明菜屋

營業中

休息中

一女員工超級冇禮貌，不論好唔好食或者收平收貴，以後都唔會再光顧！我哋喺麗晶已經係原居民，老闆娘你未開我哋已經喺度住，直至你開舖我哋每日都光顧最少超過十年，但近排你一位女員工超級超級冇禮貌，自己冇記性就唔好喺度掛住睇電話，雖然你係一間小食店，但係你都係做街坊生意，你搵啲咁嘅員工返嚟簡直係自己倒米，不過點都好我哋以後都唔會再光顧！老闆娘希望你會睇到啲評語，不過我哋每日都會經過，如果見到你一定會搵你講！最後光顧受到極度不禮貌、不愉快嘅經歷係2025年3月23號！

由於呢度真係冇競爭，呢間嘢過咗年後越嚟越離譜，本身12蚊6粒燒賣已經超貴，完全冇特別，痴立立，賣咗幾年都係呢個價！已經好耐冇買！最近腸粉加到14蚊4條，係，14蚊4條，本身12蚊4條都會幫襯下，而家我零願去街市買12蚊1 pack 6 條返屋企自己蒸，真係貴過出面好多出名嘅腸粉舖！佢仲要成個麗晶大包圍，邨口一間，商場一間，比佢玩哂！

由舖頭初開，得兩個女仔打拼個時我就成日幫襯嫁啦，佢地既自家冷麵都幾好食，其他野品質都無跌過。舖頭有賣燒賣魚旦腸粉，牛丸，痴飯(好食嫁，方形，似自家制)，各式三文治。自家冷麵 唔知仲有無。到舖頭開始請人，請到啲姐姐態度差做野慢，又懶，所以開始少幫襯左，今日又唔見晒個啲姐姐了。今日幫襯時有個個樣叻啲高啲既姐姐，做野好俐落，態度又很好，仲會指導啲無咁叻既同事，希望你地可以繼續請佢。同埋強烈要求，三文治可唔可以唔加牛油呀？成日都因為唔好意思叫走牛油而無買好耐了。而且，之前啲姐姐個樣同說話都好嫌麻煩。