旬. 食事處 (已結業)

同老公上年試過呢間小店，覺得又平又好食，之後亦有介紹同事朋友幫襯!自己都黎左至少5次，好可惜今次好失望!食物味道依然，可惜份量大縮水，而且仲收埋加一!今晚食左265，第一次食大約200蚊左右已經好豐富了，應該不會再有下次!今晚食左雞泡魚乾，吞會魚腩小卷，吞拿魚壽司，軟殼蟹卷，炸蝦壽司，油甘魚壽司，7味醬燒三文魚壽司，帶子壽司!味道同平時一樣不過不失，只可惜份量縮水，尤其係軟殼蟹卷，一見到，我地以為黎錯，點解走左樣？同枱上張廣告紙圖不一樣，再睇返第一次食張想，明明有7件，今日得4件，仲要有兩件啲肉勁少……所以我地決定無下次了!係香港想搵間價廉物美而且一直保持上準的餐廳真係有點難!

原本是日慶祝，但懶得搵地方就去左公司附近呢間日本料理，點左一啲壽司，再加左個全條鰻魚飯定食。首先黎左啲壽司，本來我記得自己無叫三文同油甘，問男朋友佢又話好似有咁就照食啦，點知中伏，原來真係黎錯野，俾左隔離枱個併盤我地，後尾有話我地知叫我地減返啲壽司，驚我地食唔晒，啲壽司其實不過不失，三文同油甘都食到魚香，其他就普通。之後黎左個鰻魚飯，明明寫原條，實際得半條，個陣因為個併盤嬲嬲地所以真係唔記得影相，仲加左個泰式魷魚刺身，個魷魚真係幾鮮都爽，唔似平時食個啲質素，但浸係個汁就濃味左啲。最後黎左軟蟹卷，個沙律醬同蟹子同樣搶左個蟹味，有點喧賓奪主。其他一早落左既壽司無再黎過，等到我地都飽左，所以就取消左了。值得一讚，侍應態度不錯，就盤攪錯左令到我地要取消，佢都算仲有笑容，令我心好過一點。

今次睇openrice之後就揀左呢1間食，果然唔錯，地方係迫D不過環境算清潔，服務唔錯，最緊要食物都好味。呢度等位係叫你留電話之後有位就會覆番你叫你。點了：燒鯖魚配飯，沙津配小食，加洲卷，軟殼蟹卷。燒鯖魚，幾好味，都唔係腥，魚皮還算是幾惹味，入口口感唔錯，整體可以啊。飯就沒有特別了，夠熱就好了因為真係好唔鍾意飯唔夠熱。沙津 小食都幾好味，特別係小食，真係幾好味。壽司方面，比較欣賞壽司飯係用人手整和壓的，而且飯都夠實唔散所以不錯啊今次無叫生既食物，所以就唔知刺生質素點啦。服務方面，主動加茶已經好好和有禮。唔一定話要笑住講既不過整體感覺舒服已經好。地方方面，店面比較小和迫一點不過今次呢一餐坐周邊既食客都有禮同有需要時都會讓一讓大家，迫少少都沒有問題。總結味道幾好，有質素。服務幾好，有點迫。

突然約食飯，唔知食乜好。要揾個位於九龍而地點方便，餐廳選擇多的，只得尖沙咀、旺角或佐敦。最終決定去佐敦的旬.食事處。好彩我地早到，剛好仲有一張4人枱。入到鋪頭，見到三色波波燈籠，令我回想起沖繩的居酒屋笑料... 坐底後，先點小食。炸雞、雞翼同鹽燒油甘魚鮫，作為傾計的小食就真係唔錯。跟住想食刺身同壽司，見到點菜紙上有好多選擇，都唔知點算…… 見到有深海池魚又想試吓，老闆見到我地4個咁苦惱，就建議我地要半條池魚，再點3-4項刺身，食完先再諗壽司。心諗咁都好，第一唔洗叫到成枱都係，第二可以黎個慢活晚餐 (因為响度食野冇限你食1·5 /2小時就要還枱)。 食完刺身，叫咗個清酒煮蜆間場。蜆夠大隻，冇煮過火，好味响呢個時候，覺得飽飽地…… 好彩冇一次過點晒所有想食的。如果唔係就太飽最後選咗12款壽司同2款卷物，好滿足!!! 其他就留下次食啦 咁抵食，一定會再黎!!

因為而家係附近番學 所以都會搵下學校附近有咩小店呢間日本小店 想試好耐 今日放學入去食 可能係閒日 唔多人 坐得好舒服 叫左個便當餐 有湯 前菜 前菜一點都唔馬虎 好好味 賣相好好 因為好多餐廳 所謂前菜都係好求其 但個沙津可以小點沙津醬就好了湯 就比較咸左小小主菜係牛肉飯 （ 實質唔係好記得叫咩名） 😂😂😂 不過味道好好 份量都夠 服務好好 走時發現仍地有外賣壽司賣 下次可以試下 😂😂PS 店入面冷氣都幾勁 要帶定外套。下次放學 會再試其他

Dinner with my parents at this little shop in Jordan. Just a random pop in but the food was surprisingly good and price are very reasonable. Alright planning my next visit.Highly recommend to order the whole-fish sashimi. After having the sashimi, you could request for tempura on the remaining bone and pieces.

有晚同朋友約食飯，有人介紹咗哩間日本餐廳，店有個阿姨好好傾啊超友好 成餐飯不停同我地傾計😂講返食物先，材料真係好新鮮 全部都即叫即做 落單後起碼都要等十至十五分鐘以上鐘意食刺身、壽司嘅話 哩間係其中一間幾就腳嘅餐廳、邊食邊傾下計飲下sake 可以坐上個兩三個鐘！

又又又來食飯，高高興興，未到先興奮難忘的美食、難忘的鱻；這次與母親大人、老婆大人、一家大小來嚐鮮。今日是星期六兼父親節前夕，未到晚上七點已座無虛席，好彩三日前已訂座，如果唔系就睇運數、有排等了！今次又食到新菜色，做食肆就系咁，保持水準之餘，又要不停創新，旬·食事處做到了“吃貨”是內地潮語，各處鄉村各處例，喜歡就好，懶理他人說什麼！香港就有這好處，集世界各地美食於一身的好地方，競爭大、進步快，汰弱留強現實得很，不多說了，看圖吧！

今晚一行六人心血來潮想吃日本菜，去老公一直想帶我去的日式居酒屋，試完之後我想不會再光顧其他的，因為它已成為我們指定的日本菜飯堂。真心欣賞Kan老闆對食物的堅持、創意，務求給客人最特色、最新鮮的食材，老闆煮甚麼，我們便吃甚麼，這是最令人期待、最有驚喜的。沒想到雞屁股可以如此好吃，拖羅、生蠔如此肥美，雞胸骨、燒魚、銀雪魚、大魚串燒如此嫩滑，依佐木魚、大蜆、魚湯如此鮮甜，就連雪芭也無懈可擊，Kan老闆也沒想到我們能吃那麼多，因為實在太美味了！若繼續飲獺祭，可能會繼續吃，明天就不能上班了！多謝Kan老闆的款待，也要讚賞店員的禮貌，店鋪不大，但不會有「歡迎光臨」的嘈吵聲，三五知己聚餐一流。

難忘拖羅的新鮮肥美，昨晚再次品嘗……拖羅雖沒上次的肥美，證明有緣才能遇上，但仍保持一貫的新鮮；初次試馬臉魚刺身，嘩、嘩、嘩，不得了，那種爽口彈牙、加上豐富魚油的肉質，噢……教人一試難忘；生蠔，帶著法國人的熱情，喚醒味蕾；有氣勢的加州反卷+鰻魚卷，食慾大增；炸南瓜的清新，配上炸芝士的濃厚，妙；不得不食的焗豬🐷軟骨，帶動味蕾的興奮；恰到好處串燒和牛粒+菠蘿鷄亦的香、甜，絕；豐滿的銀鱈魚扒，令人彷佛置身海洋，與魚共舞，高潮迭起；最後一份日式煎餃，再來份柚子雪皅，結束這晚的滿足

每年的開年飯，總是去酒樓食，今年有所不同，有親戚提出去旬.食事處，有人即刻問：識人？她更妙的答：唔系，連自己都未食過，但有朋友極力推薦。就這樣，戊戌年十多人的開年飯就決定在此吃。旬，在日本指新鮮，竟然敢用這個字？因我對日本魚生有個人執著，去之前看看食評，嘩，唔系化，個個都有贊冇彈，仲話食材好新鮮添，真系咁掂？首先，店面裝修精緻，物盡其用，干淨衛生日本人形容新鮮用～旬中國人形容新鮮用～鱻先上第一道：魚生拼盤，最突出是拖羅。早上才空運到港，強調並非常有供應，厚切之，肥美、入口溶化，全不覺膩，彷佛沐浴深藍海洋，與吞拿共舞，忍不住再加兩份……佐以極品清酒，魚香四溢，回味無窮……另一重點推介：炸三文魚頭下顎，強調不是常有菜式。剛上桌以為牛脷，試食，嘩，不得了，口腔充滿奧米加3，混著鮮味魚香，醉了……由於限載12張圖片，未能盡曬，哈！最後再試鮮果雪葩，不但是孩童們至愛，大人也搶著吃。溫馨提示：該店已可用信用咭結賬依依不捨，齒頰留香地滿足離開，期待下次再食……

今日經友人介紹黎到呢間小店，開頭見到鋪頭細細，人又唔多，坐低先覺有驚喜4條友，食咗牛，食咗條魚生，食咗條西京燒魚，拖羅入口無筋但有口感。條魚生食完再拎條骨去整個湯，好味一定好快再黎多次❣️

去佐敦護協shopping 買完東西就起附近餐廳醫肚🍽🍽我同家人決定想食日本野🍙🍙好多元化 好多選擇擺設亦都好清潔 企理 乾淨 簡潔👍🏻如果唔食魚生 壽司🍣🍣 都會有熱食可以選擇🍱🍱🍜🍜雞板煎得香 燒汁濃味 但雞塊分量得3塊 好少😩飯份量女士是可以 男士就差d由於唔夠飽 再追加左d壽司壽司整體係有驚喜 做得不錯擺設亦有花心思附餐加錢可以揀波子汽水室內環境好舒服 唔會好迫擺設有花心思❤️❤️好日本feel

生蠔做緊優惠，法國蠔188/半打，即開，海水味重，好岩我食(食左幾隻先記得影相)左邊係新鮮活魚刺身，師傅有講過係咩魚，不過我唔記得左。其他都好新鮮，三文魚size一d都唔細壽司d飯仲有小小微暖，火灸壽司係我最愛，燒赤海蝦大大隻，鹽燒三文魚腩入口即溶，仲有燒比目魚燒三文魚鮫，連平時唔多食魚既人都話好食，好滑我地幾個女仔想飲清酒，店員介紹左呢支，細細支，佢話容易入口，又真係幾好飲飯後仲有甜品，係雪葩，我食左個火龍果味，幾特別

非一般壽司舖第2次黎幫襯呢間舖頭了，第一次黎食，覺得d壽司刺身唔錯，走既時候見到吧枱有d魚show左出黎，問一問師傅，原來d魚係新鮮日本空運到，師傅即整刺身，咁梗係要下次試下啦～今日下午打電話去問左，會有新鮮魚返，即刻留個位放工同埋幾個刺身控同事落去食首先，我地二話不說就揀魚，嘩，真係好新鮮，師傅話，每一次返既魚都可能唔同，要睇下咩魚新鮮先返，可遇不可求。揀完就返去order d 壽司同其他刺身另外叫左一個汁煮牛肉丼，呢個丼非常出色，因為估唔到佢係用《和牛粒》黎整活魚刺身上場了， 靚到呢同埋只可以用一個字形容~《鮮》~