삼삼뼈국

營業中

休息中

朋友推介，黎試新開呢間韓式脊骨湯店 （也可韓燒）環境唔錯，卡位好闊落。叫咗一人份的原味脊骨湯和辣味脊骨湯（有跟白飯）。原味我覺得湯底好夠濃郁，炆得夠淋脊骨離晒肉，正，朋友話辣味的夠辣。

第一次喺尖沙咀食過晚飯，今次喺旺角鋪食lunch環境幾舒服夠大，韓國奧巴服務態度幾好主動俾圍裙我，因為我着淺色衫。lunch set幾抵食份量好夠，最緊要冷氣非常充足

🇰🇷 韓迷注意‼️《SAMSAM 三三骨肉》（삼삼뼈국）旺角店正式登場！✨尖沙咀首店開幕時已經引爆全城，門外日日大排長龍～今次二號店落戶旺角，唔使再捱長龍都食到爆湯香氣💥 主打用豬脊骨慢火燉煮4小時嘅招牌清湯土豆脊骨湯，肉質鬆軟入味，湯底乳白濃郁，骨膠原滿滿，暖胃一流 😍 配搭三三烤肉、韓式辣味餃子麵等地道小菜，真係啖啖韓國味 ❤️ 喜歡韓食既你千祈唔好錯過！#mochicouple_hk旺角搵食團⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•ʔ ‧˚ 1️⃣ 🍲 清湯土豆脊骨湯（2人）($360)打開鍋蓋瞬間已經聞到濃濃嘅湯香💨 乳白色湯底足足燉足3-4小時，濃中帶清，一飲即暖胃～特別用上西洋菜代替紫蘇葉，多咗陣清新菜香 🌿 配料勁足：豬脊骨、薯仔、金菇、西洋菜樣樣齊 💰豬脊骨煮到一夾就離骨，肉質超～級軟嫩，唔會乾柴，仲帶少少筋位同油香，口感一流！🦴🧡 薯仔吸晒湯底精華，入口即化～湯底可無限refill，誠意十足 💯 我哋嗌咗中鍋，足足6大塊骨，加埋娃娃菜做free refill，好滿足！💕呢款真心係來到必食NO.1招牌菜，打邊爐以外的韓國 comfort foo

2個人叫咗2人份既燒五花肉，再加芝士泡菜炒飯。五花肉嘅肥瘦分佈適中，係我喺香港食過最好食嘅燒豬肉！仲有staff 幫手燒同埋幫手炒飯。另外旺角分店環境都好舒服，嚟緊會上嚟試埋牛骨湯！

之前喺尖沙咀食過一次覺得幾好，知道啱啱新增咗韓牛燒肉即刻嚟旺角店試吓。我哋八點幾嚟到，問咗店員收11點10:00 last order，叫咗個$550嘅韓牛同一個土豆排骨湯，上菜上得好快，加上我哋嚟嗰個時段全場只有一成顧客，心諗正，尖沙咀嗰間要排隊依間唔使。點知店員好熱情咁幫我哋燒啲韓牛，用咗5分鐘唔使嘅時間已經燒好晒成碟韓牛放晒喺爐邊，如果食開牛肉嘅人，應該知道啲牛Over cook會點樣,搞到我哋即刻夾都夾唔切放晒落個碗度，$550一碟牛肉，唔好諗佢係咪真係韓牛先啦，仲要佢有三款肉其中一款啲肥膏多到唔係正常人會選擇，成個用餐體驗好差，我哋都即刻咋咋臨食唔夠半個鐘都走，其實喺香港食飯都唔會諗啲咩俾咗錢顧客就係上帝呢啲嘢，但係成個飲食業寒冬都不無道理，咁多人返大陸食飯，其實有冇需要檢討吓？可能係公司策略要燒快啲等啲客人唔好坐咁耐要翻枱，講緊我哋係有九成都係吉枱。

第一次光顧食店，見到有寫食評送飲品，我當唔執輸，立即参加。環境乾淨，唔會感覺油立立，座位舒適。前菜有三款，醬料大約四款，其中一款係明太子。叫左一碟牛，會附送菇，生菜等等。另外有店員燒烤，非常抵讚。

🫧 最近同男朋友去咗旺角瓊華中心食呢間韓式燒肉，環境好高級，肉質又好靚！而且仲有店員幫你燒🤭推薦可以飲酒同朋友傾偈👍🏻😋✨三三韓牛（2人）呢個韓牛套餐真係全晚嘅亮點🤩🐄 牛肉質素極高，油花分佈啱啱好，切得薄厚適中👍🏻入口即化，肉汁鎖得好足💦，帶有陣陣牛肉香，食落好滿足！配菜方面有新鮮嘅生菜🥬，包住肉一齊食，口感清新又解膩份量啱啱好，兩個人食唔會太飽或唔夠🥩✨L.A. Ribs 肋骨肉質軟嫩，醃製得入味，燒烤後外層微焦，內裡Juicy，咬落有濃濃嘅炭燒香氣🩻🔥✨清湯脊骨面麵條彈牙爽口，脊骨肉燉得夠腍，輕輕一啜就骨肉分離，食落好有滿足感🍜👍🏻✨酥炸餃子餃子外皮炸得金黃酥脆🥟，咬落有「卡滋」聲，內餡係多汁嘅豬肉同菜，味道調得啱啱好，唔會太鹹🥰😋✨米酒米酒清甜順喉，帶有淡淡嘅米香🍚，入口好易飲，唔會太烈🤤✨Jim-beam highballHighball清爽又夠氣🧊，淡淡嘅威士忌🥃味同碳酸水好平衡，飲落唔會太甜或太濃，解燒肉嘅油膩感👍🏻

環境比尖沙咀好！比較清幽！有得book位，味道同尖沙咀分店一樣咁好！薯仔排骨湯好正宗！服務好周到！好主動勤快！主動加湯同埋小菜，有oppa在塲，交通方便，價錢適中，

名過其實韓國菜?!-旺角삼삼뼈국 Samsam尖沙咀嗰間分店，都訂唔到枱，見旺角都開咗間就試吓啦，依家唔係太多人，可能啱啱開未有人知道😅點咗辣味土豆脊骨湯，另外加咗土豆、金菇同西洋菜，仲有香煎韓豚肉片，蛋餅都煎得幾香，至於辣味土豆脊骨湯，個人就覺得普通，肉骨唔算太腍同入味，反而西洋菜配辣湯幾match🙂Overall, 普通😅唔知燒肉會唔會吸引D🥹

今次來訪位於旺角嘅韓國餐廳😚 餐廳裝修簡約富韓國特色，座位寬闊又舒適，好啱約大批朋友一齊黎食野兼吹水👍 先叫咗一份勁高質嘅三三韓牛😋 二人份量都非常多😆 職員會協助燒肉，火喉質素有保證👍 食落焦香味濃，牛香出眾，配搭香蔥一齊食，更添惹味🤤 香煎韓豚肉片同樣份量十足，大大塊香脆又可口👍 雞蛋嘅香與豚肉嘅鮮互相襯托，味道好夾滋味滿分😆酥炸餃子又一邪惡之作😈 餃子皮炸得熱辣辣卜卜脆😋 內裡肉餡鮮嫩多汁，鹹香美味☺️ 真係食唔停口咁正🌟 麵食㨂咗一客韓豚肉片冷麵😚 冷麵配料好豐富😍 有蛋絲、紫菜、青瓜、蛋餅條等等😍 與彈牙順滑嘅冷麵一齊食，口感味道都好出眾✅ 飲品㨂咗清爽解膩一流嘅果味汽水👍 柚子味甘甜清香，檸檬味酸香清新😍 兩款都同燒肉勁夾😘 

第一次食，估唔到清湯都好食！湯底裏面有四大嚿脊骨、薯仔、金菇、西洋菜，推介追加麵！吸埋個湯底好好味！下次會試埋辣湯。旺角店都好大好舒服，我哋大概5:30左右過嚟，基本上唔使等位直入

📍偶然發現呢間人氣韓燒店［三三骨肉］，紅磚土牆身配上寬落舒適氛圍，即刻忍唔住入去試試先! 除咗招牌韓式薯仔脊骨湯，仲有靚仔OPPA✔️ 親自幫你燒肉，幸褔感滿滿🌀 清湯土豆脊骨湯既然係招牌當然唔可以唔試! 豬脊骨經過3-4小時燉煮，湯底加入咗唔少配料 (金菇+超大塊薯仔+西洋菜芫茜)，豬骨肉香滲曬落成個湯到，清甜暖胃唔油膩。脊骨煲得軟腍，一撕就輕鬆骨肉分離🌀 三三烤肉 (豬肉) +追加韓牛薄切牛肉眼套餐會跟配豆腐磚+雞髀菇+大蔥+新鮮生菜，仲有一大棵韓式泡菜😻 OPPA燒得好專業! 燒得好有順序，有保持到唔會燒燶🙆🏻‍♀️ 韓牛薄切油花分怖平均細緻，朋友表示肉質嫩滑帶油脂香。OPPA 沒有加額外調味，只是裹上微熱的大蔥就好香✔️五花豬烤肉燒得啱啱好唔乾柴，美味肉味😻 OPPA細心烤熱泡菜，配搭油脂層較重的五花腩肉係perfect match ah! 非常建議加泡菜炒飯，店家的泡菜偏甜微酸，就算食唔到辣嘅朋友都handle到～🌀 香煎韓豚肉片韓式煎餅進化版😂 以雞蛋代替煎餅麵粉團，再將豬肉片放入中間成為夾心餡，如果放埋落烤盤暖一暖係美味加倍🙆🏻‍♀️餐廳位置便利，而且空間寬闊，都幾適合大型gat

三三價錢: $550/ $100/ $100/ $115好味程度: 4/5服務🍴: 4/5環境🗾: 3.7/5性價比🥢: 3.7/5回頭率😚: 3.7/5-三三之前係尖沙咀食過！而家旺角都開左了，仲要係瓊華成層，空間超大。馬鈴薯排骨湯係佢哋招牌，仲有燒韓🐮、唔同湯底的麵同餃子。店員會幫你燒曬所有韓牛，又可以係殘廢餐🤣 -✅2人份燒韓牛。呢個拼盤有3個韓牛部分，薄切牛肉眼、牛胸油、大廚推薦，當日有d似牛板腱！d肉色澤係超靚，好紅潤🥰雪花分佈好平均，而唔肥膩，同日本和牛係兩回事😛牛胸油比較膩，陣味有d臘鴨咁🤨薄切牛肉眼好嫩好食！牛板腱就卷住蔥煎🤪有d惹味的野係中間味道即刻無咁悶！-✅香煎韓豚肉片。都幾大份！將豚肉沾左蛋去煎，幾香口，而入面係大大片豚肉，唔會太韌。略帶小小肥膩，所以一定要配中間的酸蘿蔔條食！味道突出好多🥳-✅✅清湯餃子湯。估唔到幾鍾意呢個！雖然係清湯，但一d都唔淡，有啲似雪濃湯的感覺，飲到濃的牛骨味而之後唔會口渴👍🏻餃子好似我個拳頭咁大😳見到呆左。皮唔係太厚，餡都係好似平時韓國餃子的味道，偏重韭菜味😝-✅辣味脊骨麵。呢個味道其實就係排骨湯的湯底，但係迷你版！湯底小小辣，唔會太

泡菜好食，非常啱我們口味，酸甜剛剛好。份量兩個人啱啱好。服務態度非常好。之前尖沙咀分店已經想試，但實在太多人排隊。新店於假日5:30pm入座，不用排隊，還有窗口位!

兩公婆唔想燒肉，叫咗即食菜品1. 冷麵：比傳統韓式冷麵好食，加咗紫菜個麵酸中帶甜好醒胃2. 大醬牛湯：有白飯跟，味道正常但個飯太削，啱鍾意食軟飯嘅3. 湯餃：麻麻地，多肉少菜仲要機攪肉，無咬口，建議唔好叫主帶排骨同燒烤無叫，下次早啲嚟會試佢二人BBQ餐