明星皇宮

營業中

休息中

今年團年飯，選擇喺明星皇宮元朗店，賀年套餐超抵3688全包宴，有龍蝦伊麵，有鮑魚，有魚翅，碟頭勁大碟，12人食食到飽飽，出菜又快趣，服務員態度又好，坐得舒服；安排座位亦都唔錯！雖然枱枱爆滿，但服務員和經理都有求必應，要乜有乜，真係抵佢爆棚！餸菜味道亦都唔錯！乳豬全體脆卜卜，仲有小麵包送；龍蝦伊麵，龍蝦蓋滿伊麵，碟頭好大，肯定唔止一隻龍蝦；發財好事仲加上鮑魚雖然唔係大隻，但爽滑彈牙，條沙巴龍躉，蒸得剛剛好，亦都有返兩斤幾重！臘味芋頭糯米飯直情超好味！雖然飽都要食兩碗！最後生果畀柑都超甜！

又同家人食好西，食左大約六千，有翅有燒豬，有飯有糖水，呢度係酒席。芝士焗龍蝦，每次都點，佢用好靚既芝士，好好好好濃郁，超滋味，好夠芝士汁，伊面夠醬撈，肉又勁彈，啖啖肉。家人另外叫多兩隻上湯龍蝦，個味就差好遠了，好似BB蝦咁，同我酒席兩斤半🦞差得遠。乳豬我哋加碼，十人兩台共叫了兩隻，全部食完，燒得好靚，肥羔唔多，皮好鬆化。翡翠蚌仁蝦球，沾上少少蝦醬會太濃，本身味已夠，炒得有鑊氣。翅每人分得一碗仔，侍應仲要不到瀉曬浪費，可能生意太好，做到手震🤣沙巴斑都ok滑，唔會有魚腥，都清左大半條。蠔皇扣南非鮑魚好入味，汁啱啱好，扣到軟糯曬，嫌唔夠食。脆皮燒雞樣燒得唔差，不過已食到勁飽，食兩件已停口。炒飯水餃包我都食唔落了，但糖水真係拍爛手掌，芝麻糊配入面芝麻涵湯圓，俾足誠意。今晚想去食阿拉斯加長腳蟹但因為無預早訂定，賣曬無得食。

朋友生日，她想食龍蝦，所以book 了明星皇宮，去到等咗一陣便可入座，星期六都好多食客，睇睇餐牌，價錢不貴，我們點了1. 頭抽煎海生蝦 - 味道不錯，蝦都算大隻2. 蒜蓉粉絲蒸蟶子 - 粉絲硬，蟶子靭，但味道不錯，朋友差啲飲埋啲豉油😅3. 芝士焗西澳龍蝦伊麵 - 伊麵淋👍🏻，重芝士味👍🏻，龍蝦都唔錯👍🏻4. 鴻運乳豬 (半隻) - 肥度適中，所以不”嚡”，不過皮不算脆5. 欖菜蝦松四季豆 - 不過不失，除了有蝦粒之外，還有帶子粒6. 鮮果脆皮生炒骨 - 唔錯7. 青芥安格斯牛柳粒 - 少少芥辣味嘅牛柳粒，味道唔錯，但不算淋，要慢慢咬8. 片皮鴨 (1隻) - 唔錯，幾好味，不過皮就是半塊，和不煙靭總括 : 性價比高

之前母親節同媽咪同埋屋企人去食明星皇宮買咗好多餸有牛仔骨有片皮鴨有鴛鴦飯有芝士蝦伊麵有魚香茄子等等總共嗌咗9樣餸全部都好好食上菜嘅速度都好快服務態度都好好下次會再去推薦推薦

等咗好耐，終於可以同屋企人一齊食到期待已久嘅片皮鴨～片皮鴨同以前一樣，好好食，不過配菜比較少，再加一碟青瓜要收$5，有啲唔抵今次仲叫咗其他嘢食，芝士蝦伊麵都好出色，好重芝士味，值得一試！

服務態度差：員工不友善，而且態度惡劣。食物差： 難食，賣相差而且叫乜冇乜。最簡單既义燒包又冇，咸水角等小食又冇。環境差：地氈係眼見既好污糟，牙籤，用過嘅紙巾，筆，食物殘餘隨處可見。

Went there for dinner with my family. They all enjoyed the food. Specially the Peiking duck and steamed fish. Turned out to be amazingly good. Staff was friendly and service was spot on. Definitely will be going there more often. Reasonably priced and extensive menu.

呢間明星好耐㗎喇，不過我都係第一次嚟。 牛肉腸粉 - 裏面嘅餡料少得可憐╮(￣▽￣"")╭ 啲腸粉皮係滑嘅。 粉果 - 裏面嘅花生係腍唔脆，感覺唔新鮮，硬係覺得佢有微微嘅蝦膏味。 叉燒包 - 個包唔係差，啲餡汁都OK，不過佢個包嘅皮比較厚，始終唔夠「帝豪」好食。 蝦餃 (可以單叫兩隻，同家姐食啱啱好) - 嘅皮好淋，好似蘿蔔糕texture咁，唔夠煙韌。 上湯鮮竹卷 - 鮮竹卷OK，我覺得有少少淡，但係係可以接受。 鹹水角 - 微熱，唔係啱啱炸起，外皮比較硬。 埋單盛謂$145，感覺還可以。

今日喺附近覆完診 就帶媽子去飲個茶 都好耐冇一齊飲茶 不過冇諗到平日都好full 最後要搭枱 下午茶都有好多特價點心 最驚喜係有鮑魚燒賣 仲可以只要兩粒啱啱好兩個人食 仲有我最愛嘅芝士蝦球伊麵 粒粒蝦球好大隻好彈牙 分量亦都好大 飲茶最開心就可以坐耐啲傾耐啲都唔驚 之後仲有飯後甜品 估唔到個薑汁撞奶咁好味 下次要試埋佢其他甜品

閒日飲下午茶叫了上海小籠包，上湯鮮竹卷，燒鵝瀨粉及脆皮燒肉飯；等了10分鐘左右點心就到齊晒！諗住等多一陣啲燒味嘢食會到啦！點知一等又等。。。問下侍應睇下有無，個侍應話入咗單一定有架啦！但脆皮燒肉飯漏單，問下我哋要唔要！我哋話要！侍應幫我哋照入單！咁就等下啦！等多10分鐘又問下經理燒鵝瀨粉幾時到！經理同我哋講：「燒鵝燒緊啵」！之後等成20分鐘先到！等個燒鵝瀨粉足足等了30分鐘。唉！我諗燒肉飯有排等。。。最後燒肉飯無黎到！要取消！好失望！

點了芝士焗西澳龍蝦伊麵和象拔蚌刺身 送了乳鴿一隻 乳鴿是可以的 但芝士焗西澳龍蝦伊麵和象拔蚌刺身吃的時候已經感覺不太新鮮 吃完之後 出去魚缸懷疑見到好像我點的象拔蚌還在魚缸 肚子也不太舒服 衛生感覺一般 沒有下次了 😶

其實都數吾到係第幾次幫襯啦，飲茶又有，晚飯又有，不嬲都食得過。所以母親節都揀左黎呢度食，皆因~佢有長腳蟹！阿媽真係好鍾意食佢 同 "打卡"😂另外仲有二寶真係必叫，冬瓜盅&片皮鴨呢日就食吾到冬瓜盅啦...每次都可遇不可求，是日7點未夠已經話冇哂。連隻蟹吖，帶位之前已經得番二隻係個缸，差D冇蟹俾阿媽食。而片皮鴨真係冇得輸，啖啖肉又好抵食。(當然就吾好同名店比， 熱辣辣脆卜卜油香呢D...係做唔到嘅😂 )其他菜式就吾細講，正常野，經濟既。仲有個咕嚕肉冇影相，廚房失手炸得黑左D，平日好好多整體來說: 是晚8位8碟菜消費共$2706，合理食物方面 7.5/10都預左過時過節，質素會下降。餐牌款式少左，但都算keep到水準服務方面 6/10樓面OK架，係帶位有d誤會減左分。其實以前一路都冇得訂位要等飛仔，但吾知係咪疫情又有得訂。甘早幾日就book左8位啦，點知屋企人早左去拎位先，但reception話冇我地資料喎 what!? 即刻俾d打電話既證據佢理論。我去到既時候，都已經肯畀位我哋。 最搞笑嘅係，我哋食到一半途中收咗個電話，就係明星打嚟問我訂左位仲嚟唔嚟架？ 我咪話我係度食緊囉 😓真係~p.

提早慶祝家中的三位母親 (包括工人姐姐),  預先訂枱時說可以五人一枱, 但臨時又說要改回四人一枱, 還好兩張枱是一起的, 只係中間有塊玻璃隔板, 可以互相望到.中湯 : 老黃瓜赤小豆, 大煲又好飲, 仲希好多豬骨湯料.龍蝦伊麵 : HKD268, 大約一斤多點, 五個人都夠分.蒸鮑魚仔 : HKD68, 比較細只, (下次應該叫澳洲鮑魚), 處理得干淨, 上枱時內臟已清理大斑兩味 : HKD168, 好食又大碟, 乳鴿 : 每只18.80, 每人限半只,  五個人只能叫兩只. 奇怪金銀蛋時菜 : 呢個普普通通,  菜煮得過熟.環境 : 枱與枱有足夠距離扣呼 : 阿姐好笑容, 執碟也夠快.價格 : 900蚊埋單, 合理, 但唔算太超值.

2021年4月30日(五)晚餐蔡氏四口，共聚一枱兄、姊、妹、子、姑、姪，樂融融，嚐美食上湯焗西澳洲龍蝦伊麵芝士焗生蝦伊麵蒜蓉開邊蒸中蝦蒜蓉粉絲蒸扇貝(4隻)清蒸大連飽魚(6隻)紅燒妙齡乳鴿野菌紅燒豆腐京式片皮鴨(一食)沙巴龍躉兩味金菰枝竹蒸頭腩翡翠沙巴龍躉球外賣盒一個$1膠袋一個$0.5連茶介、加一 埋單$1,075致電訂枱，原本想預訂7:00 ，職員說：只能夠預訂6:30pm 或 8:00pm，如果7:00只能夠Walk-in，唯有訂6:30pm。上湯焗西澳洲龍蝦伊麵：龍蝦約1斤4兩，龍蝦爽口，伊麵略為諗咗少少。芝士焗生蝦伊麵：勁多芝士，生蝦爽口靚。蒜蓉開邊蒸中蝦(8隻)：唔抵食，中蝦好細隻，好瘦。蒜蓉粉絲蒸扇貝(4隻)：四粒啲肉都癡殼，麻麻哋。清蒸大連飽魚(6隻)：未到正常啦。紅燒妙齡乳鴿：炸得幾靚，可能使特價關係，最多只可以叫兩隻。野菌紅燒豆腐：色水靚，不過唔夠味道，唔好食。京式片皮鴨(一食)：燒得好靚，皮脆，每次黎親都要叫。沙巴龍躉兩味：兩道菜味道偏淡，都係麻麻地。金菰枝竹蒸頭腩翡翠沙巴龍躉球

2020年11月25日(三)晚餐第四波疫情，來勢洶洶，提前來慶祝，食餐豐盛海鮮餐，蔡氏四口子，共聚一枱，慶祝維仔二十一歲生日、預祝聖誕、做冬兼團年，開心歡聚清蒸長腳蟹5.5斤 $218/斤 新鮮生猛清蒸大連鮮鮑魚6隻$58個豉油好正沙巴龍躉兩味$148味道正常，略嫌多油-金菰枝竹蒸頭腩-翡翠龍躉球薑蔥焗桶蠔$108賣相唔討好，黑孖孖，得三粒蠔京式片皮鴨$108做得唔錯，好吃紅燒BB鴿$28x4隻一般般，炸得唔夠脆，上枱嗰時已經琳琳泡泡咁芥介$13x4位呢一餐四位用，埋單$1,964