明星海鮮酒家 (已結業)

今天(14/8) 一行五人（包括一名小學生）去這間茶樓，去到已經係點幾鐘，茶樓既面積非常大，茶客亦滿佈每一張枱。等了一陣便有位，值得一讚係呢間舖有好多野食，分門別類地陳設出來，如：上海、星馬等等。但服務態度屬一般，因為太少侍應，有咁多人，好難招呼得切。每碟價錢唔係好記得，食物大致如下：1. 苦瓜酸瓜炆豬肉2. 油鹽水雞腳3. 豬皮蘿白牛骨髓4. 腐乳通菜5. 芋頭糕（三件，叫了兩碟）6. 菠蘿叉燒包（三個）7. 白糖糕（三件）8. 芝士烤餅9. 酥炸蝦丸（四件）10. 酥炸黃金蝦11. 蝦餃12. 燒賣13. 牛肉14. 扎肉金邊粉除了6及14外我無食外，其他都有我份。碟碟都幾大碟，因為咁我就要包底清碟。苦瓜酸瓜幾好，苦瓜及酸瓜唔會過諗或過爽，豬肉就無食到，因本人不太喜歡。雞腳一般，但好耐無食，都覺得好味。牛骨髓好軟，入味，辣辣地。芋頭糕值得一讚，上面係芋頭條，下面係軟諗諗既糕。白糖糕好耐無食，所以都覺得好味。芝士烤餅確實幾得，十蚊客，唔貴，仲有好多件，香脆可口，唔會好厚好老，D醬汁有三款，黃綠紅，最好都係黃。蝦丸及黃金蝦都好香口爽脆，有蝦味。蝦餃及牛肉一般貨色，燒賣幾有肉味及蝦味，新

為了食這餐飯搞到一肚氣，由石澳、筲箕灣到北角，左選右擇三個地方，大家最後落實去北角明星，一餐晚飯搞了兩粒幾鐘先有得食。明明打電話o黎話7:45有位，點知o黎到要等，那個知客小姐又唔多禮貌，最終等了差不多20多分鐘先有枱 ，仲要坐正樓梯口，真係把幾火。北角咁多好野食，真係唔明點解揀呢到。因為心情不佳，所以不太記得食了什麼菜。咖哩雞-咖哩汁幾香，而雞肉滑，還配一客幾大件的印度薄餅，8個人剛剛夠分。金銀蛋莧菜同瑤柱浸聖瓜大碟碟，味道剛好，唔會太咸。燒鵝-只叫了半隻都食唔晒，好大隻，鵝皮雖脆，但夠燒得過黑。炸荀殼魚-炸得好脆，但唔油，真係連骨都食埋。生炒骨-水準一般，排骨太細舊冇乜咬口。蜜糖豆排骨-蜜糖豆原來係蠔油豆，好耐都未食過，可以回味以前細個時的感覺，而排骨係金沙骨，肉質唔韌不過冇乜味。芝士枇杷豆腐-豆腐做法唔錯，但係芝士分量唔夠。蒜蓉蒸扇蜆-味道ok，因為有蒜蓉吊味，好少唔會唔好食。連埋幾支啤酒、兩渣竹庶水同酸梅湯及幾碗白飯，每人都係90蚊，係非常之抵食。雖然價錢抵食，D小菜不太差，由於條氣唔順關係，我以前唔會再o黎呢間明星。

明星的海鮮種類幾多﹐真係花多眼亂。扇貝、帶子、蠔桶、龍蝦﹐樣樣都有。不過最近好似少左特價﹐而且水準下降了。一斤灼蝦58元﹐碧綠鮑片38元﹐最唔抵食係貴妃雞﹐半隻58元﹐但少得可憐。服務更差﹐個個侍應都唔係做野溉。明明叫了一個白飯﹐埋單時計兩個﹐重要係之前打一個白飯﹐唔知邊個改左兩個。唔怪的之個晚咁多空臺喇﹗

今日同屋企人去飲茶。我哋叫咗五個點心，有兩個等咗二十分鐘都未來。我叫個侍應幫我check吓，佢即刻答一句：「等下啦！」然後走咗去執枱。另外我又見到有個阿婆揸住張枱號飛走入房俾個女部長趕出來，佢對個阿婆話：「阿婆，妳張飛幾多號就坐返個張枱啦！依度唔可以亂坐o嫁！」原來明星酒樓嘅 職員個個都係大明星，態度囂張，目中無人！令我大開眼界！

今天九個人去吃下午茶，價錢平，但不是最平，標準下午茶的平價。食物質素是一般高一點，比不上稻香，好過漢寶咁啦。份量?一般。服務? 也是標準酒樓式。物值嗎?算高了。一家大細飲茶的標準選擇。奶皇包好像不錯，不過我沒有吃。

一個字形容﹕平﹗叫左以下食物﹕半隻燒雞﹕$48﹐皮脆肉嫩蒜蓉通菜﹕$38﹐好大碟﹐不過太油膩印度薄餅﹕$10﹐不知什麼原因﹐有的苦一斤白灼蝦﹕$38﹐蝦好大隻﹐幾新鮮糯米飯﹕$10﹐好味服務唔錯﹐不過的臺迫左的。

下午點心一D都唔貴...款式多..印度烤餅好味la..真係有個印度人整ga...點心有水準...小籠包, 流沙包一定要試

其他就嘛嘛地