明華餅家

營業中

休息中

看了網上的comment，想到奇趣餅家嚐嚐看那裡的燒餅，怎料，誤打誤撞，到了明華餅家，吃了兩次，到現在才發現原來一直搞錯了...但錯有錯著呀，因為這店也不差!燒餅- 「煙煙韌韌」的，表面卻又焦焦的硬硬的，令燒餅有兩種口感，而且，暖暖的拿在手上吃，很好吃~~~ 有些人可能會嫌這裡的燒餅太薄，餡料太少，但我覺得這正是這燒餅的特色，它扁扁的，才有那種軟中帶硬的「煙韌」感，餡料也剛剛好，不會令你吃後敢到「滯」，裡面還有花生粒呢。建議: 花生味道較紅豆味道香和滋味。＝＝＝＝＝＝＝＝＝＝＝＝＝＝＝＝＝＝＝香蕉糕- 以前在別的地方吃過一次，又硬又實又臭，從此對香蕉糕生怕，人生中沒吃過第二次。這次呢，因為在網上看到很多人讚這裡的香蕉糕，所以忍不住要試試看。size 比一般大，而且，是真的新鮮製作，質感軟綿綿的，不是一般的又粉又實的怪怪的，還帶有很香的香蕉味。但是，無可奈可，本人原來真的不喜歡吃香蕉糕。＝＝＝＝＝＝＝＝＝＝＝＝＝＝＝＝＝＝＝第三張照片像不像現在麥記電視廣告裡eason 唱歌配音的月亮先生？kakaa...u may refer 2 my blog: http://hk.myblog.ya

食完手攪面,但我又想食d甜甜地既野,於是買左兩個豆沙燒餅食,唔係岩岩出既, 所以只係微暖~~點講呢我平時都係買開奇趣既,因為次次都一定食到熱辣辣既燒餅,又煙un又唔係好甜好好味好正,不過咁樣比較又唔公平既,因為係食物熱辣辣新鮮出爐一定好食既...明華既比較大個,而且有芝麻係面,個皮就比較乾身少少,餅身又薄d..都好好味..^^見到大大個光酥餅好想買,不過比老公阻止了...=_=

小時候“街方“時代已常幫襯這裡的雞尾包。他們的麵包什麼時候買也是暖暖的！好久沒吃了，這次專程來買豆沙燒餅&光酥餅．豆沙燒餅：熱辣辣，一點都不油不膩！好難得呀=) 皮好煙"un", 但又不會過厚～豆沙不過甜，香香濃濃．．吃完不覺膩，連吃兩個都得呀！光酥餅：好大塊呀，樣子又靚仔。質感比較鬆，像麵包多於蛋糕。不只是死甜，既有蛋香。好間單，但就令我想起細細個的時候呢=) 我個人認為今天這兩樣都勝過“花園街老店"出品呢！！

唱完k同各honhon分手之後走黎呢度買麵包。店舖細細前舖後工場,兩位阿姐各佔一邊,配合度好高!先從右邊麵包盤中揀左六款"迷你"包;大人對奶油包少奶油有投訴;自己試左紅豆包,包身唔算軟,豆沙無乜油,口感實實唔太甜,OK啦。再從左邊糕餅部份選擇,見到新鮮出爐燒餅,但今日無意欲去食;見到一個大蛋糕孤伶伶等人買,只係一個又唔多夠,多口問阿姐幾時再出大蛋糕?阿姐幫我問師傅,答案係:好快,等多一陣!!說時遲那時快,一盤新鮮出爐大蛋糕已經放係面前,好香呀!!蛋糕入袋後連膠袋都熱溶!!!行左幾條街,當蛋糕溫度稍降即刻試食,蛋糕面有少少脆身,有蛋香而且幾軟滑唔太甜,味道ok以新鮮熱辣取勝!兩位阿姐服務態度唔錯,除左多謝前多謝後之外,真係比左兩個出爐蛋糕我,而唔係新鮮+新新鮮。題外話:寫食評時至發覺同里奧兄食評張相,相似度達90%!可以用黎玩"找不同"遊戲。=p

食完大家食之後心痕痕又想食香蕉糕但因為即刻食唔落只係買左諗住夜晚消夜食5蚊有三條大大件抵食最後因為訓左無食第二晚先食仍然十分軟熟又煙韌又唔太甜幾好但食左大半件已經有d漏

今次11點幾經過都仲未打徉買d包包當係宵夜都好bor菠蘿包($5/3pcs)：比一般菠蘿包細,但唔又未至於迷你,不過size唔重要,因為佢個皮真係好脆好好味,呢種港式菠蘿包既味道唔係度度搵到,好多新式餅店都做唔到呢種味道。包身軟熟，微暖，無諗過11點幾仲食到呢個質素既包包。光蘇餅&合桃酥($5/2pcs)：光蘇餅都夠鬆軟,入口即化,奶香同甜度適中,雖未及奇趣,但已經係水準之作。合桃酥有少許"過氣",所以只屬一般,新鮮出爐食應該會比較酥脆。

10點幾經過呢度竟然仲有好多包包同中式餅擺o係度饞嘴既我就要左$5/3pcs既香蕉糕嘩~拎上手都已經feel到佢好軟熟食落口感同味道也不錯, 可媲美奇趣呢下次經過試埋佢d燒餅&老婆餅先得

琴日同朋友仔行街途中佢話肚餓咁o岩行過見到又試下要左5蚊2個齋燒餅size較奇趣大亦較奇趣煙韌但就無奇趣咁軟熟個人而言覺得呢度既煙韌得有點過份要咬好耐先咬得開下次食燒餅都係買番奇趣好d呢度勝在有多d唔同口味

由由衷的等人放工，變o左俾人抽頭放飛機走人，難免有點灰。夜晚九點幾十點轉o左入洗衣街，驚覺明華竟然仲開緊門；賣緊既，竟然係一底底滿既包包。買o左提子餐包、椰撻同剩一既紅豆包：雖然肯定唔係熱辣辣，但暖暖地已經夠感動。餐包、椰撻當然好食，但剩一既紅豆包更好食- 鍾意佢個餡夠濃，粗粗地，又唔太油。人人prefer 食奇趣、或者其他地舖既原因，一係因為「衛生」，二係因為「新鮮」。有問：昔日衛生環境更差，人人踎大排檔既日子，人人吃得津津有味之餘，衛生可見之有？看似不大衛生就要叫杯葛？C'mon，它倒有衛生牌照的。$5 三個大件版「迷你麵包」常有，但整得好食既$5 三個大件版「迷你麵包」不常有。

每一次經過呢間餅鋪時，都會俾嗰D出爐麵包嘅香味吸引，琴日又路過，口癢癢想食D嘢，就決定買個麵包食吓...嚴格上都唔係買一個，而係買三小個，因為佢大部分嘅包都係賣五蚊三個，單買一個就唔抵la...種類都有幾多，大部份都係傳统嘅菠蘿包、雞尾包、椰絲奶油等，亦有出爐蛋糕仔，甚至乎連雞仔餅及燒餅都有，格局真係同太子間奇趣好似，唔知係咪有關係嘅lei?...買咗三小個菠蘿包，查實都唔細個，"質"晒三個落去肯定飽到嘔，所以我食一個就算...因為剛剛出爐，所以真係熱到燙手，味道普通，包身算軟熟，不過菠蘿皮就比較薄，亦唔多夠鬆化，跟太子金華冰廳嘅水準相差好遠...但只係五蚊三個，仲想點?

經開這裡，看到剛出爐的焗製大蛋糕，香味四溢，忍不住口馬上買來品嘗；這裡的蛋糕需不是天下無敵，但蛋香及鬆化程度相當，加上剛出爐，點計都不會差，而五元一件亦相當抵食。另外看見這裡的燒餅很吸引，看表面油量不多，下次有機會一定品嘗。

$5三個, 但係雞尾包只係較正常size細少少, 好似好抵咁, 不過裡面o既餡少左d. anyway, 個包身都好鬆軟o既.

大個size既$5/2個,細粒既就$5一袋,我buy左一個大size,唔太鬆化又甜左d,所以唔係咁得law,唔會再buy!P.S.(鋪頭亞姐話細粒既係有牛油,大既就無lu)

呢間餅店格局與花園街的奇趣很相似,都是賣傳統的飽餅糕點,行過見燒餅剛出爐, 新鮮熱辣才$5兩個,買了兩個來試試燒餅有奶皇,豆沙和沒有餡的,要了一個奶皇和一個豆沙,自己先吃了一個奶皇,餡唔太甜,餅皮十分軟熟,非常美味!與奇趣相比亦毫不遜色!最難得係第二天媽咪食埋那個豆沙燒餅也讚好味,唔會變得又乾又硬,值得一讚!不過這裏的光酥餅就完全唔得,又乾又實又一陣怪味,吃了一啖就全包掉了!

是日很興奮，因知練成第三式後有一小休，慶祝一番於是跟師姊們到旺角「掃碟」，然後再大展歌喉，路經此地卻勾起無限的回憶。同是三月、同是三人行、同是明華、同是雞尾包，一切已變得截然不同。事隔兩年後的雞尾包，依然是熱烘烘，依然是五塊錢三個，但卻只得我一人吃罷（還給師姊們揶揄「不知飽」），如常的，怕過後吃會走樣似的，隨即隨街吃了一個，熱度／甜度／餡適中，作為一個不太喜歡雞尾包（只因「椰」）的我來說，只此一家會幫襯；無它的，只因這裡有我的雞尾包故事而已。都有考慮買她們的燒餅，心理上還是覺得「奇趣」佔優，先入為主罷！後話：打道回府跟師姊們的一段路，巧遇超人同學，心有莫名。