一間無人排隊、又無坐滿人既茶餐廳呢度既職員好攪笑，我同同事兩個人黎食，入到去佢叫我地斜對角坐。下?! 咁同一個人黎食有咩分別?!由於唔係好餓，所以叫左個特餐 ($35+2) 內有牛油方包、火腿奄列、沙爹牛肉拼豬扒米粉、好立克因為方包唔熱，所以牛油仍然一舊野、唔識溶；奄列正常；沙爹牛肉大塊，味道OK；豬扒就好少，而且切成豬柳SIZE；好立克好稀，唔好飲粟米班腩飯 ($41)班腩一早炸起撈左汁，所以唔會脆，整體份量同味道都係一般茶記野，無乜特別如果唔係近又無人等，一定唔會食…查看更多

抵食，茶餐$24有花功夫炸的西多士配餐飲熱華田。多士雖夾唔齊口，但食到香濃蛋絲在其中，好味。華田粉落得不大足夠，所以冇乜甜味及華田味不夠濃香。地點方便，地鐵站2分鐘內步行到達。…查看更多

灣仔久不久都會來，主要是行電腦城，而間中順道也會到這間明記吃快餐，心水是四寶飯。以 HKD39.00 能夠有飯還有一杯餐茶，在灣仔地鐵站口，可以說是超值。這天是星期天，沒有人，冷氣夠涼，坐得舒服，超值。飯有紅腸，咸蛋，叉燒，雞，也算是有交代了。…查看更多

一間普通不過嘅快餐店，但佢嘅煎疍真係好正，疍白超滑，微焦嘅脆邊再加上流心疍黃，有heart架喎。今朝食鹵水雞翼煎蛋麵，丁麵入口便知係煮過嘅，並非求其用熱湯淋上去就算，雞中翼一般不過有三隻，加杯熱飲才收你廿六蚊，抵食…查看更多

lunch time 同女友食完Dan Ryan's , 夜晚收工就自己一個人食飯。原本諗住去中環食麵, 見落雨, 就行過去灣仔食, 行左幾間, 見呢間無咩人, 就入去食個飯。叫左個茄汁雞柳飯送例湯。例湯到先, 原來係薯仔蘿蔔湯, 味精唔係話多, 啲材料就好冧, 可能一大早已經煲好, 咁無辦法啦, 我都係食左啲蘿蔔同少少湯水。至於個飯, 就比較失望。原本諗住係雞柳, 點知原來係煎雞扒切細塊, 因為我少食煎炸野, 仲有見到一啲菜都無, 叫燒味飯都有2條菜呀！汁就還可以啦, 唔會話太濃!!! 雞都係偏油膩架啦，咁都無辦法, 唯有食埋佢啦！…查看更多

各同事不肚餓，我又不想等到成兩點幾才出門口食野。夾帶著有野要出街做而先行去食飯。行行行來到了近灣仔地鐵站的地方，找了一間極簡陋的茶餐廳來食。叫下了一個快餐，而且是一個果然非常快的快餐，呢一頭叫了這個腸仔雞扒飯，頭都未轉就有得食，好符合午飯時間極有限的打工仔。雞扒同腸仔，配上了一個看似不錯的洋蔥汁。雞扒肉厚，不過食到有少少鬆肉粉既味，腸仔是煎的，食落香口，以快餐的水準來說，還是可以。不過，我睇得最重的洋蔥汁就不太如意了，應有的洋蔥味沒有，而我食到的，只是過多的甜味。普通正常的洋蔥汁，是不應該會這樣甜的，食材簡單是預料中事，個汁出事是意料之外...不如意，快吃快走算了，也想快點做完野，早點回公司，有冷氣嘆!!!…查看更多

8-3-2011繼續食灣仔茶記的常餐特餐乜餐物餐, 睇了大家的早餐食評, 今次搵到嚟譚臣道呢間. 叫了「全日供應」的特餐 ($27), 有麵一碗, 火腿奄列 + 牛油方包及飲品一杯.熱奶茶色水不錯, 飲落茶味香, 唔澀, 質地滑, 不錯喎 多士 (轉多士加 $1) 係薄多士, 鹹牛油塗得夠亦烘得脆, 幾好食.火腿奄列幾有蛋香, 但太熟了, 內外一樣嚡, 乜咁似走剩火腿的「全走」芙蓉蛋? 麵揀了鹵水雞翼 + 煎蛋 (雙併加 $2) 福麵: 鹵水雞翼雖然皮軟撻撻肉又腍得幾乎「入口即溶」, 但起碼浸得入味吧; 煎蛋係荷包蛋, 邊位微脆, 蛋黃就仍然流質, 用嚟蘸多士不錯; 福麵就淥得稍腍.地方細, 座位其實幾迫夾, 不過又咁好彩俾我「攝」到角落的「面壁」位, 1 人坐 2 人位, 都算舒服了.放低 $30, 早上喺度買奶茶應該不錯, 可惜呢度離公司稍遠啦.…查看更多

未夠八點到灣仔，可以坐底食過早餐。黎左呢到，門口有幾位人兄圍埋打邊爐，店入面就無咩人，難怪。櫈都未錯底，阿姐就問食咩，一坐底，阿姐就走左去，好趕下喎。肚餓，要麵餐，雪菜米加隻蛋，一段仔新聞都未睇完就黎到，唔洗煮丫？個米粉幾大碗下，以早餐黎講，實在飽肚。個米粉下了少少麻油，夠哂香，加點麻油成碗野升哂呢，不錯。廿三蚊，大碗飽肚。…查看更多

三月下旬‧有雨有時食物味道沒有什麼特別，但份量十足也有賣點。這裡是間不起眼的茶記，早上行過幾次，都見到人很多，一天就來試試。要了餐蛋米，餐肉煎不香，蛋也過熟，不過米粉就真的很多，滿滿的一碗，吃來吃去也不見底。而米粉本身也煮得不錯，爽口彈牙。加上一杯熱咖啡，就是要做勞動的工友的一個稱職早餐。21蚊，以地方計是略貴，不過就真的吃得很飽。…查看更多

9月21日, 今日同呀菲一家返一返大陸, 喺灣仔食一個15分鐘既快早餐, 喺中旅社附近既譚臣道見到有間茶餐廳就入咗去喇~::: 餐蛋治 + 凍檸茶::: $18 + $2快叫快黎~ 普普通通, 蛋唔算太薄, 午餐肉有微煎. 凍檸茶略嫌淡, 檸檬味亦欠奉…::: 蛋牛治 + 凍奶茶 ::: $20 + $2薄薄的煎蛋, 混著濕碎的鹹牛肉, 咬落都有些少蛋味既, 但塊包就硬硬地~ 凍奶茶都ok wor, 有茶有奶味~時間唔叫早, 不過一個人都冇, 可能開喺內街啦, 為咗慳時間我地d飲品叫咗用外賣杯, 個阿姐都好好人, 又冇收外賣杯錢, 可能真係冇乜生意做啦~…查看更多

行完美食展諗住平平地食個lunch,係天橋見到呢間野大大塊banner寫住"$10麵全日任食",入到去發現大部份粉麵要$16 - $18,得油菜麵係$10,嗌咗個下午茶餐,$17包一個牛腩米同一杯熱檸茶,牛腩麻麻地幾多肥膏,肉質較實,早知係咁行多陣去權x 好過......…查看更多

lunch時間喱帶真係超人氣,四圍都爆滿,唯有搵間冇咁多人等o既食店,咁o岩有一人走,就坐落去啦,點知越坐越多人,而同之間幾乎冇路行,侍應門o羅住D飯o係頭上面行過,真係好牙煙.一張四人坐成六七個人,絕對係一個集中營一樣.講番食物,聽阿姐講,叫個自稱出名o既香茅雞翼飯.雞翼有五隻,隻隻都好大隻,肥嘟嘟咁,而且相當惹味,雞肉又幾嫩滑,唔會淹到連D雞肉都有太大淹味,幾好.唯一美中不足o既係雞翼只係暖暖地,唔夠熱,如果唔係味道會更好.…查看更多