日月堂

營業中

休息中

又嚟觀塘工廈食飯，今次到訪呢間位於永興工業大廈嘅台式小店。之前試過佢嘅牛肉麵，質素好好。餐廳地方都幾大，食客都唔少。餐牌主打湯麵、拌麵、便當、小食及甜品等，仲有唔少得嘅台式飲品。清燉半筋半肉麵（$75）- 湯底非常濃郁，牛筋及牛肉好入味，配搭粗身，入口非常彈牙嘅麵條。鍾意食牛肉麵嘅朋友必食。牛三寶麵（$80）- 三寶包括牛腱肉、牛肋條同埋牛筋，仲有紅蘿蔔及蘿蔔，材料非常豐富。麵條及湯底同半筋半肉麵相同，真心好味。家鄉水餃（$40）- 呢個水餃充滿驚喜，鍾意佢嘅肉唔會太肥，加埋薑蓉響入邊，簡單得來好味，真係好有自家製水餃feel。宜蘭花枝丸（$38）- 花枝丸入口爽口彈牙，外層炸咗令口感更加有層次。一客共五粒，兩三個人share食就啱曬。

再次去「日月堂」食飯，佢哋台式麵食真係唔錯，而且餐廳環境舒適，氣氛輕鬆愉快，好適合同朋友或家人一齊去👍🏻紅燒半筋半肉麵同牛三寶麵，兩款麵食都煮得恰到好處，湯頭濃郁，肉質鮮嫩，真係太好味啦！😋酥炸魷魚更是一個令人上癮嘅小吃！外脆內嫩，每一口都充滿著鮮味！🤤玉米起同蛋捲餅仲係一個絕配，餅皮鬆軟，內裡的玉米和蛋捲口感豐富！凍荔枝魟茶同凍黑糖珍珠鮮奶，清涼又好滋味！🍜🦑🥛日常開飯好地方👍🏻

朋友鍾意食台灣嘢，咁啱發現觀塘有呢間好似幾出名，7pm幾上到嚟已經有成十幾人喺出面等緊。員工效率好好，等咗一陣間已經入座，我哋對食物嘅查詢佢哋亦都好有耐性咁解答。朋友愛辣今日叫咗比較多麻辣食品。麻辣臭豆腐 $38麻辣鴨血 $48麻辣餛飩拌麵 $55滿足曬佢嘅辣癮，同感受到滿滿嘅台灣風味。而我點咗鹵水雞亦刀削麵$60，湯底濃鬱雞翼亦都醃得好入味。叫左杯凍鳳梨綠茶 $20，都清甜好飲!難得喺台灣店度有愛玉凍$30食即刻點返個甜品冰涼一下，蜂蜜加檸檬底好清新好消暑👍🏻。

今日喺觀塘收工，屋企冇飯食都係食埋嘢先返去，其實觀塘真係冇乜選擇，唯有真係搵吓工廠大廈有啲乜嘢食，突然想食台灣嘢見到呢間嘢都好多人推薦。好耐冇食過台灣嘢啦，叫啲小食試吓先。首先點咗個酥炸魷魚（$48）同宜蘭花枝丸（$38）果然就係台灣小食嘅味道，花枝丸真材實料，每一啖咬落去都好彈呀。真係又魷魚鬚反而爭少少味道，可能以前喺台灣食嗰啲實在太重口味😂另外叫咗個滷肉蔥油拌麵（$54），好大份呀，好彩係兩個人share食，一大碗嘅滷肉，撈落個麵度，根本就係肉多過麵。另外口痕，叫多咗個芝士肉鬆蛋餅，其實真係好耐冇食過啦，芝士同肉鬆係最好嘅配搭，搞到好想去台灣。今日有啲涼涼哋，叫咗兩杯熱嘢飲，叫咗個百香果紅茶（$26）同埋桂圓薑母茶（$20）百香果紅茶酸酸美味，勁開胃，個friend有啲唔舒服，飲完薑母茶之後，好暖胃。其實我覺得佢啲飲品好高質，同出面啲茶飲店有得揮，絕對可以當係茶飲咁樣拎走外賣。

【日月堂】又双叒去觀塘工廈尋美食啦😍@sunmoon_402c 係一間幾出名嘅台式料理 #良心小店 🇹🇼💛環境又坐得舒服，性價比極高❕️.🍴紅燒半筋牛肉麵 (轉冬粉) - 💰80轉咗冬粉，唔同平時一條條好幼粉絲感覺，而係好似河粉粗度嘅彈牙麵質🍜牛肉燜得好腍，筋大舊又好嚼，湯底非常濃郁 (不過個人就覺得偏鹹咗小小🙈)，另外仲有小量配菜，全部都好入味🥕🥬 🍴麻辣鴨血麵 (轉刀削麵) - 💰75兩碗比較之下，自己鐘意呢碗多d😋👑轉咗刀削麵，麵條又Q又有彈性，鴨血都煮到好滑好彈牙又多粒，一d都唔散🦆湯底辣味夠勁，一啖一啖都係麻辣香味，超級惹味🌶 🍴起司肉鬆蛋捲餅 - 💰40蛋捲夠鬆軟嫩滑，帶有鹹香嘅肉鬆同香濃嘅芝士，配埋微微焦軟嘅餅皮，味道層次豐富又開胃🍳 🍴滷水豬大腸 - 💰39台灣菜嘅經典，豬大腸滷得入味又夠腍，啖啖都係豬腸嘅鮮味，非常下飯🐷 🧋熱茉香奶綠 (微甜+胚芽) - 💰26熱茉香奶綠，叫咗微甜但茶味依然好出🍵仲加咗有滿滿粒粒胚芽，添加香味又多咗層口感🤎 🧋凍香芋奶茶 (少冰少甜+珍珠) - 💰31叫咗少冰少甜，覺得比較淡咗d🥲可能叫番普通芋頭香同奶味會更加香濃，不過珍珠好Q都唔錯，

又想吃牛肉拉麵，於是同閨蜜專登再來觀塘日月堂吃，因為這間店的牛肉麵量大味道好！麻辣牛肉麵有大大塊的牛筋和靚花紋的厚厚牛肉，大半碗都是香嫩多汁的肉，真是好抵！夾起拉麵時立刻被濃郁的香氣和辣味所包圍，令人興奮不已！吃完嘴巴留香，回味無窮！虎咬猪配蕃薯條菜名好得意的肉夾饃，外皮白嫩細膩，中間夾住兩塊香肉和淡黃色的酸蘿蔔，咬起來既鬆軟又香！番薯條炸得金黃有光澤，外脆內軟，香脆甜美！玉米起司蛋捲餅一咬下去就能感受到起司的融化和濃郁，玉米的天然甜味和清脆口感為整道菜帶來了自然的甜美，蛋捲有豐富的蛋香和柔軟口感，美味可口！愛玉凍甜品果凍柔軟有彈性，充滿果香味，新鮮的蘆薈粒水分足夠好順滑，有蜂蜜的甜味！青檸的味道增添了一抹酸爽和明亮的風味。

朋友介紹我去觀塘工廠區覓食🥰🥰日月堂主打台式料理，當然唔少得各式各樣嘅牛肉麵啦，同埋台式飲品餐廳仲提供好多小食添呀，大家睇吓餐牌！每張枱嘅枱面仲有唔少調味粉，可以供大家自行調味😎我為咗滿足慾望，就叫咗牛三寶麵，貪佢有牛鍵肉、牛筋、牛肋條，因為我第一次食可以試晒三款唔同嘅牛呀嘛！😘😘我仲叫咗酥炸魷魚🦑，見到隔籬枱嗰碟好香好吸引，點忍得住呀！仲叫咗杯黑糖珍珠鮮奶😄😄牛三寶麵- 牛鍵肉、牛筋、牛肋條- 牛嘅份量唔少啊，每款牛都至少有兩件起，仲有紅蘿蔔同白蘿蔔添！湯底亦都好濃，但有少少梅味，有少少酸味幾特別幾好味，大家可以試吓！😄😄酥炸魷魚- 好正啊！份量好多！佢唔係平時喺茶樓食嘅炸魷魚🦑係真有台式風味係酥炸係有九層塔調味㗎 ！🤣真係好好味！黑糖珍珠鮮奶- 我慣咗一日一杯珍珠奶茶🧋呢到有鮮奶㨂！黑糖味濃，珍珠有咬口，飲得更開心健康🥳日月堂 (觀塘)觀塘興業街14號永興工業大廈4樓C2室

觀塘不嬲都出名多嘢食，前幾日喺觀塘放工同同事搵咗間台灣嘢食，估唔到唔喺駱駝漆喺其他工廈都會搵到一間咁出色嘅台灣嘢食。紅燒半筋半肉麵一上桌，碗麵嘅香氣就扑鼻而來。麵條煮得剛剛好，帶有彈性卻不會太軟爛。湯頭色澤紅亮，濃郁的紅燒味道讓人回味無窮。筋肉的部分經過細心燉煮，口感鮮嫩多汁，好似喺口入面溶咗咁樣。起司雞排麵佢一送到過嚟嘅時候即刻俾佢個芝士雞扒吸引咗，超級大塊，最後係飽到食唔晒添！而個面就好似正正常常嘅紅燒牛肉麵咁樣，唔算特別出色，不過都好好食。台灣肉腸食台灣嘢又點會唔食台灣腸？香腸煎得微微焦脆，肉汁豐富，加上佢會配咗一啲嘅蒜，搭配住一齊食更加好食。玉米起司蛋捲餅蛋捲餅外表金黃酥脆，切開後散發出濃郁的玉米和起司香氣。個份量亦都算係啱啱，兩個人叫嚟做小食份量絕對係一個唔錯嘅選擇。而佢嘅特製醬汁配上玉米同埋芝士亦都好出色，絕對會推介呢個蛋餅。

去完台灣旅行都會掛住台灣野🥜駱駝漆附近🥜環境舒適🥜7:30食完走嗰陣見到好多人排隊清燉半筋半肉麵$75⭐️⭐️⭐️⭐️⭐️🥜超多餸🥜湯濃郁🥜減肥可以食曬d筋 🥜牛腩就少吃麻辣鴨血麵$70⭐️⭐️⭐️⭐️⭐️🥜有驚喜 🥜個樣以為唔夠味 點知食落唔會太辣又夠麻🥜比我想像中嘅唔油酥炸魷魚$48⭐️⭐️⭐️⭐️🥜我鐘意鹽酥嘅脆漿起司肉鬆蛋捲餅$40⭐️⭐️⭐️⭐️⭐️🥜超足料🥜如果有薯餅蛋餅就正凍仙草奶茶 少冰走甜$28⭐️⭐️⭐️🥜仙草都係減肥好朋友 代替珍珠凍黑糖珍珠鮮奶 少冰少甜$34⭐️⭐️⭐️🥜珍珠好夠黑糖味

呢間位於觀塘工廠大廈嘅台式餐廳，咁多好評支持！嚟到觀塘就梗係要試一試。一定要讚下店員嘅態度&服務，我喺門口等朋友嘅時候，會叫快啲入去坐低等，又唔會俾壓力要即刻落單！鐘意午市套餐送嘅冬瓜茶👍🏻👍🏻👍🏻甜度岩岩好，凍但走冰粒飲落暢快，唔使驚愈飲愈淡。*鹽酥雞滷肉飯鹽酥雞炸得酥脆，鹹味亦啱啱好。大推呢度嘅滷肉！肥瘦比例剛好，最欣賞肥肉部位🔥喺我食過咁多間最軟糯、入口即化，好正！*清燉牛肉麵牛肉就算大大舊都燉到好軟腍！仲要吸收哂湯嘅精華，讚👍🏻*甜不辣（午餐優惠加配+$18）前菜都會有甜不辣，但凍哂變相麻麻地！但加配嘅甜不辣就夠哂熱辣辣，除咗蘸醬外，仲可以加少少鹽酥粉，味道更加正。

再次到訪日月堂，水準依舊。🔅紅燒牛肉麵（$7️⃣0️⃣）今次試了冬粉，口感彈牙，雖然不像麵一樣索湯汁。但牛肉麵湯底本身相當濃郁，反而覺得配冬粉更合適。🔅起司雞排便當（$6️⃣3️⃣）KK指定要食，但實在相當邪惡。拉絲芝士再配上煎得香脆的雞排，超高卡！但實在好吃，不能抗拒。🔅黑糖珍珠鮮奶（$3️⃣0️⃣）轉熱飲也很不錯，珍珠相當更淋，每次來必點。雖然今次也有叫小食，雞翼和花枝丸，但相對沒有主食出色，反而可以嘗試叫蛋餅，因為都見到多人點。而且客人多，店員手腳也更快，大家記得快快吃完要離座。

午市和同事來吃飯，滿滿台灣的味道，先叫了牛三寶麵（有牛筋條、牛筋和牛腱肉），首先湯底濃厚，刀削麵底是很有質感的，牛筋條和牛筋也非常爽口Q彈，牛腱肉也鬆化即溶。朋友叫了紅燒半筋半肉麵，這更加出色，牛腱肉非常嫩口，牛筋同樣精彩。飲品選了凍黑糖珍珠奶茶，有濃郁的茶香味，珍珠彈牙，味道回味無窮。

雖然係🇹🇼台灣返黎無耐，但已經念念不忘😍今次同朋友喺觀塘見到呢間小店，餐廳環境舒適，坐得又舒服，而且食物都算多選擇，性價比好高啊👍🏻---🍜紅燒半筋半肉麵紅燒牛肉煮到好軟熟，湯底好濃郁，麵身好彈牙，好好味。--🍖台灣香腸多汁又香脆，切埋片，好易入口。--🍚手工滷肉飯（大）滿滿嘅滷肉，份量都多，味道濃郁，加埋蛋同酸菜，一啖一啖停唔到口。--🫔肉鬆蛋捲餅肉鬆加芝士好襯，外脆內軟熱辣辣的好味道。--🧋仙草奶茶滑Q順口嘅仙草凍，加入奶茶，真係甜而不膩。--🧋黑糖珍珠奶茶又滑又濃香的奶茶，配埋黑珍珠的煙靭口感，好好飲。鐘意台灣美食嘅你，就唔好錯過啦🥳==============================📍日月堂觀塘興業街14號永興工業4樓c2室==============================

今日第一次一家人去食叫左個紅燒半筋半肉麵自問都食得咸味，通常食湯麵我都會飲啖湯試下味他媽哥池個湯咸撚到喊即刻問服務員呢碗麵個湯係咪咁咸佢答我係，好！算Q數另外叫左麻辣牛肉麵，個牛肉即刻牛展係幾好味仲有叫左鹽酥雞同炸魷魚鬚，珍珠奶茶同香芋奶茶唔知係咪個湯影響左我味覺，我食咩都覺得好撚咸珍珠奶茶算好味，香芋奶茶我直頭覺得唔知飲緊乜野心諗呢間野有好幾食丫，真心冇下次最重要反到屋企痾左我兩次，我個囡都係痾我太太仲嘔，得我最細個小朋友冇事嬲到我即刻註冊做會員都要出黎講下我既感受！

朋友強烈推介，又平又好食嘅台灣菜！必食牛肉麵，牛肉份量多到好誇張，食唔晒，最緊要係真心好食，又淋，又入味，但又唔會一入口就散晒，冇口感，鐘意食牛肉嘅一定要叫。個麵煙煙韌韌，有咬口，好好食。個人鐘意冬粉多啲，可以掛多啲汁，好正。小食試咗臭豆腐，係用百頁豆腐整，鐘意食百頁豆腐就啱晒。炸魷魚腳炸得好香口，仲可以自己加多啲味粉，必食推介。飲品平過街買，而居然係高與嘅，鮮奶珍珠奶茶同菠蘿綠茶都好得。最後想讚下服務好好，有笑容！