更多
2006-05-11
26 瀏覽
(2006.03.29 晚)有兩間好大名氣既甜品店, 我一直都諗唔明點解會受咁多人歡迎. 其一係元朗o既B仔涼粉, 另一間就係西灣河呢間明記. 有班住附近既學生好鍾意食, 數年來佢地帶我來過幾次, 佢地食到興緻勃勃, 我就拗晒頭. 之不過睇到確係座無虛席, 外賣又係大排長龍, 都唔知係其他人o既羊群心態定係我自己問題.今晚係附近食晚飯食到一肚氣, 極需甜品消消氣, 就俾多次機會佢. 叫o左個16大元o既合桃糊, 唉, 連少少香味都無, 好似食加o左糖o既生粉槳, 真晒氣. 食唔到兩分鐘, 仲一陣臭味傳來o添...原來有其他食客食榴褳斑戟...通風咁差就唔好賣o的厭惡性物品啦. 即刻唔走唔得.o拿, 各位同學, 真係唔好再要我陪你地o黎呢度喇, OK?
有兩間好大名氣既甜品店, 我一直都諗唔明點解會受咁多人歡迎. 其一係元朗o既B仔涼粉, 另一間就係西灣河呢間明記.
有班住附近既學生好鍾意食, 數年來佢地帶我來過幾次, 佢地食到興緻勃勃, 我就拗晒頭. 之不過睇到確係座無虛席, 外賣又係大排長龍, 都唔知係其他人o既羊群心態定係我自己問題.
今晚係附近食晚飯食到一肚氣, 極需甜品消消氣, 就俾多次機會佢. 叫o左個16大元o既合桃糊, 唉, 連少少香味都無, 好似食加o左糖o既生粉槳, 真晒氣. 食唔到兩分鐘, 仲一陣臭味傳來o添...原來有其他食客食榴褳斑戟...通風咁差就唔好賣o的厭惡性物品啦. 即刻唔走唔得.
o拿, 各位同學, 真係唔好再要我陪你地o黎呢度喇, OK?
張貼