影片
以上資料只供參考, 請與餐廳確認詳情
日日食的飯糰🍙真係令人回味無窮🤤佢哋的飯糰都係即叫即做，等左5分鐘，新鮮製作的飯團就誕生啦！因為餡料多，食落好有層次好有口感😍飯糰淡淡醋味，配上新鮮食材，真係獨一無二咁好食！我今次揀咗店主的特別推介：泡菜飯團🍙（使用多種不同新鮮食材製成，包括青瓜，冬菇，泡菜，香酥❤️）如果想搵啲特色小食，一定要嚟華都一兩47 A度幫襯，佢仲有好多特色飲品，例如露兜水，可以清肝熱。#香港美食 #美食推介 #窮遊 #食 #美食 #eating #日日食 #荃灣 #荃灣美食
繼續閱讀
佢位於一個都幾隱蔽嘅位置係其中一個商場與商場嘅接駁位之間嘅露天地方外面有兩張小檯子飯團有多款選擇....唔知選擇邊款好既情況之下揀咗原味飯外面有啲飯素入面好足料..靑瓜..肉鬆..菜脯...冬菇..加埋醬汁超正👍👍👍另外見到佢個冷麵都好似好吸引叫多個粟米蟹棒冷面配麻醬有好多青瓜⋯⋯好清新❤️飲品方面見到佢有幾款自家製嘅健康野其中露兜水因為未見過又味聽過就試吓佢甘甘甜甜..蔗水d friend (不過冇蔗水咁甜）呢間野絕對有下次老闆娘態度10分親切好想試埋佢其他款嘅飯團啦
繼續閱讀
呢間位於荃灣華都中心商場的小店，雖然不起眼但食物質素真的有驚喜！原味肉鬆飯團 $30外表平平無奇，食第一啖就好味到大叫！飯團用上日本珍珠米，仲有勁多香菇肉鬆青瓜，配上沙律醬味道勁搭，而且超足料，好食到停唔到，jo好喜歡🥰.鰻魚玉子飯團 $45一樣好足料，大大條鰻魚配上玉子青瓜，鰻魚汁的份量又剛剛好，好好食👍🏻.露兜水 $20（細）$30（大）第一次見，原來露兜叫石菠蘿，係水果一種，不寒不涼，真係長知識！又未聽過又話係王牌獨家當然要試下，自家製無添加防腐劑及人做色素，選用天然草本材料 絕對係真材實料，用自家果糖煲，話可以解肝毒，jo飲落覺得味道有啲似竹蔗茅根不錯呀，幾啱而家又濕熱天氣，好解渴.蜜棗薏米檸檬水 加$10呢款自家飲品可以美顏清熱，岩哂愛美的jo😂第一次薏米水加檸檬，入口又不錯幾fresh..整體來講幾有驚喜，感覺係用心小店，店員又nice，飯團又大件又足料收工買好方便，食一件已經夠飽，兩支嘢飲都唔太甜又天然健康，如果經開附近滿推介買番屋企食👍🏻
繼續閱讀
近排成日會嚟到荃灣區，知道呢區特別多美食，經過見到有間手作飯糰🍙好吸引😍試吓主打飯團先😚小店主要製作飯糰、炒飯、手作腸粉，仲有清涼解渴水✨鰻魚玉子飯糰一見到有鰻魚既我心心眼就出嚟啦😍😍😍必定order，保鮮紙包包住厚實飯團，一打開裏面爆多材料有青瓜、酸瓜、鰻魚、滑蛋絲，加入香脆鰻魚同燒汁每一啖帶點甜味同埋其他材料都好夾，層次感好豐富，一件飯糰lunch box好飽肚盒裝包裝得好精緻唔怕食到周圍都係😍✨露兜水呢個名比較特別第一次聽，我就order左一支試吓，用咗10個鐘去提煉，純天然蔬果。飲落去有果香同蔬菜味帶少少甘甜，容易入口😋清熱、解肝毒同埋有滋潤功效✨❤️✨雪梨海底椰水雪梨夠晒甜海底椰水夾埋一齊簡直夠晒清淡解渴，仲有化痰止咳潤喉，啱晒依個時候飲用好健康
繼續閱讀
手作飯團簡直係打工仔嘅恩物，方便快捷，當早餐或者便當食都得！今日就係荃灣發掘到呢間小店，有驚喜❤️·🍙原味飯團 (HKD 30)飯團有成隻手掌咁大😯！餡料有菜脯、肉鬆、香酥、香菇、青瓜、生菜配沙律醬，超足料💕。飯團仲採用左日本珍珠米配飯素，食落黏潤有咬口，真係好好食呀😋感覺仲好健康添！·🥃露兜水 (HKD 20)見到露兜水覺得好好奇，因為未聽過係咩嚟🤣原來露兜果係水果嘅一種，仲有好多功效，可以清熱降火、解肝毒同補脾胃等等，岩哂都市人👍🏼飲落味道有d似低糖嘅竹蔗水，非常甘甜！·🍋蜜棗薏米檸水 (HKD 15)以前成日好怕飲健康嘅野飲因為覺得多數都好難飲，但呢到嘅飲品令我改觀！！味道飲落好Fresh！有d似柑桔檸檬嘅味道，係好好飲！而且仲有美顏、袪濕清熱功效❤️女士們要注意啦👆🏻疫情當下，大家都食多D健康嘅食物！注意身體健康呀💕-
繼續閱讀