明角茶餐廳 (已結業)

2012-7-16日天氣很炎熱，我去到沙角商場的明角茶餐廳食早餐，這裡正是平民的飯店不過這裡坐位很少所以很逼。早前來食過五香肉丁通粉，五香肉丁很多粒、通粉我就覺得鞋口了不過以$21價錢來講是很經濟，不可挑剔。今天再來食炸雞翼公仔麵，炸雞翼炸得好食，口感咬落很回味！平民的飯店滿足到我！

d湯粉麵餐全部跟另一碟有一塊打對角切開的三角形白麵包 + 一塊大圓形的午餐肉切半 + 一隻雞蛋(有其他配搭order) 及一杯飲品.我昨日order左豬扒湯公仔麵 + 午餐肉 + 雞蛋 + 麵包 + 熱奶茶, 埋單$18 (豬扒好大塊, 但稍淡都ok)我今早order左沙爹牛肉湯米, 午餐肉 + 雞蛋 + 麵包 + 熱奶茶, 埋單$17 (d沙爹牛肉好味, d米粉好爽口). 改烏冬加$3昨日及今日我都只吃了湯麵/米 及飲品, 其他夾成三文治返去俾媽媽做早餐, 連她都夠食!!!

午餐款式多(跟例湯及一杯飲品 - 跟熱飲$22, 跟凍飲食$23)好味選擇 :-(1) 香港燒肉飯 - 皮脆及肉不肥, 用美極較汁都幾好味(2) 咸蛋肉餅飯 / 魷魚肉餅飯 / 梅菜肉餅飯 - 全部都好味(3) 蒸鯇魚飯(有豆卜)(4) 义燒煎蛋飯(5) 乾炒鮮牛河(6) 燒雞脾飯(有時淨燒, 有時跟葡汁)麻麻地(1) 陳皮鴨腿湯飯 (不是腿, 冇肉)(2) 上海粗炒 - 少肉絲, 無椰菜好味晚餐(1) 羊腩煲 - 一煲夠兩人食, 碟菜都不用叫, 叫多碗白飯己夠, 好抵食! (好似$45煲)

試過兩次在度買外賣,兩次都覺得麻麻地,應該唔會有第三次!第一次買咗個蓮耦豬肉快餐,第二次買咗個咖哩薯仔排骨快餐,第一次等咗勁耐(超過三個字),跟住返到去發現啲湯涷的,啲飯就熱,但就超淋(爛飯),餸的味道普通,野飲的味道就正常茶餐廳味道!第二次就幾快,但飯就一樣咁淋,啲咖哩味同佢隔離間金世界就差得遠了!而價錢方面: 快餐就同隔離間金世界一樣,雖然佢的款式比人地多五六樣,但湯同嘢飲只可以二選一, 但人地就兩樣都有,所以都金世界抵啲!