旺記冰室 (九龍中心大廈)

營業中

休息中

聽過旺記冰室的名字好耐，但每次都很長龍。今次機緣巧合一試，實在不負所望！叫了叉燒滑蛋飯，叉燒係半肥瘦，不鞋且香。蛋因為加左日本牛奶去炒，非常香滑，充滿蛋香，實在炒得好靚好creamy！而且分量亦夠大，材料十足。再配上自家製甜豉油撈飯一流。另外叫了一個餐肉煎蛋飯，餐肉真係好厚切！而且表面相當香脆，煎蛋亦有流漿。非常滿足！

聽過旺記冰室呢個名嘅人一定最熟悉就係佢地好出名嘅滑蛋叉燒飯大熱天時 即使要户外排隊都無阻人流 落完單好快就有得食 個蛋真係幾滑不過叉燒有啲難咬 另外嗌咗凍奶茶茶底都幾濃 好飲 !

從未食過咁好味嘅碟頭飯😋😋 大碟夾抵食！旺記，相信大家都唔陌生。佢嘅叉燒蝦仁滑蛋飯真係不得之了🤤🤤配合埋甜甜的豉油，簡直係天衣無縫嘅配搭。叉燒肥瘦啱啱好，蝦仁一啲都唔林，好爽口，又大粒，蛋就滑到，說一聲就吞落肚🤣🤣難怪每日去到兩三點都依然大排長龍，不過好在等位都快，午飯時間大概排15分鐘左右。大熱天時等位都有啲辛苦。出餐快，同樣地用餐都要快，因為好多人係出面等緊，都有壓力。食過幾次，平均用餐時間30分鐘。

係附近返工所以成日都會黎食，lunch time 好多人要排隊，好在佢上餐時間好快岩我呢d需要快食既人，蛋係來自日本，滑蛋係本生熟所以日本蛋比教衛生，豉油係自制唔會死咸，整體滿意，食量大既人仕需要多飯，唔係會唔夠飽。

一行三人遊行到尖沙咀已經八點幾，大家都想食D嘢！因為示威活動所以好多食店關門，諗起亞士厘道有好多餐廳，最後揀左旺記！呢度嘅侍應服務態度十分好，我地叫左呢度出名嘅自家製义燒日本滑蛋飯，蛋香味十足、义燒就一般，不過加埋個豉油就正好多另一個係野菜蕃茄麵豉湯讚岐烏冬，無乜麵豉湯味麻麻地因為大家唔太餓所以叫左個脆脆奶油豬、過得去啦奶油太少整體我會比70分

旺記冰室@下午茶3點3～食咩好🤤梗係食雞脾薯條啦！🍟肥膩野岩曬我😍食落有陣南乳既味道❤️幾入味🤤不過嚡口左少少🤣薯條熱辣辣就唔洗講啦！沙津加埋柚子醋都幾開胃😘

來了幾次都因為大排長龍食不到，今日下午3點幾來到，終於食到。聽朋友說下午茶的蕃茄通也很出色，所以和朋友決定點一份雙拼滑蛋飯和一份蕃茄通。蕃茄通的蕃茄湯底很稠，不是那種加了大量水的湯底，所以蕃茄味十分濃郁，午餐肉是切到方形大大粒的，很特別很可愛，如果你喜歡蕃茄味，你一定會喜歡。然後是我最期待的滑蛋飯，滑蛋炒得很滑，配上豉油，它們的豉油很香，但又唔會很咸，送飯一流。叉燒的肥瘦亦很適中，叉燒的色澤亦很紅，感覺叉燒是新鮮的，蝦仁亦爽口彈牙。整體感覺果然名不虛傳，我會想一食再食。

新開嘅茶餐廳多數都係叫冰室而每間都話有一招牌食品或飲品。呢間主打滑蛋。去過兩次食晏。第一次就試‘特濃蕃茄湯午餐肉粒通粉’。佢嘅午餐肉係切粒同煎過，所以特別香口。唔同一般茶餐廳一塊塊上。呢個餐配滑蛋多士，因為加咗牛奶去炒，滑蛋好滑係真嘅。第二次去就試‘滑蛋叉燒蝦仁雙拼飯’。蝦仁大大粒，爽口。叉燒半肥瘦，唔錯。兩樣加埋滑蛋，夠哂餸，唔會有啖只係得白飯。佢呢，差唔多有三分二係遊客。兩次都係12:15到但都要排15分鐘以上，長期排隊。

呢間旺記既叉燒滑蛋飯一直都勁出名！bookmarked咗咁耐終於去試下🥴💕睇下係咪真係咁正！🤨星期日6點黎到已經排曬長龍 眼見9成都係內地遊客🧐20分鐘左右就入得！排隊個陣店員會派Menu紙 幫你落單先晚餐係無叉燒供應架😭黎到先知～如果想食最招牌既自家製叉燒滑蛋飯記住Lunch時段11:30-18:00黎食啦😛滑蛋牛肉蝦仁飯 $59 （9/10)店舖標榜選用日本雞蛋🥚再加入4.3牛乳炒🥛！入口第一啖已經充滿蛋香💞口感嫩滑Creamy！師傅功力真心勁🤤👍🏻炒得生熟度剛好 唔會太生但又做到嫩滑有蛋汁既效果👨🏻‍🍳💛👍🏻滑蛋加埋蔥粒炒，令滑蛋更加分💚蝦仁大大粒爽口又新鮮！牛肉嫩得黎有咬口！唔錯！！份量亦好足！🦐🐂👍🏻米飯方面亦很出色 軟硬適中粒粒分明🍚同軟綿綿既滑蛋好夾呢🤤成個飯既精髓就係自家製甜豉油😍日本豉油再加入蔬菜湯 味道香又鮮甜🤤質地稀身 唔會死鹹！撈飯一流👅成個配搭幾乎係無得輸無任何挑剔位🤤跟餐飲品亦好高水準！🍋凍檸茶茶底唔錯 茶味濃而突出 唔澀 💛檸檬份量足夠 而且嗌少甜少冰佢真係有做到！（男朋友個杯正常真係甜啲同多冰啲）（好多茶記都唔會理或者同正常差唔多！🤣呢間咁旺 水吧師傅都

由於今日早食飯嘅關係，終於可以試到尖沙咀數一數二嘅茶記冰室——旺記冰室。平日大概朝早11點左右黎到已經坐無虛席，等左大概8分鐘先有位，岩岩好趕得切order早餐，值得一提餐廳冷氣同通風都夠，唔會好焗好熱。初頭睇餐牌，見到菜式都係一般冰室常見嘅早餐，但特別在佢地標明係用4.3牛奶去炒滑蛋，雞蛋仲係用日本蛋添。另外加$5就可以將麥包多士upgrade做呢度最出名嘅奶油脆豬，一場黎到當然要試！早晨A：特濃蕃茄湯午餐肉通粉 配 4.3牛奶炒日本滑蛋 + 奶油脆豬蕃茄湯好香濃，面頭舖滿左蕃茄蓉，啖啖都好鮮味。通粉唔淋，仲有少許彈牙有咬口，份量好多。重點要讚下午餐肉，厚切大大粒之餘，四邊都有輕輕煎到金黃色，食落更加香脆，而且煎完食落亦無咁油膩，好可口煎完好乾脆，厚切大大粒有口感！係好多煉奶嘅奶油脆豬！即烘熱辣辣，煉奶亦跟住浸左入豬仔包入面，外皮脆卜卜，咬入啖啖煉奶香，唔乾身。炒滑蛋雖然份量好細，不過炒得啱啱好，仍然保持濕潤，再加上因為用咗日本蛋嘅關係，蛋黃味特別濃郁，顏色亦都較深。坐低食左無耐門口就開始排長龍，所以想黎食嘅朋友仔就記得揀岩時候喇😄

每次經過旺記都見到人排隊，又難怪既，因為佢最出名既滑蛋飯真係幾好味，而且價錢相宜。星期六夜晚七點到達餐廳，當然要等啦。大約等左二十分鐘就入得去，都可以接受。原來滑蛋牛肉飯只限午餐供應，而晚餐時間，會用叉燒取替牛肉。今次我就叫左個滑蛋叉燒蝦仁飯😋旺記用既係日本雞蛋加上用牛奶黎煮，真係幾滑，而蝦仁亦幾大隻同爽口，叉燒又大大舊好入味。平時食量細既我都差唔多食哂全碟滑哂呀。推介！侍應服務態度都幾好，問佢餐牌既野佢都無唔耐煩。

相信大家都唔會對旺記冰室嘅滑蛋叉燒飯感到陌生，週未終於去左朝聖😍排左15分鐘就食得🍽〰️👉🏻自家製叉燒 日本滑蛋飯 $55🍳👉🏻每天特製飯餐 咖喱龍利柳飯 $57🍛佢主打嘅滑蛋叉燒飯雖然幾好食但就冇話好驚喜，因為喺紅磡食過覺得更好味嘅🤔朋友點嘅咖喱魚枊飯就正常發揮，吉列魚柳都幾大塊不過有啲熱氣🤧反而小編幾鍾意跟餐嘅凍檸茶，少冰都唔會太甜啱啱好👌🏻總結係可以一試，但未必會特登再去排隊🤫

呢間冰室最近真係幾Hit特別係佢個炒蛋，可以炒到好靚價錢係普通冰室咁，唔會好貴個蛋炒得非常滑，叉燒都好軟而且個豉油調味配搭埋好好食西多士比較之下就一般般但係都炸得相當鬆軟

假日嚟尖沙咀呢間食排咗半粒鐘二人枱吉六人卡枱吉無問我哋叫去六人卡枱坐另加多四個遊客立即唔食走人啦呢間嘢唔洗做港人生意啦點可以再嚟食呢唔該廣傳🙇🙇🙇拜託拜託

叫左個滑蛋叉燒蝦飯睇相就知 哇d豉油多到食落真係好鹹成碟飯食緊豉油咁好似順興咁豉油另上咪幾好d鹹味真係蓋過所有野 好似d滑蛋都幾滑既😂不過真係無想像中好食 個人覺得順興好食d d蝦都爽d 同埋係依到食要好趕😂 d人會催你走 不過食左咁多豉油我都趕住去買返支水😀