1
1
0
以上資料只供參考, 請與餐廳確認詳情
工作中午餐，發掘啲新餐廳，去到已經兩點，分開兩邊店面，一邊連廚房，一邊淨座位！門面殘舊，燈光都熄咗，依靠自然光，桌椅都舊，傳統茶樓餐具，比較污糟，仲有食物殘留，阿姐已經比埋滾水我哋洗餐具，無比餐牌，阿姐話一般炒粉麵，蒸飯賣晒！飲品有茶同汽水，西茶就要去旁邊另一間餐廳叫！我哋睇牆上嘅餐牌揀好！臘味飯+忌廉汽水（$46）刀功靚，三款臘味，臘腸香，偏肥，有𡁻口，潤腸濃濃嘅潤味，加咗酒所以唔腥，臘肉瘦肉就太硬，硬到柴皮咁，白飯鬆軟，加啲豉油撈幾好味！菜心一條爽口！咖哩牛肉飯（$38）食咗塊牛肉，咖哩汁幾香唔辣，牛肉有同鬆肉粉喇過，肉味欠奉！食物ok，店員好熱情，主動比晒紙巾及洗碗水，介紹食物落力！環境一般！
繼續閱讀
是日早上, 抄了小路而行, 幸運的, 避了粉嶺公路的交通意外, 不用塞. 而且因為行開小路, 就沿著舊路入新田吧. 到了古洞南既路口. 想起古洞街市. 就拐過去, 提早試食古洞的一眾食肆.福利冰室, 10月來探路時已經嚐過. 今次再來, 而且夠早. 有茶樓的, 就來輕輕鬆的飲番個早茶. 早上的茶樓仔, 也是老人家同車佬居多. 也有不少住在附近豪宅的師奶大姐. 早餐的一人茶, 叫了一壺壽眉, 叫下一個排骨飯, 叫多一籠燒賣. 古時的一盅兩件, 又重現在我的眼前. 一個大蒸籠, 內裡除了一碗碗的排骨飯, 仲有好多不同種類的點心. 我來到時已經9點. 幸運的, 我叫到的燒賣原來是最後一籠. 9點打後, 點心賣哂就算, 中午, 食小炒同燒味飯吧.排骨飯, 細細碗, 非常之有風味. 生米蒸熟的飯, 特別有口感, 豉油一樣是分開上, 要幾咸幾甜, 隨意. 而燒賣, 肉帶有鮮香味. 淡淡豬肉, 不肥, 有沒有味精我不知, 總之食落鮮味十足. 味道夠香口, 沒有過份使用肥肉. 質素不錯.結數時, 有獨自的茶水, 但茶錢沒有收......是算錯了嗎??? 若不是, 實在是實惠非常.飽了, 一巡熟食中心的其他食肆. 行了一圈, 只有日昇同福利沒有招人的貓.....不計那早上不開的泰店. 呢兩間, 應是古洞街市的代表.
繼續閱讀
您可能會有興趣的...