明記咖啡糖水小食 (已結業)

下午已到過許留山食新出既芒果甜品(名字不記得了,但一次可試齊三款芒果甜品口味,很不錯呢!).與友人睇戲後,先到太安樓"掃街",再到明記食糖水,我們叫了:鮮什果喳咋黑糯米~賣相不太討好但很大碗,材料足,什果新鮮,才售二十大洋.蜜瓜西米露~我沒有試過,但友人說幾好味,售十五元正.整體來說,服務麻麻地,但勝在款式多味道好.一天內可以食兩次甜品,驅走了連日來唔開心既心情

吃完晚飯之後梗係要去食糖水。今次就由西灣河地膽引路，結果到了明記。明記對我來講唔算太陌生，之前也來過幾次，印象還是可以。地膽要什果西米而我就要楊枝甘露，另外再叫一份煎三寶食。楊枝甘露好似將西米露加點芒果肉、芒果汁和西柚肉咁就算。總覺得不應是這樣的。同埋西柚肉又硬，是存貨太耐擺了。芒果肉還可，但總體就可以用差去形容。煎三寶反而對辦，熱騰騰的煎出來，青椒和紅椒爽口，也有大量肉釀入去，不會偷工減料。三寶都好入味，是意想不到地好。不過，我總覺得若一間糖水店糖水做得不好，其他的輔助產品做得多好也是沒用。題外話：吃完糖水，再走去太安樓逛逛，那檔車仔麵和雞蛋仔仍是大排長龍。阿蘇的影響力認真勵害。

食完個難食壽司晚餐後, 決定食番個甜品補補數先....甜品係女人難以抗拒既食物亦敵亦友...不過真係頂唔順佢既魔力..死就死啦.2個人叫左個楊支甘露布丁及椰果珍珠涼粉...當然我會食埋同陪果份啦...我個涼粉好鬼死正又香又滑d椰果好好味爽口, 珍珠煮得岩岩好唔會過淋/過硬成個甜品好有水準...令到我起死回生既感覺(因為餐晚餐真係令到我一肚氣)..至於同陪既布丁我都消滅左唔少...個布丁有好多芒果及柚肉最正係上面d芒果醬真係用鮮芒肉打成...

由於自己係住係西灣河,所以明記真係食過n咁多次架喇..由佢係"行"仔賣起已經食..個時佢係夜晚九點之後先有買既...入左舖當然都有幫襯啦..其實你話佢d甜品係咪真係咁好食..咁我又唔覺得好好味...點講呢..係應有既水準囉..足料大碗係佢既selling point嘛..價錢都唔算好貴既..不過我次次都係食涷既黑糯米喳咋..我試過熱既,但最終都係愛上涷..因為夠"傑"...口感好豐富..有好多豆..同埋佢加左d唔知係蕃薯粒粒定係南瓜粒粒,好甜..好好味..佢後期加左d咸點, 又有拉面又有飯..但我有試過..都係食糖水好啲既..嘻嘻

幾年前男友介紹去以間食糖水..個時都幾鐘意....貪佢鮮果涼粉真係鮮果同多雜果... 隔左一年無去... 係今年情人節去返...因為本人唔食得糖水同淡奶..諗住多生果補數.. 點知係粒粒生果黎既.. 但係今日再去.. 我唔食..食左個芝麻糊...男友就食雜果涼粉..D 生果同上次比係多左幾陪同係新鮮切出黎.個芝麻糊又話係生磨..一食就知係加工野....已經食左個超難食既晚餐.. 仲要食左D一個一定會肚痛加工芝麻糊... 真係..想喊..唔會再提議食以間~

食完晚飯又走去買糖水食，今次要了木瓜雪耳和湯圓。木瓜好甜，好好味，湯圓層皮就太黏，麻麻地。

上星期六晚回家途上口渴, 所以買了杯西瓜底鮮什果冰, 走芒果, 亞姐好好, 換了幾粒士多啤梨比我, 不過是酸的。其中的哈蜜瓜,蜜瓜和西瓜就幾甜喇!

讀書個陣,都有食開明記o既啦..剛剛開個陣,d糖水真係好大碗.雜果涼粉同雜果西米露同埋楊枝金露..同埋個價值好似無咁貴咖...家下又細碗,又唔好食,上次叫左個楊枝金露,好鬼難食又細碗...快d變返之前個間明記我先會再去食亞.....

我女友話聽Ｄfriend 話呢間Ｄ糖水好掂，咁啱路過所以去試下~~我叫左碗豆腐花，食左一啖就知出事。Ｄ豆花勁鞋，重要有少少豆腐皮，食左一半都冇就頂唔須埋單，走人

男友知我喜歡吃大菜糕,在西灣河找來這間甜品店。看看門口的價錢牌,cheap cheap的我可能仍逗留在10多年前的時間,認為大菜糕應只是五、六塊錢,和男友拉拉扯扯,才肯進去吃吃賣剩的最後一碗大菜糕(當時只不過晚上8點多啦...)除了硬身了一點外,味道ok,清甜!(因為早前在西環買了一碗藥味大菜糕!!!)而且也很大碗。看見男友吃椰汁紫火露,很大碗,也很多料,味道也看似不錯,於是cheap cheap本質即時現形:為何大菜糕要賣10塊錢一碗呢!!!

垃圾!超級垃圾!從來未食過咁難食的糖水店!服務態度差就街知巷聞!不正宗的糖水店在香港這個飲食天堂出現,簡直有損香港型象!!幾日前,本人帶了幾個日本食家到明記食甜品,想給他們一個美好回憶返日本,點知出事!!超難食的芒果布甸,我十歲個女做得好食過佢!!不知所謂的楊枝甘露,點可能有芋頭??衛生環境惡劣,糖水小食來自四面八方,幾時煲都唔知!!老闆伙記四處食煙,叫極都沒有人理!!我呼籲各位千萬不能再去!夏天炎熱,糖水四處走好易出事!!食完去醫院你搏唔搏??

名氣嗎? 自他開店(在天橋底)時已有間唔中幫襯那時他的糖水不錯，很好吃連我哥這麼高要求的都成日買黎食但是自他愈開愈多之後水準開始愈來愈差料多不是絕對的好要好吃才是生存之道呀

前幾日勁熱，做完野黎食榴槤西米露，勁唔得呀！榴槤還榴槤，西米還西米，完全無配合過！榴槤幾多，西米亦都好多，但西米既糖水好淡，無味既～～搞到我好掛住滿屋既榴槤西米露！！

楊枝甘露-我鍾意多西柚及芒果肉, $20有找雜果涼粉-如果畀多d涼粉仲正, $20有找ok喎如果當天不會芒果未熟, 佢地落少左的話~比起其他賣成近$30一碗甜品的舖頭, 呢到真的好抵食~朋友話榴槤pancake好好味呀~

尋晚去明記食糖水做宵夜，果然是人頭湧湧，幸好也不用等位見到有黑糯米喳咋，兩樣都係我的至愛，當然即刻點佢啦哈哈碗糖水到份量都ok，$12來說已算係交到貨，甜道也算適中，但對我來說就不夠豆和芋頭，欠缺了咬口，材料也不夠豐富，或者下次試下源記吧!!!另外見到隔離叫的甚麼珍珠涼粉等等真的極大碗，有機會的下次也可試試