日日面 (已搬遷) 新店位置

日日麵餐$45有：蘿蔔(好淋冇渣)牛腩(有南乳香味)大腸(很淋入味)豬皮(入口即溶)冬菇(大隻有咬口)豬頸肉(正常)今次走湯轉撈麵，多葱，沙爹汁，十分惹味，份量對男士來說都夠，$45 食到6個餸很難得。加杯凍OT$5, 茶夠濃，老闆仲添飲比我，很有人情味的小店。座位雖然不多，但都座得舒服，環境很乾淨。

今日剛巧有事要到長沙灣近蘇屋村果邊，好耐冇去過的地方，重建後，又變成和其他大型屋邨差不多的格局，很多連鎖式大型快餐店，和同事行左個圈。揾到間細細間既車仔麵店，兩個人於是決定試試，入到去見有個招牌麵$40有6個餸，啱晒啲有選擇困難症嘅人，但見到其他餸好似仲吸引，所以冇試到個6餸麵。我叫了雞翼、豆苗、春卷米加咖喱汁。車仔麵有豆苗真的少見，春卷都夠彈牙！同事叫了冬菇、牛腩、魚皮餃、豬大腸加辣汁。同事最鍾意係個冬菇，冬菇夠大粒，炆得夠入味，咬起來夠彈性，最後仲叫左個咖喱魷魚牛栢業，再加左辣汁。老闆見我地都食得辣，推介我哋食尖椒皮蛋，$28，即叫即整，d辣幾有層次，隻青椒真心辣。辣到飲曬杯凍檸茶都仲feel到辣。今餐大概$120元，都算平！

今日年初三，和女朋友係附近拜完年 ，見時間尚早 ，還可以堂食，呢頭附近又少食肆開，見到呢間車仔麵鋪， 過年竟然冇加價，抱住一試心態 ，結果出乎意料的好，我們二人， 叫了一個招牌麵（$40）6款餸、和一碗淨四餸（$37 ），外加一碟豬手作為小食，首先講下隻我揀左個秘制辣汁，真係辣度十足，很惹味，整體價錢便宜，但餸方面也很足料，冬菇大粒，厚身，一碟（$30）豬手都十分有誠意，件頭夠 ，入味得黎又夠淋下次可以再黎過