明棧燒味餐廳 (已結業)

佐敦都有好多燒臘舖。。。不過呢一間下午茶我覺得好抵食而且質素保持。。而且經常爆滿。。好多時都係搭枱普通一份拼燒味粉麵。。。只係36。。相平都只係40。。今日我就試咗燒肉叉燒雙拼米粉。。份量足。。而且燒味質素都好好。。。絕對唔係求其執頭執尾。。

次次來這裏，都只會吃叉燒。大半年前店內開始供應中式點心，但直到今日，我才有興緻試試。點心的價錢屬中等水平，下午茶時段供應的點心孖寶，卻頗為吸引。$45可點兩款點心，免費配熱飲。我與朋友二人，共點了四款點心，均配熱奶茶。現簡述如下：(1)  至尊蝦餃皇（原價$29）是最貴的點心，亦是店方推介的，當然要試試了。送上來時，隻隻晶瑩飽滿，是新鮮熱辣即蒸的。咬下去只覺肉汁豐富，頗為澎湃，有些濺落在碗中。怎知一看，那些不是肉汁，而是肥油！再看咬了一半的蝦餃，除了少許蝦仁外，其他全是肥豬肉粒。而四隻蝦餃，合共的肥油和豬肉粒，實在有點慘不忍睹。雖然如此，蝦餃的味道其實是不錯的。(2)  鮮蝦春卷（原價$22）春卷做得不錯，裏面只有蝦膠，似乎沒有肥豬肉粒了。春卷炸得焦香鬆脆，蘸著喼汁來吃，味道更好。(3)  懷舊糯米雞（原價$28）份量頗大，但餸料不算多，只有三小塊雞、燒肉和火腿，還有一些碎豬肉。一般糯米雞常見的餡料，例如冬菇和鹹蛋黃等，通通欠奉。包著餸料的汁液也不多，幸好糯米的質地綿軟，故容易入口，但味道則不算濃厚。(4)山竹牛肉球（原價$22）正常份量，質地較結實，有點彈牙，味道則稍淡。可惜墊底的腐

年初五食下午茶，睇咗好多間餐廳，最終揀咗明棧，原因是見到西多士賣相好吸引。下午6:00入到去餐廳，入面大約有八成滿，下午茶套餐供應時間至下午6:30，我地叫咗三個下午茶套餐：碎沙律大脆豬、西多士和炸魚薯條。碎蛋沙律大脆豬，個豬仔包好脆，外脆內軟好味道，蛋沙律就份量比較少，味道可接受。西多士比平常的厚咗好多，切落去好鬆軟，食落去好味道，不過糖漿太少。炸魚薯條就比較失色，炸的時間過長，硬左少少，有待改善。整體來說，價錢合理，可以推介俾朋友。

睇完一輪餐牌，最後叫咗個二人晚市套餐。 燒味叫咗"义燒拼燒鴨"。就咁睇d色水唔錯，見到舊义燒半肥瘦，諗住好正啦，點知，又"鞋" 又韌，而燒鴨就中規中矩，唔食都唔會有損失。小菜叫咗"豆卜枝竹炆魚腩"。老公食咗一啖已經叫我唔好夾黎食，不過我都有試，而咬咗啖就令人反晒眼。漿粉差d厚過舊魚，咁都唔只，仲有好勁既雪味，真係唔會再咬多啖。而個南乳汁更加唔掂，鹹得黎仲帶酸🤢。因為唔想過份浪費食物，唯有食枝竹同豆卜。估唔到佢油菜既質素同喺粉麵店加$6嗰種差唔多，老菜一小碟。

呢間茶餐廳基本上咩都有得食燒味 小炒 碟頭飯 連點心都一應俱全呢度嘅燒味屬於中上水準今晚食咗幾個小菜都唔差唯獨一個椒鹽蒜香排骨粒 好硬身好乾 去嘅話千祈唔好點🤢但係呢度嘅蠔餅反而有驚喜熱辣辣上枱 好鬆脆 而且唔鬆散份量都幾大 有好多蠔係入面細細粒蠔仔脹卜卜 好豐富 最重要嘅係食落去唔油膩 食完唔會有滯既感覺😚😚😚

星期四午市套餐 燒味三寶飯 $52 凍飲加兩蚊已經係第二次嚟呢度 茶餐廳來講係算唔錯呢個三寶飯要問夥計係邊三寶 我叫嘅時候仲係叉燒油雞紅腸 埋單嘅時候已經變咗做叉燒油雞燒肉 所以係睇彩數 半肥瘦叉燒好正 油雞就皮有啲厚 紅腸都唔錯 整體ok👌🏼

第一次寫食評 我地一行8人 因為打完波 附近冇咩好嘢食 朋友就介紹 話食過好食 所以我哋就去咗呢間明棧 我地叫野食時 個男人態度奇差 唔知佢炆乜 我開頭都忍 之後我地再加單 佢都好似好唔好老皮咁 我都忍 之後有朋友叫左個奶油多 到左之後發現 只有牛油 咁我地就同個男人講 個男人就邊行邊答我 但係我完全聽唔到佢講乜 之後有個好好女人就見我火起 走埋黎問我有咩問題 佢幫我跟進 之後又有另外一個男人 佢就態度好差咁 同個女人係唔跟奶油 今次可以俾你 我心諗 咩叫唔跟 奶油多無奶油 咁咩係奶油多？what？之後個女人就好好態度咁同我介紹返 我知道完全唔關呢個女人時 所以我唔會爆佢 但其他個兩個男人 服務堅差 心裡有無咒罵嘅說話 如果唔係有個女人幫佢地 我諗我衝左出去同佢罵戰架啦 總結 食物質素中等 態度差 想有地方發洩或想參與罵戰 可以去試 如果唔係都唔洗去lu☺️

早餐b的份量很足夠，一個大湯粉配大脆豬再有餐飲！次次都叫呢個餐水晶粉很特別，口感很好大湯粉既湯底很好！蕃茄湯炒雜菌雪菜肉絲很配加上有黑胡椒員工態度很好，出餐夠快外賣自取又有折

They are not friendly to Chinese speaking tourists and yet do not understand English. Gave me very bad attitude and servers with slight age(only the young chap has a better attitude). Food is not cheap and quite oily. The roasted meat is still okay. Even the bad servers at Australian Diary Company did not make me that angry. Beware if you do not speak Cantonese. I left the restaurant with a lot of anger. Not recommended and will not return.

我幫襯這間茶餐廳已有一段時間，但他們對顧客的態度一向不太好。今天，我我第一次要寫食評投訴他們。早上的時候入內，想吃早餐，見到有空位先想入去坐，但那個所謂經理叫我坐另一個地方，我沒有所謂，但他而不是太開心，跟着我坐了一張沒有人用的四人枱，突然經理帶了兩個人客進來裝坐我隔離，我當然沒有問題，因搭枱是茶餐廳的規矩，我也明白，但是那個他突然把餐牌和餐具大力的推向我面前，我問他我怎樣吃食物呢？她才把那些東西放回中間，食物來到後我我向他詢問點解我的待遇會和別人不同，你為什麼把所有東西放在我面前，難道我不是客人嗎？我是否有錯得罪了你，但他繼續狡辯說沒有放在我前邊，我不同他討論討論繼續吃東西，但他不停和其他同事說我固執頑固，我聽到後問他為什麼這樣說我，他叫我可以投訴他說他是經理，但他只給我一個外賣電話，我會嘗試打去的，但請各位不要再開這間態度非常差的食店了，因為會受罪的

叫左一客焗蕃茄豬扒飯, 點知等左成15分鐘左右黎左客勁難食既物體黎, 豬扒 1) 變左質, 食落有酸叔味 2) 焗左15分鐘仲可以, 有紅紅地紅既肉 3) 蕃茄汁都係無咩味 4) 係用蛋炒飯做底, 不過焗得唔夠好, 定佢製作有問題, 張張地。下午茶都要成48蚊。佐敦可能地舖貴租, 我豪比佢囉, 食左一半都無, 主要食飯多, 就成碟唔再食。因為越食越嬲, 仲要難食到咁。我又趕時間得35分鐘左右食飯, 都廢事同佢講話要換, 原本想帶著試新野既心態, 點知比佢間垃圾野整到, 無哂心情。早知唔食。

🐷乳豬四寶飯▪️👉🏻👦🏻轉左新工，推薦我食依間d燒味話幾正，就聽佢講叫個燒味四寶飯(´๑•ω•๑`)好記得細細個成日同媽媽👩🏻食大家樂個六寶飯，仲成日同細佬爭隻半邊鹹蛋🙊🐣四寶飯有主角乳豬🐖紅腸，叉燒，鹹蛋半隻，豉油飯底，有無人覺得茶記d豉油特別好食，撈白飯都食到一碗🍚仲有叉燒汁同乳豬汁🤤-當日叫左行街外賣，搭巴士🚌回去途中，遇正兩單交通意外🤦🏽‍♂️🤦🏽‍♀️拎住盒飯又無得食，搭左成2hrs都仲未番到去🤬🤯心諗個燒味飯都等到變左梅菜扣肉飯😫打開個刻都抱住食梅菜質地嘅燒味，點知(灬ºωº灬)♡一咬咯咯聲仲清脆嘅乳豬皮！果然燒得好到位🤤夾住帶d皮下脂肪嘅肉，又嫩又煙韌😛唔洗蘸汁都得，叉燒就不過不失，係無燶邊同無蜜味😂但肉質鬆化，紅腸就好難難食😂😂😂👌鹹蛋撈飯又係正🤤💕好多肉嘅一餐飯🍖🍗🍖🍗🍖🍗

今日去佐敦明棧食午餐，但入去坐位時，我個袋唔小心掃到格離台既奶茶，我已即時同格離台既人講對唔住，事情已發生了多次，職員無改善，反而將責任推落客人身上，這時待客之道嗎但佐敦明棧有個肥婆職員態度勁差，又係我面前話我無禮貌，又係到單單打打，建議大家唔好去。

明棧是一家茶餐廳，餐牌應有盡有，吃過小炒，或是一般的福建炒飯、蛋牛飯，都有水準; 燒味（叉燒）更是它的招牌菜，肥瘦適中很不錯。這次快食點了燒鴨米（瀨粉賣光了），來的是鴨脾，配上醬汁，很滋味。米粉湯也挺好喝。如果想吃頓快飯，明棧是好選擇。

下午茶到1830，又可以當晚餐食！呢度啲阿哥阿姐，好似村屋隔壁大哥哥大姐姐，語氣唔係咁溫柔，但係行動很細心。話說有次友人話要個湯河，點知塞車，最後打包走，阿哥竟然將啲湯倒了，換過啲熱湯入碗... (下刪一百字)。既然自稱燒味餐廳，燒鵝燒鴨分清楚，有誠意，當然要食！下午茶單拼($36)色/雙拼($40)燒味湯瀨/河/粉，仲有杯飲品。上枱好大一碗河，燒味份量夠而賣相靚。叉燒夠林又夠味，鴨皮夠香，鴨肉肉質尚可，唔點梅醬都夠味。話說之前試過明棧晚市四人餐，碟燒味拼盤真係勁驚喜，成個餐食飽六個人(包括好細食嘅女將)，其他小菜都唔差。人在附近的話，要試一試明棧嘅燒味啊！