旺記 (已結業)

這家燒臘店位於西貢街市裡面近出口 ！昨天買了燒肉叉燒雙拼飯，個飯盒滿到呢 ！個盒蓋差點扣不上, 飯又多，餸有多，老闆娘真的怕餓壞你 ！還送鹹蛋半粒，還有，可以自取一罐飲品，自己選擇味道，才 $25, 問你服未 ？真係 2 個人都夠食，絕對食得飽 。燒肉皮脆，有肉味，又不太鹹，味道剛好 ！叉燒比上次更嫩 這麼便宜的飯盒，連飯都交足功課，有飯香, 不馬虎 ！不管你是住西貢，還是假日遊客，一視同仁 ！雖然戴左口罩都看到眼睛，哈哈 ！老闆娘都笑笑口，令人好舒服 ！

最近搬了去西貢小住一個月，喜歡上行山，今日行到西貢墟 4 點，累了！有點餓，想食個下午茶 ！ 經過兩間茶餐廳，不過無衝動入去，行到西貢街市，偷聽到前面2位行山友話去買燒肉飯，咦！都幾好哦！我們就跟著入去街市，哈哈！街市左右兩邊入口都被圍封，只剩中間入口，有探體溫計；地下轉左，一個小小燒臘檔 “旺記”，大大個手寫牌寫著燒味飯單拼 $23，雙拼 $25；hubby 不餓，我一個人叫個燒肉飯都應該夠吧！飯盒拿上手有點重，原來 $23 還包括一罐汽水，太過份了吧！坐小巴回家，打開飯盒，份量十足，還有半粒鹹蛋，真係良心小店。燒肉脆皮，鹹蛋黃漏油、起沙 ！$23 一個飯盒送鹹蛋及汽水 ！真的無語 ！

屋企人特登由西貢買左兩盒飯出黎，非常欣賞老闆o既性格同作風，亦好滿意盒＄25 o既雙拼有齊叉燒、燒鴨同半顆咸蛋，仲送左罐汽水。睇住老闆將每個飯盒都塞滿粒粒白飯，同埋將D 主菜鋪滿哂，實在係好開心。盒飯真係好飽同埋好好味，好值得入西貢o既時候再次幫襯。 

良心食市😊、好有人情味，我都係跟食評去搵呢間燒味店，真係冇寫錯，老闆娘非常親切，我唔係西貢人但都感受到老闆娘嘅親切👍，隔離都有一間，可能都係好好，但呢一間真係唔錯，值得俾個👍 食人情品都好開心😊

話說緣分令我地遇到旺記....入西貢遊船河，有朋友生日，靈機一觸，想訂乳豬。原本想再在家附近訂，種種原因訂唔到。唯有試下Open Rice下西貢有無燒臘舖可以訂。無意中見到旺記，老闆都好奇怪點會無啦啦有人打電話來話訂乳豬？溝通之下老闆應承左接單（但一分錢訂金都無收）老闆娘仲好得意叮囑記得來拎豬呀，咪我燒好無人拎我好虧㗎😂隻豬不負所托啦，成6斤重。非常脆，由拎到食都擺左幾個鐘㗎，依然脆卜卜，唔會燒得太Over，色水都啱好。好滿意❤️

非西貢居民時時都覺得，在西貢飲食，只有海鮮、西餐同某間泰菜三個選擇。就算找到茶餐廳或其他看似平民的食肆，好多好多都是謀人寺，又貴又唔好食。不過，作為一個在西貢生活的人，眼中看得見的，是一個不一樣的景色。說週末，的確周圍都係貴，因為好多餐廳的心理，呢兩日唔搵遊客錢邊日搵呀.....。但，說平日，其實都有好多經濟抵食同好食。今次要說的良心好店，其實是街市內的燒臘檔，雖然，他們的燒臘出品並不是西貢墟內最出色。但他們的抵食又大盒的燒味飯盒，早已經成為了西貢人的佳話，而我，也是這《旺記燒臘》的熟客之一。 多數來，我都是叫他們的燒味雙併飯。$25一盒，有半隻咸蛋，仲有罐汽水送。可以說是坊間最抵食的燒味飯之一。亦因為咁，曾經有 FB 的群組激烈地討論此店，當中的原因不是難食，不是得罪客人，而是這個有咸蛋，有汽水的燒味雙併飯。果一日去買飯食，我發現到，店主把該 FB 的討論串，印晒出黎，過埋膠，貼堂了。 飯盒，當然是買回家慢慢地享用啦。多年前，他們給的只是碧泉檸茶，如今，他們贈送的汽水，早已經是可口可繅集團的出品，而這一天，我選了一罐 Coke Zero。 叉燒、燒肉同果半隻咸蛋，基本上已經迫爆了整個