日月星辰 (已結業)

開始對在市中心的食肆有點厭倦，有單車代步可以去遠一點地方吃飯，所以今日就來到大興工業區，看到一間很便宜的台灣小店。位置：可以乘輕鐵在石排站，正是在洋紫荊公園的對面，這一條街已有不同的食肆。環境：門口貼上月亮🌙和星球🪐，配合其店名，地下室空間頗大，環境一般，如藍領的打工飯堂，乾淨整齊。服務：因為大興村有多宗確診個案，都不想堂食，故外賣到公園吃，大部客人都是外賣。午市：有很多午市套餐選擇，而且加$12可選配特飲，我當然要加，好久沒喝珍珠奶茶🧋了。招牌滷肉拌麵 $43在白色的麵上舖有大量的肉燥、辣菜甫、粟米和半隻雞蛋等配料佐送，十分豐富。不過我發現將肉燥撈麵後，麵質變得頗油，所以肉燥不適合撈麵，撈飯才是一流。辣菜甫比肉燥更出色，又辣又爽口，非常好吃，不過麵的份量實在太多了，留在第二日再下辣椒炒過，少了油膩感，就更好吃。古早豬軟骨🥩燃麵 $53我喜歡其燃麵，因為有辣椒油和花生，拌在一起後更香辣，有半隻雞蛋和椰菜作伴菜，而且每塊豬軟骨都大塊，滷至肉質軟腍，而且甚為入味，好吃，即時全部吃完。起司粟米起司蛋餅🥚 $28已切開一塊塊，餡料豐富，粟米甜香配芝士很夾，蛋餅煎得夠香，不油膩，口感軟韌，抵食！

數月前，看到網友介紹了一間在屯門工廠區內的台灣菜餐廳。這次終於有機會一試了！2款麵飯的份量都頗多的。豬軟骨滷至肉質軟腍，而且甚為入味。拌麵質感帶少許煙韌，有肉燥、辣菜甫、粟米等配料佐送，十分豐富。另外還有半顆雞蛋。另一款就配了滷肉飯。個人覺得偏乾了一點，但加上了菜甫的香辣就生色不少。鹽酥雞再用紙兜盛著，入口脆香惹味。跟餐可以加錢配特式飲品。這一杯鳳梨柳橙烏龍山茶不會太甜，帶點鳳梨柳橙的酸香味，都幾解渴。他們的蛋餅皮是偏軟一點的口感，後來上網研究，據說是比較古早的做法。蛋餅內包著肉鬆和起司，半溶的起司與鹹香肉鬆結合，是一個無得輸組合。因為疫情的關係，筆者是次選擇了外賣，希望能有機會再到餐廳堂食一次吧。

講重點，今次試了兩款出品：起司粟米蛋餅鹽酥雞排拌麵起司粟米蛋餅整體：味道算是正常發揮，即叫即整，所以溫度是偏暖的，外層仍有脆的口感。未至於十分油膩，我是一個很怕油膩的人，算是勉強接受到起司：雖然有輕微拉絲，但不濃芝士味粟米：正常，無甚麼存在感餅皮：算是外脆內軟，不過不失蛋：有蛋香也有蛋味，但未至日本蛋般香濃鹽酥雞排拌麵整體：中規中矩，一個人吃一份應該會頗膩，最後媽咪都因為太油膩而有剩食麵體：偏淋，本人不太好，但媽咪表示不錯，她喜好偏淋的食物肉燥：幸好叫了店員另上，太油膩了！怕油人士慎選。味道正常，無過人之處，但算好吃的雞排：我沒吃，但媽咪表示過熟，入面比較乾柴整體來講，算是一間不過不失的餐廳，食物水準正常，可以一試。不過有一點希望店家多加注意，就是衞生了，始終疫情嚴重，希望大家都可以多多注重衛生！店員態度正常，如果客人選擇困難，會推薦下心水菜式。我希望支持小店，大家有機會就光顧一下吧！

日月星辰係屯門食飯，成日都係屯門市中心，紅橋同置樂，今日同突登走遠啲去到石排揾食，睇下有冇啲隱世小店。行過見到日月星辰，又見到佢餐牌又有台灣野食，於是就入去試下。餐廳好大，但一開始見到食客好少，都淆淆地。但之後陸續都有好多人入黎買外賣，就知應該係地點比較偏僻，所以比較少人。落單後野食好快就黎到。🇹🇼台灣腸(3條)有時有啲小食店會一直加熱住啲台灣腸，搞到好乾，但日月星辰冇呢個問題，台灣腸肉嫩多汁，好香肉味，好食！🇹🇼培根起司蛋餅蛋餅係我其中一樣最鐘意既台灣食物，呢到既蛋餅包得好實淨，唔會一夾就掉晒啲餡出黎。蛋餅外皮好煙韌，而且唔會落得油太多而令蛋餅太油膩。整體好香，而且同台灣口味好相近，如果個外皮再香脆啲就更好啦！🇹🇼鹽酥雞配肉燥撈面呢個便當份量好大，食一個就夠晒飽。肉燥好惹味; 鹽酥雞即叫即做，好香脆，調味有少少辣味; 份量多到食極都食唔完咁。 除咗雞之外，仲有半隻蛋，大量青瓜絲同菜，同少少辣蘿蔔，抵食到爆！🇹🇼骰子牛配薯格 骰子牛都似台灣夜市果種，唔會太大粒。雖然個樣似好熟，但食落都唔會太韌。而牛肉有少少筋膜，男朋友話好鐘意食。薯格又食極都食唔完。。。但食得出係新鮮炸出黎，加埋少少芝

香港少有平價台灣便當 雖然佢係地舖 但呢間店係你唔係呢頭返工真係唔知道有呢間餐廳 夜晚門外既星星裝飾發光可能會吸引到人入去食嘢店內唔算多人 係只有兩個員工嘅小店 有便當有蛋餅有鐵板燒有台式特飲 我哋叫咗一個鹹牛肉芝士蛋餅 同埋招牌鹽酥雞便當 配胡麻沙律拌麵 個面嘅份量多到食唔晒 胡麻醬唔少 一啲都唔孤寒 呢個便當上面有青瓜絲 菜圃 椰菜絲 粟米粒 同埋半隻蛋 賣相都幾靚㗎 鹽酥雞另上 就算我係堂食都係用外賣盒 我覺得鹽酥雞不錯 唔會炸都好乾 上菜嘅時候熱辣辣 又唔會太咸 個撈麵好彈牙 佢有烏冬揀嘅 下次先至試啦 個蛋餅幾有層次 先係一塊餅皮 佢唔算係酥皮 係軟身嘅質感 然後鋪一塊蛋 夾鹹牛肉芝士 因為熱辣辣嘅關係 啲芝士溶到拉絲 食落都幾香口 有啲似喺台灣食嘅街邊檔 我哋叫咗兩杯飲品 因為佢個餐係包埋嘅 但係特飲就另加錢 叫咗胚芽阿華田撞奶 同埋小芋圓紅豆冰撞奶 撞奶係質感厚身小小嘅奶 所以飲落去有少少杰身 我自己飲紅豆冰撞奶 覺得好好味 一路飲一路咬到d芋圓 鍾意食芋圓嘅朋友要試吓 兩杯飲品都唔會好甜 主要係奶味較重 有時行過想飲一杯手調飲品 可以不妨去呢度試吓台灣味道嘅飲品

石排工廠區餐廳一直都係以茶仔為主，而家竟然有間台式，緊係要試試。雖然裝修都係好茶仔🤣不過食落係台灣味呀下～⚫️台灣腸刈包成個包都好多料，個咀細啲都食唔到呀🤣🤣所以我食到雞手鴨腳咁。⚫️鹽酥雞配肉燥飯便當雞粒多到食極都食唔完，炸得好酥脆。個肉燥飯都好惹味，仲配埋半邊蛋。不過有啲意外唔係滷水蛋。⚫️炸薯條就薯條囉，份量超級多

因為男朋友工作室係工業區，所以有時都會係附近搵下野食😂只不過工業區不外乎都係茶記⋯偏偏呢度就有間台式餐廳😍！於是就決定入去試下～.呢度既野食唔算貴 所以就嗌多兩樣小食試😈講左個主食先～均可配飯或拌麵～我地都揀左麵配菜份量超多⋯有肉燥，半隻蛋，菜甫，粟米，青瓜絲⋯齋食啲配菜都飽😂我揀左香油手撕雞 勁香麻油味！！撈埋麵一齊食一流～成口都係麻油香味🤤男朋友就食芝士漢堡扒，有兩塊煎到外胞內軟，咬開係流心白芝士🤤跟餐既野飲加左錢（$12）轉特飲係蜜桃柚子冰茶 好好飲😍仲有啖啖柚子肉添小食方面叫左玉米起司蛋餅，台灣腸同鹽酥雞～.蛋餅幾香，超級足料😧不過所以咁就好容易一夾就散～跌哂啲料出黎不過依種狼狽令我好滿足😆台灣腸（$25）好正宗～無肥肉係有種好香既肉味！！鹽酥雞（$25）即叫即炸～但食落唔會成口酒落返多少少鹽仲惹味添呀😍總括呢間工業區小店野食幾有心機，性價比高，下次會想試埋刈包同泰仔咖哩😛✨

今日我家老闆偷懶唔煮飯，所以就同佢出去搵食行到「日月星辰」門口睇吓餐牌好似幾吸引喎，就決定入去試吓。點解會咁嘅，一個食客都無心不停盤旋食好唔食好呀？算啦！都入左黎就咁走返出去都幾樣衰，就比次機會佢試吓啦我地叫左「滷肉酥炸大雞扒飯+青咖哩鹽酥厚豬扒飯」，飲品就「百爵茶+芒果乳酸梳打」。餐好快就送上，綺！單睇外表唔食得都睇得下喎先講滷肉飯先，用左紙飯盒外型好似台式便當，而餸菜擺位幾好，四個角分別放左「紅蘿蔔椰菜絲、青瓜絲、粟米🌽粒同辣菜寶」，中間就係滷肉飯面再鋪上大雞扒。先一口滷肉飯，好好味喎，港式滷肉飯夠濕唔咸，唔似台式咁多肥肉，啱我口味。雞扒炸得脆、唔油，雞肉仍好Juicy, 配上四個角嘅配菜，口感多左豐富左而青咖哩果盒睇落就麻麻地，但食落原來幾好味，有辣味之餘仍有青咖哩嘅香味，豬扒一樣炸得好，肉唔會嚡十十。芒果乳酸梳打飲落好飲玉泉忌廉加咗芒果糖醬，ok 嘅但要加$12 下次會試其他，而百爵茶就唔需要介紹啦整體：睇人唔好單睇外表，今次都係入到店比佢嚇親，令我懷疑自己嘅選擇，但原來係好嘢，差啲走寶以這個價錢有這麼好嘅出品，超值！（臨走前店員同我哋講下次再見，我回應佢一句「一定」P.S.

呢間台式餐廳位於屯門工業區，輕鐵石排站附近，平日有唔少係工業區返工嘅打工仔幫襯，晚市亦有唔少外賣生意。餐牌有多款款款式選擇，例如台式火車便當、台式蛋餅、台灣刈包、士林夜市小食，除左台式餐牌，亦有泰式青咖喱系列和日式便當。😋我地叫左2份台式火車便當、1款小食同蛋餅。🌟酥炸大雞扒配古早滷肉飯便當份量超大份，雞扒炸到皮脆肉嫰，入口juicy，雞扒亦都好大塊🤩，而且令我好欣賞嘅係佢有唔同款式嘅蔬菜，如青瓜絲、紅蘿蔔絲、粟米粒，可以吸收多d維他命C同纖維，而蔬菜更加可以減少炸物油膩感，能做到平衡，實屬難能可貴。👍🏻👍🏻👍🏻仲有滷蛋同台式菜脯，食落口感豐富。滷肉煮得好入味，仲見到粒粒嘅肉碎，撈飯食一流🤤🌟招牌鹽酥雞配古早滷肉飯鹽酥雞粒炸得好香口，唔會太鹹味道啱啱好。雞粒份量好多😗，同酥炸大雞扒便當一樣都係有滷蛋同各款蔬菜，便當非常豐富🥰便當包一杯高山無糖冷萃茶，可以簡烏龍茶、伯爵茶、茉莉茶。我地簡左伯爵茶，冰凍伯爵茶解渴，亦可中和油脂，唔錯唔錯👍🏻👍🏻🌟培根起司蛋餅蛋餅內包左培根同芝士，食落夠熱，好有台灣風味😋🌟美式芝士條芝士條吃一口已經可以拉到長長嘅絲，配埋沙拉醬，口感好正！🥰

店名「日月星辰」。位於工廠區，石排站行去工廠大廈嗰邊地舖。落樓梯，入到店舖，差啲以為自己去錯地方。似工廠食堂既裝修。😅我係因為佢係食台式食物，所以我先過嚟，所以一下子唔能夠將眼前景象同台灣融合。自己搵個位坐低，打開餐牌。一道道的台式食物名稱進入眼簾。因為係第一餐所以隨意叫。 當食物上到枱面嘅時候就知道gg了，太多了吧。🙈👍雙層起司蛋餅$28跟餐+$25：薯條&百香果茉莉花茶👍招牌鹽酥雞$25真係好大碟。👍原味台灣腸$25店舖開11:00am-10:00pm

去屯門工廠區個邊辦工事，又未食lunch，所以就四圍睇吓有乜好食啦，左睇右睇間間都好似唔係好有興趣，最後比「日月星辰」呢個名吸引左入去。店內裝修簡約，座位亦都寬敞，餐牌內的選擇很多，價錢方面非常大眾化，實在是平民良品。青咖哩手撕雞飯 - 一啲都唔姑寒，比左勁多手撕雞，而個咖哩汁亦都好入味，作為lunch黎講，都好夠飽。雜果格雷伯爵茶 - 茶味勁濃，甜度亦都剛剛好，沒有加大量糖水的死甜感，比想像中好飲。下次同朋友係附近食飯，呢間會係其中一個好選擇。

今日同朋友做完yoga 係附近工廠區試左間新野 我地就係比個靚靚招牌吸引左入去有星星同月亮ge招牌 古早滷豬軟骨滷肉飯＄53豬軟骨大大件 有起碼4，5件 好入味 d滷肉好好味 d配菜粟米菜浦都好正 食呢個飯都食到好飽 好滿足肉鬆起司蛋餅配薯條＄57蛋餅好香 好有台灣ge感覺 薯條好香脆 上面有d芝士粉 好夾 食到我停唔到口 蜜桃柚子烏龍山茶 跟餐加＄12我叫左呢杯 好香好清新 一d都唔會太甜 岩岩好草莓格雷伯爵 跟餐送朋友叫左呢杯 佢話好香好好味 一樣唔會太過甜招牌鹽酥雞 ＄25呢個鹽酥雞果然係招牌菜 炸得好香脆 大大碟 熱辣辣 好好食呢間餐廳d坐位好闊落好好坐 最緊要呢間d食物真係好抵食 性價比極高 同埋呢度ge全日早餐只係五十幾蚊 下次一定要試埋 超推介

之前想試好耐，但佢哋因此牌照問題冇開十四日，睇到佢地開返一於去試吓入面啲佈置幾特別，好有工業風餐牌好簡潔一啲都唔花巧簡潔易明鹽酥雞肉燥飯鹽酥雞一口一啖，外面脆卜卜，入面啲肉汁好juicy 味道好正宗，令外仲有滷水蛋同椰菜味菜青瓜絲果啲，呢個便當份量十足，超滿足香酥雞扒滷肉飯雞扒煎到好脆口，外脆內軟便當同台灣食果啲一樣既感覺，一解思鄉情懷炸魷魚鬚呢度既魷魚鬚係細細條嗰啲魷魚，炸到勁香脆送酒一流七味粉薯條原來七味粉配薯條係可以咁夾

屯門工廠區台式飯堂【#日月星辰 】正宗泰仔青咖喱飯配香酥大雞扒 $48估唔到個青咖喱都幾好味，大大碟之飲少少甜少少辣相信好多人都食到嘅啲汁都夠撈飯超級夜魅然後雞扒都唔會太過硬仲有啲椰菜青瓜粟米增加返個口感～特飲加$12 草莓乳酸梳打乳酸味好重解渴一流唔會太甜招牌鹽酥雞 $25一粒粒冇骨嘅咁就可以入口啱晒一家大細仲有甜酸醬寶島花枝丸 4粒 $25每一粒都好彈牙好咬口之餘肉味非常豐富台灣腸 3條 $25外皮超級脆熱辣辣 真係台灣嘅味道啊！加$25星級皇帝套餐、附送金漿脆薯條🍟及特飲蜜桃柚子烏龍山茶柚子味好重反而烏龍味就冇咁出啦📍日月星辰 (屯門)屯門石排頭路7號德雅工業中心A座地下C1-C2號舖

叫左份無骨黑椒咸豬手無味乾爭爭 0咸味亦食唔出黑椒味食緊劣質燒肉咁承惠$75仲叫左個肉燥雞飯～ 啲雞肉乾+柴+un菜甫就幾高質爽口夠味夠開胃不過個場好多蚊吱仔飛黎飛去總結：不太滿意