明愛張奧偉國際賓館餐廳

營業中

休息中

我一直係明愛嘅常客，早前餐廳裝修令我少咗一個好去處，真係唔習慣！知道餐廳喺6月尾完成裝修，我急不及待約埋老友一齊嚟！嚟到發現餐廳做緊限時優惠，2020年7月31日前，憑宣傳單張幫襯午餐，可享8折優惠；而早餐、下午茶同小食都有9折，有興趣一試嘅朋友可以上呢個網印張傳單出嚟👉🏻https://bit.ly/2NYdZ98餐廳位於明愛張奧偉國際賓館一樓，當我步出升降機，朝向餐廳嘅方向一眼望去，眼前嘅景象令人眼前一亮！餐廳以綠色為主調，予人一種清新、舒適嘅感覺。是日餐湯係蘑菇粟米忌廉湯，濃淡得宜，如果有更多粟米粒會更好，令口感更豐富。主菜方面，我點嘅係蘆筍肥牛卷，蘆筍同肥牛嘅配搭並唔陌生，有肉包住嘅蘆筍果然係好味啲XD 餐廳所配的醬汁亦不過不失。另外，薯條唔太咸夠健康。唯一缺點係蘆筍有啲硬。至於餐飲，我揀咗cappuccino，店員喺杯面曬上了明愛嘅logo，幾有心思。

田灣區內一直沒有什麼好吃，大型連鎖店也只有麥當當，其他食肆就只有一般茶餐廳或hea做小店。明愛張奧章偉國際賓館，前身是一所中學/成人教育。因配合自由行，已經改為賓館了。1/F更設有餐廳，門外豎立套餐價格也甚為吸引，就試一試吧！餐廳人流及坐位皆疏落，空間感十足。要hea坐、放空或私語皆無任歡迎。一踏進餐廳，姐姐已熱情招待，暖意盟生。午市套餐價格為$65-$72，配上餐湯、主菜、咖啡或茶，經濟實惠！經過一輪掙扎，最後點了豬鞍扒意粉。賣相也不賴吧！（是日中湯為豬骨蓮藕湯，但忘了拍照）雖是快餐，配菜也有紅蘿白、西蘭花、椰菜花，豬扒還是厚切 - 天呀，豬味香濃，肉汁跟油花四射於口腔中，厚切豬扒有質感，絶無柴皮感覺⋯很快便被KO了。即磨咖啡香濃醇厚，並沒有因為跟餐附上的餐飲而hea做或溝淡，個人覺得比大型連鎖店賣數十元一杯的更為好喝。今天不知怎的，有這杯好啡作為總結甚是滿足。此刻深深覺得餐飲的重要性。

「明愛張奧偉國際賓館」是一間賓館酒店，設於一樓的食肆當然屬「酒店」餐廳。有別於一般酒店餐廳，這間餐廳的裝潢明顯較簡單平實，甚至比一般中價西餐廳還要簡單。雖然小編沒有深究，相信此餐廳與明愛有一定關係，說不定是一間社企。餐廳的午餐定價也很相宜，由 $60 至 $68 不等。雖然這是一間西餐廳，但首先送來的卻是一客「紅蘿蔔蓮藕湯」，味道平平。小編要了一客「蜜桃雞扒配馬鈴薯沙律」，出品份量比預期豐盛，沙律除馬鈴薯外，亦混入了青瓜及紅蘿蔔粒等菜蔬。雞扒以食鹽及黑胡椒調味，不用外加醬汁已很夠味。雞扒雖然有一定厚度，但無阻其軟嫩食感，唔錯噃！ 好友的「西冷牛扒飯」，西冷扒四四正正又不比雞扒薄，縱使肉味只屬中規中矩，以六七十元的定價來説絕對有交代。以「凍奶茶」作餐飲，茶底味道有點澀，不大欣賞。整體來説，小編對「明愛張奧偉國際賓館」評價正面。雖然菜式的水平談不上高，但算是有誠意及定價合理。小編約下午二時半抵達餐廳，原來已是餐廳關門的時間。店員最後也不介意招呼我們，服務懇切，亦是值得一讚的地方。

今曰友人話想試下明愛的午餐，我便同他一起試下，我之前試過早餐，都幾好。我們叫左西冷牛扒黑椒汁配飯和燒春雞香草汁配飯，西冷牛扒全熟，味道很好，很多黑椒汁，令人回味。燒香雞令我很驚喜，賣相很吸引，燒香雞美味可囗，很新鮮，雞皮很爽脆，五味俱全，值得推介。唔怪得，周圍的食客很多都選擇燒春雞啦。午餐還奉送餐湯，服務員話餐湯每日不同，今次我們飲紅蘿蔔雪耳南北杏湯，很清甜，很清新不油膩，值得一讚。下次有機會聚會，我會選擇此地方。西冷牛扒黑椒汁配飯，夠多汁燒香雞香草汁配飯餐湯

今日一早出去田灣吃早餐，發现茶餐廳唔多，選擇很少，顧客又多，大家迫在一起，突然想起同學介照田灣有個餐廳，環境幽雅寧靜，便行上去試下，果然非常清靜係我們忙碌的港人休息享受早餐的地方，我叫左沙爹牛肉通粉，味道良好，咖啡不濃不淡，昧道適中，服務員有禮有善，我會再次光顧。

同同事lunch過嚟食，唔多人即刻有位。佢哋menu轉過幾次，不過都係扒類，有豬扒，雞扒，牛扒同魚(三文魚或銀鱈魚),全部餐都可以揀配飯or意粉or薯菜嘅。嚟到見到豬扒好大份，其實唔expect佢會有兩大塊，煎得好香，鎖住哂啲肉汁又唔會韌。配菜都明顯地煎過，味道一般。意粉幾好食。呢個價錢份量好合理。

若不是識途老饕帶路，這裡是我絕不懂摸上去吃午餐的地方。中午Menu選擇繁多，有中有西有素，更附送餐湯。今天試了一客法式鴨脾配蝴蝶包，貪這配搭新穎，鴨脾大大隻，附有大量蔬菜，絕不會不夠飽！其實鴨脾做法有點像先用甜豉油加滷水浸泡，再焗香，效果挺特別，肉味香甜不嚡口，和甜甜的提子丹麥酥同吃，又不會突兀！侍應哥哥主動介紹說，若有需要，蝴蝶包可轉做飯或意粉。不過，這兒最讓人驚艷的就是加十元，餐飲升級而成的藍山咖啡。曾在二十多年前，品嚐過一杯售價過百元的金箔藍山咖啡，一試難忘，芳香在口腔逗留良久。當然，不是說這兒的藍山有同樣的級數，但也是甘醇怡人，不用加太多的糖或奶，喝過人就精神煥發。

田灣平日好少去到.尋日工作關係,嚟到呢庶.係賓館樓下見到有個餐牌.於是走左上去1樓試吓.印象中油麻地的明愛白英耆賓館內的餐廳是平靚正之選.點左一個燒豬腿黑椒汁lunch set:燒腿有三件,燒得恰到,黑椒汁不太辣,味道ok.伴有紅米飯及少量伴菜,健康之選吧.餐飲叫左熱檸茶.而糖方面,有代糖/砂糖可自由選擇.不錯呢.lunch set有5-6款菜式選式,更有菜飯可選呢.實在是幾健康.埋單時,職員重送上9折券一張俾我.廚司亦有問我食物如何,是幾有心的一位廚師吧.亦見佢和其他食客(似是常客)有傾有講,問吓對食物的意見.個人最欣賞呢度有報紙架供hea吓relax吓,就係咁我係度hea左一小時,刨晒份明報先走食物唔錯,環境清幽.第時都會再去.

今年平安夜去咗間平時無做自助餐的餐廳食自助餐, 之前食過Lunch都幾好味, 知到做聖誕晚餐而且價錢平, 平安夜都係佰幾蚊一位, 早定位仲有9折等如唔洗加一, 平時一個晚餐的價錢., 就去試吓..........地方雖然細, 但都佈置得幾有聖誕氣氛, 人少少都幾好, 攞嘢唔洗排隊. 每人仲有一份大蝦牛柳, 味道唔錯, 仲有橙汁任飲, 直得一讚是食物源源不絕, 好快就 refill, 款式不多但係即煮即出好新鮮. service 仲好好, 個大廚好健談, 問我哋滿不滿意今晚啲食物, 佢仲話如果攪 party 仲可以包場.

在田灣竟然相繼開了一些二星的酒店，其實甚至可以說是賓館來的，今天和女友走着走着，走到了這兒吃個簡餐。走過酒店的大堂，也到了這個餐廳，說這兒是餐廳，倒不如說它是這賓館的飯堂吧，裝修簡單，端菜以托盤同上，那跟飯堂有何分別。坐下一會，看看餐牌，午市套餐由四十二元至五十二元，店員介紹在餐牌外也有煎三文魚的，也只是五十二元，看似是很便宜的，由於對這兒信心不大，所以最後也只點了餐牌內的東西，女友點了西西里雞扒闊條麵，我則點了酥皮焗紐西籣羊肋條。套餐內包了餐湯及飲品，餐湯是栗米忌廉湯，一羹舀起來，底下有點栗米粒，但同時飄出一點非忌廉的汁液，而且吃起來很明顯是罐頭栗米粒的味道，相信店家是先在碗中放入栗米粒，然後才倒忌廉湯在碗中，連栗米粒都懶得放入湯中同煲，服！忌廉湯吃起來也黏稠，但就是一點香味也沒有，是茶記貨色。先來的是西西里雞扒闊條麵，西西里汁，即是酸酸甜甜的蕃茄汁，配起煎過的雞扒，也是開胃的，但是雞扒肉就是有點嚡，皮也是煎得不香脆，所以沒有為了它而犧牲，闊條麵真的是很失敗的，只是以白滾水灼過便算，所以吃至半路，已是令西西里汁變成西西里湯，和女友最後吃起了湯意來，闊條麵完全不al dente也算了，