日本料理鈴木 (已結業)

懷石料理。精緻，細膩，優雅。作為減吃過後的第一餐，吃最好的食物，小口小口地吃，讓胃納慢慢適應，回復當年勇。第一道是上面放了海膽的溫泉蛋，加一點松露醬，下面墊著漬吞拿魚。除了吃意大利菜，不太喜歡松露醬，嫌太重味，蓋過其他滋味。這個就只有一點，輕輕地調味。流心蛋黃厚稠，海膽清甜的汁則較稀，配搭一流。第二道有兩個選擇。海膽下面是糯米飯，浸在汁裡，煙韌而不硬。另一款是菠菜蒸蛋配白味噌。三個食材的味道都很出，白味噌濃但不過重。五款刺身。帶子軟嫩。魷魚很黏，嚼勁一流。蝦亦黏滑又鮮甜。每一啖都是細膩的滋味。蕃茄切成粒，和牛油果做成沙律，是個清新的過場。和牛嫩又豐膩，肉汁豐盈。魚有兩款。右邊的燒完少少乾，少油脂的魚跟和牛成強烈對比。廣島蠔釜飯分成4碗剛好。雖然蠔不是特別鮮甜，但蠔的味滲入飯，吃起來很夠味，是很天然的調味。黏糯的飯，少少軟，不錯。茶漬飯，加芝麻醬是第一次。沒想到效果這麼好，飯沒被茶湯浸腍，清清的茶湯跟芝麻醬很夾。甜品有雲尼拿雪糕，水果啫喱配乳酪，一個清，一個濃，相映成趣。餓了幾天，還以為不夠飽。吃完甜品，才發現不知不覺地，胃已滿。大滿足。

聽聞金鐘香格里拉酒店灘萬料理的鈴木先生，在跑馬地經營日本餐廳。前幾天晚上，我便帶同家人來試試，我們一行六人點了周年套餐（店員說這是鈴木先生最新設計的menu），第一道菜式是我的至愛——海膽、Tuna和黑松露作的頭盤，非常美味，忍不住地另外再「散叫」一客，另外一道菜是Snow crab配上牛油果和蕃茄的沙律，也是要讚，好清新好回味！而且燒魚、和牛、刺生都很有水準，一邊吃一邊嘆著吟釀米酒，好正!!之後再來一道oyster釜飯和鯛魚茶漬飯（套餐有兩款飯選擇的)，簡直十分滿足，連平時不喜歡吃飯的小朋友，也讓著要添飯！不得一提，這𥚃環境舒適、店員友善，令人吃得開懷下次再想食懷石料理的時候，不用到金鐘了，隨隨便便地走到跑馬地這間日本餐廳就是！

上星期朋友介紹一間好味的日本餐廳，滿懷歡喜去試試，我之前睇過這間餐廳一啲食評都好像很好，可能當時太早去到出奇地沒有客人😨，一入到感到氣氛怪怪有點悶熱😥😥，不知依家係咪好難請人呢，一間日本餐廳都請一啲口齒唔清唔楚中文都唔知佢講咩侍應😤😤，平時去一啲平民餐廳聽啲所謂大陸中文我都可以接受，依家啲年青人返工係睇手機當工作一部份，我睇佢都唔係少女啦，仲要一路做嘢一路睇手機，呢到食一餐都要過千這服務我就真的不能接受😠😠雖然是朋友請但服務好似去食茶餐廳叫你食完快啲走，今時今日這服務態度真唉……，一路食要左閃右備，差點我全身都係酒，食物係一碟碟上，好像沒有大太驚喜，好似去飲一碟碟，食材都不算太差，啲碗碟都算幾靚，但係成餐都冇壽司食🍣，味道又啲好淡，又啲又好咸，我都唔知點講，不過我覺得一間好餐廳應該不會這樣做，佢呢到地方又難找，我朋友話係酒店啲人出嚟做應該會不太差，可惜原來都係平平無奇，加上服務無話可講，只係抱著太大期望希望可以食到好嘢原來只係空歡喜一場😱😱

今晚來鈴木試試新的菜單，除了Omakase Course,現在新增了A la carte。先點個兩個前菜🍅來一客刺身刺身新鮮貝類爽口是日廚師推介：鹽燒牛脷還叫了炸雞鰻魚天婦羅來送凍清酒簡直絕配最後來碗熱呼呼的稻庭麵🍜稻庭麵來了就急不及待吃掉湯也喝光光忘記影相添除了set之外現在又多了一個選擇

本人上星期惠顧這高級日本料理餐廳，本人以為會有高級的服務，可惜本高級餐廳的服務人員非常不專業，拿着纸给我說明食物的品質，為什麼不好好記住才给客人說明，豪不專業，服務員說得不清不楚，長到給我煩躁的感覺，一間這麼高級的日本料理應好好聘請一些專業的人才，我想好好品嘗料理師的食物也不能，服務員不停煩擾着我给我想快點食完就走，一餐2000元多的一餐給我這樣的服務真的不知所謂，希望本餐廳的負責人好好聘用一些好的服務員令本人會再光顧，有一點是好就是食品的質量不錯。希望再有光顧的機會。

一聽到鈴木師父自己開左一間即刻同老公過來一試，而家日本餐廳遍地開花，但保留傳統懷石料理做法卻不多，菜品好用心，食材特別新鮮，有水準！刺身處理得乾爽，元貝保留住最新鮮既口感，特別爽甜！特別係蒸糯米飯糰，搭配得太巧妙，一試難忘！飯後有水果仲有小丸子，小丸子個汁好特別，聽介紹係用兩種特別芝士打碎再加牛奶等材料， 係鈴木師父自己調出來既特別配方，口感似酸奶但又唔會太酸，清爽得來有好濃奶香味👍🏻鈴木師父話菜式兩個星期更新一次，希望之後可以再品嚐到！

終於有時間打食評啦⋯⋯同老公拍拖去搵好嘢食去咗跑馬地新開嘅鈴木日本料理食正宗懷石料理裝修簡單舒服😌充滿日本🇯🇵味道，我地選擇咗食由廚師👨‍🍳話事嘅餐服務員見到我懷孕🤰就問我有無咩特別要求，我就話唔食生嘅食物佢話無問題...會同主廚講日本嘅新年食品好好味日本湯....因爲我唔食生嘢，所以主廚整咗個天婦羅🍤俾我，好好味老公嘅刺身....老公話超新鮮....光朁豆....好得意好特別依個真係好好好好味....海膽蟹肉糯米蒸真係一試難忘炸魚....真係好個魚皮脆到真係未食過蠔飯💕士多啤梨大福

又到想食日本懷石既日子，唔想去灘萬，決定搵一間隱世既。搵到呢間chef 由灘萬自立門戶既玲木日本料理。入到去，有日本簡約餐廳感覺。叫左9道菜懷石。第一道前菜，日本海膽同豆腐，海水味濃，正！之後係三色sashimi, 拖羅不是頂級，但全部好新鮮。之後再黎咩呢？原來係香箱蟹蒸蛋，蟹肉幾甜，溶入蛋後可帶出鮮味。下一道菜是日本黑豆，好甜加上金薄，另有日本柿夾層芝士，仲有日本蘿蔔配烏魚子，傳統日本食法。蔡蘭都有介紹過喔！然後是什麼呢？日本芋頭配烤魚肉，這個菜的芋頭竟比烤魚更好味。再來是蟹肉配豆腐，食得出蟹肉很新鮮，但味道會是比較淡。之後的一道菜，記得食魚皮呀！這個烤魚，肉還是很可口，但師傅炸到個魚皮超級爽，非常香口，條魚嘅魚鱗不會除去，被炸到好脆，好好食。下一味菜，蠔釜飯，加上點香菜，師傅說明味道會比較淡，可以接個人喜好配漬物食。最後一道菜是北海道密瓜，是很好味，但不會好似靜岡密瓜咁甜。再配自家制芝士cream 及士多啤梨，不錯。總結，是非常好味及舒服既一餐。服務態度超好，師傅好好人，我推薦此餐廳給大家。

以傳統的日本料理和食為主，店主料理長有20年的料理經驗，在這裏能夠品嚐到很多傳統的日本料理，刺身，天婦羅，燒物，燒魚，煮物，蒸蛋⋯⋯所有料理都非常好味，店內環境高級隨和，小朋友也可，餐單有簡單的和食7品懷石料理980元及9品1280懷石料理1480料理長(omagase)，現在午餐星期一以外每天都有開，非常值得品嚐一下👍🙇‍♀️前菜，刺身，煮物，燒物，清燙，日本季節小食到最後的飯及甜品，一般食一個套餐都非常的夠飽和滿足在香港能做出這樣傳統和品質的料理非常少⋯⋯

由前菜到甜品，每一度菜色都好有驚喜😋冷盤海膽豆腐👍🏻海膽新鮮甜美。安康魚肝下面配上日式炸年糕😋魚肝鮮甜細滑。炸鰻魚👍🏻粉漿薄薄一層！好香脆😋湯清甜好飲。刺身新鮮👍🏻配上秋天的紅葉🍁靚生蠔配上廚師用心製作的汁整成啫喱👍🏻再來一個前菜+湯+甘鯛魚內讓了糯米飯配上蟹肉汁😋😋😋牛肉🐮沒有渣的牛肉入味好食最後來個甜品完美😋😋😋整體食物都好好味，看得出日本大廚對每一度菜的要求加上服務態度一流